Read in తెలుగు / ಕನ್ನಡ / தமிழ் / देवनागरी / English (IAST)
ಅಥಾತ್ಮಾನಗ್ಂ (ಶಿವಾತ್ಮಾನಗ್ಂ) ಶ್ರೀರುದ್ರರೂಪಂ ಧ್ಯಾಯೇತ್ ॥
ಶುದ್ಧಸ್ಫಟಿಕಸಙ್ಕಾಶಂ ತ್ರಿನೇತ್ರಂ ಪಞ್ಚವಕ್ತ್ರಕಮ್ ।
ಗಙ್ಗಾಧರಂ ದಶಭುಜಂ ಸರ್ಪಾಭರಣಭೂಷಿತಮ್ ॥ [ಸರ್ವಾ]
ನೀಲಗ್ರೀವಂ ಶಶಾಙ್ಕಾಙ್ಕಂ ನಾಗಯಜ್ಞೋಪವೀತಿನಮ್ ।
ವ್ಯಾಘ್ರಚರ್ಮೋತ್ತರೀಯಂ ಚ ವರೇಣ್ಯಮಭಯಪ್ರದಮ್ ॥
ಕಮಣ್ಡಲ್ವಕ್ಷಸೂತ್ರಾಭ್ಯಾಮನ್ವಿತಂ ಶೂಲಪಾಣಿನಮ್ । [-ಣಾಂ ಧಾರಿಣಂ]
ಜ್ವಲನ್ತಂ ಪಿಙ್ಗಲಜಟಾ ಶಿಖಾಮಧ್ಯೋದಧಾರಿಣಮ್ ॥ [-ಮುದ್ಯೋತಕಾರಿಣಮ್]
ವೃಷಸ್ಕನ್ಧಸಮಾರೂಢಂ ಉಮಾದೇಹಾರ್ಧಧಾರಿಣಮ್ ।
ಅಮೃತೇನಾಪ್ಲುತಂ ಶಾನ್ತಂ ದಿವ್ಯಭೋಗಸಮನ್ವಿತಮ್ ॥
ದಿಗ್ದೇವತಾಸಮಾಯುಕ್ತಂ ಸುರಾಸುರನಮಸ್ಕೃತಮ್ ।
ನಿತ್ಯಂ ಚ ಶಾಶ್ವತಂ ಶುದ್ಧಂ ಧ್ರುವಮಕ್ಷರಮವ್ಯಯಮ್ ॥
ಸರ್ವವ್ಯಾಪಿನಮೀಶಾನಂ ರುದ್ರಂ ವೈ ವಿಶ್ವರೂಪಿಣಮ್ ।
ಏವಂ ಧ್ಯಾತ್ವಾ ದ್ವಿಜಃ ಸಮ್ಯಕ್ ತತೋ ಯಜನಮಾರಭೇತ್ ॥
(ಬೋಧಾಯನ-ಗೃಹ್ಯಸೂತ್ರಂ-೨.೧೮)
ಅಥಾತೋ ರುದ್ರಸ್ನಾನಾರ್ಚನ ವಿಧಿಂ ವ್ಯಾಖ್ಯಾಸ್ಯಾಮಃ ।
ಆದಿತ ಏವ ತೀರ್ಥೇ ಸ್ನಾತ್ವೋದೇತ್ಯಾಹತಂ ವಾಸಃ ಪರಿಧಾಯ ಶುಚಿಃ ಪ್ರಯತೋ ಬ್ರಹ್ಮಚಾರೀ ಶುಕ್ಲವಾಸಾಃ ಈಶನಸ್ಯ ಪ್ರತಿಕೃತಿಂ ಕೃತ್ವಾ ತಸ್ಯ ದಕ್ಷಿಣಪ್ರತ್ಯಗ್ದೇಶೇ ತನ್ಮುಖಃ ಸ್ಥಿತ್ವಾ ಆತ್ಮನಿ ದೇವತಾಃ ಸ್ಥಾಪಯೇತ್ ।
ಪ್ರಜನನೇ ಬ್ರಹ್ಮಾ ತಿಷ್ಠತು ।
ಪಾದಯೋರ್ವಿಷ್ಣುಸ್ತಿಷ್ಠತು ।
ಹಸ್ತಯೋರ್ಹರಸ್ತಿಷ್ಠತು ।
ಬಾಹ್ವೋರಿನ್ದ್ರಸ್ತಿಷ್ಠತು ।
ಜಠರೇ ಅಗ್ನಿಸ್ತಿಷ್ಠತು ।
(ಉದರೇ ಪೃಥಿವೀ ತಿಷ್ಠತು ।)
ಹೃದಯೇ ಶಿವಸ್ತಿಷ್ಠತು ।
ಕಣ್ಠೇ ವಸವಸ್ತಿಷ್ಠನ್ತು ।
ವಕ್ತ್ರೇ ಸರಸ್ವತೀ ತಿಷ್ಠತು ।
ನಾಸಿಕಯೋರ್ವಾಯುಸ್ತಿಷ್ಠತು ।
ನಯನಯೋಶ್ಚನ್ದ್ರಾದಿತ್ಯೌ ತಿಷ್ಠೇತಾಮ್ ।
ಕರ್ಣಯೋರಶ್ವಿನೌ ತಿಷ್ಠೇತಾಮ್ ।
ಲಲಾಟೇ ರುದ್ರಾಸ್ತಿಷ್ಠನ್ತು ।
ಮೂರ್ಧ್ನ್ಯಾದಿತ್ಯಾಸ್ತಿಷ್ಠನ್ತು ।
ಶಿರಸಿ ಮಹಾದೇವಸ್ತಿಷ್ಠತು ।
ಶಿಖಾಯಾಂ ವಾಮದೇವಸ್ತಿಷ್ಠತು ।
ಪೃಷ್ಠೇ ಪಿನಾಕೀ ತಿಷ್ಠತು ।
ಪುರತಃ ಶೂಲೀ ತಿಷ್ಠತು ।
ಪಾರ್ಶ್ವಯೋಃ ಶಿವಾಶಂಕರೌ ತಿಷ್ಠೇತಾಮ್ ।
ಸರ್ವತೋ ವಾಯುಸ್ತಿಷ್ಠತು ।
ತತೋ ಬಹಿಃ ಸರ್ವತೋಽಗ್ನಿಜ್ವಾಲಾಮಾಲಾಃ ಪರಿವೃತಸ್ತಿಷ್ಠತು ।
ಸರ್ವೇಷ್ವಙ್ಗೇಷು ಸರ್ವಾದೇವತಾ ಯಥಾಸ್ಥಾನಂ ತಿಷ್ಠನ್ತು ।
ಮಾಗ್ಂ ರಕ್ಷನ್ತು । (ಯಜಮಾನಗ್ಂ ರಕ್ಷನ್ತು)
ಅ॒ಗ್ನಿರ್ಮೇ॑ ವಾ॒ಚಿ ಶ್ರಿ॒ತಃ ।
ವಾಗ್ಘೃದ॑ಯೇ । ಹೃದ॑ಯಂ॒ ಮಯಿ॑ ।
ಅ॒ಹಮ॒ಮೃತೇ᳚ । ಅ॒ಮೃತಂ॒ ಬ್ರಹ್ಮ॑ಣಿ ।
ವಾ॒ಯುರ್ಮೇ᳚ ಪ್ರಾ॒ಣೇ ಶ್ರಿ॒ತಃ ।
ಪ್ರಾ॒ಣೋ ಹೃದ॑ಯೇ । ಹೃದ॑ಯಂ॒ ಮಯಿ॑ ।
ಅ॒ಹಮ॒ಮೃತೇ᳚ । ಅ॒ಮೃತಂ॒ ಬ್ರಹ್ಮ॑ಣಿ ।
ಸೂರ್ಯೋ॑ ಮೇ॒ ಚಕ್ಷು॑ಷಿ ಶ್ರಿ॒ತಃ ।
ಚಕ್ಷು॒ರ್ಹೃದ॑ಯೇ । ಹೃದ॑ಯಂ॒ ಮಯಿ॑ ।
ಅ॒ಹಮ॒ಮೃತೇ᳚ । ಅ॒ಮೃತಂ॒ ಬ್ರಹ್ಮ॑ಣಿ ।
ಚ॒ನ್ದ್ರಮಾ॑ ಮೇ॒ ಮನ॑ಸಿ ಶ್ರಿ॒ತಃ ।
ಮನೋ॒ ಹೃದ॑ಯೇ । ಹೃದ॑ಯಂ॒ ಮಯಿ॑ ।
ಅ॒ಹಮ॒ಮೃತೇ᳚ । ಅ॒ಮೃತಂ॒ ಬ್ರಹ್ಮ॑ಣಿ ।
ದಿಶೋ॑ ಮೇ॒ ಶ್ರೋತ್ರೇ᳚ ಶ್ರಿ॒ತಾಃ ।
ಶ್ರೋತ್ರ॒ಗ್ಂ॒ ಹೃದ॑ಯೇ । ಹೃದ॑ಯಂ॒ ಮಯಿ॑ ।
ಅ॒ಹಮ॒ಮೃತೇ᳚ । ಅ॒ಮೃತಂ॒ ಬ್ರಹ್ಮ॑ಣಿ ।
ಆಪೋ॑ ಮೇ॒ ರೇತ॑ಸಿ ಶ್ರಿ॒ತಾಃ ।
ರೇತೋ॒ ಹೃದ॑ಯೇ । ಹೃದ॑ಯಂ॒ ಮಯಿ॑ ।
ಅ॒ಹಮ॒ಮೃತೇ᳚ । ಅ॒ಮೃತಂ॒ ಬ್ರಹ್ಮ॑ಣಿ ।
ಪೃ॒ಥಿ॒ವೀ ಮೇ॒ ಶರೀ॑ರೇ ಶ್ರಿ॒ತಾ ।
ಶರೀ॑ರ॒ಗ್ಂ॒ ಹೃದ॑ಯೇ । ಹೃದ॑ಯಂ॒ ಮಯಿ॑ ।
ಅ॒ಹಮ॒ಮೃತೇ᳚ । ಅ॒ಮೃತಂ॒ ಬ್ರಹ್ಮ॑ಣಿ ।
ಓ॒ಷ॒ಧಿ॒ವ॒ನ॒ಸ್ಪ॒ತಯೋ॑ ಮೇ॒ ಲೋಮ॑ಸು ಶ್ರಿ॒ತಾಃ ।
ಲೋಮಾ॑ನಿ॒ ಹೃದ॑ಯೇ । ಹೃದ॑ಯಂ॒ ಮಯಿ॑ ।
ಅ॒ಹಮ॒ಮೃತೇ᳚ । ಅ॒ಮೃತಂ॒ ಬ್ರಹ್ಮ॑ಣಿ ।
ಇನ್ದ್ರೋ॑ ಮೇ॒ ಬಲೇ᳚ ಶ್ರಿ॒ತಃ ।
ಬಲ॒ಗ್ಂ॒ ಹೃದ॑ಯೇ । ಹೃದ॑ಯಂ॒ ಮಯಿ॑ ।
ಅ॒ಹಮ॒ಮೃತೇ᳚ । ಅ॒ಮೃತಂ॒ ಬ್ರಹ್ಮ॑ಣಿ ।
ಪ॒ರ್ಜನ್ಯೋ॑ ಮೇ ಮೂ॒ರ್ಧ್ನಿ ಶ್ರಿ॒ತಃ ।
ಮೂ॒ರ್ಧಾ ಹೃದ॑ಯೇ । ಹೃದ॑ಯಂ॒ ಮಯಿ॑ ।
ಅ॒ಹಮ॒ಮೃತೇ᳚ । ಅ॒ಮೃತಂ॒ ಬ್ರಹ್ಮ॑ಣಿ ।
ಈಶಾ॑ನೋ ಮೇ ಮ॒ನ್ಯೌ ಶ್ರಿ॒ತಃ ।
ಮ॒ನ್ಯುರ್ಹೃದ॑ಯೇ । ಹೃದ॑ಯಂ॒ ಮಯಿ॑ ।
ಅ॒ಹಮ॒ಮೃತೇ᳚ । ಅ॒ಮೃತಂ॒ ಬ್ರಹ್ಮ॑ಣಿ ।
ಆ॒ತ್ಮಾ ಮ॑ ಆ॒ತ್ಮನಿ॑ ಶ್ರಿ॒ತಃ ।
ಆ॒ತ್ಮಾ ಹೃದ॑ಯೇ । ಹೃದ॑ಯಂ॒ ಮಯಿ॑ ।
ಅ॒ಹಮ॒ಮೃತೇ᳚ । ಅ॒ಮೃತಂ॒ ಬ್ರಹ್ಮ॑ಣಿ ।
ಪುನ॑ರ್ಮ ಆ॒ತ್ಮಾ ಪುನ॒ರಾಯು॒ರಾಗಾ᳚ತ್ ।
ಪುನ॑: ಪ್ರಾ॒ಣಃ ಪುನ॒ರಾಕೂ॑ತ॒ಮಾಗಾ᳚ತ್ ।
ವೈ॒ಶ್ವಾ॒ನ॒ರೋ ರ॒ಶ್ಮಿಭಿ॑ರ್ವಾವೃಧಾ॒ನಃ ।
ಅ॒ನ್ತಸ್ತಿ॑ಷ್ಠತ್ವ॒ಮೃತ॑ಸ್ಯ ಗೋ॒ಪಾಃ ॥
(* ಅಗ್ನಿರ್ವಾಯುಃ ಸೂರ್ಯಶ್ಚನ್ದ್ರಮಾ ದಿಶ ಆಪಃ ಪೃಥಿವ್ಯೋಷಧಿವನಸ್ಪತಯ ಇನ್ದ್ರಃ ಪರ್ಜನ್ಯ ಈಶನ ಆತ್ಮಾ ಪುನರ್ಮೇ ತ್ರಯೋದಶ *)
ಏವಂ ಯಥಾಲಿಙ್ಗಮಙ್ಗಾನಿ ಸಂಮೃಜ್ಯ ।
గమనిక : రాబోయే మహాశివరాత్రి సందర్భంగా "శ్రీ శివ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
