Chandra Graha Vedic Mantra – చంద్ర గ్రహస్య వేదోక్త మంత్రం


ఆచమ్య | ప్రాణానాయమ్య | దేశకాలౌ సంకీర్త్య | గణపతి స్మరణం కృత్వా |

సంకల్పం –
మమ …… గ్రహపీడాపరిహారార్థం …… గ్రహదేవతా ప్రసాద ద్వారా ఆయురారోగ్య ఐశ్వర్యాది ఉత్తమఫలావాప్త్యర్థం మమ సంకల్పిత మనోవాంఛాఫలసిద్ధ్యర్థం యథా సంఖ్యకం …… గ్రహస్య న్యాసపూర్వక వేదోక్త మంత్రజపం కరిష్యే ||

– చంద్ర మంత్రః –

ఇమం దేవా ఇతి మంత్రస్య దేవావాత ఋషిః స్వరాట్ బ్రాహ్మీ త్రిష్టుప్ ఛందః సోమో దేవతా అసపత్నమితి బీజం సోమ ప్రీత్యర్థే జపే వినియోగః |

న్యాసః –
ఓం దేవావాత ఋషయే నమః శిరసి |
ఓం స్వరాట్ బ్రాహ్మీ త్రిష్టుప్ ఛందసే నమః ముఖే |
ఓం సోమ దేవతాయై నమః హృదయే |
ఓం అసపత్నమితి బీజాయ నమః గుహ్యే |
ఓం సోమ ప్రీత్యర్థే జపే వినియోగాయ నమః సర్వాంగే |

కరన్యాసః –
ఓం ఇమం దేవాఽఅసపత్నగ్ం సువధ్వమితి అంగుష్ఠాభ్యాం నమః |
ఓం మహతే క్షత్రాయేతి తర్జనీభ్యాం నమః |
ఓం మహతే జ్యైష్ఠ్యాయేతి మధ్యమాభ్యాం నమః |
ఓం మహతే జానరాజ్యాయేన్ద్రస్యేన్ద్రియాయేతి అనామికాభ్యాం నమః |
ఓం ఇమమముష్య పుత్రమముష్యై ఇతి కనిష్ఠికాభ్యాం నమః |
ఓం పుత్రమస్యై విశఽఏష వోఽమీ రాజా సోమోఽస్మాకం బ్రాహ్మణానాగ్ం రాజేతి కరతలకరపృష్ఠాభ్యాం నమః |

హృదయాదిన్యాసః –
ఓం ఇమం దేవాఽఅసపత్నగ్ం సువధ్వమితి హృదయాయ నమః |
ఓం మహతే క్షత్రాయేతి శిరసే స్వాహా |
ఓం మహతే జ్యైష్ఠ్యాయేతి శిఖాయై వషట్ |
ఓం మహతే జానరాజ్యాయేన్ద్రస్యేన్ద్రియాయేతి కవచాయ హుమ్ |
ఓం ఇమమముష్య పుత్రమముష్యై ఇతి నేత్రత్రయాయ వౌషట్ |
ఓం పుత్రమస్యై విశఽఏష వోఽమీ రాజా సోమోఽస్మాకం బ్రాహ్మణానాగ్ం రాజేతి అస్త్రాయ ఫట్ |

ధ్యానం –
శ్వేతాంబరః శ్వేతవపుః కిరీటీ
శ్వేతద్యుతిర్దండధరో ద్విబాహుః |
చంద్రోఽమృతాత్మా వరదః కిరీటీ
శ్రేయాంసి మహ్యం విదధాతు దేవః ||

లమిత్యాది పంచపూజాం కుర్యాత్ ||

(య.వే.౧౦-౧౮)
ఓం ఇ॒మం దే॑వాఽఅసప॒త్నగ్ం సు॑వధ్వం మహ॒తే క్ష॒త్రా॑య మహ॒తే జ్యైష్ఠ్యా॑య మహ॒తే జాన॑రాజ్యా॒యేన్ద్ర॑స్యేన్ద్రి॒యాయ॑ | ఇ॒మమ॒ముష్య॑ పు॒త్రమ॒ముష్యై॑ పు॒త్రమ॒స్యై వి॒శఽ ఏ॒ష వో॑ఽమీ॒ రాజా॒ సోమో॒ఽస్మాక॑o బ్రాహ్మ॒ణానా॒o(గ్) రాజా॑ ||
ఓం సోమాయ నమః |

సమర్పణమ్ –
గుహ్యాతి గుహ్య గోప్తా త్వం గృహాణాస్మత్కృతం జపమ్ |
సిద్ధిర్భవతు మే దేవ త్వత్ప్రసాదాన్మయి స్థిర ||

అనేన మయా కృత …….. గ్రహస్య మంత్ర జపేన …….. సుప్రీతో సుప్రసన్నో వరదో భవంతు |

ఓం శాంతిః శాంతిః శాంతిః |


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed