Angaraka Graha Vedic Mantra – అంగారక గ్రహస్య వేదోక్త మంత్రం


ఆచమ్య | ప్రాణానాయమ్య | దేశకాలౌ సంకీర్త్య | గణపతి స్మరణం కృత్వా |

సంకల్పం –
మమ …… గ్రహపీడాపరిహారార్థం …… గ్రహదేవతా ప్రసాద ద్వారా ఆయురారోగ్య ఐశ్వర్యాది ఉత్తమఫలావాప్త్యర్థం మమ సంకల్పిత మనోవాంఛాఫలసిద్ధ్యర్థం యథా సంఖ్యకం …… గ్రహస్య న్యాసపూర్వక వేదోక్త మంత్రజపం కరిష్యే ||

– అంగారక మంత్రః –

అగ్నిర్మూర్ధైత్యస్య మంత్రస్య విరూప ఋషిః నిచృద్గాయత్రీ ఛందః భౌమో దేవతా కకుదితి బీజం భౌమ ప్రీత్యర్థే జపే వినియోగః |

న్యాసః –
ఓం విరూప ఋషయే నమః శిరసి |
ఓం నిచృద్గాయత్రీ ఛందసే నమః ముఖే |
ఓం భౌమ దేవతాయై నమః హృదయే |
ఓం కకుదితి బీజాయ నమః గుహ్యే |
ఓం భౌమ ప్రీత్యర్థే జపే వినియోగాయ నమః సర్వాంగే |

కరన్యాసః –
ఓం అగ్నిర్మూర్ధేతి అంగుష్ఠాభ్యాం నమః |
ఓం దివః కకుదితి తర్జనీభ్యాం నమః |
ఓం పతిః పృథివ్యా అయమితి మధ్యమాభ్యాం నమః |
ఓం అపామితి అనామికాభ్యాం నమః |
ఓం రేతాంసీతి కనిష్ఠికాభ్యాం నమః |
ఓం జిన్వతీతి కరతలకరపృష్ఠాభ్యాం నమః |

హృదయాదిన్యాసః –
ఓం అగ్నిర్మూర్ధేతి హృదయాయ నమః |
ఓం దివః కకుదితి శిరసే స్వాహా |
ఓం పతిః పృథివ్యా అయమితి శిఖాయై వషట్ |
ఓం అపామితి కవచాయ హుమ్ |
ఓం రేతాంసీతి నేత్రత్రయాయ వౌషట్ |
ఓం జిన్వతీతి అస్త్రాయ ఫట్ |

ధ్యానం –
రక్తాంబరో రక్తవపుః కిరీటీ
చతుర్భుజో మేషగమో గదాభృత్ |
ధరాసుతః శక్తిధరశ్చ శూలీ
సదా మమ స్యాద్వరదః ప్రశాంతః ||

లమిత్యాది పంచపూజాం కుర్యాత్ ||

(య.వే.౩-౧౨)
ఓం అ॒గ్నిర్మూ॒ర్ధా ది॒వః క॒కుత్పతి॑: పృథి॒వ్యాఽ అ॒యమ్ |
అ॒పాం(గ్) రేతా॑o(గ్)సి జిన్వతి ||
ఓం భౌమాయ నమః |

సమర్పణమ్ –
గుహ్యాతి గుహ్య గోప్తా త్వం గృహాణాస్మత్కృతం జపమ్ |
సిద్ధిర్భవతు మే దేవ త్వత్ప్రసాదాన్మయి స్థిర ||

అనేన మయా కృత …….. గ్రహస్య మంత్ర జపేన …….. సుప్రీతో సుప్రసన్నో వరదో భవంతు |

ఓం శాంతిః శాంతిః శాంతిః |


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed