Read in తెలుగు / ಕನ್ನಡ / தமிழ் / देवनागरी / English (IAST)
ಪ್ರತ್ಯಂಗಿರಾಂ ಆಶ್ರಿತಕಲ್ಪವಲ್ಲೀಂ
ಅನಂತಕಳ್ಯಾಣಗುಣಾಭಿರಾಮಾಮ್ |
ಸುರಾಸುರೇಶಾರ್ಚಿತ ಪಾದಪದ್ಮಾಂ
ಸಚ್ಚಿತ್ ಪರಾನಂದಮಯೀಂ ನಮಾಮಿ || ೧ ||
ಪ್ರತ್ಯಂಗಿರಾಂ ಸರ್ವಜಗತ್ ಪ್ರಸೂತಿಂ
ಸರ್ವೇಶ್ವರೀಂ ಸರ್ವಭಯಾಪಹಂತ್ರೀಮ್ |
ಸಮಸ್ತ ಸಂಪತ್ ಸುಖದಾಂ ಸಮಸ್ತ-
-ಶರೀರಿಣೀಂ ಸರ್ವದೃಶಾಂ ನಮಾಮಿ || ೨ ||
ಪ್ರತ್ಯಂಗಿರಾಂ ಕಾಮದುಘಾಂ ನಿಜಾಂಘ್ರಿ-
-ಪದ್ಮಾಶ್ರಿತಾನಾಂ ಪರಿಪಂಧಿ ಭೀಮಾಮ್ |
ಶ್ಯಾಮಾಂ ಶಿವಾಂ ಶಂಕರದಿವ್ಯದೀಪ್ತಿಂ
ಸಿಂಹಾಕೃತಿಂ ಸಿಂಹಮುಖೀಂ ನಮಾಮಿ || ೩ ||
ಯಂತ್ರಾಣಿ ತಂತ್ರಾಣಿ ಚ ಮಂತ್ರಜಾಲಂ
ಕೃತ್ಯಾಃ ಪರೇಷಾಂ ಚ ಮಹೋಗ್ರಕೃತ್ಯೇ |
ಪ್ರತ್ಯಂಗಿರೇ ಧ್ವಂಸಯ ಯಂತ್ರ-ತಂತ್ರ-
-ಮಂತ್ರಾನ್ ಸ್ವಕೀಯಾನ್ ಪ್ರಕಟೀ ಕುರುಷ್ವ || ೪ ||
ಕುಟುಂಬವೃದ್ಧಿಂ ಧನಧಾನ್ಯವೃದ್ಧಿಂ
ಸಮಸ್ತ ಭೋಗಾನ್ ಅಮಿತಾನ್ ಶ್ರಿಯಂ ಚ |
ಸಮಸ್ತ ವಿದ್ಯಾ ಸುವಿಶಾರದತ್ವಂ
ಮತಿಂ ಚ ಮೇ ದೇಹಿ ಮಹೋಗ್ರಕೃತ್ಯೇ || ೫ ||
ಸಮಸ್ತ ದೇಶಾಧಿಪತೀನ್ ಮಮಾಶು
ವಶೇ ಶಿವೇ ಸ್ಥಾಪಯ ಶತ್ರುಸಂಘಾನ್ |
ಹನಾಶು ಮೇ ದೇವಿ ಮಹೋಗ್ರಕೃತ್ಯೇ
ಪ್ರಸೀದ ದೇವೇಶ್ವರಿ ಭುಕ್ತಿ ಮುಕ್ತಿಃ || ೬ ||
ಜಯ ಪ್ರತ್ಯಂಗಿರೇ ದೇವಿ ಜಯ ವಿಶ್ವಮಯೇ ಶಿವೇ |
ಜಯ ದುರ್ಗೇ ಮಹಾದೇವಿ ಮಹಾಕೃತ್ಯೇ ನಮೋಽಸ್ತು ತೇ || ೭ ||
ಜಯ ಪ್ರತ್ಯಂಗಿರೇ ವಿಷ್ಣುವಿರಿಂಚಿಶಿವಪೂಜಿತೇ |
ಸತ್ಯಜ್ಞಾನಾನಂದಮಯಿ ಸರ್ವೇಶ್ವರಿ ನಮೋಽಸ್ತು ತೇ || ೮ ||
ಬ್ರಹ್ಮಾಂಡಾನಾಂ ಅಶೇಷಾನಾಂ ಶರಣ್ಯೇ ಜಗದಂಬಿಕೇ |
ಅಶೇಷಜಗದಾರಾಧ್ಯೇ ನಮಃ ಪ್ರತ್ಯಂಗಿರೇಽಸ್ತು ತೇ || ೯ ||
ಪ್ರತ್ಯಂಗಿರೇ ಮಹಾಕೃತ್ಯೇ ದುಸ್ತರಾಪನ್ನಿವಾರಿಣಿ |
ಸಕಲಾಪನ್ನಿವೃತ್ತಿಂ ಮೇ ಸರ್ವದಾ ಕುರು ಸರ್ವದೇ || ೧೦ ||
ಪ್ರತ್ಯಂಗಿರೇ ಜಗನ್ಮಾತರ್ಜಯ ಶ್ರೀ ಪರಮೇಶ್ವರಿ |
ತೀವ್ರದಾರಿದ್ರ್ಯದುಃಖಂ ಮೇ ಕ್ಷಿಪ್ರಮೇವ ಹರಾಂಬಿಕೇ || ೧೧ ||
ಪ್ರತ್ಯಂಗಿರೇ ಮಹಾಮಾಯೇ ಭೀಮೇ ಭೀಮಪರಾಕ್ರಮೇ |
ಮಮ ಶತ್ರೂನಶೇಷಾಂಸ್ತ್ವಂ ದುಷ್ಟಾನ್ನಾಶಯ ನಾಶಯ || ೧೨ ||
ಪ್ರತ್ಯಂಗಿರೇ ಮಹಾದೇವಿ ಜ್ವಾಲಾಮಾಲೋಜ್ವಲಾನನೇ |
ಕ್ರೂರಗ್ರಹಾನ್ ಅಶೇಷಾನ್ ತ್ವಂ ದಹ ಖಾದಾಗ್ನಿಲೋಚನೇ || ೧೩ ||
ಪ್ರತ್ಯಂಗಿರೇ ಮಹಾಘೋರೇ ಪರಮಂತ್ರಾಂಶ್ಚ ಕೃತ್ರಿಮಾನ್ |
ಪರಕೃತ್ಯಾ ಯಂತ್ರತಂತ್ರಜಾಲಂ ಛೇದಯ ಛೇದಯ || ೧೪ ||
ಪ್ರತ್ಯಂಗಿರೇ ವಿಶಾಲಾಕ್ಷಿ ಪರಾತ್ಪರತರೇ ಶಿವೇ |
ದೇಹಿ ಮೇ ಪುತ್ರಪೌತ್ರಾದಿ ಪಾರಂಪರ್ಯೋಚ್ಛ್ರಿತಾಂ ಶ್ರಿಯಂ || ೧೫ ||
ಪ್ರತ್ಯಂಗಿರೇ ಮಹಾದುರ್ಗೇ ಭೋಗಮೋಕ್ಷಫಲಪ್ರದೇ |
ಸಕಲಾಭೀಷ್ಟಸಿದ್ಧಿಂ ಮೇ ದೇಹಿ ಸರ್ವೇಶ್ವರೇಶ್ವರೀ || ೧೬ ||
ಪ್ರತ್ಯಂಗಿರೇ ಮಹಾದೇವಿ ಮಹಾದೇವಮನಃಪ್ರಿಯೇ |
ಮಂಗಳಂ ಮೇ ಪ್ರಯಚ್ಛಾಶು ಮನಸಾ ತ್ವಾಂ ನಮಾಮ್ಯಹಮ್ || ೧೭ ||
ಇತಿ ಶ್ರೀ ಪ್ರತ್ಯಂಗಿರಾ ಪರಮೇಶ್ವರಿ ಸ್ತೋತ್ರಮ್ |
ಇನ್ನಷ್ಟು ಶ್ರೀ ಪ್ರತ್ಯಂಗಿರಾ ಸ್ತೋತ್ರಗಳು ನೋಡಿ.
ಇನ್ನಷ್ಟು ದೇವೀ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
