Read in తెలుగు / ಕನ್ನಡ / தமிழ் / देवनागरी / English (IAST)
ಅಸ್ಯ ಶ್ರೀಸಪ್ತಮುಖವೀರಹನುಮತ್ಕವಚ ಸ್ತೋತ್ರಮಂತ್ರಸ್ಯ, ನಾರದ ಋಷಿಃ, ಅನುಷ್ಟುಪ್ ಛಂದಃ, ಶ್ರೀಸಪ್ತಮುಖೀಕಪಿಃ ಪರಮಾತ್ಮಾ ದೇವತಾ, ಹ್ರಾಂ ಬೀಜಂ, ಹ್ರೀಂ ಶಕ್ತಿಃ, ಹ್ರೂಂ ಕೀಲಕಂ, ಮಮ ಸರ್ವಾಭೀಷ್ಟಸಿದ್ಧ್ಯರ್ಥೇ ಜಪೇ ವಿನಿಯೋಗಃ ||
ಕರನ್ಯಾಸಃ –
ಓಂ ಹ್ರಾಂ ಅಂಗುಷ್ಠಾಭ್ಯಾಂ ನಮಃ |
ಓಂ ಹ್ರೀಂ ತರ್ಜನೀಭ್ಯಾಂ ನಮಃ |
ಓಂ ಹ್ರೂಂ ಮಧ್ಯಮಾಭ್ಯಾಂ ನಮಃ |
ಓಂ ಹ್ರೈಂ ಅನಾಮಿಕಾಭ್ಯಾಂ ನಮಃ |
ಓಂ ಹ್ರೌಂ ಕನಿಷ್ಠಿಕಾಭ್ಯಾಂ ನಮಃ |
ಓಂ ಹ್ರಃ ಕರತಲಕರಪೃಷ್ಠಾಭ್ಯಾಂ ನಮಃ ||
ಅಂಗನ್ಯಾಸಃ –
ಓಂ ಹ್ರಾಂ ಹೃದಯಾಯ ನಮಃ |
ಓಂ ಹ್ರೀಂ ಶಿರಸೇ ಸ್ವಾಹಾ |
ಓಂ ಹ್ರೂಂ ಶಿಖಾಯೈ ವಷಟ್ |
ಓಂ ಹ್ರೈಂ ಕವಚಾಯ ಹುಮ್ |
ಓಂ ಹ್ರೌಂ ನೇತ್ರತ್ರಯಾಯ ವೌಷಟ್ |
ಓಂ ಹ್ರಃ ಅಸ್ತ್ರಾಯ ಫಟ್ ||
ಧ್ಯಾನಮ್ –
ವಂದೇವಾನರಸಿಂಹಸರ್ಪರಿಪುವಾರಾಹಾಶ್ವಗೋಮಾನುಷೈರ್ಯುಕ್ತಂ
ಸಪ್ತಮುಖೈಃ ಕರೈರ್ದ್ರುಮಗಿರಿಂ ಚಕ್ರಂ ಗದಾಂ ಖೇಟಕಮ್ |
ಖಟ್ವಾಂಗಂ ಹಲಮಂಕುಶಂ ಫಣಿಸುಧಾಕುಂಭೌ ಶರಾಬ್ಜಾಭಯಾನ್
ಶೂಲಂ ಸಪ್ತಶಿಖಂ ದಧಾನಮಮರೈಃ ಸೇವ್ಯಂ ಕಪಿಂ ಕಾಮದಮ್ ||
ಬ್ರಹ್ಮೋವಾಚ |
ಸಪ್ತಶೀರ್ಷ್ಣಃ ಪ್ರವಕ್ಷ್ಯಾಮಿ ಕವಚಂ ಸರ್ವಸಿದ್ಧಿದಮ್ |
ಜಪ್ತ್ವಾ ಹನುಮತೋ ನಿತ್ಯಂ ಸರ್ವಪಾಪೈಃ ಪ್ರಮುಚ್ಯತೇ || ೧ ||
ಸಪ್ತಸ್ವರ್ಗಪತಿಃ ಪಾಯಾಚ್ಛಿಖಾಂ ಮೇ ಮಾರುತಾತ್ಮಜಃ |
ಸಪ್ತಮೂರ್ಧಾ ಶಿರೋಽವ್ಯಾನ್ಮೇ ಸಪ್ತಾರ್ಚಿರ್ಭಾಲದೇಶಕಮ್ || ೨ ||
ತ್ರಿಃಸಪ್ತನೇತ್ರೋ ನೇತ್ರೇಽವ್ಯಾತ್ ಸಪ್ತಸ್ವರಗತಿಃ ಶ್ರುತೀ |
ನಾಸಾಂ ಸಪ್ತಪದಾರ್ಥೋಽವ್ಯಾನ್ಮುಖಂ ಸಪ್ತಮುಖೋಽವತು || ೩ ||
ಸಪ್ತಜಿಹ್ವಸ್ತು ರಸನಾಂ ರದಾನ್ ಸಪ್ತಹಯೋಽವತು |
ಸಪ್ತಚ್ಛದೋ ಹರಿಃ ಪಾತು ಕಂಠಂ ಬಾಹೂ ಗಿರಿಸ್ಥಿತಃ || ೪ ||
ಕರೌ ಚತುರ್ದಶಕರೋ ಭೂಧರೋಽವ್ಯಾನ್ಮಮಾಂಗುಳೀಃ |
ಸಪ್ತರ್ಷಿಧ್ಯಾತೋ ಹೃದಯಮುದರಂ ಕುಕ್ಷಿಸಾಗರಃ || ೫ ||
ಸಪ್ತದ್ವೀಪಪತಿಶ್ಚಿತ್ತಂ ಸಪ್ತವ್ಯಾಹೃತಿರೂಪವಾನ್ |
ಕಟಿಂ ಮೇ ಸಪ್ತಸಂಸ್ಥಾರ್ಥದಾಯಕಃ ಸಕ್ಥಿನೀ ಮಮ || ೬ ||
ಸಪ್ತಗ್ರಹಸ್ವರೂಪೀ ಮೇ ಜಾನುನೀ ಜಂಘಯೋಸ್ತಥಾ |
ಸಪ್ತಧಾನ್ಯಪ್ರಿಯಃ ಪಾದೌ ಸಪ್ತಪಾತಾಳಧಾರಕಃ || ೭ ||
ಪಶೂನ್ ಧನಂ ಚ ಧಾನ್ಯಂ ಚ ಲಕ್ಷ್ಮೀಂ ಲಕ್ಷ್ಮೀಪ್ರದೋಽವತು |
ದಾರಾನ್ ಪುತ್ರಾಂಶ್ಚ ಕನ್ಯಾಶ್ಚ ಕುಟುಂಬಂ ವಿಶ್ವಪಾಲಕಃ || ೮ ||
ಅನುಕ್ತಸ್ಥಾನಮಪಿ ಮೇ ಪಾಯಾದ್ವಾಯುಸುತಃ ಸದಾ |
ಚೌರೇಭ್ಯೋ ವ್ಯಾಲದಂಷ್ಟ್ರಿಭ್ಯಃ ಶೃಂಗಿಭ್ಯೋ ಭೂತರಾಕ್ಷಸಾತ್ || ೯ ||
ದೈತ್ಯೇಭ್ಯೋಽಪ್ಯಥ ಯಕ್ಷೇಭ್ಯೋ ಬ್ರಹ್ಮರಾಕ್ಷಸಜಾದ್ಭಯಾತ್ |
ದಂಷ್ಟ್ರಾಕರಾಳವದನೋ ಹನುಮಾನ್ ಮಾಂ ಸದಾಽವತು || ೧೦ ||
ಪರಶಸ್ತ್ರಮಂತ್ರಯಂತ್ರತಂತ್ರಾಗ್ನಿಜಲವಿದ್ಯುತಃ |
ರುದ್ರಾಂಶಃ ಶತ್ರುಸಂಗ್ರಾಮಾತ್ ಸರ್ವಾವಸ್ಥಾಸು ಸರ್ವಭೃತ್ || ೧೧ ||
ಓಂ ನಮೋ ಭಗವತೇ ಸಪ್ತವದನಾಯ ಆದ್ಯ ಕಪಿಮುಖಾಯ ವೀರಹನುಮತೇ ಸರ್ವಶತ್ರುಸಂಹಾರಣಾಯ ಠಂಠಂಠಂಠಂಠಂಠಂಠಂ ಓಂ ನಮಃ ಸ್ವಾಹಾ || ೧೨ ||
ಓಂ ನಮೋ ಭಗವತೇ ಸಪ್ತವದನಾಯ ದ್ವಿತೀಯ ನಾರಸಿಂಹಾಸ್ಯಾಯ ಅತ್ಯುಗ್ರತೇಜೋವಪುಷೇ ಭೀಷಣಾಯ ಭಯನಾಶನಾಯ ಹಂಹಂಹಂಹಂಹಂಹಂಹಂ ಓಂ ನಮಃ ಸ್ವಾಹಾ || ೧೩ ||
ಓಂ ನಮೋ ಭಗವತೇ ಸಪ್ತವದನಾಯ ತೃತೀಯ ಗರುಡವಕ್ತ್ರಾಯ ವಜ್ರದಂಷ್ಟ್ರಾಯ ಮಹಾಬಲಾಯ ಸರ್ವರೋಗವಿನಾಶಾಯ ಮಂಮಂಮಂಮಂಮಂಮಂಮಂ ಓಂ ನಮಃ ಸ್ವಾಹಾ || ೧೪ ||
ಓಂ ನಮೋ ಭಗವತೇ ಸಪ್ತವದನಾಯ ಚತುರ್ಥ ಕ್ರೋಡತುಂಡಾಯ ಸೌಮಿತ್ರಿರಕ್ಷಕಾಯ ಪುತ್ರಾದ್ಯಭಿವೃದ್ಧಿಕರಾಯ ಲಂಲಂಲಂಲಂಲಂಲಂಲಂ ಓಂ ನಮಃ ಸ್ವಾಹಾ || ೧೫ ||
ಓಂ ನಮೋ ಭಗವತೇ ಸಪ್ತವದನಾಯ ಪಂಚಮ ಅಶ್ವವದನಾಯ ರುದ್ರಮೂರ್ತಯೇ ಸರ್ವವಶೀಕರಣಾಯ ಸರ್ವಾಗಮಸ್ವರೂಪಾಯ ರುಂರುಂರುಂರುಂರುಂರುಂರುಂ ಓಂ ನಮಃ ಸ್ವಾಹಾ || ೧೬ ||
ಓಂ ನಮೋ ಭಗವತೇ ಸಪ್ತವದನಾಯ ಷಷ್ಠ ಗೋಮುಖಾಯ ಸೂರ್ಯಸ್ವರೂಪಾಯ ಸರ್ವರೋಗಹರಾಯ ಮುಕ್ತಿದಾತ್ರೇ ಓಂಓಂಓಂಓಂಓಂಓಂಓಂ ಓಂ ನಮಃ ಸ್ವಾಹಾ || ೧೭ ||
ಓಂ ನಮೋ ಭಗವತೇ ಸಪ್ತವದನಾಯ ಸಪ್ತಮ ಮಾನುಷಮುಖಾಯ ರುದ್ರಾವತಾರಾಯ ಅಂಜನೀಸುತಾಯ ಸಕಲದಿಗ್ಯಶೋವಿಸ್ತಾರಕಾಯ ವಜ್ರದೇಹಾಯ ಸುಗ್ರೀವಸಾಹ್ಯಕರಾಯ ಉದಧಿಲಂಘನಾಯ ಸೀತಾಶುದ್ಧಿಕರಾಯ ಲಂಕಾದಹನಾಯ ಅನೇಕರಾಕ್ಷಸಾಂತಕಾಯ ರಾಮಾನಂದದಾಯಕಾಯ ಅನೇಕಪರ್ವತೋತ್ಪಾಟಕಾಯ ಸೇತುಬಂಧಕಾಯ ಕಪಿಸೈನ್ಯನಾಯಕಾಯ ರಾವಣಾಂತಕಾಯ ಬ್ರಹ್ಮಚರ್ಯಾಶ್ರಮಿಣೇ ಕೌಪೀನಬ್ರಹ್ಮಸೂತ್ರಧಾರಕಾಯ ರಾಮಹೃದಯಾಯ ಸರ್ವದುಷ್ಟಗ್ರಹನಿವಾರಣಾಯ, ಶಾಕಿನೀ ಡಾಕಿನೀ ವೇತಾಲ ಬ್ರಹ್ಮರಾಕ್ಷಸ ಭೈರವಗ್ರಹ ಯಕ್ಷಗ್ರಹ ಪಿಶಾಚಗ್ರಹ ಬ್ರಹ್ಮಗ್ರಹ ಕ್ಷತ್ರಿಯಗ್ರಹ ವೈಶ್ಯಗ್ರಹ ಶೂದ್ರಗ್ರಹಾಂತ್ಯಜಗ್ರಹ ಮ್ಲೇಚ್ಛಗ್ರಹ ಸರ್ಪಗ್ರಹೋಚ್ಚಾಟಕಾಯ, ಮಮ ಸರ್ವಕಾರ್ಯಸಾಧಕಾಯ ಸರ್ವಶತ್ರುಸಂಹಾರಕಾಯ ಸಿಂಹವ್ಯಾಘ್ರಾದಿ ದುಷ್ಟಸತ್ವಾಕರ್ಷಕಾಯ ಏಕಾಹಿಕಾದಿ ವಿವಿಧಜ್ವರಚ್ಛೇದಕಾಯ ಪರಯಂತ್ರಮಂತ್ರತಂತ್ರನಾಶಕಾಯ ಸರ್ವವ್ಯಾಧಿನಿಕೃಂತಕಾಯ ಸರ್ಪಾದಿ ಸರ್ವಸ್ಥಾವರಜಂಗಮವಿಷಸ್ತಂಭನಕರಾಯ ಸರ್ವರಾಜಭಯ ಚೋರಭಯ ಅಗ್ನಿಭಯ ಪ್ರಶಮನಾಯ ಆಧ್ಯಾತ್ಮಿಕಾಧಿದೈವಿಕಾಧಿಭೌತಿಕ ತಾಪತ್ರಯನಿವಾರಣಾಯ ಸರ್ವವಿದ್ಯಾ ಸರ್ವಸಂಪತ್ ಸರ್ವಪುರುಷಾರ್ಥದಾಯಕಾಯ ಅಸಾಧ್ಯಕಾರ್ಯಸಾಧಕಾಯ ಸರ್ವವರಪ್ರದಾಯ ಸರ್ವಾಭೀಷ್ಟಕರಾಯ ಓಂ ಹ್ರಾಂ ಹ್ರೀಂ ಹ್ರೂಂ ಹ್ರೈಂ ಹ್ರೌಂ ಹ್ರಃ ಓಂ ನಮಃ ಸ್ವಾಹಾ || ೧೮ ||
ಯ ಇದಂ ಕವಚಂ ನಿತ್ಯಂ ಸಪ್ತಾಸ್ಯಸ್ಯ ಹನೂಮತಃ |
ತ್ರಿಸಂಧ್ಯಂ ಜಪತೇ ನಿತ್ಯಂ ಸರ್ವಶತ್ರುವಿನಾಶನಮ್ || ೧೯ ||
ಪುತ್ರಪೌತ್ರಪ್ರದಂ ಸರ್ವಂ ಸಂಪದ್ರಾಜ್ಯಪ್ರದಂ ಪರಮ್ |
ಸರ್ವರೋಗಹರಂ ಚಾಯುಃಕೀರ್ತಿದಂ ಪುಣ್ಯವರ್ಧನಮ್ || ೨೦ ||
ರಾಜಾನಂ ಸ ವಶಂ ನೀತ್ವಾ ತ್ರೈಲೋಕ್ಯವಿಜಯೀ ಭವೇತ್ |
ಇದಂ ಹಿ ಪರಮಂ ಗೋಪ್ಯಂ ದೇಯಂ ಭಕ್ತಿಯುತಾಯ ಚ |
ನ ದೇಯಂ ಭಕ್ತಿಹೀನಾಯ ದತ್ವಾ ಸ ನಿರಯಂ ವ್ರಜೇತ್ || ೨೧ ||
ನಾಮಾನಿಸರ್ವಾಣ್ಯಪವರ್ಗದಾನಿ
ರೂಪಾಣಿ ವಿಶ್ವಾನಿ ಚ ಯಸ್ಯ ಸಂತಿ |
ಕರ್ಮಾಣಿ ದೇವೈರಪಿ ದುರ್ಘಟಾನಿ
ತಂ ಮಾರುತಿಂ ಸಪ್ತಮುಖಂ ಪ್ರಪದ್ಯೇ || ೨೨ ||
ಇತಿ ಶ್ರೀಸುದರ್ಶನಸಂಹಿತಾಯಾಂ ಶ್ರೀ ಸಪ್ತಮುಖ ಹನುಮತ್ ಕವಚಮ್ ||
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
