ఆచమ్య | ప్రాణానాయమ్య | దేశకాలౌ సంకీర్త్య | గణపతి స్మరణం కృత్వా |
సంకల్పం –
మమ …… గ్రహపీడాపరిహారార్థం …… గ్రహదేవతా ప్రసాద ద్వారా ఆయురారోగ్య ఐశ్వర్యాది ఉత్తమఫలావాప్త్యర్థం మమ సంకల్పిత మనోవాంఛాఫలసిద్ధ్యర్థం యథా సంఖ్యకం …… గ్రహస్య న్యాసపూర్వక వేదోక్త మంత్రజపం కరిష్యే ||
– బృహస్పతి మంత్రః –
బృహస్పతయేత్యస్య మంత్రస్య గృత్సమద ఋషిః భురిగత్యష్టిశ్ఛందః బృహస్పతిర్దేవతా బృహస్పతి ప్రీత్యర్థే జపే వినియోగః |
న్యాసః –
ఓం గృత్సమద ఋషయే నమః శిరసి |
ఓం భురిగత్యష్టిశ్ఛందసే నమః ముఖే |
ఓం బృహస్పతి దేవతాయై నమః హృదయే |
ఓం బృహస్పతి ప్రీత్యర్థే జపే వినియోగాయ నమః సర్వాంగే |
కరన్యాసః –
ఓం బృహస్పతేఽఅతి యదర్యో ఇతి అంగుష్ఠాభ్యాం నమః |
ఓం అర్హాద్ద్యుమదితి తర్జనీభ్యాం నమః |
ఓం విభాతి క్రతుమదితి మధ్యమాభ్యాం నమః |
ఓం జనేషు ఇతి అనామికాభ్యాం నమః |
ఓం యద్దీదయచ్ఛవసఽఋత ప్రజాతతదస్మాసు ఇతి కనిష్ఠికాభ్యాం నమః |
ఓం ద్రవిణం ధేహి చిత్రమితి కరతలకరపృష్ఠాభ్యాం నమః |
హృదయాదిన్యాసః –
ఓం బృహస్పతేఽఅతి యదర్యో ఇతి హృదయాయ నమః |
ఓం అర్హాద్ద్యుమదితి శిరసే స్వాహా |
ఓం విభాతి క్రతుమదితి శిఖాయై వషట్ |
ఓం జనేషు ఇతి కవచాయ హుమ్ |
ఓం యద్దీదయచ్ఛవసఽఋత ప్రజాతతదస్మాసు ఇతి నేత్రత్రయాయ వౌషట్ |
ఓం ద్రవిణం ధేహి చిత్రమితి అస్త్రాయ ఫట్ |
ధ్యానం –
స్వర్ణాంబరః స్వర్ణవపుః కిరీటీ
చతుర్భుజో దేవగురుః ప్రశాంతః |
దధాతి దండం చ కమండలుం చ
తథాఽక్షసూత్రం వరదోఽస్తు మహ్యమ్ ||
లమిత్యాది పంచపూజాం కుర్యాత్ ||
(య.వే.౨౬-౩)
ఓం బృహ॑స్పతే॒ఽఅతి॒ యద॒ర్యోఽఅర్హా॑ద్ ద్యు॒మద్వి॒భాతి॒ క్రతు॑మ॒జ్జనే॑షు |
యద్దీ॒దయ॒చ్ఛవ॑సఽ ఋతప్రజాత॒ తద॒స్మాసు॒ ద్రవి॑ణం ధేహి చి॒త్రమ్ ||
ఓం బృహస్పతయే నమః |
సమర్పణమ్ –
గుహ్యాతి గుహ్య గోప్తా త్వం గృహాణాస్మత్కృతం జపమ్ |
సిద్ధిర్భవతు మే దేవ త్వత్ప్రసాదాన్మయి స్థిర ||
అనేన మయా కృత …….. గ్రహస్య మంత్ర జపేన …….. సుప్రీతో సుప్రసన్నో వరదో భవంతు |
ఓం శాంతిః శాంతిః శాంతిః |
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
