Read in తెలుగు / ಕನ್ನಡ / தமிழ் / देवनागरी / English (IAST)
ಹರಿರುವಾಚ |
ಪ್ರವಕ್ಷ್ಯಾಮ್ಯಧುನಾ ಹ್ಯೇತದ್ವೈಷ್ಣವಂ ಪಂಜರಂ ಶುಭಮ್ |
ನಮೋ ನಮಸ್ತೇ ಗೋವಿಂದ ಚಕ್ರಂ ಗೃಹ್ಯ ಸುದರ್ಶನಮ್ |
ಪ್ರಾಚ್ಯಾಂ ರಕ್ಷಸ್ವ ಮಾಂ ವಿಷ್ಣೋ ತ್ವಾಮಹಂ ಶರಣಂ ಗತಃ || ೧ ||
ಗದಾಂ ಕೌಮೋದಕೀಂ ಗೃಹ್ಣ ಪದ್ಮನಾಭ ನಮೋಽಸ್ತು ತೇ |
ಯಾಮ್ಯಾಂ ರಕ್ಷಸ್ವ ಮಾಂ ವಿಷ್ಣೋ ತ್ವಾಮಹಂ ಶರಣಂ ಗತಃ || ೨ ||
ಹಲಮಾದಾಯ ಸೌನಂದಂ ನಮಸ್ತೇ ಪುರುಷೋತ್ತಮ |
ಪ್ರತೀಚ್ಯಾಂ ರಕ್ಷ ಮಾಂ ವಿಷ್ಣೋ ತ್ವಾಮಹಂ ಶರಣಂ ಗತಃ || ೩ ||
ಮುಸಲಂ ಶಾತನಂ ಗೃಹ್ಯ ಪುಂಡರೀಕಾಕ್ಷ ರಕ್ಷ ಮಾಮ್ |
ಉತ್ತರಸ್ಯಾಂ ಜಗನ್ನಾಥ ಭವಂತಂ ಶರಣಂ ಗತಃ || ೪ ||
ಖಡ್ಗಮಾದಾಯ ಚರ್ಮಾಥ ಅಸ್ತ್ರಶಸ್ತ್ರಾದಿಕಂ ಹರೇ |
ನಮಸ್ತೇ ರಕ್ಷ ರಕ್ಷೋಘ್ನ ಐಶಾನ್ಯಾಂ ಶರಣಂ ಗತಃ || ೫ ||
ಪಾಂಚಜನ್ಯಂ ಮಹಾಶಂಖಮನುದ್ಬೋಧಂ ಚ ಪಂಕಜಮ್ |
ಪ್ರಗೃಹ್ಯ ರಕ್ಷ ಮಾಂ ವಿಷ್ಣೋ ಆಗ್ನ್ಯೇಯ್ಯಾಂ ಯಜ್ಞಸೂಕರ || ೬ ||
ಚಂದ್ರಸೂರ್ಯಂ ಸಮಾಗೃಹ್ಯ ಖಡ್ಗಂ ಚಾಂದ್ರಮಸಂ ತಥಾ |
ನೈರೃತ್ಯಾಂ ಮಾಂ ಚ ರಕ್ಷಸ್ವ ದಿವ್ಯಮೂರ್ತೇ ನೃಕೇಸರಿನ್ || ೭ ||
ವೈಜಯಂತೀಂ ಸಂಪ್ರಗೃಹ್ಯ ಶ್ರೀವತ್ಸಂ ಕಂಠಭೂಷಣಮ್ |
ವಾಯವ್ಯಾಂ ರಕ್ಷ ಮಾಂ ದೇವ ಹಯಗ್ರೀವ ನಮೋಽಸ್ತು ತೇ || ೮ ||
ವೈನತೇಯಂ ಸಮಾರುಹ್ಯ ತ್ವಂತರಿಕ್ಷೇ ಜನಾರ್ದನ |
ಮಾಂ ಚ ರಕ್ಷಾಜಿತ ಸದಾ ನಮಸ್ತೇಽಸ್ತ್ವಪರಾಜಿತ || ೯ ||
ವಿಶಾಲಾಕ್ಷಂ ಸಮಾರುಹ್ಯ ರಕ್ಷ ಮಾಂ ತ್ವಂ ರಸಾತಲೇ |
ಅಕೂಪಾರ ನಮಸ್ತುಭ್ಯಂ ಮಹಾಮೀನ ನಮೋಽಸ್ತು ತೇ || ೧೦ ||
ಕರಶೀರ್ಷಾದ್ಯಂಗುಲೀಷು ಸತ್ಯ ತ್ವಂ ಬಾಹುಪಂಜರಮ್ |
ಕೃತ್ವಾ ರಕ್ಷಸ್ವ ಮಾಂ ವಿಷ್ಣೋ ನಮಸ್ತೇ ಪುರುಷೋತ್ತಮ || ೧೧ ||
ಏವಮುಕ್ತಂ ಶಂಕರಾಯ ವೈಷ್ಣವಂ ಪಂಜರಂ ಮಹತ್ |
ಪುರಾ ರಕ್ಷಾರ್ಥಮೀಶಾನ್ಯಾಃ ಕಾತ್ಯಾಯನ್ಯಾ ವೃಷಧ್ವಜ || ೧೨ ||
ನಾಶಯಾಮಾಸ ಸಾ ಯೇನ ಚಾಮರಂ ಮಹಿಷಾಸುರಮ್ |
ದಾನವಂ ರಕ್ತಬೀಜಂ ಚ ಅನ್ಯಾಂಶ್ಚ ಸುರಕಂಟಕಾನ್ |
ಏತಜ್ಜಪನ್ನರೋ ಭಕ್ತ್ಯಾ ಶತ್ರೂನ್ವಿಜಯತೇ ಸದಾ || ೧೩ ||
ಇತಿ ಶ್ರೀಗಾರುಡೇ ಮಹಾಪುರಾಣೇ ಪೂರ್ವಖಂಡೇ ಪ್ರಥಮಾಂಶಾಖ್ಯೇ ತ್ರಯೋದಶೋಽಧ್ಯಾಯೇ
ಶ್ರೀ ವಿಷ್ಣು ಪಂಜರ ಸ್ತೋತ್ರಮ್ |
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
