Read in తెలుగు / ಕನ್ನಡ / தமிழ் / देवनागरी / English (IAST)
ಚಲಲ್ಲೋಲಕಲ್ಲೋಲಕಲ್ಲೋಲಿನೀಶ-
-ಸ್ಫುರನ್ನಕ್ರಚಕ್ರಾತಿವಕ್ರಾಂಬುಲೀನಃ |
ಹತೋ ಯೇನ ಮೀನಾವತಾರೇಣ ಶಂಖಃ
ಸ ಪಾಯಾದಪಾಯಾಜ್ಜಗದ್ವಾಸುದೇವಃ || ೧ ||
ಧರಾನಿರ್ಜರಾರಾತಿಭಾರಾದಪಾರಾ-
-ದಕೂಪಾರನೀರಾತುರಾಧಃ ಪತಂತೀ |
ಧೃತಾ ಕೂರ್ಮರೂಪೇಣ ಪೃಷ್ಠೋಪರಿಷ್ಟೇ
ಸದೇವೋ ಮುದೇ ವೋಽಸ್ತು ಶೇಷಾಂಗಶಾಯೀ || ೨ ||
ಉದ್ರಗ್ರೇ ರದಾಗ್ರೇ ಸಗೋತ್ರಾಪಿ ಗೋತ್ರಾ
ಸ್ಥಿತಾ ತಸ್ಥುಷಃ ಕೇತಕಾಗ್ರೇ ಷಡಂಘ್ರೇಃ |
ತನೋತಿ ಶ್ರಿಯಂ ಸಶ್ರಿಯಂ ನಸ್ತನೋತು
ಪ್ರಭುಃ ಶ್ರೀವರಾಹಾವತಾರೋ ಮುರಾರಿಃ || ೩ ||
ಉರೋದಾರ ಆರಂಭಸಂರಂಭಿಣೋಽಸೌ
ರಮಾಸಂಭ್ರಮಾಭಂಗುರಾಗ್ರೈರ್ನಖಾಗ್ರೈಃ |
ಸ್ವಭಕ್ತಾತಿಭಕ್ತ್ಯಾಽಭಿವ್ಯಕ್ತೇನ ದಾರು-
-ಣ್ಯಘೌಘಂ ಸದಾ ವಃ ಸ ಹಿಂಸ್ಯಾನ್ನೃಸಿಂಹಃ || ೪ ||
ಛಲಾದಾಕಲಯ್ಯ ತ್ರಿಲೋಕೀಂ ಬಲೀಯಾನ್
ಬಲಿಂ ಸಂಬವಂಧ ತ್ರಿಲೋಕೀಬಲೀಯಃ |
ತನುತ್ವಂ ದಧಾನಾಂ ತನುಂ ಸಂದಧಾನೋ
ವಿಮೋಹಂ ಮನೋ ವಾಮನೋ ವಃ ಸ ಕುರ್ಯಾತ್ || ೫ ||
ಹತಕ್ಷತ್ರಿಯಾಸೃಕ್ ಪ್ರಪಾನಪ್ರಮತ್ತ-
-ಪ್ರನೃತ್ಯತ್ಪಿಶಾಚಪ್ರಗೀತಪ್ರತಾಪಃ |
ಧರಾಕಾರಿ ಯೇನಾಗ್ರಜನ್ಮಾಗ್ರಹಾರಂ
ವಿಹಾರಂ ಕ್ರಿಯಾನ್ಮಾನಸೇ ವಃ ಸ ರಾಮಃ || ೬ ||
ನತಗ್ರೀವಸುಗ್ರೀವಸಾಮ್ರಾಜ್ಯಹೇತು-
-ರ್ದಶಗ್ರೀವಸಂತಾನಸಂಹಾರಕೇತುಃ |
ಧನುರ್ಯೇನ ಭಗ್ನಂ ಮಹತ್ಕಾಮಹಂತುಃ
ಸ ಮೇ ಜಾನಕೀಜಾನಿರೇನಾಂಸಿ ಹಂತು || ೭ ||
ಘನಾದ್ಗೋಧನಂ ಯೇನ ಗೋವರ್ಧನೇನ
ವ್ಯರಕ್ಷಿ ಪ್ರತಾಪೇನ ಗೋವರ್ಧನೇನ |
ಹತಾರಾತಿಚಕ್ರೀ ರಣಧ್ವಸ್ತಚಕ್ರೀ
ಪದಧ್ವಸ್ತಚಕ್ರೀ ಸ ನಃ ಪಾತು ಚಕ್ರೀ || ೮ ||
ಧರಾಬದ್ಧಪದ್ಮಾಸನಸ್ಥಾಂಘ್ರಿಯಷ್ಟಿ-
-ರ್ನಿಯಮ್ಯಾನಿಲಂ ನ್ಯಸ್ತನಾಸಾಗ್ರದೃಷ್ಟಿಃ |
ಯ ಆಸ್ತೇ ಕಲೌ ಯೋಗಿನಾಂ ಚಕ್ರವರ್ತೀ
ಸ ಬುದ್ಧಃ ಪ್ರಬುದ್ಧೋಽಸ್ತು ನಿಶ್ಚಿಂತವರ್ತೀ || ೯ ||
ದುರಾಪಾರಸಂಸಾರಸಂಹಾರಕಾರೀ
ಭವತ್ಯಶ್ವವಾರಃ ಕೃಪಾಣಪ್ರಹಾರೀ |
ಮುರಾರಿರ್ದಶಾಕಾರಧಾರೀಹ ಕಲ್ಕೀ
ಕರೋತು ದ್ವಿಷಾಂ ಧ್ವಂಸನಂ ವಃ ಸ ಕಲ್ಕೀ || ೧೦ ||
ಇತಿ ಶ್ರೀಮಚ್ಛಂಕರಾಚಾರ್ಯ ಕೃತಂ ದಶಾವತಾರ ಸ್ತೋತ್ರಮ್ ||
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
