Read in తెలుగు / ಕನ್ನಡ / தமிழ் / देवनागरी / English (IAST)
ಜಯಾಧೀಶ ಜಯಾಜೇಯ ಜಯ ವಿಶ್ವಗುರೋ ಹರೇ |
ಜನ್ಮಮೃತ್ಯುಜರಾತೀತ ಜಯಾನಂತ ಜಯಾಚ್ಯುತ || ೧ ||
ಜಯಾಜಿತ ಜಯಾಶೇಷ ಜಯಾವ್ಯಕ್ತಸ್ಥಿತೇ ಜಯ |
ಪರಮಾರ್ಥಾರ್ಥ ಸರ್ವಜ್ಞ ಜ್ಞಾನಜ್ಞೇಯಾರ್ಥನಿಃಸೃತ || ೨ ||
ಜಯಾಶೇಷ ಜಗತ್ಸಾಕ್ಷಿನ್ ಜಗತ್ಕರ್ತುರ್ಜಗದ್ಗುರೋ |
ಜಗತೋಽಜಗದಂತೇಶ ಸ್ಥಿತೌ ಪಾಲಯತೇ ಜಯ || ೩ ||
ಜಯಾಖಿಲ ಜಯಾಶೇಷ ಜಯ ಸರ್ವಹೃದಿಸ್ಥಿತ |
ಜಯಾದಿಮಧ್ಯಾಂತಮಯ ಸರ್ವಜ್ಞಾನಮಯೋತ್ತಮ || ೪ ||
ಮುಮುಕ್ಷುಭಿರನಿರ್ದೇಶ್ಯ ನಿತ್ಯಹೃಷ್ಟ ಜಯೇಶ್ವರ |
ಯೋಗಿಭಿರ್ಮುಕ್ತಿಕಾಮೈಸ್ತು ದಮಾದಿಗುಣಭೂಷಣ || ೫ ||
ಜಯಾತಿಸೂಕ್ಷ್ಮ ದುರ್ಜ್ಞೇಯ ಜಯ ಸ್ಥೂಲ ಜಗನ್ಮಯ |
ಜಯ ಸೂಕ್ಷ್ಮಾತಿಸೂಕ್ಷ್ಮ ತ್ವಂ ಜಯಾನಿಂದ್ರಿಯ ಸೇಂದ್ರಿಯ || ೬ ||
ಜಯ ಸ್ವಮಾಯಾಯೋಗಸ್ಥ ಶೇಷಭೋಗ ಜಯಾಕ್ಷರ |
ಜಯೈಕದಂಷ್ಟ್ರಪ್ರಾಂತೇನ ಸಮುದ್ಧೃತವಸುಂಧರ || ೭ ||
ನೃಕೇಸರಿನ್ ಸುರಾರಾತಿವಕ್ಷಃಸ್ಥಲವಿದಾರಣ |
ಸಾಂಪ್ರತಂ ಜಯ ವಿಶ್ವಾತ್ಮನ್ ಮಾಯಾವಾಮನ ಕೇಶವ || ೮ ||
ನಿಜಮಾಯಾಪರಿಚ್ಛಿನ್ನ ಜಗದ್ಧಾತರ್ಜನಾರ್ದನ |
ಜಯಾಚಿಂತ್ಯ ಜಯಾನೇಕಸ್ವರೂಪೈಕವಿಧ ಪ್ರಭೋ || ೯ ||
ವರ್ಧಸ್ವ ವರ್ಧಿತಾನೇಕವಿಕಾರಪ್ರಕೃತೇ ಹರೇ |
ತ್ವಯ್ಯೇಷಾ ಜಗತಾಮೀಶೇ ಸಂಸ್ಥಿತಾ ಧರ್ಮಪದ್ಧತಿಃ || ೧೦ ||
ನ ತ್ವಾಮಹಂ ನ ಚೇಶಾನೋ ನೇಂದ್ರಾದ್ಯಾಸ್ತ್ರಿದಶಾ ಹರೇ |
ಜ್ಞಾತುಮೀಶಾ ನ ಮುನಯಃ ಸನಕಾದ್ಯಾ ನ ಯೋಗಿನಃ || ೧೧ ||
ತ್ವಂ ಮಾಯಾಪಟಸಂವೀತೋ ಜಗತ್ಯತ್ರ ಜಗತ್ಪತೇ |
ಕಸ್ತ್ವಾಂ ವೇತ್ಸ್ಯತಿ ಸರ್ವೇಶ ತ್ವತ್ಪ್ರಸಾದಂ ವಿನಾ ನರಃ || ೧೨ ||
ತ್ವಮೇವಾರಾಧಿತೋ ಯಸ್ಯ ಪ್ರಸಾದಸುಮುಖಃ ಪ್ರಭೋ |
ಸ ಏವ ಕೇವಲಂ ದೇವಂ ವೇತ್ತಿ ತ್ವಾಂ ನೇತರೋ ಜನಃ || ೧೩ ||
ತದೀಶ್ವರೇಶ್ವರೇಶಾನ ವಿಭೋ ವರ್ಧಸ್ವ ಭಾವನ |
ಪ್ರಭವಾಯಾಸ್ಯ ವಿಶ್ವಸ್ಯ ವಿಶ್ವಾತ್ಮನ್ ಪೃಥುಲೋಚನ || ೧೪ ||
ಇತಿ ಶ್ರೀವಾಮನಪುರಾಣೇ ತ್ರಿಂಶತ್ತಮೋಽಧ್ಯಾಯೇ ಬ್ರಹ್ಮ ಕೃತ ಶ್ರೀ ವಾಮನ ಸ್ತೋತ್ರಮ್ |
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
