Read in తెలుగు / ಕನ್ನಡ / தமிழ் / देवनागरी / English (IAST)
ಋಷಯ ಊಚುಃ |
ನಮಃ ಪರಮಕಳ್ಯಾಣ ಕಳ್ಯಾಣಾಯಾತ್ಮಯೋಗಿನೇ |
ಜನಾರ್ದನಾಯದೇವಾಯ ಶ್ರೀಧರಾಯ ಸುವೇಧಸೇ || ೧ ||
ನಮಃ ಪರಮಕಿಂಜಲ್ಕ ಸುವರ್ಣಮುಕುಟಾಯ ಚ |
ಕೇಶವಾಯಾತಿಸೂಕ್ಷ್ಮಾಯ ಬೃಹನ್ಮೂರ್ತೇ ನಮೋ ನಮಃ || ೨ ||
ನಮಃ ಪಂಕಜನಾಭಾಯ ಹರಯೇ ಹರಿವೇಧಸೇ |
ನಮೋ ಹಿರಣ್ಯಗರ್ಭಾಯ ಜಗತಃ ಕಾರಣಾತ್ಮನೇ || ೩ ||
ಅಚ್ಯುತಾಯ ನಮೋ ನಿತ್ಯಮುನ್ನತಾಯ ನಮೋ ನಮಃ |
ನಮೋ ಮಾಯಾಪಟಚ್ಛನ್ನ ಜಗದ್ಧಾತ್ರೇ ಮಹಾತ್ಮನೇ || ೪ ||
ಸಂಸಾರಸಾಗರೋತ್ತಾರ ಜ್ಞಾನಪೋತಪ್ರದಾಯಿನೇ |
ಅಕುಂಠಮತಯೇಧಾತ್ರೇ ಸರ್ಗಸ್ಥಿತ್ಯಂತಕಾರಿಣೇ || ೫ ||
ಯಥಾ ಹಿ ವಾಸುದೇವೇತಿ ಪ್ರೋಕ್ತಂ ಪಾತಕನಾಶನಮ್ |
ತಥಾ ವಿಲಯಮಭ್ಯೇತು ದೈತ್ಯೋಯಂ ಮೇಘವಾಹನಃ || ೬ ||
ಯಥಾ ನ ವಿಷ್ಣುಭಕ್ತೇಷು ಪಾಪಂ ನಾಪ್ನೋತಿ ಸಂಸ್ಥಿತಮ್ |
ತಥಾ ವಿನಾಶಮಾಯಾತು ದೈತ್ಯೋಯಂ ಪಾಪಕರ್ಮಕೃತ್ || ೭ ||
ಸ್ಮೃತಮಾತ್ರೋ ಯಥಾ ವಿಷ್ಣುಃ ಸರ್ವಂ ಪಾಪಂ ವ್ಯಪೋಹತಿ |
ತಥಾ ಪ್ರಣಾಶಮಭ್ಯೇತು ದೈತ್ಯೋಯಂ ಮೇಘವಾಹನಃ || ೮ ||
ಭವಂತು ಭದ್ರಾಣಿ ಸಮಸ್ತದೋಷಾಃ
ಪ್ರಯಾಂತು ನಾಶಂ ಜಗತೋಽಖಿಲಸ್ಯ |
ಅಭ್ಯೇತ್ಯಭಕ್ತ್ಯಾ ಪರಮೇಶ್ವರಸ್ಯ
ಸ್ಮೃತೇ ಜಗದ್ಧಾತರಿವಾಸುದೇವೇ || ೯ ||
ಯಸ್ತಂ ಪೂಜಯತೇ ಭಕ್ತ್ಯಾ ಏಕಾದಶ್ಯಾನ್ನರೋತ್ತಮಃ |
ಸೋಽಶ್ವಮೇಧಫಲಂ ಪ್ರಾಪ್ಯ ಮೋದತೇ ದಿವಿ ದೇವವತ್ || ೧೦ ||
ಗೋಲಕ್ಷಂ ಬ್ರಾಹ್ಮಣೇ ದತ್ತ್ವಾ ಯತ್ಫಲಂ ಪ್ರಾಪ್ನುಯಾನ್ನರಃ |
ತದಾದಿದೇವಂ ಗೋವಿಂದಂ ದೃಷ್ಟ್ವಾ ಭಕ್ತ್ಯಾ ಫಲಂ ಲಭೇತ್ || ೧೧ ||
ಕಲೌ ಕೃತಯುಗಸ್ತೇಷಾಂ ಕ್ಲೇಶಾಸ್ತೇಷಾಂ ಸುಖಾಧಿಕಾಃ |
ಆದಿನಾರಾಯಣೋ ದೇವೋ ಯೇಷಾಂ ಹೃದಯಸಂಸ್ಥಿತಃ || ೧೨ ||
ಏಕಾದಶ್ಯಾಂ ರವಿದಿನೇ ಸ್ನಾತ್ವಾ ಸನ್ನಿಹಿತೋ ಜಲೇ |
ಆದಿನಾರಾಯಣಂ ಪೂಜ್ಯ ಮುಚ್ಯತೇ ಭವಬಂಧನಾತ್ || ೧೩ ||
ಇತಿ ಸ್ಕಂದಪುರಾಣೇ ಶ್ರೀ ಆದಿನಾರಾಯಣ ಸ್ತವಃ ||
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
