Read in తెలుగు / ಕನ್ನಡ / தமிழ் / देवनागरी / English (IAST)
ಆಚಮ್ಯ । ಪ್ರಾಣಾನಾಯಮ್ಯ । ದೇಶಕಾಲೌ ಸಙ್ಕೀರ್ತ್ಯ । ಗಣಪತಿ ಸ್ಮರಣಂ ಕೃತ್ವಾ ।
ಪುನಃ ಸಙ್ಕಲ್ಪಂ –
ಅದ್ಯ ಪೂರ್ವೋಕ್ತ ಏವಂ ಗುಣವಿಶೇಷಣ ವಿಶಿಷ್ಠಾಯಾಂ ಶುಭತಿಥೌ ಮಮ ಅಙ್ಗಾರಕ ಗ್ರಹಪೀಡಾಪರಿಹಾರಾರ್ಥಂ ಅಙ್ಗಾರಕ ಗ್ರಹದೇವತಾ ಪ್ರಸಾದ ದ್ವಾರಾ ಆಯುರಾರೋಗ್ಯ ಐಶ್ವರ್ಯಾದಿ ಉತ್ತಮಫಲಾವಾಪ್ತ್ಯರ್ಥಂ ಮಮ ಸಙ್ಕಲ್ಪಿತ ಮನೋವಾಞ್ಛಾಫಲಸಿದ್ಧ್ಯರ್ಥಂ ಯಥಾ ಸಙ್ಖ್ಯಾಕಂ ಅಙ್ಗಾರಕ ಗ್ರಹಸ್ಯ ನ್ಯಾಸಪೂರ್ವಕ ವೇದೋಕ್ತ ಮನ್ತ್ರಜಪಂ ಕರಿಷ್ಯೇ ॥
– ಅಙ್ಗಾರಕ ಮನ್ತ್ರಃ –
ಅಗ್ನಿರ್ಮೂರ್ಧೈತ್ಯಸ್ಯ ಮನ್ತ್ರಸ್ಯ ವಿರೂಪ ಋಷಿಃ ನಿಚೃದ್ಗಾಯತ್ರೀ ಛನ್ದಃ ಭೌಮೋ ದೇವತಾ ಕಕುದಿತಿ ಬೀಜಂ ಭೌಮ ಪ್ರೀತ್ಯರ್ಥೇ ಜಪೇ ವಿನಿಯೋಗಃ ।
ನ್ಯಾಸಃ –
ಓಂ ವಿರೂಪ ಋಷಯೇ ನಮಃ ಶಿರಸಿ ।
ಓಂ ನಿಚೃದ್ಗಾಯತ್ರೀ ಛನ್ದಸೇ ನಮಃ ಮುಖೇ ।
ಓಂ ಭೌಮ ದೇವತಾಯೈ ನಮಃ ಹೃದಯೇ ।
ಓಂ ಕಕುದಿತಿ ಬೀಜಾಯ ನಮಃ ಗುಹ್ಯೇ ।
ಓಂ ಭೌಮ ಪ್ರೀತ್ಯರ್ಥೇ ಜಪೇ ವಿನಿಯೋಗಾಯ ನಮಃ ಸರ್ವಾಙ್ಗೇ ।
ಕರನ್ಯಾಸಃ –
ಓಂ ಅಗ್ನಿರ್ಮೂರ್ಧೇತಿ ಅಙ್ಗುಷ್ಠಾಭ್ಯಾಂ ನಮಃ ।
ಓಂ ದಿವಃ ಕಕುದಿತಿ ತರ್ಜನೀಭ್ಯಾಂ ನಮಃ ।
ಓಂ ಪತಿಃ ಪೃಥಿವ್ಯಾ ಅಯಮಿತಿ ಮಧ್ಯಮಾಭ್ಯಾಂ ನಮಃ ।
ಓಂ ಅಪಾಮಿತಿ ಅನಾಮಿಕಾಭ್ಯಾಂ ನಮಃ ।
ಓಂ ರೇತಾಂಸೀತಿ ಕನಿಷ್ಠಿಕಾಭ್ಯಾಂ ನಮಃ ।
ಓಂ ಜಿನ್ವತೀತಿ ಕರತಲಕರಪೃಷ್ಠಾಭ್ಯಾಂ ನಮಃ ।
ಹೃದಯಾದಿನ್ಯಾಸಃ –
ಓಂ ಅಗ್ನಿರ್ಮೂರ್ಧೇತಿ ಹೃದಯಾಯ ನಮಃ ।
ಓಂ ದಿವಃ ಕಕುದಿತಿ ಶಿರಸೇ ಸ್ವಾಹಾ ।
ಓಂ ಪತಿಃ ಪೃಥಿವ್ಯಾ ಅಯಮಿತಿ ಶಿಖಾಯೈ ವಷಟ್ ।
ಓಂ ಅಪಾಮಿತಿ ಕವಚಾಯ ಹುಮ್ ।
ಓಂ ರೇತಾಂಸೀತಿ ನೇತ್ರತ್ರಯಾಯ ವೌಷಟ್ ।
ಓಂ ಜಿನ್ವತೀತಿ ಅಸ್ತ್ರಾಯ ಫಟ್ ।
ಧ್ಯಾನಮ್ –
ರಕ್ತಾಮ್ಬರೋ ರಕ್ತವಪುಃ ಕಿರೀಟೀ
ಚತುರ್ಭುಜೋ ಮೇಷಗಮೋ ಗದಾಭೃತ್ ।
ಧರಾಸುತಃ ಶಕ್ತಿಧರಶ್ಚ ಶೂಲೀ
ಸದಾ ಮಮ ಸ್ಯಾದ್ವರದಃ ಪ್ರಶಾನ್ತಃ ॥
ಲಮಿತ್ಯಾದಿ ಪಞ್ಚಪೂಜಾಂ ಕುರ್ಯಾತ್ ॥
(ಯ।ವೇ।೩-೧೨)
ಓಂ ಅ॒ಗ್ನಿರ್ಮೂ॒ರ್ಧಾ ದಿ॒ವಃ ಕ॒ಕುತ್ಪತಿ॑: ಪೃಥಿ॒ವ್ಯಾಽ ಅ॒ಯಮ್ ।
ಅ॒ಪಾಗ್ಂ ರೇತಾ॑ಗ್ಂಸಿ ಜಿನ್ವತಿ ॥
ಓಂ ಭೌಮಾಯ ನಮಃ ।
ಸಮರ್ಪಣಮ್ –
ಗುಹ್ಯಾತಿ ಗುಹ್ಯ ಗೋಪ್ತಾ ತ್ವಂ ಗೃಹಾಣಾಸ್ಮತ್ಕೃತಂ ಜಪಮ್ ।
ಸಿದ್ಧಿರ್ಭವತು ಮೇ ದೇವ ತ್ವತ್ಪ್ರಸಾದಾನ್ಮಯಿ ಸ್ಥಿರ ॥
ಅನೇನ ಮಯಾ ಕೃತ ಅಙ್ಗಾರಕ ಗ್ರಹಸ್ಯ ಮನ್ತ್ರ ಜಪೇನ ಅಙ್ಗಾರಕ ಸುಪ್ರೀತೋ ಸುಪ್ರಸನ್ನೋ ವರದೋ ಭವನ್ತು ।
ಓಂ ಶಾನ್ತಿಃ ಶಾನ್ತಿಃ ಶಾನ್ತಿಃ ।
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
