Sri Vishnu Nama Stotram (Narasimha Purane) – ಶ್ರೀ ವಿಷ್ಣೋರ್ನಾಮ ಸ್ತೋತ್ರಂ (ನರಸಿಂಹಪುರಾಣೇ)

ಶ್ರೀಮಹಾದೇವ ಉವಾಚ |
ವಿಷ್ಣುರ್ಜಿಷ್ಣುರ್ವಿಭುರ್ದೇವೋ ಯಜ್ಞೇಶೋ ಯಜ್ಞಪಾಲಕಃ |
ಪ್ರಭವಿಷ್ಣುರ್ಗ್ರಸಿಷ್ಣುಶ್ಚ ಲೋಕಾತ್ಮಾ ಲೋಕಪಾಲಕಃ || ೧ ||

ಕೇಶವಃ ಕೇಶಿಹಾ ಕಲ್ಪಃ ಸರ್ವಕಾರಣಕಾರಣಮ್ |
ಕರ್ಮಕೃದ್ವಾಮನಾಧೀಶೋ ವಾಸುದೇವಃ ಪುರುಷ್ಟುತಃ || ೨ ||

ಆದಿಕರ್ತಾ ವರಾಹಶ್ಚ ಮಾಧವೋ ಮಧುಸೂದನಃ |
ನಾರಾಯಣೋ ನರೋ ಹಂಸೋ ವಿಷ್ಣುಸೇನೋ ಹುತಾಶನಃ || ೩ ||

ಜ್ಯೋತಿಷ್ಮಾನ್ ದ್ಯುತಿಮಾನ್ ಶ್ರೀಮಾನಾಯುಷ್ಮಾನ್ ಪುರುಷೋತ್ತಮಃ |
ವೈಕುಂಠಃ ಪುಂಡರೀಕಾಕ್ಷಃ ಕೃಷ್ಣಃ ಸೂರ್ಯಃ ಸುರಾರ್ಚಿತಃ || ೪ ||

ನರಸಿಂಹೋ ಮಹಾಭೀಮೋ ವಜ್ರದಂಷ್ಟ್ರೋ ನಖಾಯುಧಃ |
ಆದಿದೇವೋ ಜಗತ್ಕರ್ತಾ ಯೋಗೇಶೋ ಗರುಡಧ್ವಜಃ || ೫ ||

ಗೋವಿಂದೋ ಗೋಪತಿರ್ಗೋಪ್ತಾ ಭೂಪತಿರ್ಭುವನೇಶ್ವರಃ |
ಪದ್ಮನಾಭೋ ಹೃಷೀಕೇಶೋ ವಿಭುರ್ದಾಮೋದರೋ ಹರಿಃ || ೬ ||

ತ್ರಿವಿಕ್ರಮಸ್ತ್ರಿಲೋಕೇಶೋ ಬ್ರಹ್ಮೇಶಃ ಪ್ರೀತಿವರ್ಧನಃ |
ವಾಮನೋ ದುಷ್ಟದಮನೋ ಗೋವಿಂದೋ ಗೋಪವಲ್ಲಭಃ || ೭ ||

ಭಕ್ತಿಪ್ರಿಯೋಽಚ್ಯುತಃ ಸತ್ಯಃ ಸತ್ಯಕೀರ್ತಿರ್ಧ್ರುವಃ ಶುಚಿಃ |
ಕಾರುಣ್ಯಃ ಕರುಣೋ ವ್ಯಾಸಃ ಪಾಪಹಾ ಶಾಂತಿವರ್ಧನಃ || ೮ ||

ಸಂನ್ಯಾಸೀ ಶಾಸ್ತ್ರತತ್ತ್ವಜ್ಞೋ ಮಂದಾರಗಿರಿಕೇತನಃ |
ಬದರೀನಿಲಯಃ ಶಾಂತಸ್ತಪಸ್ವೀ ವೈದ್ಯುತಪ್ರಭಃ || ೯ ||

ಭೂತಾವಾಸೋ ಗುಹಾವಾಸಃ ಶ್ರೀನಿವಾಸಃ ಶ್ರಿಯಃ ಪತಿಃ |
ತಪೋವಾಸೋ ದಮೋ ವಾಸಃ ಸತ್ಯವಾಸಃ ಸನಾತನಃ || ೧೦ ||

ಪುರುಷಃ ಪುಷ್ಕಲಃ ಪುಣ್ಯಃ ಪುಷ್ಕರಾಕ್ಷೋ ಮಹೇಶ್ವರಃ |
ಪೂರ್ಣಃ ಪೂರ್ತಿಃ ಪುರಾಣಜ್ಞಃ ಪುಣ್ಯಜ್ಞಃ ಪುಣ್ಯವರ್ಧನಃ || ೧೧ ||

ಶಂಖೀ ಚಕ್ರೀ ಗದೀ ಶಾರ್ಙ್ಗೀ ಲಾಂಗಲೀ ಮುಶಲೀ ಹಲೀ |
ಕಿರೀಟೀ ಕುಂಡಲೀ ಹಾರೀ ಮೇಖಲೀ ಕವಚೀ ಧ್ವಜೀ || ೧೨ ||

ಜಿಷ್ಣುರ್ಜೇತಾ ಮಹಾವೀರಃ ಶತ್ರುಘ್ನಃ ಶತ್ರುತಾಪನಃ |
ಶಾಂತಃ ಶಾಂತಿಕರಃ ಶಾಸ್ತಾ ಶಂಕರಃ ಶಂತನುಸ್ತುತಃ || ೧೩ ||

ಸಾರಥಿಃ ಸಾತ್ತ್ವಿಕಃ ಸ್ವಾಮೀ ಸಾಮವೇದಪ್ರಿಯಃ ಸಮಃ |
ಸಾವನಃ ಸಾಹಸೀ ಸತ್ತ್ವಃ ಸಂಪೂರ್ಣಾಂಶಃ ಸಮೃದ್ಧಿಮಾನ್ || ೧೪ ||

ಸ್ವರ್ಗದಃ ಕಾಮದಃ ಶ್ರೀದಃ ಕೀರ್ತಿದಃ ಕೀರ್ತಿನಾಶನಃ |
ಮೋಕ್ಷದಃ ಪುಂಡರೀಕಾಕ್ಷಃ ಕ್ಷೀರಾಬ್ಧಿಕೃತಕೇತನಃ || ೧೫ ||

ಸ್ತುತಃ ಸುರಾಸುರೈರೀಶ ಪ್ರೇರಕಃ ಪಾಪನಾಶನಃ |
ತ್ವಂ ಯಜ್ಞಸ್ತ್ವಂ ವಷಟ್ಕಾರಸ್ತ್ವಮೋಂಕಾರಸ್ತ್ವಮಗ್ನಯಃ || ೧೬ ||

ತ್ವಂ ಸ್ವಾಹಾ ತ್ವಂ ಸ್ವಧಾ ದೇವ ತ್ವಂ ಸುಧಾ ಪುರುಷೋತ್ತಮ |
ನಮೋ ದೇವಾದಿದೇವಾಯ ವಿಷ್ಣವೇ ಶಾಶ್ವತಾಯ ಚ || ೧೭ ||

ಅನಂತಾಯಾಪ್ರಮೇಯಾಯ ನಮಸ್ತೇ ಗರುಡಧ್ವಜ |
ಇತ್ಯೇತೈರ್ನಾಮಭಿರ್ದಿವ್ಯೈಃ ಸಂಸ್ತುತೋ ಮಧುಸೂದನಃ || ೧೮ ||

ಇತಿ ಶ್ರೀನರಸಿಂಹಪುರಾಣೇ ಚತ್ವಾರಿಂಶೋಽಧ್ಯಾಯೇ ಮಹಾದೇವಕೃತ ಶ್ರೀ ವಿಷ್ಣೋರ್ನಾಮ ಸ್ತೋತ್ರಮ್ |

Did you see any mistake/variation in the content above? Click here to report mistakes and corrections in Stotranidhi content.