Read in తెలుగు / ಕನ್ನಡ / தமிழ் / देवनागरी / English (IAST)
ಅಥ ಶಿವಸಙ್ಕಲ್ಪಾಃ ॥
ಯೇನೇ॒ದಂ ಭೂ॒ತಂ ಭುವ॑ನಂ ಭವಿ॒ಷ್ಯತ್ ಪರಿ॑ಗೃಹೀತಮ॒ಮೃತೇ॑ನ॒ ಸರ್ವ᳚ಮ್ ।
ಯೇನ॑ ಯ॒ಜ್ಞಸ್ತಾ॑ಯತೇ ಸ॒ಪ್ತಹೋ॑ತಾ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೧
// (ಶು.ಯ.ವೇ.೩೪-೪, ಋ.ವೇ.ಖಿ.೪-೧೧-೬) ಯೇನ, ಇದಂ, ಭೂತಂ, ಭುವನಂ, ಭವಿಷ್ಯತ್, ಪರಿ-ಗೃಹೀತಂ, ಅಮೃತೇನ, ಸರ್ವಂ, ಯೇನ, ಯಜ್ಞಃ, ತಾಯತೇ, ಸಪ್ತಹೋತಃ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಯೇನ॒ ಕರ್ಮಾ॑ಣಿ ಪ್ರ॒ಚರ॑ನ್ತಿ॒ ಧೀರಾ॒ ಯತೋ॑ ವಾ॒ಚಾ ಮನ॑ಸಾ॒ ಚಾರು॒ಯನ್ತಿ॑ ।
ಯತ್ಸಮ್ಮಿ॑ತಂ॒ ಮನ॑: ಸ॒ಞ್ಚರ॑ನ್ತಿ॒ ಪ್ರಾ॒ಣಿನ॒ಸ್ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೨
// ಯೇನ, ಕರ್ಮಾಣಿ, ಪ್ರಚರನ್ತಿ, ಧೀರಾಃ, ಯತೋ, ವಾಚಾ, ಮನಸಾ, ಚಾರುಯನ್ತಿ, ಯತ್, ಸಮ್ಮಿತಂ, ಮನಃ, ಸಂಚರನ್ತಿ, ಪ್ರಾಣಿನಃ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಯೇನ॒ ಕರ್ಮಾ᳚ಣ್ಯ॒ಪಸೋ॑ ಮನೀ॒ಷಿಣೋ॑ ಯ॒ಜ್ಞೇ ಶೃ॑ಣ್ವನ್ತಿ ವಿ॒ದಥೇ॑ಷು॒ ಧೀರಾ᳚: ।
ಯದ॑ಪೂ॒ರ್ವಂ ಯಕ್ಷ॒ಮನ್ತ॑: ಪ್ರ॒ಜಾನಾಂ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೩
// ಯೇನ, ಕರ್ಮಾಣಿ, ಅಪಸೋ, ಮನೀಷಿಣೋ, ಯಜ್ಞೇ, ಶೃಣ್ವನ್ತಿ, ವಿದಥೇಷು, ಧೀರಾಃ, ಯತ್, ಅಪೂರ್ವಂ, ಯಕ್ಷಮನ್ತಂ, ಪ್ರಜಾನಾಂ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಯತ್ಪ್ರ॒ಜ್ಞಾನ॑ಮು॒ತ ಚೇತೋ॒ ಧೃತಿ॑ಶ್ಚ॒ ಯಜ್ಜ್ಯೋತಿ॑ರ॒ನ್ತರ॒ಮೃತಂ॑ ಪ್ರ॒ಜಾಸು॑ ।
ಯಸ್ಮಾ॒ನ್ನ ಋ॒ತೇ ಕಿಂ ಚ॒ ನ ಕರ್ಮ॑ ಕ್ರಿ॒ಯತೇ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೪
// ಯತ್, ಪ್ರ-ಜ್ಞಾನಂ, ಉತ, ಚೇತೋ, ಧೃತಿಃ, ಚ, ಯತ್, ಜ್ಯೋತಿಃ, ಅನ್ತಃ, ಅಮೃತಂ, ಪ್ರಜಾಸು, ಯಸ್ಮಾನ್, ನ, ಋತೇ, ಕಿಂ, ಚ, ನ, ಕರ್ಮ, ಕ್ರಿಯತೇ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಸು॒ಷಾ॒ರ॒ಥಿರಶ್ವಾ॑ನಿವ॒ ಯನ್ಮ॑ನು॒ಷ್ಯಾ᳚ನ್ನೇನೀ॒ಯತೇ॑ಽಭೀ॒ಶುಭಿ॑ರ್ವಾ॒ಜಿನ॑ ಇವ ।
ಹೃ॒ತ್ಪ್ರ॒ತಿ॒ಷ್ಠಂ ಯದಚ॑ರಂ॒ ಜವಿ॑ಷ್ಠಂ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೫
// (ಶು.ಯ.ವೇ.೩೪-೬, ಋ.ವೇ.ಖಿ.೪-೧೧-೬) ಸು-ಸಾರಥಿಃ, ಅಶ್ವಾನ್, ಇವ, ಯತ್, ಮನುಷ್ಯಾನ್, ನೇನೀಯತೇ, ಅಭೀಶು-ಭಿಃ, ವಾಜಿನಃ, ಇವ, ಹೃತ್-ಪ್ರತಿಷ್ಠಂ, ಯತ್, ಅಜಿತಂ, ಜವಿಷ್ಠಂ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಯಸ್ಮಿ॒ನ್ನೃಚ॒: ಸಾಮ॒ ಯಜೂಗ್ಂ॑ಷಿ॒ ಯಸ್ಮಿ॒ನ್ ಪ್ರತಿ॑ಷ್ಠಿತಾ ರಥನಾ॒ಭಾವಿ॑ವಾ॒ರಾಃ ।
ಯಸ್ಮಿಗ್ಗ್॑ಶ್ಚಿ॒ತ್ತಗ್ಂ ಸರ್ವ॒ಮೋತಂ॑ ಪ್ರ॒ಜಾನಾಂ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೬
// (ಶು.ಯ.ವೇ.೩೪-೫, ಋ.ವೇ.ಖಿ.೪-೧೧-೫) ಯಸ್ಮಿನ್, ಋಚಃ, ಸಾಮ, ಯಜೂಂಷಿ, ಯಸ್ಮಿನ್, ಪ್ರತಿಷ್ಠಿತಾ, ರಥನಾಭೌ, ಇವ, ಅರಾಃ, ಯಸ್ಮಿನ್, ಚಿತ್ತಂ, ಸರ್ವಂ, ಆ-ಉತಂ, ಪ್ರ-ಜನಾಂ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಯದತ್ರ॑ ಷ॒ಷ್ಠಂ ತ್ರಿ॒ಶತಗ್ಂ॑ ಸು॒ವೀರ್ಯಂ॑ ಯ॒ಜ್ಞಸ್ಯ॑ ಗು॒ಹ್ಯಂ ನವ॑ನಾವ॒ ಮಾಯ್ಯ᳚ಮ್ ।
ದಶ॑ ಪಞ್ಚ ತ್ರಿ॒ಗ್ಂ॒ಶತಂ॒ ಯತ್ಪ॑ರಂ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೭
// ಯತ್, ಅತ್ರ, ಷಷ್ಠಂ, ತ್ರಿಶತಂ, ಸು-ವೀರ್ಯಂ, ಯಜ್ಞಸ್ಯ, ಗುಹ್ಯಂ, ನವ-ನಾವ, ಮಾಯ್ಯಂ, ದಶ, ಪಞ್ಚ, ತ್ರಿಂಶತಂ, ಯತ್, ಪರಂ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಯಜ್ಜಾಗ್ರ॑ತೋ ದೂ॒ರಮು॒ದೈತಿ॒ ಸರ್ವಂ॒ ತಥ್ಸು॒ಪ್ತಸ್ಯ॑ ತಥೈ॒ವೈತಿ॑ ।
ದೂ॒ರಂ॒ ಗ॒ಮಂ ಜ್ಯೋತಿ॑ಷಾಂ॒ ಜ್ಯೋತಿ॒ರೇಕಂ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೮
// ಯತ್, ಜಾಗ್ರತಃ, ದೂರಂ, ಉತ್-ಐತಿ, ದೈವಂ, ತತ್, ಊಂ, ಸುಪ್ತಸ್ಯ, ತಥಾ, ಏವ, ಏತಿ, ದೂರಂ-ಗಮಂ, ಜ್ಯೋತಿಷಾಂ, ಜ್ಯೋತಿಃ ಏಕಂ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಯೇನೇ॒ದಂ ವಿಶ್ವಂ॒ ಜಗ॑ತೋ ಬ॒ಭೂವ॑ ಯೇ ದೇ॒ವಾಪಿ॑ ಮಹ॒ತೋ ಜಾ॒ತವೇ॑ದಾಃ ।
ತದೇ॒ವಾಗ್ನಿಸ್ತದ್ವಾ॒ಯುಸ್ತತ್ಸೂರ್ಯ॒ಸ್ತದು॑ಚ॒ನ್ದ್ರಮಾ॒ಸ್ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೯
// ಯೇನ, ಇದಂ, ವಿಶ್ವಂ, ಜಗತಃ, ಬಭೂವ, ಯೇ, ದೇವಾ, ಅಪಿ, ಮಹತೋ, ಜಾತವೇದಾಃ, ತತ್, ಏವ, ಅಗ್ನಿಃ, ತತ್, ವಾಯುಃ, ತತ್, ಸೂರ್ಯಃ, ತತ್, ?, ಚನ್ದ್ರಮಾಃ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಯೇನ॒ ದ್ಯೌಃ ಪೃ॑ಥಿ॒ವೀ ಚಾ॒ನ್ತರಿ॑ಕ್ಷಂ ಚ॒ ಯೇ ಪರ್ವ॑ತಾಃ ಪ್ರ॒ದಿಶೋ॒ ದಿಶ॑ಶ್ಚ ।
ಯೇನೇ॒ದಂ ಜಗ॒ದ್ವ್ಯಾಪ್ತಂ॑ ಪ್ರ॒ಜಾನಾಂ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೧೦
// ಯೇನ, ದ್ಯೌಃ, ಪೃಥಿವೀ, ಚ, ಅನ್ತರಿಕ್ಷಂ, ಚ, ಯೇ, ಪರ್ವತಾಃ, ಪ್ರ-ದಿಶೋ, ದಿಶಃ, ಚ, ಯೇನ, ಇದಂ, ಜಗತ್, ವ್ಯಾಪ್ತಂ, ಪ್ರಜಾನಾಂ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಯೇ ಮ॑ನೋ॒ ಹೃದ॑ಯಂ॒ ಯೇ ಚ॑ ದೇ॒ವಾ ಯೇ ದಿ॒ವ್ಯಾ ಆಪೋ॒ ಯೇ ಸೂ᳚ರ್ಯರ॒ಶ್ಮಿಃ ।
ಯೇ ಶ್ರೋತ್ರೇ॒ ಚಕ್ಷು॑ಷೀ ಸ॒ಞ್ಚರ॑ನ್ತಂ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೧೧
// ಯೇ, ಮನಃ, ಹೃದಯಂ, ಯೇ, ಚ, ದೇವಾ, ಯೇ, ದಿವ್ಯಾ, ಆಪಃ, ಯೇ, ಸೂರ್ಯ-ರಶ್ಮಿಃ, ಯೇ, ಶ್ರೋತ್ರೇ, ಚಕ್ಷುಷೀ, ಸಂಚರನ್ತಂ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಅಚಿ॑ನ್ತ್ಯಂ॒ ಚಾಪ್ರ॑ಮೇಯಂ॒ ಚ॒ ವ್ಯ॒ಕ್ತಾ॒ವ್ಯಕ್ತ॑ಪರಂ॒ ಚ ಯ॑ತ್ ।
ಸೂಕ್ಷ್ಮಾ᳚ತ್ಸೂಕ್ಷ್ಮತ॑ರಂ ಜ್ಞೇ॒ಯಂ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೧೨
// ಅ-ಚಿನ್ತ್ಯಂ, ಚ, ಅ-ಪ್ರಮೇಯಂ, ಚ, ವ್ಯಕ್ತ, ಅ-ವ್ಯಕ್ತ, ಪರಂ, ಚ, ಯತ್, ಸೂಕ್ಷ್ಮಾತ್, ಸೂಕ್ಷ್ಮತರಂ, ಜ್ಞೇಯಂ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಏಕಾ॑ ಚ ದ॒ಶ ಶ॒ತಂ ಚ॑ ಸ॒ಹಸ್ರಂ॑ ಚಾ॒ಯುತಂ॑ ಚ ನಿ॒ಯುತಂ॑ ಚ ಪ್ರ॒ಯುತಂ॒ ಚಾರ್ಬು॑ದಂ ಚ॒ ನ್ಯ॑ರ್ಬುದಂ ಚ॒
ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೧೩
// ಏಕಾ, ಚ, ದಶ, ಶತಂ, ಚ, ಸಹಸ್ರಂ, ಚ, ಅಯುತಂ, ಚ, ನಿಯುತಂ, ಚ, ಪ್ರಯುತಂ, ಚ, ಅರ್ಬುದಂ, ಚ, ನ್ಯರ್ಬುದಂ, ಚ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಯೇ ಪ॑ಞ್ಚ ಪ॒ಞ್ಚಾದ॒ಶ ಶ॒ತಗ್ಂ॑ ಸ॒ಹಸ್ರ॑ಮ॒ಯುತಂ॒ ನ್ಯ॑ರ್ಬುದಂ ಚ ।
ತೇ ಅ॑ಗ್ನಿ ಚಿ॒ತ್ತೇಷ್ಟ॑ಕಾ॒ಸ್ತಾಗ್ಂ ಶರೀ॑ರಂ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೧೪
// ಯೇ, ಪಞ್ಚ, ಪಞ್ಚಾದಶ, ಶತಂ, ಸಹಸ್ರಂ, ಅಯುತಂ, ನ್ಯರ್ಬುದಂ, ಚ, ತೇ, ಅಗ್ನಿಃ, ಚಿತ್ತ, ಇಷ್ಟಕಾಃ, ತಾಂ, ಶರೀರಂ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ವೇದಾ॒ಹಮೇ॒ತಂ ಪುರು॑ಷಂ ಮ॒ಹಾನ್ತ॑ಮಾದಿ॒ತ್ಯವ॑ರ್ಣಂ॒ ತಮ॑ಸ॒: ಪರ॑ಸ್ತಾತ್ ।
ಯಸ್ಯ॒ ಯೋನಿಂ॒ ಪರಿ॒ಪಶ್ಯ॑ನ್ತಿ॒ ಧೀರಾ॒ಸ್ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೧೫
// ವೇದಾಹಮೇತಂ, ಪುರುಷಂ, ಮಹಾನ್, ತಂ, ಆದಿತ್ಯವರ್ಣಂ, ತಮಸಃ, ಪರಃ, ತಾತ್, ಯಸ್ಯ, ಯೋನಿಂ, ಪರಿ-ಪಶ್ಯನ್ತಿ, ಧೀರಾಃ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಯಸ್ಯೈ॒ತಂ ಧೀರಾ᳚: ಪು॒ನನ್ತಿ॑ ಕ॒ವಯೋ᳚ ಬ್ರ॒ಹ್ಮಾಣ॑ಮೇ॒ತಂ ತ್ವಾ॑ ವೃಣುತ॒ಮಿನ್ದು᳚ಮ್ ।
ಸ್ಥಾ॒ವ॒ರಂ ಜಙ್ಗ॑ಮಂ॒ ದ್ಯೌರಾ॑ಕಾ॒ಶಂ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೧೬
// ಯಸ್ಯ, ಏತಂ, ಧೀರಾಃ, ಪುನನ್ತಿ, ಕವಯಃ, ಬ್ರಹ್ಮಾಣಂ, ಏತಂ, ತ್ವಾ, ವೃಣುತಂ, ಇನ್ದುಂ, ಸ್ಥಾವರಂ, ಜಙ್ಗಮಂ, ದ್ಯೌಃ, ಆಕಾಶಂ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಪರಾ᳚ತ್ಪ॒ರತ॑ರಂ ಚೈ॒ವ॒ ತ॒ತ್ಪರಾ᳚ಚ್ಚೈವ॒ ಯತ್ಪ॑ರಮ್ ।
ಯತ್ಪರಾ॒ತ್ಪರ॑ತೋ ಜ್ಞೇ॒ಯಂ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೧೭
// ಪರಾತ್, ಪರತರಂ, ಚ, ಇವ, ತತ್, ಪರಾತ್, ಚ, ಇವ, ಯತ್, ಪರಂ, ಯತ್, ಪರಾತ್, ಪರತಃ, ಜ್ಞೇಯಂ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಪರಾ᳚ತ್ಪ॒ರತ॑ರಂ ಬ್ರ॒ಹ್ಮ॒ ತ॒ತ್ಪರಾ᳚ತ್ಪರ॒ತೋ ಹರಿ॑: ।
ಯತ್ಪರಾ॒ತ್ಪರ॑ತೋಽಧೀ॒ಶಂ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೧೮
// ಪರಾತ್, ಪರತರಂ, ಬ್ರಹ್ಮ, ತತ್, ಪರಾತ್, ಪರತಃ, ಹರಿಃ, ಯತ್, ಪರಾತ್, ಪರತಃ, ಅಧೀಶಂ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಯಾ ವೇದಾದಿಷು॑ ಗಾಯ॒ತ್ರೀ ಸ॒ರ್ವವ್ಯಾ॑ಪೀ ಮಹೇ॒ಶ್ವ॑ರೀ ।
ಋಗ್ಯ॑ಜು॒: ಸಾಮಾ॑ಥರ್ವೈ॒ಶ್ಚ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೧೯
// ಯಾ, ವೇದಾದಿಷು, ಗಾಯತ್ರೀ, ಸರ್ವ-ವ್ಯಾಪೀ, ಮಹೇಶ್ವರೀ, ಋಕ್, ಯಜುಃ, ಸಾಮ, ಅಥರ್ವೈಃ, ಚ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಯೋ ವೈ॑ ದೇ॒ವಂ ಮ॑ಹಾದೇ॒ವಂ॒ ಪ್ರ॒ಯತ॑: ಪ್ರಣ॒ವಃ ಶುಚಿ॑: ।
ಯಃ ಸರ್ವೇ॑ ಸರ್ವ॑ವೇದಾ॒ಶ್ಚ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೨೦
// ಯಃ, ವೈ, ದೇವಂ, ಮಹಾ-ದೇವಂ, ಪ್ರಯತಃ, ಪ್ರಣವಃ, ಶುಚಿಃ, ಯಃ, ಸರ್ವೇ, ಸರ್ವ-ವೇದಾಃ, ಚ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಪ್ರಯ॑ತ॒: ಪ್ರಣ॑ವೋಂಕಾ॒ರಂ॒ ಪ್ರ॒ಣವಂ॑ ಪುರು॒ಷೋತ್ತ॑ಮಮ್ ।
ಓಂಕಾರಂ॒ ಪ್ರಣ॑ವಾತ್ಮಾ॒ನಂ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೨೧
// ಪ್ರ-ಯತಃ, ಪ್ರಣವ, ಓಂಕಾರಂ, ಪ್ರಣವಂ, ಪುರುಷ-ಉತ್ತಮಂ, ಓಂಕಾರಂ, ಪ್ರಣವ-ಆತ್ಮಾನಂ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಯೋಽಸೌ॑ ಸ॒ರ್ವೇಷು॑ ವೇದೇ॒ಷು॒ ಪಠ್ಯತೇ᳚ ಹ್ಯಯ॒ಮೀಶ್ವ॑ರಃ ।
ಅ॒ಕಾ॒ಯೋ ನಿರ್ಗು॑ಣೋ ಹ್ಯಾ॒ತ್ಮಾ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೨೨
// ಯಃ, ಅಸೌ, ಸರ್ವೇಷು, ವೇದೇಷು, ಪಠ್ಯತೇ, ಹಿ, ಅಯಂ, ಈಶ್ವರಃ, ಅಕಾಯೋ, ನಿರ್ಗುಣೋ, ಹಿ, ಆತ್ಮಾ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಗೋಭಿ॒ರ್ಜುಷ್ಟಂ॒ ಧನೇ॑ನ॒ ಹ್ಯಾಯು॑ಷಾ ಚ॒ ಬಲೇ॑ನ ಚ ।
ಪ್ರ॒ಜಯಾ॑ ಪ॒ಶುಭಿ॑: ಪುಷ್ಕರಾ॒ಕ್ಷಂ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೨೩
// ಗೋಭಿಃ, ಜುಷ್ಟಂ, ಧನೇನ, ಹಿ, ಆಯುಷಾ, ಚ, ಬಲೇನ, ಚ, ಪ್ರಜಯಾ, ಪಶುಭಿಃ, ಪುಷ್ಕರ-ಅಕ್ಷಂ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ತ್ರ್ಯ॑ಮ್ಬಕಂ ಯಜಾಮಹೇ ಸುಗ॒ನ್ಧಿಂ ಪು॑ಷ್ಟಿ॒ವರ್ಧ॑ನಮ್ ।
ಉ॒ರ್ವಾ॒ರು॒ಕಮಿ॑ವ॒ ಬನ್ಧ॑ನಾನ್ಮೃ॒ತ್ಯೋರ್ಮು॑ಕ್ಷೀಯ॒ ಮಾಽಮೃತಾ॒ತ್ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೨೪
// ತ್ರಿ, ಅಮ್ಬಕಂ, ಯಜಾಮಹೇ, ಸುಗನ್ಧಿಂ, ಪುಷ್ಟಿ-ವರ್ಧನಂ, ಉರ್ವಾರುಕಂ, ಇವ, ಬನ್ಧನಾತ್, ಮೃತ್ಯೋಃ, ಮುಕ್ಷೀಯ, ಮಾ, ಅಮೃತಾತ್, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಕೈಲಾ॑ಸ॒ಶಿಖ॑ರೇ ರ॒ಮ್ಯೇ॒ ಶ॒ಙ್ಕರ॑ಸ್ಯ ಶಿ॒ವಾಲ॑ಯೇ ।
ದೇ॒ವತಾ᳚ಸ್ತತ್ರ॑ ಮೋದ॒ನ್ತಿ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೨೫
// ಕೈಲಾಸ-ಶಿಖರೇ, ರಮ್ಯೇ, ಶಙ್ಕರಸ್ಯ, ಶಿವಾಲಯೇ, ದೇವತಾಃ, ತತ್ರ, ಮೋದನ್ತಿ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಕೈಲಾ॑ಸ॒ಶಿಖ॑ರಾವಾ॒ಸಾ ಹಿ॒ಮವ॑ದ್ಗಿರಿ॒ಸಂಸ್ಥಿ॑ತಮ್ । [ಕನ್ಯ॑ಯಾ]
ನೀ॒ಲ॒ಕ॒ಣ್ಠಂ ತ್ರಿ॑ಣೇತ್ರಂ॒ ಚ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೨೬
// ಕೈಲಾಸ-ಶಿಖರ-ಆವಾಸ, ಹಿಮವತ್, ಗಿರಿ-ಸಂಸ್ಥಿತಂ, ನೀಲ-ಕಣ್ಠಂ, ತ್ರಿ-ನೇತ್ರಂ, ಚ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ವಿ॒ಶ್ವತ॑ಶ್ಚಕ್ಷುರು॒ತ ವಿ॒ಶ್ವತೋ॑ ಮುಖೋ ವಿ॒ಶ್ವತೋ॑ ಹಸ್ತ ಉ॒ತ ವಿ॒ಶ್ವತ॑ಸ್ಪಾತ್ ।
ಸಂ ಬಾ॒ಹುಭ್ಯಾಂ॒ ನಮ॑ತಿ॒ ಸಂಪತ॑ತ್ರೈ॒ರ್ದ್ಯಾವಾ॑ಪೃಥಿ॒ವೀ ಜ॒ನಯ॑ನ್ದೇ॒ವ ಏಕ॒ಸ್ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೨೭
// ವಿಶ್ವತಃ, ಚಕ್ಷುಃ, ಉತ, ವಿಶ್ವತಃ, ಮುಖಃ, ವಿಶ್ವತಃ, ಹಸ್ತ, ಉತ, ವಿಶ್ವತಃ, ಪಾತ್, ಸಂ, ಬಾಹುಭ್ಯಾಂ, ನಮತಿ, ಸಮ್ಪತತ್, ತ್ರೈಃ, ದ್ಯಾವಾ, ಪೃಥಿವೀ, ಜನಯನ್, ದೇವಾ, ಏಕಃ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಚ॒ತುರೋ॑ ವೇ॒ದಾನ॑ಧೀಯೀ॒ತ॒ ಸ॒ರ್ವಶಾ᳚ಸ್ತ್ರಮ॒ಯಂ ವಿದು॑: ।
ಇತಿ॑ಹಾ॒ಸ ಪು॑ರಾಣಾ॒ನಾಂ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೨೮
// ಚತುರಃ, ವೇದಾನ್, ಅಧೀಯೀತ, ಸರ್ವ-ಶಾಸ್ತ್ರಮಯಂ, ವಿದುಃ, ಇತಿಹಾಸ, ಪುರಾಣಾನಾಂ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಮಾ ನೋ॑ ಮ॒ಹಾನ್ತ॑ಮು॒ತ ಮಾ ನೋ॑ ಅರ್ಭ॒ಕಂ ಮಾ ನ॒ ಉಕ್ಷ॑ನ್ತಮು॒ತ ಮಾ ನ॑ ಉಕ್ಷಿ॒ತಮ್ ।
ಮಾನೋ॑ಽವಧೀಃ ಪಿ॒ತರಂ॒ ಮೋತಮಾ॒ತರಂ॑ ಪ್ರಿ॒ಯಾಮಾನ॑ಸ್ತ॒ನುವೋ॑ ರುದ್ರ ರೀರಿಷ॒ಸ್ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೨೯
// ಮಾ, ನಃ, ಮಹಾನ್ತಂ, ಉತ, ಮಾ, ನಃ, ಅರ್ಭಕಂ, ಮಾ, ನಃ, ಉಕ್ಷನ್ತಂ, ಉತ, ಮಾ, ನಃ, ಉಕ್ಷಿತಂ, ಮಾ, ನಃ, ವಧೀಃ, ಪಿತರಂ, ಮಾ, ಉತ, ಮಾತರಂ, ಪ್ರಿಯಾಃ, ಮಾ, ನಃ, ತನುವಃ, ರುದ್ರ, ರೀರಿಷಃ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಮಾನ॑ಸ್ತೋ॒ಕೇ ತನ॑ಯೇ॒ ಮಾ ನ॒ ಆಯು॑ಷಿ॒ ಮಾ ನೋ॒ ಗೋಷು॒ ಮಾ ನೋ॒ ಅಶ್ವೇ॑ಷು ರೀರಿಷಃ ।
ವೀ॒ರಾನ್ಮಾನೋ॑ ರುದ್ರ ಭಾಮಿ॒ತೋ ವ॑ಧೀರ್ಹ॒ವಿಷ್ಮ॑ನ್ತೋ॒ ನಮ॑ಸಾ ವಿಧೇಮತೇ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೩೦
// ಮಾ, ನಃ, ತೋಕೇ, ತನಯೇ, ಮಾ, ನಃ, ಆಯುಷಿ, ಮಾ, ನಃ, ಗೋಷು, ಮಾ, ನಃ, ಅಶ್ವೇಷು, ರೀರಿಷಃ, ವೀರಾನ್, ಮಾ, ನಃ, ರುದ್ರ, ಭಾಮಿತಃ, ವಧೀಃ, ಹವಿಷ್ಮನ್ತಃ, ನಮಸಾ, ವಿಧೇಮ, ತೇ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಋ॒ತಗ್ಂ ಸ॒ತ್ಯಂ ಪ॑ರಂ ಬ್ರ॒ಹ್ಮ॒ ಪು॒ರುಷಂ॑ ಕೃಷ್ಣ॒ಪಿಙ್ಗ॑ಲಮ್ ।
ಊ॒ರ್ಧ್ವರೇ॑ತಂ ವಿ॑ರೂಪಾ॒ಕ್ಷಂ॒ ವಿ॒ಶ್ವರೂ॑ಪಾಯ॒ ವೈ ನಮೋ॒ ನಮ॒ಸ್ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೩೧
// ಋತಂ, ಸತ್ಯಂ, ಪರಂ, ಬ್ರಹ್ಮ, ಪುರುಷಂ, ಕೃಷ್ಣ-ಪಿಙ್ಗಲಂ, ಊರ್ಧ್ವಂ, ಏತಂ, ವಿರೂಪ-ಅಕ್ಷಂ, ವಿಶ್ವ-ರೂಪಾಯ, ವೈ, ನಮಃ, ನಮಃ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಕದ್ರು॒ದ್ರಾಯ॒ ಪ್ರಚೇ॑ತಸೇ ಮೀ॒ಢುಷ್ಟ॑ಮಾಯ॒ ತವ್ಯ॑ಸೇ ।
ವೋ॒ಚೇಮ॒ ಶನ್ತ॑ಮಗ್ಂ ಹೃ॒ದೇ ।
ಸರ್ವೋ॒ ಹ್ಯೇ॑ಷ ರು॒ದ್ರಸ್ತಸ್ಮೈ॑ ರು॒ದ್ರಾಯ॒ ನಮೋ॑ ಅಸ್ತು॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೩೨
// ಕತ್, ರುದ್ರಾಯ, ಪ್ರ-ಚೇತಸೇ, ಮೀಢುಃ-ತಮಾಯ, ತವ್ಯಸೇ, ವಃ, ಚೇಮ, ಶಂ-ತಮಂ, ಹೃದೇ, ಸರ್ವಃ, ಹಿ, ಏಷಃ, ರುದ್ರಃ, ತಸ್ಮೈ, ರುದ್ರಾಯ, ನಮಃ, ಅಸ್ತು, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಬ್ರಹ್ಮ॑ಜಜ್ಞಾ॒ನಂ ಪ್ರ॑ಥ॒ಮಂ ಪು॒ರಸ್ತಾ॒ದ್ವಿಸೀ॑ಮ॒ತಃ ಸು॒ರುಚೋ॑ ವೇ॒ನ ಆ॑ವಃ ।
ಸ ಬು॒ಧ್ನಿಯಾ॑ ಉಪ॒ಮಾ ಅ॑ಸ್ಯ ವಿ॒ಷ್ಠಾಃ ಸ॒ತಶ್ಚ॒ ಯೋನಿ॒ಮಸ॑ತಶ್ಚ॒ ವಿವ॒ಸ್ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೩೩
// ಬ್ರಹ್ಮಜತ್, ಜ್ಞಾನಂ, ಪ್ರಥಮಂ, ಪುರಸ್ತಾತ್, ವಿ-ಸೀಮತಃ, ಸು-ರುಚೋ, ವ, ಏನ, ಆವಃ, ಸ, ಬುಧ್ನಿಯಾ, ಉಪಮಾ, ಅಸ್ಯ, ವಿಷ್ಠಾಃ, ಸತಃ, ಚ, ಯೋನಿಂ, ಅ-ಸತಃ, ಚ, ವಿವಃ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಯಃ ಪ್ರಾ॑ಣ॒ತೋ ನಿ॑ಮಿಷ॒ತೋ ಮ॑ಹಿ॒ತ್ವೈಕ॒ ಇದ್ರಾಜಾ॒ ಜಗ॑ತೋ ಬ॒ಭೂವ॑ ।
ಯ ಈಶೇ॑ ಅ॒ಸ್ಯ ದ್ವಿ॒ಪದ॒ಶ್ಚತು॑ಷ್ಪದ॒: ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೩೪
// (ತೈ.ಸಂ.೪-೧-೮.೩೨) ಯಃ, ಪ್ರ-ಅನತಃ, ನಿ-ಮಿಷತಃ, ಮಹಿ-ತ್ವಾ, ಏಕಃ, ಇತ್, ರಾಜಾ, ಜಗತ್ಃ, ಬಭೂವ, ಯಃ, ಈಶೇ, ಅಸ್ಯ, ದ್ವಿ-ಪದಃ, ಚತುಃ-ಪದಃ, ಕಸ್ಮೈ, ದೇವಾಯ, ಹವಿಷಾ, ವಿಧೇಮ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಯ ಆ᳚ತ್ಮ॒ದಾ ಬ॑ಲ॒ದಾ ಯಸ್ಯ॒ ವಿಶ್ವ॑ ಉ॒ಪಾಸ॑ತೇ ಪ್ರ॒ಶಿಷಂ॒ ಯಸ್ಯ॑ ದೇ॒ವಾಃ ।
ಯಸ್ಯ॑ ಛಾ॒ಯಾಽಮೃತಂ॒ ಯಸ್ಯ॑ ಮೃ॒ತ್ಯುಃ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೩೫
// (ತೈ.ಸಂ.೪-೧-೮.೩೨) ಯಃ, ಆತ್ಮ-ದಾಃ, ಬಲ-ದಾಃ, ಯಸ್ತ, ವಿಶ್ವೇ, ಉಪ-ಆಸತೇ, ಪ್ರ-ಶಿಷಂ, ಯಸ್ಯ, ದೇವಾಃ, ಯಸ್ಯ, ಛಾಯಾ, ಅಮೃತಂ, ಯಸ್ಯ, ಮೃತ್ಯುಃ, ಕಸ್ಮೈ, ದೇವಾಯ, ಹವಿಷಾ, ವಿಧೇಮ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಗ॒ನ್ಧ॒ದ್ವಾ॒ರಾಂ ದು॑ರಾಧ॒ರ್ಷಾಂ॒ ನಿ॒ತ್ಯಪು॑ಷ್ಟಾಂ ಕರೀ॒ಷಿಣೀ᳚ಮ್ ।
ಈ॒ಶ್ವರೀಗ್ಂ॑ ಸರ್ವ॑ಭೂತಾ॒ನಾಂ॒ ತಾಮಿ॒ಹೋಪ॑ಹ್ವಯೇ॒ ಶ್ರಿಯಂ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೩೬
//ಗನ್ಧದ್ವಾರಾಂ, ದುರಾಧರ್ಷಂ, ನಿತ್ಯ-ಪುಷ್ಟಾಂ, ಕರೀಷಿಣೀಂ, ಈಶ್ವರೀಂ, ಸರ್ವ-ಭೂತಾನಂ, ತಾಂ, ಇಹ, ಉಪಹ್ವಯೇ, ಶ್ರಿಯಂ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಯೋ ರು॒ದ್ರೋ ಅ॒ಗ್ನೌ ಯೋ ಅ॒ಪ್ಸು ಯ ಓಷ॑ಧೀಷು॒ ಯೋ ರು॒ದ್ರೋ ವಿಶ್ವಾ॒ ಭುವ॑ನಾಽಽವಿ॒ವೇಶ॒ ತಸ್ಮೈ॑ ರು॒ದ್ರಾಯ॒ ನಮೋ॑ ಅಸ್ತು॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೩೭
// (ತೈ.ಸಂ. ೫-೫-೯-೩) ಯಃ, ರುದ್ರಃ, ಅಗ್ನೌ, ಯಃ, ಅಪ್ಸು, ಯಃ, ಓಷಧೀಷು, ಯಃ, ರುದ್ರಃ, ವಿಶ್ವಾ, ಆವಿವೇಶ, ತಸ್ಮೈ, ರುದ್ರಾಯ, ನಮೋ, ಅಸ್ತು, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ನಮಕಂ ಚಮ॑ಕಂ ಚೈ॒ವ॒ ಪು॒ರುಷಸೂ᳚ಕ್ತಂ ಚ॒ ಯದ್ವಿ॑ದುಃ ।
ಮ॒ಹಾ॒ದೇ॒ವಂ ಚ॑ ತತ್ತು॒ಲ್ಯಂ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೩೮
// ನಮಕಂ, ಚಮಕಂ, ಚ, ಏವ, ಪುರುಷಸೂಕ್ತಂ, ಚ, ಯತ್, ವಿದುಃ, ಮಹಾದೇವಂ, ಚ ತತ್, ತುಲ್ಯಂ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಯ ಇದಗ್ಂ ಶಿವ॑ಸಙ್ಕ॒ಲ್ಪ॒ಗ್ಂ ಸ॒ದಾ ಧ್ಯಾ॑ಯನ್ತಿ॒ ಬ್ರಾಹ್ಮ॑ಣಾಃ ।
ತೇ ಪರಂ॑ ಮೋಕ್ಷಂ ಗ॑ಮಿಷ್ಯ॒ನ್ತಿ॒ ತನ್ಮೇ॒ ಮನ॑: ಶಿ॒ವಸ॑ಙ್ಕ॒ಲ್ಪಮ॑ಸ್ತು ॥ ೩೯
// ಯ, ಇದಂ, ಶಿವಸಂಕಲ್ಪಂ, ಸದಾ, ಧ್ಯಾಯನ್ತಿ, ಬ್ರಾಹ್ಮಣಾಃ, ತೇ, ಪರಂ, ಮೋಕ್ಷಂ, ಗಮಿಷ್ಯನ್ತಿ, ತತ್, ಮೇ, ಮನಃ, ಶಿವಸಂಕಲ್ಪಂ, ಅಸ್ತು //
ಓಂ ನಮೋ ಭಗವತೇ॑ ರುದ್ರಾ॒ಯ । ಶಿವಸಂಕಲ್ಪಗ್ಂ ಹೃದಯಾಯ ನಮಃ ॥
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
