Sri Pratyangira Stotram 3 – శ్రీ ప్రత్యంగిరా స్తోత్రం – ౩


ప్రత్యంగిరాం ఆశ్రితకల్పవల్లీం
అనంతకళ్యాణగుణాభిరామామ్ |
సురాసురేశార్చిత పాదపద్మాం
సచ్చిత్ పరానందమయీం నమామి || ౧ ||

ప్రత్యంగిరాం సర్వజగత్ ప్రసూతిం
సర్వేశ్వరీం సర్వభయాపహంత్రీమ్ |
సమస్త సంపత్ సుఖదాం సమస్త-
-శరీరిణీం సర్వదృశాం నమామి || ౨ ||

ప్రత్యంగిరాం కామదుఘాం నిజాంఘ్రి-
-పద్మాశ్రితానాం పరిపంధి భీమామ్ |
శ్యామాం శివాం శంకరదివ్యదీప్తిం
సింహాకృతిం సింహముఖీం నమామి || ౩ ||

యంత్రాణి తంత్రాణి చ మంత్రజాలం
కృత్యాః పరేషాం చ మహోగ్రకృత్యే |
ప్రత్యంగిరే ధ్వంసయ యంత్ర-తంత్ర-
-మంత్రాన్ స్వకీయాన్ ప్రకటీ కురుష్వ || ౪ ||

కుటుంబవృద్ధిం ధనధాన్యవృద్ధిం
సమస్త భోగాన్ అమితాన్ శ్రియం చ |
సమస్త విద్యా సువిశారదత్వం
మతిం చ మే దేహి మహోగ్రకృత్యే || ౫ ||

సమస్త దేశాధిపతీన్ మమాశు
వశే శివే స్థాపయ శత్రుసంఘాన్ |
హనాశు మే దేవి మహోగ్రకృత్యే
ప్రసీద దేవేశ్వరి భుక్తి ముక్తిః || ౬ ||

జయ ప్రత్యంగిరే దేవి జయ విశ్వమయే శివే |
జయ దుర్గే మహాదేవి మహాకృత్యే నమోఽస్తు తే || ౭ ||

జయ ప్రత్యంగిరే విష్ణువిరించిశివపూజితే |
సత్యజ్ఞానానందమయి సర్వేశ్వరి నమోఽస్తు తే || ౮ ||

బ్రహ్మాండానాం అశేషానాం శరణ్యే జగదంబికే |
అశేషజగదారాధ్యే నమః ప్రత్యంగిరేఽస్తు తే || ౯ ||

ప్రత్యంగిరే మహాకృత్యే దుస్తరాపన్నివారిణి |
సకలాపన్నివృత్తిం మే సర్వదా కురు సర్వదే || ౧౦ ||

ప్రత్యంగిరే జగన్మాతర్జయ శ్రీ పరమేశ్వరి |
తీవ్రదారిద్ర్యదుఃఖం మే క్షిప్రమేవ హరాంబికే || ౧౧ ||

ప్రత్యంగిరే మహామాయే భీమే భీమపరాక్రమే |
మమ శత్రూనశేషాంస్త్వం దుష్టాన్నాశయ నాశయ || ౧౨ ||

ప్రత్యంగిరే మహాదేవి జ్వాలామాలోజ్వలాననే |
క్రూరగ్రహాన్ అశేషాన్ త్వం దహ ఖాదాగ్నిలోచనే || ౧౩ ||

ప్రత్యంగిరే మహాఘోరే పరమంత్రాంశ్చ కృత్రిమాన్ |
పరకృత్యా యంత్రతంత్రజాలం ఛేదయ ఛేదయ || ౧౪ ||

ప్రత్యంగిరే విశాలాక్షి పరాత్పరతరే శివే |
దేహి మే పుత్రపౌత్రాది పారంపర్యోచ్ఛ్రితాం శ్రియం || ౧౫ ||

ప్రత్యంగిరే మహాదుర్గే భోగమోక్షఫలప్రదే |
సకలాభీష్టసిద్ధిం మే దేహి సర్వేశ్వరేశ్వరీ || ౧౬ ||

ప్రత్యంగిరే మహాదేవి మహాదేవమనఃప్రియే |
మంగళం మే ప్రయచ్ఛాశు మనసా త్వాం నమామ్యహమ్ || ౧౭ ||

ఇతి శ్రీ ప్రత్యంగిరా పరమేశ్వరి స్తోత్రమ్ |


మరిన్ని శ్రీ ప్రత్యంగిరా స్తోత్రాలు చూడండి.
మరిన్ని దేవీ స్తోత్రాలు చూడండి.


గమనిక: రాబోయే హనుమజ్జయంతి సందర్భంగా హనుమాన్ స్తోత్రాలతో కూడిన "శ్రీ రామ స్తోత్రనిధి" పుస్తకము అందుబాటులో ఉంది. Click here to buy.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed