Rahu Graha Vedic Mantra – ರಾಹು ಗ್ರಹಸ್ಯ ವೈದಿಕ ಮನ್ತ್ರ ಜಪಮ್

ಆಚಮ್ಯ । ಪ್ರಾಣಾನಾಯಮ್ಯ । ದೇಶಕಾಲೌ ಸಙ್ಕೀರ್ತ್ಯ । ಗಣಪತಿ ಸ್ಮರಣಂ ಕೃತ್ವಾ ।

ಪುನಃ ಸಙ್ಕಲ್ಪಂ –
ಅದ್ಯ ಪೂರ್ವೋಕ್ತ ಏವಂ ಗುಣವಿಶೇಷಣ ವಿಶಿಷ್ಠಾಯಾಂ ಶುಭತಿಥೌ ಮಮ ರಾಹು ಗ್ರಹಪೀಡಾಪರಿಹಾರಾರ್ಥಂ ರಾಹು ಗ್ರಹದೇವತಾ ಪ್ರಸಾದ ದ್ವಾರಾ ಆಯುರಾರೋಗ್ಯ ಐಶ್ವರ್ಯಾದಿ ಉತ್ತಮಫಲಾವಾಪ್ತ್ಯರ್ಥಂ ಮಮ ಸಙ್ಕಲ್ಪಿತ ಮನೋವಾಞ್ಛಾಫಲಸಿದ್ಧ್ಯರ್ಥಂ ಯಥಾ ಸಙ್ಖ್ಯಾಕಂ ರಾಹು ಗ್ರಹಸ್ಯ ನ್ಯಾಸಪೂರ್ವಕ ವೇದೋಕ್ತ ಮನ್ತ್ರಜಪಂ ಕರಿಷ್ಯೇ ॥

– ರಾಹು ಮನ್ತ್ರಃ –

ಕಯಾನಶ್ಚಿತ್ರೇತ್ಯಸ್ಯ ಮನ್ತ್ರಸ್ಯ ವಾಮದೇವ ಋಷಿಃ ಗಾಯತ್ರೀ ಛನ್ದಃ ರಾಹುರ್ದೇವತಾ ಕಯಾನ ಇತಿ ಬೀಜಂ ಶಚಿರಿತಿ ಶಕ್ತಿಃ ರಾಹು ಪ್ರೀತ್ಯರ್ಥೇ ಜಪೇ ವಿನಿಯೋಗಃ ।

ನ್ಯಾಸಃ –
ಓಂ ವಾಮದೇವ ಋಷಯೇ ನಮಃ ಶಿರಸಿ ।
ಓಂ ಗಾಯತ್ರೀ ಛನ್ದಸೇ ನಮಃ ಮುಖೇ ।
ಓಂ ರಾಹು ದೇವತಾಯೈ ನಮಃ ಹೃದಯೇ ।
ಓಂ ಕಯಾನ ಇತಿ ಬೀಜಾಯ ನಮಃ ಗುಹ್ಯೇ ।
ಓಂ ಶಚಿರಿತಿ ಶಕ್ತಯೇ ನಮಃ ಪಾದಯೋಃ ।
ಓಂ ರಾಹು ಪ್ರೀತ್ಯರ್ಥೇ ಜಪೇ ವಿನಿಯೋಗಾಯ ನಮಃ ಸರ್ವಾಙ್ಗೇ ।

ಕರನ್ಯಾಸಃ –
ಓಂ ಕಯಾನಃ ಇತಿ ಅಙ್ಗುಷ್ಠಾಭ್ಯಾಂ ನಮಃ ।
ಓಂ ಚಿತ್ರ ಇತಿ ತರ್ಜನೀಭ್ಯಾಂ ನಮಃ ।
ಓಂ ಆಭುವ ಇತಿ ಮಧ್ಯಮಾಭ್ಯಾಂ ನಮಃ ।
ಓಂ ದೂತೀಸದಾವೃಧಃ ಇತಿ ಅನಾಮಿಕಾಭ್ಯಾಂ ನಮಃ ।
ಓಂ ಸಖಾಕಯಾ ಇತಿ ಕನಿಷ್ಠಿಕಾಭ್ಯಾಂ ನಮಃ ।
ಓಂ ಶಚಿಷ್ಠಯಾವೃತಾ ಇತಿ ಕರತಲಕರಪೃಷ್ಠಾಭ್ಯಾಂ ನಮಃ ।

ಹೃದಯಾದಿನ್ಯಾಸಃ –
ಓಂ ಕಯಾನಃ ಇತಿ ಹೃದಯಾಯ ನಮಃ ।
ಓಂ ಚಿತ್ರ ಇತಿ ಶಿರಸೇ ಸ್ವಾಹಾ ।
ಓಂ ಆಭುವ ಇತಿ ಶಿಖಾಯೈ ವಷಟ್ ।
ಓಂ ದೂತೀಸದಾವೃಧಃ ಇತಿ ಕವಚಾಯ ಹುಮ್ ।
ಓಂ ಸಖಾಕಯಾ ಇತಿ ನೇತ್ರತ್ರಯಾಯ ವೌಷಟ್ ।
ಓಂ ಶಚಿಷ್ಠಯಾವೃತಾ ಇತಿ ಅಸ್ತ್ರಾಯ ಫಟ್ ।

ಧ್ಯಾನಮ್ –
ನೀಲಾಮ್ಬರೋ ನೀಲವಪುಃ ಕಿರೀಟೀ
ಕರಾಲವಕ್ತ್ರಃ ಕರವಾಲಶೂಲೀ ।
ಚತುರ್ಭುಜಶ್ಚರ್ಮಧರಶ್ಚ ರಾಹುಃ
ಸಿಂಹಾಧಿರೂಢೋ ವರದೋಽಸ್ತು ಮಹ್ಯಮ್ ॥

ಲಮಿತ್ಯಾದಿ ಪಞ್ಚಪೂಜಾಂ ಕುರ್ಯಾತ್ ॥

(ಯ।ವೇ।೩೬-೪)
ಓಂ ಕಯಾ॑ ನಶ್ಚಿ॒ತ್ರ ಆ ಭು॑ವದೂ॒ತೀ ಸ॒ದಾವೃ॑ಧ॒: ಸಖಾ॑ ।
ಕಯಾ॒ ಶಚಿ॑ಷ್ಠಯಾ ವೃ॒ತಾ ॥

ಓಂ ರಾಹವೇ ನಮಃ ॥

ಸಮರ್ಪಣಮ್ –
ಗುಹ್ಯಾತಿ ಗುಹ್ಯ ಗೋಪ್ತಾ ತ್ವಂ ಗೃಹಾಣಾಸ್ಮತ್ಕೃತಂ ಜಪಮ್ ।
ಸಿದ್ಧಿರ್ಭವತು ಮೇ ದೇವ ತ್ವತ್ಪ್ರಸಾದಾನ್ಮಯಿ ಸ್ಥಿರ ॥

ಅನೇನ ಮಯಾ ಕೃತ ರಾಹು ಗ್ರಹಸ್ಯ ಮನ್ತ್ರ ಜಪೇನ ರಾಹು ಸುಪ್ರೀತೋ ಸುಪ್ರಸನ್ನೋ ವರದೋ ಭವನ್ತು ।

ಓಂ ಶಾನ್ತಿಃ ಶಾನ್ತಿಃ ಶಾನ್ತಿಃ ।

Did you see any mistake/variation in the content above? Click here to report mistakes and corrections in Stotranidhi content.