Read in తెలుగు / ಕನ್ನಡ / தமிழ் / देवनागरी / English (IAST)
ಅಥಾತಃ ಪಞ್ಚಾಙ್ಗರುದ್ರಾಣಾಂ (ನ್ಯಾಸಪೂರ್ವಕಂ) ಜಪಹೋಮಾರ್ಚನಾಭಿಷೇಕವಿಧಿಂ ವ್ಯಾಖ್ಯಾಸ್ಯಾಮಃ ।
ಓಂಕಾರಮನ್ತ್ರಸಂಯುಕ್ತಂ ನಿತ್ಯಂ ಧ್ಯಾಯನ್ತಿ ಯೋಗಿನಃ ।
ಕಾಮದಂ ಮೋಕ್ಷದಂ ತಸ್ಮೈ ಓಂಕಾರಾಯ ನಮೋ ನಮಃ ॥
ನಮಸ್ತೇ ದೇವದೇವೇಶ ನಮಸ್ತೇ ಪರಮೇಶ್ವರ ।
ನಮಸ್ತೇ ವೃಷಭಾರೂಢ ನಕಾರಾಯ ನಮೋ ನಮಃ ॥
ಓಂ ಭೂರ್ಭುವ॒ಸ್ಸುವ॑: । ಓಂ ನಂ ।
ನಮ॑ಸ್ತೇ ರುದ್ರ ಮ॒ನ್ಯವ॑ ಉ॒ತೋತ॒ ಇಷ॑ವೇ॒ ನಮ॑: ।
ನಮ॑ಸ್ತೇ ಅಸ್ತು॒ ಧನ್ವ॑ನೇ ಬಾ॒ಹುಭ್ಯಾ॑ಮು॒ತ ತೇ॒ ನಮ॑: ॥
[* ಯಾ ತ॒ ಇಷು॑: ಶಿ॒ವತ॑ಮಾ ಶಿ॒ವಂ ಬ॒ಭೂವ॑ ತೇ॒ ಧನು॑: ।
ಶಿ॒ವಾ ಶ॑ರ॒ವ್ಯಾ॑ ಯಾ ತವ॒ ತಯಾ॑ ನೋ ರುದ್ರ ಮೃಡಯ ॥ *]
ಓಂ ಕಂ ಖಂ ಗಂ ಘಂ ಙಂ । ಓಂ ನಮೋ ಭಗವತೇ॑ ರುದ್ರಾ॒ಯ ।
ನಂ ಓಂ । ಪೂರ್ವಾಙ್ಗರುದ್ರಾಯ ನಮಃ ॥ ೧ ॥
// (ತೈ.ಸಂ.೪-೫) ನಮಃ, ತೇ, ರುದ್ರ, ಮನ್ಯವೇ, ಉತೋ, ತೇ, ಇಷವೇ, ನಮಃ, ನಮಃ, ತೇ, ಅಸ್ತು, ಧನ್ವನೇ, ಬಾಹು-ಭ್ಯಾಮ್, ಉತ, ತೇ, ನಮಃ, ಯಾ, ತೇ, ಇಷುಃ, ಶಿವ-ತಮಾ, ಶಿವಮ್, ಬಭೂವ, ತೇ, ಧನುಃ, ಶಿವಾ, ಶರವ್ಯಾ, ಯಾ, ತವ, ತಯಾ, ನಃ, ರುದ್ರ, ಮೃಡಯ //
ಮಹಾದೇವಂ ಮಹಾತ್ಮಾನಂ ಮಹಾಪಾತಕನಾಶನಮ್ ।
ಮಹಾಪಾಪಹರಂ ವನ್ದೇ ಮಕಾರಾಯ ನಮೋ ನಮಃ ॥
ಓಂ ಭೂರ್ಭುವ॒ಸ್ಸುವ॑: । ಓಂ ಮಂ ।
ನಿಧ॑ನಪತಯೇ॒ ನಮಃ । ನಿಧ॑ನಪತಾನ್ತಿಕಾಯ॒ ನಮಃ ।
ಊರ್ಧ್ವಾಯ॒ ನಮಃ । ಊರ್ಧ್ವಲಿಙ್ಗಾಯ॒ ನಮಃ ।
ಹಿರಣ್ಯಾಯ॒ ನಮಃ । ಹಿರಣ್ಯಲಿಙ್ಗಾಯ॒ ನಮಃ ।
ಸುವರ್ಣಾಯ॒ ನಮಃ । ಸುವರ್ಣಲಿಙ್ಗಾಯ॒ ನಮಃ ।
ದಿವ್ಯಾಯ॒ ನಮಃ । ದಿವ್ಯಲಿಙ್ಗಾಯ॒ ನಮಃ ।
ಭವಾಯ॒ ನಮಃ । ಭವಲಿಙ್ಗಾಯ॒ ನಮಃ ।
ಶರ್ವಾಯ॒ ನಮಃ । ಶರ್ವಲಿಙ್ಗಾಯ॒ ನಮಃ ।
ಶಿವಾಯ॒ ನಮಃ । ಶಿವಲಿಙ್ಗಾಯ॒ ನಮಃ ।
ಜ್ವಲಾಯ॒ ನಮಃ । ಜ್ವಲಲಿಙ್ಗಾಯ॒ ನಮಃ ।
ಆತ್ಮಾಯ॒ ನಮಃ । ಆತ್ಮಲಿಙ್ಗಾಯ॒ ನಮಃ ।
ಪರಮಾಯ॒ ನಮಃ । ಪರಮಲಿಙ್ಗಾಯ॒ ನಮಃ ।
ಏತಥ್ಸೋಮಸ್ಯ॑ ಸೂರ್ಯ॒ಸ್ಯ॒ ಸರ್ವಲಿಙ್ಗಗ್ಗ್॑ ಸ್ಥಾಪ॒ಯ॒ತಿ॒ ಪಾಣಿಮನ್ತ್ರಂ॑ ಪವಿ॒ತ್ರಮ್ ॥
ಓಂ ಚಂ ಛಂ ಜಂ ಝಂ ಞಂ । ಓಂ ನಮೋ ಭಗವತೇ॑ ರುದ್ರಾ॒ಯ ।
ಮಂ ಓಂ । ದಕ್ಷಿಣಾಙ್ಗರುದ್ರಾಯ ನಮಃ ॥ ೨ ॥
ಶಿವಂ ಶಾನ್ತಂ ಜಗನ್ನಾಥಂ ಲೋಕಾನುಗ್ರಹಕಾರಣಮ್ ।
ಶಿವಮೇಕಂ ಪರಂ ವನ್ದೇ ಶಿಕಾರಾಯ ನಮೋ ನಮಃ ॥
ಓಂ ಭೂರ್ಭುವ॒ಸ್ಸುವ॑: । ಓಂ ಶಿಂ ।
ಅಪೈ॑ತು ಮೃ॒ತ್ಯುರ॒ಮೃತಂ॑ ನ॒ ಆಗ॑ನ್ ವೈವಸ್ವ॒ತೋ ನೋ॒ ಅಭ॑ಯಂ ಕೃಣೋತು ।
ಪ॒ರ್ಣಂ ವನ॒ಸ್ಪತೇ॑ರಿವಾ॒ಭಿ ನ॑: ಶೀಯತಾಗ್ಂ ರ॒ಯಿಃ ಸಚ॑ತಾಂ ನ॒: ಶಚೀ॒ಪತಿ॑: ॥
ಓಂ ಟಂ ಠಂ ಡಂ ಢಂ ಣಂ । ಓಂ ನಮೋ ಭಗವತೇ॑ ರುದ್ರಾ॒ಯ ।
ಶಿಂ ಓಂ । ಪಶ್ಚಿಮಾಙ್ಗರುದ್ರಾಯ ನಮಃ ॥ ೩ ॥
// (ತೈ.ಬ್ರಾ.೩-೭-೧೪-೧೨೯) ಅಪೈತು, ಮೃತ್ಯುಃ, ಅಮೃತಂ, ನ, ಆಗನ್, ವೈವಸ್ವತಃ, ನಃ, ಅಭಯಂ, ಕೃಣೋತು, ಪರ್ಣಂ, ವನಸ್ಪತೇಃ, ಇವ, ಅಭಿ, ನಃ, ಶೀಯತಾಂ, ರಯಿಃ, ಸಚತಾಂ, ನಃ, ಶಚೀಪತಿಃ //
ವಾಹನಂ ವೃಷಭೋ ಯಸ್ಯ ವಾಸುಕೀ ಕಣ್ಠಭೂಷಣಮ್ ।
ವಾಮೇ ಶಕ್ತಿಧರಂ ವನ್ದೇ ವಕಾರಾಯ ನಮೋ ನಮಃ ॥
ಓಂ ಭೂರ್ಭುವ॒ಸ್ಸುವ॑: । ಓಂ ವಾಂ ।
ಪ್ರಾಣಾನಾಂ ಗ್ರನ್ಥಿರಸಿ ರುದ್ರೋ ಮಾ॑ ವಿಶಾ॒ನ್ತಕಃ ।
ತೇನಾನ್ನೇನಾ᳚ಪ್ಯಾಯ॒ಸ್ವ ॥
[* ನಮೋ ರುದ್ರಾಯ ವಿಷ್ಣವೇ ಮೃತ್ಯು॑ರ್ಮೇ ಪಾ॒ಹಿ ॥ *]
ಓಂ ತಂ ಥಂ ದಂ ಧಂ ನಂ । ಓಂ ನಮೋ ಭಗವತೇ॑ ರುದ್ರಾ॒ಯ ।
ವಾಂ ಓಂ । ಉತ್ತರಾಙ್ಗರುದ್ರಾಯ ನಮಃ ॥ ೪ ॥
// (ತೈ.ಸಂ.೪-೫) ಪ್ರಾಣಾನಾಂ, ಗ್ರನ್ಥಿಃ, ಅಸಿ, ರುದ್ರಃ, ಮಾ, ವಿ-ಶಾನ್ತಕಃ, ತೇನ, ಅನ್ನೇನ, ಆಪ್ಯಾಯಸ್ವ, ನಮಃ, ರುದ್ರಾಯ, ವಿಷ್ಣವೇ, ಮೃತ್ಯುಃ, ಮೇ, ಪಾಹಿ //
ಯತ್ರ ಕುತ್ರ ಸ್ಥಿತಂ ದೇವಂ ಸರ್ವವ್ಯಾಪಿನಮೀಶ್ವರಮ್ ।
ಯಲ್ಲಿಙ್ಗಂ ಪೂಜಯೇನ್ನಿತ್ಯಂ ಯಕಾರಾಯ ನಮೋ ನಮಃ ॥
ಓಂ ಭೂರ್ಭುವ॒ಸ್ಸುವ॑: । ಓಂ ಯಂ ।
ಯೋ ರು॒ದ್ರೋ ಅ॒ಗ್ನೌ ಯೋ ಅ॒ಪ್ಸು ಯ ಓಷ॑ಧೀಷು॒ ಯೋ ರು॒ದ್ರೋ
ವಿಶ್ವಾ॒ ಭುವ॑ನಾಽಽವಿ॒ವೇಶ॒ ತಸ್ಮೈ॑ ರು॒ದ್ರಾಯ॒ ನಮೋ॑ ಅಸ್ತು ॥
ಓಂ ಪಂ ಫಂ ಬಂ ಭಂ ಮಂ । ಓಂ ನಮೋ ಭಗವತೇ॑ ರುದ್ರಾ॒ಯ ।
ಯಂ ಓಂ । ಊರ್ಧ್ವಾಙ್ಗರುದ್ರಾಯ ನಮಃ ॥ ೫ ॥
// (ತೈ.ಸಂ.೫-೫-೯-೩೯) ಯಃ, ರುದ್ರಃ, ಅಪ್-ಸು, ಯಃ, ಓಷಧೀಷು, ಯಃ, ರುದ್ರಃ, ವಿಶ್ವಾ, ಭುವನಾ, ಆ-ವಿವೇಶ, ತಸ್ಮೈ, ರುದ್ರಾಯ, ನಮಃ, ಅಸ್ತು //
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
