ఆచమ్య | ప్రాణానాయమ్య | దేశకాలౌ సంకీర్త్య | గణపతి స్మరణం కృత్వా |
సంకల్పం –
మమ …… గ్రహపీడాపరిహారార్థం …… గ్రహదేవతా ప్రసాద ద్వారా ఆయురారోగ్య ఐశ్వర్యాది ఉత్తమఫలావాప్త్యర్థం మమ సంకల్పిత మనోవాంఛాఫలసిద్ధ్యర్థం యథా సంఖ్యకం …… గ్రహస్య న్యాసపూర్వక వేదోక్త మంత్రజపం కరిష్యే ||
– బుధ మంత్రః –
ఉద్బుధ్యస్వేత్యస్య మంత్రస్య పరమేష్ఠీ ఋషిః ఆర్షీత్రిష్టుప్ ఛందః బుధో దేవతా త్వమిష్టాపూర్తేసం ఇతి బీజం బుధ ప్రీత్యర్థే జపే వినియోగః |
న్యాసః –
ఓం పరమేష్ఠీ ఋషయే నమః శిరసి |
ఓం ఆర్షీత్రిష్టుప్ ఛందసే నమః ముఖే |
ఓం బుధ దేవతాయై నమః హృదయే |
ఓం త్వామిష్టాపూర్తేసం ఇతి బీజాయ నమః గుహ్యే |
ఓం బుధ ప్రీత్యర్థే జపే వినియోగాయ నమః సర్వాంగే |
కరన్యాసః –
ఓం ఉద్బుధ్యస్వాగ్నే ప్రతి జాగృహీతి అంగుష్ఠాభ్యాం నమః |
ఓం త్వమిష్టాపూర్తే సమితి తర్జనీభ్యాం నమః |
ఓం సృజేథామయం చేతి మధ్యమాభ్యాం నమః |
ఓం అస్మిన్త్సధస్థేఽఅధ్యుత్తరస్మిన్నితి అనామికాభ్యాం నమః |
ఓం విశ్వేదేవా ఇతి కనిష్ఠికాభ్యాం నమః |
ఓం యజమానశ్చ సీదతేతి కరతలకరపృష్ఠాభ్యాం నమః |
హృదయాదిన్యాసః –
ఓం ఉద్బుధ్యస్వాగ్నే ప్రతి జాగృహీతి హృదయాయ నమః |
ఓం త్వమిష్టాపూర్తే సమితి శిరసే స్వాహా |
ఓం సృజేథామయం చేతి శిఖాయై వషట్ |
ఓం అస్మిన్త్సధస్థేఽఅధ్యుత్తరస్మిన్నితి కవచాయ హుమ్ |
ఓం విశ్వేదేవా ఇతి నేత్రత్రయాయ వౌషట్ |
ఓం యజమానశ్చ సీదతేతి అస్త్రాయ ఫట్ |
ధ్యానం –
పీతాంబరః పీతవపుః కిరీటీ
చతుర్భుజో దండధరశ్చ సౌమ్యః |
చర్మాసిధృత్ సోమసుతః సు మేరుః
సింహాధిరూఢో వరదో బుధశ్చ ||
లమిత్యాది పంచపూజాం కుర్యాత్ ||
(య.వే.౧౫-౫౪)
ఓం ఉద్బు॑ధ్యస్వాగ్నే॒ ప్రతి॑ జాగృహి॒ త్వమి॑ష్టాపూ॒ర్తే సగ్ం సృ॑జేథామ॒యం చ॑ |
అ॒స్మిన్త్స॒ధస్థే॒ఽఅధ్యుత్త॑రస్మి॒న్ విశ్వే॑ దేవా॒ యజ॑మానశ్చ సీదత ||
ఓం బుధాయ నమః |
సమర్పణమ్ –
గుహ్యాతి గుహ్య గోప్తా త్వం గృహాణాస్మత్కృతం జపమ్ |
సిద్ధిర్భవతు మే దేవ త్వత్ప్రసాదాన్మయి స్థిర ||
అనేన మయా కృత …….. గ్రహస్య మంత్ర జపేన …….. సుప్రీతో సుప్రసన్నో వరదో భవంతు |
ఓం శాంతిః శాంతిః శాంతిః |
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
