Read in తెలుగు / ಕನ್ನಡ / தமிழ் / देवनागरी / English (IAST)
ಧ್ಯಾನಮ್ –
ಬ್ರಹ್ಮಾನಂದಂ ಪರಮಸುಖದಂ ಕೇವಲಂ ಜ್ಞಾನಮೂರ್ತಿಂ
ದ್ವಂದ್ವಾತೀತಂ ಗಗನಸದೃಶಂ ತತ್ತ್ವಮಸ್ಯಾದಿಲಕ್ಷ್ಯಮ್ |
ಏಕಂ ನಿತ್ಯಂ ವಿಮಲಮಚಲಂ ಸರ್ವಧೀಸಾಕ್ಷಿಭೂತಂ
ಸಾಯೀನಾಥಂ ತ್ರಿಗುಣರಹಿತಂ ಸದ್ಗುರುಂ ತಂ ನಮಾಮಿ || [ಭಾವಾತೀತಂ]
ಸ್ತೋತ್ರಮ್ –
ಅಖಂಡಸಚ್ಚಿದಾನಂದಶ್ಚಾಽಖಿಲಜೀವವತ್ಸಲಃ |
ಅಖಿಲವಸ್ತುವಿಸ್ತಾರಶ್ಚಾಽಕ್ಬರಾಜ್ಞಾಭಿವಂದಿತಃ || ೧ ||
ಅಖಿಲಚೇತನಾಽಽವಿಷ್ಟಶ್ಚಾಽಖಿಲವೇದಸಂಪ್ರದಃ |
ಅಖಿಲಾಂಡೇಶರೂಪೋಽಪಿ ಪಿಂಡೇ ಪಿಂಡೇ ಪ್ರತಿಷ್ಠಿತಃ || ೨ ||
ಅಗ್ರಣೀರಗ್ರ್ಯಭೂಮಾ ಚ ಅಗಣಿತಗುಣಸ್ತಥಾ |
ಅಘೌಘಸನ್ನಿವರ್ತೀ ಚ ಅಚಿಂತ್ಯಮಹಿಮಾಽಚಲಃ || ೩ ||
ಅಚ್ಯುತಶ್ಚ ತಥಾಜಶ್ಚ ಅಜಾತಶತ್ರುರೇವ ಚ |
ಅಜ್ಞಾನತಿಮಿರಾಂಧಾನಾಂ ಚಕ್ಷುರುನ್ಮೀಲನಕ್ಷಮಃ || ೪ ||
ಆಜನ್ಮಸ್ಥಿತಿನಾಶಶ್ಚ ಅಣಿಮಾದಿವಿಭೂಷಿತಃ |
ಅತ್ಯುನ್ನತಧುನೀಜ್ವಾಲಾಮಾಜ್ಞಯೈವನಿವರ್ತಕಃ || ೫ ||
ಅತ್ಯುಲ್ಬಣಮಹಾಸರ್ಪಾದಪಿಭಕ್ತಸುರಕ್ಷಿತಾ |
ಅತಿತೀವ್ರತಪಸ್ತಪ್ತಶ್ಚಾತಿನಮ್ರಸ್ವಭಾವಕಃ || ೬ ||
ಅನ್ನದಾನಸದಾನಿಷ್ಠಃ ಅತಿಥಿಭುಕ್ತಶೇಷಭುಕ್ |
ಅದೃಶ್ಯಲೋಕಸಂಚಾರೀ ಅದೃಷ್ಟಪೂರ್ವದರ್ಶಿತಾ || ೭ ||
ಅದ್ವೈತವಸ್ತುತತ್ತ್ವಜ್ಞಃ ಅದ್ವೈತಾನಂದವರ್ಷಕಃ |
ಅದ್ಭುತಾನಂತಶಕ್ತಿಶ್ಚ ಅಧಿಷ್ಠಾನೋ ಹ್ಯಧೋಕ್ಷಜಃ || ೮ ||
ಅಧರ್ಮತರುಚ್ಛೇತಾ (ಚ) ಅಧಿಯಜ್ಞಃ ಸ ಏವ ಚ |
ಅಧಿಭೂತೋಽಧಿದೈವಶ್ಚ ತಥಾಧ್ಯಕ್ಷ ಇತೀರಿತಃ || ೯ ||
ಅನಘೋಽನಂತನಾಮಾ ಚ ಅನಂತಗುಣಭೂಷಣಃ |
ಅನಂತಮೂರ್ತ್ಯನಂತಶ್ಚ ಅನಂತಶಕ್ತಿಸಂಯುತಃ || ೧೦ ||
ಅನಂತಾಶ್ಚರ್ಯವೀರ್ಯಶ್ಚಾಽನಹ್ಲಕ ಅತಿಮಾನಿತಃ |
ಅನವರತಸಮಾಧಿಸ್ಥಃ ಅನಾಥಪರಿರಕ್ಷಕಃ || ೧೧ ||
ಅನನ್ಯಪ್ರೇಮಸಂಹೃಷ್ಟಗುರುಪಾದವಿಲೀನಹೃತ್ |
ಅನಾಧೃತಾಷ್ಟಸಿದ್ಧಿಶ್ಚ ಅನಾಮಯಪದಪ್ರದಃ || ೧೨ ||
ಅನಾದಿಮತ್ಪರಬ್ರಹ್ಮಾ ಅನಾಹತದಿವಾಕರಃ |
ಅನಿರ್ದೇಶ್ಯವಪುಶ್ಚೈಷ ಅನಿಮೇಷೇಕ್ಷಿತಪ್ರಜಃ || ೧೩ ||
ಅನುಗ್ರಹಾರ್ಥಮೂರ್ತಿಶ್ಚ ಅನುವರ್ತಿತವೇಂಕೂಶಃ |
ಅನೇಕದಿವ್ಯಮೂರ್ತಿಶ್ಚ ಅನೇಕಾದ್ಭುತದರ್ಶನಃ || ೧೪ ||
ಅನೇಕಜನ್ಮಜಂ ಪಾಪಂ ಸ್ಮೃತಿಮಾತ್ರೇಣ ಹಾರಕಃ |
ಅನೇಕಜನ್ಮವೃತ್ತಾಂತಂ ಸವಿಸ್ತಾರಮುದೀರಯನ್ || ೧೫ ||
ಅನೇಕಜನ್ಮಸಂಪ್ರಾಪ್ತಕರ್ಮಬಂಧವಿದಾರಣಃ |
ಅನೇಕಜನ್ಮಸಂಸಿದ್ಧಶಕ್ತಿಜ್ಞಾನಸ್ವರೂಪವಾನ್ || ೧೬ ||
ಅಂತರ್ಬಹಿಶ್ಚಸರ್ವತ್ರವ್ಯಾಪ್ತಾಖಿಲಚರಾಚರಃ |
ಅಂತರ್ಹೃದಯ ಆಕಾಶಃ ಅಂತಕಾಲೇಽಪಿ ರಕ್ಷಕಃ || ೧೭ ||
ಅಂತರ್ಯಾಮ್ಯಂತರಾತ್ಮಾ ಹಿ ಅನ್ನವಸ್ತ್ರೇಪ್ಸಿತಪ್ರದಃ |
ಅಪರಾಜಿತಶಕ್ತಿಶ್ಚ ಅಪರಿಗ್ರಹಭೂಷಿತಃ || ೧೮ ||
ಅಪವರ್ಗಪ್ರದಾತಾ ಚ ಅಪವರ್ಗಮಯೋ ಹಿ ಸಃ |
ಅಪಾಂತರಾತ್ಮರೂಪೇಣ ಸ್ರಷ್ಟುರಿಷ್ಟಪ್ರವರ್ತಕಃ || ೧೯ ||
ಅಪಾವೃತಕೃಪಾಗಾರೋ ಅಪಾರಜ್ಞಾನಶಕ್ತಿಮಾನ್ |
ತಥಾಽಪಾರ್ಥಿವದೇಹಸ್ಥಃ ಅಪಾಂಪುಷ್ಪನಿಬೋಧಕಃ || ೨೦ ||
ಅಪ್ರಪಂಚೋಽಪ್ರಮತ್ತಶ್ಚ ಅಪ್ರಮೇಯಗುಣಾಕಾರಃ |
ಅಪ್ರಾಕೃತವಪುಶ್ಚೈವ ಅಪ್ರಾಕೃತಪರಾಕ್ರಮಃ || ೨೧ ||
ಅಪ್ರಾರ್ಥಿತೇಷ್ಟದಾತಾ ವೈ ಅಬ್ದುಲ್ಲಾದಿ ಪರಾಗತಿಃ |
ಅಭಯಂ ಸರ್ವಭೂತೇಭ್ಯೋ ದದಾಮೀತಿ ವ್ರತೀ ಚ ಸಃ || ೨೨ ||
ಅಭಿಮಾನಾತಿದೂರಶ್ಚ ಅಭಿಷೇಕಚಮತ್ಕೃತಿಃ |
ಅಭೀಷ್ಟವರವರ್ಷೀ ಚ ಅಭೀಕ್ಷ್ಣದಿವ್ಯಶಕ್ತಿಭೃತ್ || ೨೩ ||
ಅಭೇದಾನಂದಸಂಧಾತಾ ಅಮರ್ತ್ಯೋಽಮೃತವಾಕ್ಸೃತಿಃ |
ಅರವಿಂದದಳಾಕ್ಷಶ್ಚ ತಥಾಽಮಿತಪರಾಕ್ರಮಃ || ೨೪ ||
ಅರಿಷಡ್ವರ್ಗನಾಶೀ ಚ ಅರಿಷ್ಟಘ್ನೋಽರ್ಹಸತ್ತಮಃ |
ಅಲಭ್ಯಲಾಭಸಂಧಾತಾ ಅಲ್ಪದಾನಸುತೋಷಿತಃ || ೨೫ ||
ಅಲ್ಲಾನಾಮಸದಾವಕ್ತಾ ಅಲಂಬುಧ್ಯಾ ಸ್ವಲಂಕೃತಃ |
ಅವತಾರಿತಸರ್ವೇಶೋ ಅವಧೀರಿತವೈಭವಃ || ೨೬ ||
ಅವಲಂಬ್ಯಸ್ವಪದಾಬ್ಜಃ ಅವಲಿಯೇತಿವಿಶ್ರುತಃ |
ಅವಧೂತಾಖಿಲೋಪಾಧಿ ಅವಿಶಿಷ್ಟಃ ಸ ಏವ ಹಿ || ೨೭ ||
ಅವಶಿಷ್ಟಸ್ವಕಾರ್ಯಾರ್ಥೇ ತ್ಯಕ್ತದೇಹಂ ಪ್ರವಿಷ್ಟವಾನ್ |
ಅವಾಕ್ಪಾಣಿಪಾದೋರುಃ ಅವಾಙ್ಮಾನಸಗೋಚರಃ || ೨೮ ||
ಅವಾಪ್ತಸರ್ವಕಾಮೋಽಪಿ ಕರ್ಮಣ್ಯೇವ ಪ್ರತಿಷ್ಟಿತಃ |
ಅವಿಚ್ಛಿನ್ನಾಗ್ನಿಹೋತ್ರಶ್ಚ ಅವಿಚ್ಛಿನ್ನಸುಖಪ್ರದಃ || ೨೯ ||
ಅವೇಕ್ಷಿತದಿಗಂತಸ್ಥಪ್ರಜಾಪಾಲನನಿಷ್ಠಿತಃ |
ಅವ್ಯಾಜಕರುಣಾಸಿಂಧುರವ್ಯಾಹತೇಷ್ಟಿದೇಶಗಃ || ೩೦ ||
ಅವ್ಯಾಹೃತೋಪದೇಶಶ್ಚ ಅವ್ಯಾಹತಸುಖಪ್ರದಃ |
ಅಶಕ್ಯಶಕ್ಯಕರ್ತಾ ಚ ಅಶುಭಾಶಯಶುದ್ಧಿಕೃತ್ || ೩೧ ||
ಅಶೇಷಭೂತಹೃತ್ಸ್ಥಾಣುಃ ಅಶೋಕಮೋಹಶೃಂಖಲಃ |
ಅಷ್ಟೈಶ್ವರ್ಯಯುತತ್ಯಾಗೀ ಅಷ್ಟಸಿದ್ಧಿಪರಾಙ್ಮುಖಃ || ೩೨ ||
ಅಸಂಯೋಗಯುಕ್ತಾತ್ಮಾ ಅಸಂಗದೃಢಶಸ್ತ್ರಭೃತ್ |
ಅಸಂಖ್ಯೇಯಾವತಾರೇಷು ಋಣಾನುಬಂಧಿರಕ್ಷಿತಃ || ೩೩ ||
ಅಹಂಬ್ರಹ್ಮಸ್ಥಿತಪ್ರಜ್ಞಃ ಅಹಂಭಾವವಿವರ್ಜಿತಃ |
ಅಹಂ ತ್ವಂಚ ತ್ವಮೇವಾಹಮಿತಿ ತತ್ತ್ವಪ್ರಬೋಧಕಃ || ೩೪ ||
ಅಹೇತುಕಕೃಪಾಸಿಂಧುರಹಿಂಸಾನಿರತಸ್ತಥಾ |
ಅಕ್ಷೀಣಸೌಹೃದೋಽಕ್ಷಯಃ ತಥಾಽಕ್ಷಯಸುಖಪ್ರದಃ || ೩೫ ||
ಅಕ್ಷರಾದಪಿ ಕೂಟಸ್ಥಾದುತ್ತಮಪುರುಷೋತ್ತಮಃ |
ಆಖುವಾಹನಮೂರ್ತಿಶ್ಚ ಆಗಮಾದ್ಯಂತಸನ್ನುತಃ || ೩೬ ||
ಆಗಮಾತೀತಸದ್ಭಾವಃ ಆಚಾರ್ಯಪರಮಸ್ತಥಾ |
ಆತ್ಮಾನುಭವಸಂತುಷ್ಟೋ ಆತ್ಮವಿದ್ಯಾವಿಶಾರದಃ || ೩೭ ||
ಆತ್ಮಾನಂದಪ್ರಕಾಶಶ್ಚ ಆತ್ಮೈವ ಪರಮಾತ್ಮದೃಕ್ |
ಆತ್ಮೈಕಸರ್ವಭೂತಾತ್ಮಾ ಆತ್ಮಾರಾಮಃ ಸ ಆತ್ಮವಾನ್ || ೩೮ ||
ಆದಿತ್ಯಮಧ್ಯವರ್ತೀ ಚ ಆದಿಮಧ್ಯಾಂತವರ್ಜಿತಃ |
ಆನಂದಪರಮಾನಂದಃ ತಥಾಽಽನಂದಪ್ರದೋ ಹಿ ಸಃ || ೩೯ ||
ಆನಾಕಮಾದೃತಾಜ್ಞಶ್ಚ ಆನತಾವನನಿವೃತಿಃ |
ಆಪದಾಮಪಹರ್ತಾ ಚ ಆಪದ್ಬಾಂಧವಃ ಏವ ಹಿ || ೪೦ ||
ಆಫ್ರಿಕಾಗತವೈದ್ಯಾಯ ಪರಮಾನಂದದಾಯಕಃ |
ಆಯುರಾರೋಗ್ಯದಾತಾ ಚ ಆರ್ತತ್ರಾಣಪರಾಯಣಃ || ೪೧ ||
ಆರೋಪಣಾಪವಾದೈಶ್ಚ ಮಾಯಾಯೋಗವಿಯೋಗಕೃತ್ |
ಆವಿಷ್ಕೃತ ತಿರೋಧತ್ತ ಬಹುರೂಪವಿಡಂಬನಃ || ೪೨ ||
ಆರ್ದ್ರಚಿತ್ತೇನ ಭಕ್ತಾನಾಂ ಸದಾನುಗ್ರಹವರ್ಷಕಃ |
ಆಶಾಪಾಶವಿಮುಕ್ತಶ್ಚ ಆಶಾಪಾಶವಿಮೋಚಕಃ || ೪೩ ||
ಇಚ್ಛಾಧೀನಜಗತ್ಸರ್ವಃ ಇಚ್ಛಾಧೀನವಪುಸ್ತಥಾ |
ಇಷ್ಟೇಪ್ಸಿತಾರ್ಥದಾತಾ ಚ ಇಚ್ಛಾಮೋಹನಿವರ್ತಕಃ || ೪೪ ||
ಇಚ್ಛೋತ್ಥದುಃಖಸಂಛೇತಾ ಇಂದ್ರಿಯಾರಾತಿದರ್ಪಹಾ |
ಇಂದಿರಾರಮಣಾಹ್ಲಾದಿನಾಮಸಾಹಸ್ರಪೂತಹೃತ್ || ೪೫ ||
ಇಂದೀವರದಳಜ್ಯೋತಿರ್ಲೋಚನಾಲಂಕೃತಾನನಃ |
ಇಂದುಶೀತಲಭಾಷೀ ಚ ಇಂದುವತ್ಪ್ರಿಯದರ್ಶನಃ || ೪೬ ||
ಇಷ್ಟಾಪೂರ್ತಶತೈರ್ಲಬ್ಧಃ ಇಷ್ಟದೈವಸ್ವರೂಪಧೃತ್ |
ಇಷ್ಟಿಕಾದಾನಸುಪ್ರೀತಃ ಇಷ್ಟಿಕಾಲಯರಕ್ಷಿತಃ || ೪೭ ||
ಈಶಾಸಕ್ತಮನೋಬುದ್ಧಿಃ ಈಶಾರಾಧನತತ್ಪರಃ |
ಈಶಿತಾಖಿಲದೇವಶ್ಚ ಈಶಾವಾಸ್ಯಾರ್ಥಸೂಚಕಃ || ೪೮ ||
ಉಚ್ಚಾರಣಾಧೃತೇ ಭಕ್ತಹೃದಾಂತ ಉಪದೇಶಕಃ |
ಉತ್ತಮೋತ್ತಮಮಾರ್ಗೀ ಚ ಉತ್ತಮೋತ್ತಾರಕರ್ಮಕೃತ್ || ೪೯ ||
ಉದಾಸೀನವದಾಸೀನಃ ಉದ್ಧರಾಮೀತ್ಯುದೀರಕಃ |
ಉದ್ಧವಾಯ ಮಯಾ ಪ್ರೋಕ್ತಂ ಭಾಗವತಮಿತಿ ಬ್ರುವನ್ || ೫೦ ||
ಉನ್ಮತ್ತಶ್ವಾಭಿಗೋಪ್ತಾ ಚ ಉನ್ಮತ್ತವೇಷನಾಮಧೃತ್ |
ಉಪದ್ರವನಿವಾರೀ ಚ ಉಪಾಂಶುಜಪಬೋಧಕಃ || ೫೧ ||
ಉಮೇಶಾಮೇಶಯುಕ್ತಾತ್ಮಾ ಊರ್ಜಿತಭಕ್ತಿಲಕ್ಷಣಃ |
ಊರ್ಜಿತವಾಕ್ಪ್ರದಾತಾ ಚ ಊರ್ಧ್ವರೇತಸ್ತಥೈವ ಚ || ೫೨ ||
ಊರ್ಧ್ವಮೂಲಮಧಃಶಾಖಾಮಶ್ವತ್ಥಂ ಭಸ್ಮಸಾತ್ಕರಃ |
ಊರ್ಧ್ವಗತಿವಿಧಾತಾ ಚ ಊರ್ಧ್ವಬದ್ಧದ್ವಿಕೇತನಃ || ೫೩ ||
ಋಜುಃ ಋತಂಬರಪ್ರಜ್ಞಃ ಋಣಕ್ಲಿಷ್ಟಧನಪ್ರದಃ |
ಋಣಾನುಬದ್ಧಜಂತುನಾಂ ಋಣಮುಕ್ತ್ಯೈ ಫಲಪ್ರದಃ || ೫೪ ||
ಏಕಾಕೀ ಚೈಕಭಕ್ತಿಶ್ಚ ಏಕವಾಕ್ಕಾಯಮಾನಸಃ |
ಏಕಾದಶ್ಯಾಂ ಸ್ವಭಕ್ತಾನಾಂ ಸ್ವತನೋಕೃತನಿಷ್ಕೃತಿಃ || ೫೫ ||
ಏಕಾಕ್ಷರಪರಜ್ಞಾನೀ ಏಕಾತ್ಮಾ ಸರ್ವದೇಶದೃಕ್ |
ಏಕೇಶ್ವರಪ್ರತೀತಿಶ್ಚ ಏಕರೀತ್ಯಾದೃತಾಖಿಲಃ || ೫೬ ||
ಐಕ್ಯಾನಂದಗತದ್ವಂದ್ವಃ ಐಕ್ಯಾನಂದವಿಧಾಯಕಃ |
ಐಕ್ಯಕೃದೈಕ್ಯಭೂತಾತ್ಮಾ ಐಹಿಕಾಮುಷ್ಮಿಕಪ್ರದಃ || ೫೭ ||
ಓಂಕಾರಾದರ ಓಜಸ್ವೀ ಔಷಧೀಕೃತಭಸ್ಮದಃ |
ಕಥಾಕೀರ್ತನಪದ್ಧತ್ಯಾಂ ನಾರದಾನುಷ್ಠಿತಂ ಸ್ತುವನ್ || ೫೮ ||
ಕಪರ್ದೇ ಕ್ಲೇಶನಾಶೀ ಚ ಕಬೀರ್ದಾಸಾವತಾರಕಃ |
ಕಪರ್ದೇ ಪುತ್ರರಕ್ಷಾರ್ಥಮನುಭೂತತದಾಮಯಃ || ೫೯ ||
ಕಮಲಾಶ್ಲಿಷ್ಟಪಾದಾಬ್ಜಃ ಕಮಲಾಯತಲೋಚನಃ |
ಕಂದರ್ಪದರ್ಪವಿಧ್ವಂಸೀ ಕಮನೀಯಗುಣಾಲಯಃ || ೬೦ ||
ಕರ್ತಾಽಕರ್ತಾಽನ್ಯಥಾಕರ್ತಾ ಕರ್ಮಯುಕ್ತೋಪ್ಯಕರ್ಮಕೃತ್ |
ಕರ್ಮಕೃತ್ ಕರ್ಮನಿರ್ಮುಕ್ತಃ ಕರ್ಮಾಽಕರ್ಮವಿಚಕ್ಷಣಃ || ೬೧ ||
ಕರ್ಮಬೀಜಕ್ಷಯಂಕರ್ತಾ ಕರ್ಮನಿರ್ಮೂಲನಕ್ಷಮಃ |
ಕರ್ಮವ್ಯಾಧಿವ್ಯಪೋಹೀ ಚ ಕರ್ಮಬಂಧವಿನಾಶಕಃ || ೬೨ ||
ಕಲಿಮಲಾಪಹಾರೀ ಚ ಕಲೌ ಪ್ರತ್ಯಕ್ಷದೈವತಮ್ |
ಕಲಿಯುಗಾವತಾರಶ್ಚ ಕಲ್ಯುತ್ಥಭವಭಂಜನಃ || ೬೩ ||
ಕಳ್ಯಾಣಾನಂತನಾಮಾ ಚ ಕಳ್ಯಾಣಗುಣಭೂಷಣಃ |
ಕವಿದಾಸಗಣುತ್ರಾತಾ ಕಷ್ಟನಾಶಕರೌಷಧಮ್ || ೬೪ ||
ಕಾಕಾದೀಕ್ಷಿತರಕ್ಷಾಯಾಂ ಧುರೀಣೋಽಹಮಿತೀರಕಃ |
ಕಾನಾಭಿಲಾದಪಿ ತ್ರಾತಾ ಕಾನನೇ ಪಾನದಾನಕೃತ್ || ೬೫ ||
ಕಾಮಜಿತ್ ಕಾಮರೂಪೀ ಚ ಕಾಮಸಂಕಲ್ಪವರ್ಜಿತಃ |
ಕಾಮಿತಾರ್ಥಪ್ರದಾತಾ ಚ ಕಾಮಾದಿಶತ್ರುನಾಶನಃ || ೬೬ ||
ಕಾಮ್ಯಕರ್ಮಸುಸನ್ಯಸ್ತಃ ಕಾಮೇರಾಶಕ್ತಿನಾಶಕಃ |
ಕಾಲಶ್ಚ ಕಾಲಕಾಲಶ್ಚ ಕಾಲಾತೀತಶ್ಚ ಕಾಲಕೃತ್ || ೬೭ ||
ಕಾಲದರ್ಪವಿನಾಶೀ ಚ ಕಾಲರಾತರ್ಜನಕ್ಷಮಃ |
ಕಾಲಶುನಕದತ್ತಾನ್ನಂ ಜ್ವರಂ ಹರೇದಿತಿ ಬ್ರುವನ್ || ೬೮ ||
ಕಾಲಾಗ್ನಿಸದೃಶಕ್ರೋಧಃ ಕಾಶೀರಾಮಸುರಕ್ಷಕಃ |
ಕೀರ್ತಿವ್ಯಾಪ್ತದಿಗಂತಶ್ಚ ಕುಪ್ನೀವೀತಕಲೇಬರಃ || ೬೯ ||
ಕುಂಬಾರಾಗ್ನಿಶಿಶುತ್ರಾತಾ ಕುಷ್ಠರೋಗನಿವಾರಕಃ |
ಕೂಟಸ್ಥಶ್ಚ ಕೃತಜ್ಞಶ್ಚ ಕೃತ್ಸ್ನಕ್ಷೇತ್ರಪ್ರಕಾಶಕಃ || ೭೦ ||
ಕೃತ್ಸ್ನಜ್ಞಶ್ಚ ಕೃಪಾಪೂರ್ಣಃ ಕೃಪಯಾಪಾಲಿತಾರ್ಭಕಃ |
ಕೃಷ್ಣರಾಮಶಿವಾತ್ರೇಯಮಾರುತ್ಯಾದಿಸ್ವರೂಪಧೃತ್ || ೭೧ ||
ಕೇವಲಾತ್ಮಾನುಭೂತಿಶ್ಚ ಕೈವಲ್ಯಪದದಾಯಕಃ |
ಕೋವಿದಃ ಕೋಮಲಾಂಗಶ್ಚ ಕೋಪವ್ಯಾಜಶುಭಪ್ರದಃ || ೭೨ ||
ಕೋಽಹಮಿತಿ ದಿವಾನಕ್ತಂ ವಿಚಾರಮನುಶಾಸಕಃ |
ಕ್ಲಿಷ್ಟರಕ್ಷಾಧುರೀಣಶ್ಚ ಕ್ರೋಧಜಿತ್ ಕ್ಲೇಶನಾಶನಃ || ೭೩ ||
ಗಗನಸೌಕ್ಷ್ಮ್ಯವಿಸ್ತಾರಃ ಗಂಭೀರಮಧುರಸ್ವನಃ |
ಗಂಗಾತೀರನಿವಾಸೀ ಚ ಗಂಗೋತ್ಪತ್ತಿಪದಾಂಬುಜಃ || ೭೪ ||
ಗಂಗಾಗಿರಿರಿತಿಖ್ಯಾತ ಯತಿಶ್ರೇಷ್ಠೇನ ಸಂಸ್ತುತಃ |
ಗಂಧಪುಷ್ಪಾಕ್ಷತೈಃ ಪೂಜ್ಯಃ ಗತಿವಿದ್ಗತಿಸೂಚಕಃ || ೭೫ ||
ಗಹ್ವರೇಷ್ಠಪುರಾಣಶ್ಚ ಗರ್ವಮಾತ್ಸರ್ಯವರ್ಜಿತಃ |
ಗಾನನೃತ್ಯವಿನೋದಶ್ಚ ಗಾಲವಣ್ಕರ್ವರಪ್ರದಃ || ೭೬ ||
ಗಿರೀಶಸದೃಶತ್ಯಾಗೀ ಗೀತಾಚಾರ್ಯಃ ಸ ಏವ ಹಿ |
ಗೀತಾದ್ಭುತಾರ್ಥವಕ್ತಾ ಚ ಗೀತಾರಹಸ್ಯಸಂಪ್ರದಃ || ೭೭ ||
ಗೀತಾಜ್ಞಾನಮಯಶ್ಚಾಸೌ ಗೀತಾಪೂರ್ಣೋಪದೇಶಕಃ |
ಗುಣಾತೀತೋ ಗುಣಾತ್ಮಾ ಚ ಗುಣದೋಷವಿವರ್ಜಿತಃ || ೭೮ ||
ಗುಣಾಗುಣೇಷು ವರ್ತಂತ ಇತ್ಯನಾಸಕ್ತಿಸುಸ್ಥಿರಃ |
ಗುಪ್ತೋ ಗುಹಾಹಿತೋ ಗೂಢೋ ಗುಪ್ತಸರ್ವನಿಬೋಧಕಃ || ೭೯ ||
ಗುರ್ವಂಘ್ರಿತೀವ್ರಭಕ್ತಿಶ್ಚೇತ್ತದೇವಾಲಮಿತೀರಯನ್ |
ಗುರುರ್ಗುರುತಮೋ ಗುಹ್ಯೋ ಗುರುಪಾದಪರಾಯಣಃ || ೮೦ ||
ಗುರ್ವೀಶಾಂಘ್ರಿಸದಾಧ್ಯಾತಾ ಗುರುಸಂತೋಷವರ್ಧನಃ |
ಗುರುಪ್ರೇಮಸಮಾಲಬ್ಧಪರಿಪೂರ್ಣಸ್ವರೂಪವಾನ್ || ೮೧ ||
ಗುರೂಪಾಸನಸಂಸಿದ್ಧಃ ಗುರುಮಾರ್ಗಪ್ರವರ್ತಕಃ |
ಗುರ್ವಾತ್ಮದೇವತಾಬುದ್ಧ್ಯಾ ಬ್ರಹ್ಮಾನಂದಮಯಸ್ತಥಾ || ೮೨ ||
ಗುರೋಸ್ಸಮಾಧಿಪಾರ್ಶ್ವಸ್ಥನಿಂಬಚ್ಛಾಯಾನಿವಾಸಕೃತ್ |
ಗುರುವೇಂಕುಶಸಂಪ್ರಾಪ್ತವಸ್ತ್ರೇಷ್ಟಿಕಾ ಸದಾಧೃತಃ || ೮೩ ||
ಗುರುಪರಂಪರಾದಿಷ್ಟಸರ್ವತ್ಯಾಗಪರಾಯಣಃ |
ಗುರುಪರಂಪರಾಪ್ರಾಪ್ತಸಚ್ಚಿದಾನಂದಮೂರ್ತಿಮಾನ್ || ೮೪ ||
ಗೃಹಹೀನಮಹಾರಾಜೋ ಗೃಹಮೇಧಿಪರಾಶ್ರಯಃ |
ಗೋಪೀಂಸ್ತ್ರಾತಾ ಯಥಾ ಕೃಷ್ಣಸ್ತಥಾ ನಾಚ್ನೇ ಕುಲಾವನಃ || ೮೫ ||
ಗೋಪಾಲಗುಂಡೂರಾಯಾದಿ ಪುತ್ರಪೌತ್ರಾದಿವರ್ಧನಃ |
ಗೋಷ್ಪದೀಕೃತಕಷ್ಟಾಬ್ಧಿರ್ಗೋದಾವರೀತಟಾಗತಃ || ೮೬ ||
ಚತುರ್ಭುಜಶ್ಚತುರ್ಬಾಹುನಿವಾರಿತನೃಸಂಕಟಃ |
ಚಮತ್ಕಾರೈಃ ಸಂಕ್ಲಿಷ್ಟೌರ್ಭಕ್ತಿಜ್ಞಾನವಿವರ್ಧನಃ || ೮೭ ||
ಚಂದನಾಲೇಪರುಷ್ಟಾನಾಂ ದುಷ್ಟಾನಾಂ ಧರ್ಷಣಕ್ಷಮಃ |
ಚಂದೋರ್ಕರಾದಿ ಭಕ್ತಾನಾಂ ಸದಾಪಾಲನನಿಷ್ಠಿತಃ || ೮೮ ||
ಚರಾಚರಪರಿವ್ಯಾಪ್ತಶ್ಚರ್ಮದಾಹೇಪ್ಯವಿಕ್ರಿಯಃ |
ಚಾಂದ್ಭಾಯಾಖ್ಯ ಪಾಟೇಲಾರ್ಥಂ ಚಮತ್ಕಾರ ಸಹಾಯಕೃತ್ || ೮೯ ||
ಚಿಂತಾಮಗ್ನಪರಿತ್ರಾಣೇ ತಸ್ಯ ಸರ್ವಭಾರಂ ವಹಃ |
ಚಿತ್ರಾತಿಚಿತ್ರಚಾರಿತ್ರಶ್ಚಿನ್ಮಯಾನಂದ ಏವ ಹಿ || ೯೦ ||
ಚಿರವಾಸಕೃತೈರ್ಬಂಧೈಃ ಶಿರ್ಡೀಗ್ರಾಮಂ ಪುನರ್ಗತಃ |
ಚೋರಾದ್ಯಾಹೃತವಸ್ತೂನಿದತ್ತಾನ್ಯೇವೇತಿಹರ್ಷಿತಃ || ೯೧ ||
ಛಿನ್ನಸಂಶಯ ಏವಾಸೌ ಛಿನ್ನಸಂಸಾರಬಂಧನಃ |
ಜಗತ್ಪಿತಾ ಜಗನ್ಮಾತಾ ಜಗತ್ತ್ರಾತಾ ಜಗದ್ಧಿತಃ || ೯೨ ||
ಜಗತ್ಸ್ರಷ್ಟಾ ಜಗತ್ಸಾಕ್ಷೀ ಜಗದ್ವ್ಯಾಪೀ ಜಗದ್ಗುರುಃ |
ಜಗತ್ಪ್ರಭುರ್ಜಗನ್ನಾಥೋ ಜಗದೇಕದಿವಾಕರಃ || ೯೩ ||
ಜಗನ್ಮೋಹಚಮತ್ಕಾರಃ ಜಗನ್ನಾಟಕಸೂತ್ರಧೃತ್ |
ಜಗನ್ಮಂಗಳಕರ್ತಾ ಚ ಜಗನ್ಮಾಯೇತಿಬೋಧಕಃ || ೯೪ ||
ಜಡೋನ್ಮತ್ತಪಿಶಾಚಾಭೋಪ್ಯಂತಃಸಚ್ಚಿತ್ಸುಖಸ್ಥಿತಃ |
ಜನ್ಮಬಂಧವಿನಿರ್ಮುಕ್ತಃ ಜನ್ಮಸಾಫಲ್ಯಮಂತ್ರದಃ || ೯೫ ||
ಜನ್ಮಜನ್ಮಾಂತರಜ್ಞಶ್ಚ ಜನ್ಮನಾಶರಹಸ್ಯವಿತ್ |
ಜನಜಲ್ಪಮನಾದ್ಯತ್ಯ ಜಪಸಿದ್ಧಿಮಹಾದ್ಯುತಿಃ || ೯೬ ||
ಜಪ್ತನಾಮಸುಸಂತುಷ್ಟಹರಿಪ್ರತ್ಯಕ್ಷಭಾವಿತಃ |
ಜಪಪ್ರೇರಿತಭಕ್ತಶ್ಚ ಜಪ್ಯನಾಮಾ ಜನೇಶ್ವರಃ || ೯೭ ||
ಜಲಹೀನಸ್ಥಲೇ ಖಿನ್ನಭಕ್ತಾರ್ಥಂ ಜಲಸೃಷ್ಟಿಕೃತ್ |
ಜವಾರಾಲೀತಿ ಮೌಲಾನಾಸೇವನೇಽಕ್ಲಿಷ್ಟಮಾನಸಃ || ೯೮ ||
ಜಾತಗ್ರಾಮಾದ್ಗುರೋರ್ಗ್ರಾಮಂ ತಸ್ಮಾತ್ಪೂರ್ವಸ್ಥಲಂ ವ್ರಜನ್ |
ಜಾತಿರ್ಭೇದಮತೈರ್ಭೇದ ಇತಿ ಭೇದತಿರಸ್ಕೃತಃ || ೯೯ ||
ಜಾತಿವಿದ್ಯಾಧನೈಶ್ಚಾಪಿ ಹೀನಾನಾರ್ದ್ರಹೃದಾವನಃ |
ಜಾಂಬೂನದಪರಿತ್ಯಾಗೀ ಜಾಗರೂಕಾವಿತಪ್ರಜಃ || ೧೦೦ ||
ಜಾಯಾಪತ್ಯಗೃಹಕ್ಷೇತ್ರಸ್ವಜನಸ್ವಾರ್ಥವರ್ಜಿತಃ |
ಜಿತದ್ವೈತಮಹಾಮೋಹೋ ಜಿತಕ್ರೋಧೋ ಜಿತೇಂದ್ರಿಯಃ || ೧೦೧ ||
ಜಿತಕಂದರ್ಪದರ್ಪಶ್ಚ ಜಿತಾತ್ಮಾ ಜಿತಷಡ್ರಿಪುಃ |
ಜೀರ್ಣಹೂಣಾಲಯಸ್ಥಾನೇ ಪೂರ್ವಜನ್ಮಕೃತಂ ಸ್ಮರನ್ || ೧೦೨ ||
ಜೀರ್ಣಹೂಣಾಲಯಂ ಚಾದ್ಯ ಸರ್ವಮರ್ತ್ಯಾಲಯಂಕರಃ |
ಜೀರ್ಣವಸ್ತ್ರಸಮಂ ಮತ್ವಾ ದೇಹಂ ತ್ಯಕ್ತ್ವಾ ಸುಖಂ ಸ್ಥಿತಃ || ೧೦೩ ||
ಜೀರ್ಣವಸ್ತ್ರಸಮಂ ಪಶ್ಯನ್ ತ್ಯಕ್ತ್ವಾ ದೇಹಂ ಪ್ರವಿಷ್ಟವಾನ್ |
ಜೀವನ್ಮುಕ್ತಶ್ಚ ಜೀವಾನಾಂ ಮುಕ್ತಿಸದ್ಗತಿದಾಯಕಃ || ೧೦೪ ||
ಜ್ಯೋತಿಶ್ಶಾಸ್ತ್ರರಹಸ್ಯಜ್ಞಃ ಜ್ಯೋತಿರ್ಜ್ಞಾನಪ್ರದಸ್ತಥಾ |
ಜ್ಯೋಕ್ಚಸೂರ್ಯಂ ದೃಶಾ ಪಶ್ಯನ್ ಜ್ಞಾನಭಾಸ್ಕರಮೂರ್ತಿಮಾನ್ || ೧೦೫ ||
ಜ್ಞಾತಸರ್ವರಹಸ್ಯಶ್ಚ ಜ್ಞಾತಬ್ರಹ್ಮಪರಾತ್ಪರಃ |
ಜ್ಞಾನಭಕ್ತಿಪ್ರದಶ್ಚಾಸೌ ಜ್ಞಾನವಿಜ್ಞಾನನಿಶ್ಚಯಃ || ೧೦೬ ||
ಜ್ಞಾನಶಕ್ತಿಸಮಾರೂಢಃ ಜ್ಞಾನಯೋಗವ್ಯವಸ್ಥಿತಃ |
ಜ್ಞಾನಾಗ್ನಿದಗ್ಧಕರ್ಮಾ ಚ ಜ್ಞಾನನಿರ್ಧೂತಕಲ್ಮಷಃ || ೧೦೭ ||
ಜ್ಞಾನವೈರಾಗ್ಯಸಂಧಾತಾ ಜ್ಞಾನಸಂಛಿನ್ನಸಂಶಯಃ |
ಜ್ಞಾನಾಪಾಸ್ತಮಹಾಮೋಹಃ ಜ್ಞಾನೀತ್ಯಾತ್ಮೈವ ನಿಶ್ಚಯಃ || ೧೦೮ ||
ಜ್ಞಾನೇಶ್ವರೀಪಠದ್ದೈವಪ್ರತಿಬಂಧನಿವಾರಕಃ |
ಜ್ಞಾನಂ ಜ್ಞೇಯಂ ಜ್ಞಾನಗಮ್ಯಂ ಜ್ಞಾತಸರ್ವ ಪರಂ ಮತಃ || ೧೦೯ ||
ಜ್ಯೋತಿಷಾಂ ಪ್ರಥಮಜ್ಯೋತಿರ್ಜ್ಯೋತಿರ್ಹೀನದ್ಯುತಿಪ್ರದಃ |
ತಪಸ್ಸಂದೀಪ್ತತೇಜಸ್ವೀ ತಪ್ತಕಾಂಚನಸನ್ನಿಭಃ || ೧೧೦ ||
ತತ್ತ್ವಜ್ಞಾನಾರ್ಥದರ್ಶೀ ಚ ತತ್ತ್ವಮಸ್ಯಾದಿಲಕ್ಷಿತಃ |
ತತ್ತ್ವವಿತ್ ತತ್ತ್ವಮೂರ್ತಿಶ್ಚ ತಂದ್ರಾಽಽಲಸ್ಯವಿವರ್ಜಿತಃ || ೧೧೧ ||
ತತ್ತ್ವಮಾಲಾಧರಶ್ಚೈವ ತತ್ತ್ವಸಾರವಿಶಾರದಃ |
ತರ್ಜಿತಾಂತಕದೂತಶ್ಚ ತಮಸಃ ಪರಃ ಉಚ್ಯತೇ || ೧೧೨ ||
ತಾತ್ಯಾಗಣಪತಿಪ್ರೇಷ್ಠಸ್ತಾತ್ಯಾನೂಲ್ಕರ್ಗತಿಪ್ರದಃ |
ತಾರಕಬ್ರಹ್ಮನಾಮಾ ಚ ತಮೋರಜೋವಿವರ್ಜಿತಃ || ೧೧೩ ||
ತಾಮರಸದಳಾಕ್ಷಶ್ಚ ತಾರಾಬಾಯ್ಯಾಸುರಕ್ಷಃ |
ತಿಲಕಪೂಜಿತಾಂಘ್ರಿಶ್ಚ ತಿರ್ಯಗ್ಜಂತುಗತಿಪ್ರದಃ || ೧೧೪ ||
ತೀರ್ಥಕೃತನಿವಾಸಶ್ಚ ತೀರ್ಥಪಾದ ಇತೀರಿತಃ |
ತೀವ್ರಭಕ್ತಿನೃಸಿಂಹಾದಿಭಕ್ತಾಲೀಭೂರ್ಯನುಗ್ರಹಃ || ೧೧೫ ||
ತೀವ್ರಪ್ರೇಮವಿರಾಗಾಪ್ತವೇಂಕಟೇಶಕೃಪಾನಿಧಿಃ |
ತುಲ್ಯಪ್ರಿಯಾಽಪ್ರಿಯಶ್ಚೈವ ತುಲ್ಯನಿಂದಾಽಽತ್ಮಸಂಸ್ತುತಿಃ || ೧೧೬ ||
ತುಲ್ಯಾಧಿಕವಿಹೀನಶ್ಚ ತುಷ್ಟಸಜ್ಜನಸಂವೃತಃ |
ತೃಪ್ತಾತ್ಮಾ ಚ ತೃಷಾಹೀನಸ್ತೃಣೀಕೃತಜಗದ್ವಸುಃ || ೧೧೭ ||
ತೈಲೀಕೃತಜಲಾಪೂರ್ಣದೀಪಸಂಜ್ವಲಿತಾಲಯಃ |
ತ್ರಿಕಾಲಜ್ಞಸ್ತ್ರಿಮೂರ್ತಿಶ್ಚ ತ್ರಿಗುಣಾತೀತ ಉಚ್ಯತೇ || ೧೧೮ ||
ತ್ರಿಯಾಮಾಯೋಗನಿಷ್ಠಾತ್ಮಾ ದಶದಿಗ್ಭಕ್ತಪಾಲಕಃ |
ತ್ರಿವರ್ಗಮೋಕ್ಷಸಂಧಾತಾ ತ್ರಿಪುಟೀರಹಿತಸ್ಥಿತಿಃ || ೧೧೯ ||
ತ್ರಿಲೋಕಸ್ವೇಚ್ಛಸಂಚಾರೀ ತ್ರೈಲೋಕ್ಯತಿಮಿರಾಪಹಃ |
ತ್ಯಕ್ತಕರ್ಮಫಲಾಸಂಗಸ್ತ್ಯಕ್ತಭೋಗಸದಾಸುಖೀ || ೧೨೦ ||
ತ್ಯಕ್ತದೇಹಾತ್ಮಬುದ್ಧಿಶ್ಚ ತ್ಯಕ್ತಸರ್ವಪರಿಗ್ರಹಃ |
ತ್ಯಕ್ತ್ವಾ ಮಾಯಾಮಯಂ ಸರ್ವಂ ಸ್ವೇ ಮಹಿಮ್ನಿ ಸದಾಸ್ಥಿತಃ || ೧೨೧ ||
ದಂಡಧೃದ್ದಂಡನಾರ್ಹಾಣಾಂ ದುಷ್ಟವೃತ್ತೇರ್ನಿವರ್ತಕಃ |
ದಂಭದರ್ಪಾತಿದೂರಶ್ಚ ದಕ್ಷಿಣಾಮೂರ್ತಿರೇವ ಚ || ೧೨೨ ||
ದಕ್ಷಿಣಾದಾನಕರ್ತೃಭ್ಯೋ ದಶಧಾಪ್ರತಿದಾಯಕಃ |
ದಕ್ಷಿಣಾಪ್ರಾರ್ಥನಾದ್ವಾರಾ ಶುಭಕೃತ್ತತ್ತ್ವಬೋಧಕಃ || ೧೨೩ ||
ದಯಾಪರೋ ದಯಾಸಿಂಧುರ್ದತ್ತಾತ್ರೇಯಃ ಸ ಏವ ಹಿ |
ದರಿದ್ರೋಽಯಂ ಧನೀವೇತಿ ಭೇದಾಚಾರವಿವರ್ಜಿತಃ || ೧೨೪ ||
ದಹರಾಕಾಶಭಾನುಶ್ಚ ದಗ್ಧಹಸ್ತಾರ್ಭಕಾವನಃ |
ದಾರಿದ್ರ್ಯದುಃಖಭೀತಿಘ್ನೋ ದಾಮೋದರವರಪ್ರದಃ || ೧೨೫ ||
ದಾನಶೌಂಡಸ್ತಥಾ ದಾಂತರ್ದಾನೈಶ್ಚಾನ್ಯಾನ್ ವಶಂ ನಯನ್ |
ದಾನಮಾರ್ಗಸ್ಖಲತ್ಪಾದನಾನಾಚಾಂದೋರ್ಕರಾವನಃ || ೧೨೬ ||
ದಿವ್ಯಜ್ಞಾನಪ್ರದಶ್ಚಾಸೌ ದಿವ್ಯಮಂಗಳವಿಗ್ರಹಃ |
ದೀನದಯಾಪರಶ್ಚಾಸೌ ದೀರ್ಘದೃಗ್ದೀನವತ್ಸಲಃ || ೧೨೭ ||
ದುಷ್ಟಾನಾಂ ದಮನೇ ಶಕ್ತಃ ದುರಾಧರ್ಷತಪೋಬಲಃ |
ದುರ್ಭಿಕ್ಷೋಽಪ್ಯನ್ನದಾತಾ ಚ ದುರಾದೃಷ್ಟವಿನಾಶಕೃತ್ || ೧೨೮ ||
ದುಃಖಶೋಕಭಯದ್ವೇಷಮೋಹಾದ್ಯಶುಭನಾಶಕಃ |
ದುಷ್ಟನಿಗ್ರಹಶಿಷ್ಟಾನುಗ್ರಹರೂಪಮಹಾವ್ರತಃ || ೧೨೯ ||
ದುಷ್ಟಮೂರ್ಖಜಡಾದೀನಾಮಪ್ರಕಾಶಸ್ವರೂಪವತೇ |
ದುಷ್ಟಜಂತುಪರಿತ್ರಾತಾ ದೂರವರ್ತಿಸಮಸ್ತದೃಕ್ || ೧೩೦ ||
ದೃಶ್ಯಂ ನಶ್ಯಂ ನ ವಿಶ್ವಾಸ್ಯಮಿತಿ ಬುದ್ಧಿಪ್ರಬೋಧಕಃ |
ದೃಶ್ಯಂ ಸರ್ವಂ ಹಿ ಚೈತನ್ಯಮಿತ್ಯಾನಂದಪ್ರತಿಷ್ಠಃ || ೧೩೧ ||
ದೇಹೇ ವಿಗಲಿತಾಶಶ್ಚ ದೇಹಯಾತ್ರಾರ್ಥಮನ್ನಭುಕ್ |
ದೇಹೋ ಗೇಹಸ್ತತೋ ಮಾಂತು ನಿನ್ಯೇ ಗುರುರಿತೀರಕಃ || ೧೩೨ ||
ದೇಹಾತ್ಮಬುದ್ಧಿಹೀನಶ್ಚ ದೇಹಮೋಹಪ್ರಭಂಜನಃ |
ದೇಹೋ ದೇವಾಲಯಸ್ತಸ್ಮಿನ್ ದೇವಂ ಪಶ್ಯೇತ್ಯುದೀರಯನ್ || ೧೩೩ ||
ದೈವೀಸಂಪತ್ಪ್ರಪೂರ್ಣಶ್ಚ ದೇಶೋದ್ಧಾರಸಹಾಯಕೃತ್ |
ದ್ವಂದ್ವಮೋಹವಿನಿರ್ಮುಕ್ತಃ ದ್ವಂದ್ವಾತೀತವಿಮತ್ಸರಃ || ೧೩೪ ||
ದ್ವಾರಕಾಮಾಯಿವಾಸೀ ಚ ದ್ವೇಷದ್ರೋಹವಿವರ್ಜಿತಃ |
ದ್ವೈತಾದ್ವೈತವಿಶಿಷ್ಠಾದೀನ್ ಕಾಲೇ ಸ್ಥಾನೇ ವಿಬೋಧಕಃ || ೧೩೫ ||
ಧನಹೀನಾನ್ ಧನಾಢ್ಯಾಂ ಚ ಸಮದೃಷ್ಟ್ಯೈವ ರಕ್ಷಕಃ |
ಧನದೇನಸಮತ್ಯಾಗೀ ಧರಣೀಧರಸನ್ನಿಭಃ || ೧೩೬ ||
ಧರ್ಮಜ್ಞೋ ಧರ್ಮಸೇತುಶ್ಚ ಧರ್ಮಸ್ಥಾಪನಸಂಭವಃ |
ಧುಮಾಲೇಉಪಾಸನೀಪತ್ನ್ಯೋ ನಿರ್ವಾಣೇ ಸದ್ಗತಿಪ್ರದಃ || ೧೩೭ ||
ಧೂಪಖೇಡಾ ಪಟೇಲ್ ಚಾಂದ್ಭಾಯ್ ನಷ್ಟಾಶ್ವಸ್ಥಾನಸೂಚಕಃ |
ಧೂಮಯಾನಾತ್ ಪತತ್ಪಾಥೇವಾರಪತ್ನೀ ಸುರಕ್ಷಕಃ || ೧೩೮ ||
ಧ್ಯಾನಾವಸ್ಥಿತಚೇತಾಶ್ಚ ಧೃತ್ಯುತ್ಸಾಹಸಮನ್ವಿತಃ |
ನತಜನಾವನಶ್ಚಾಸೌ ನರಲೋಕಮನೋರಮಃ || ೧೩೯ ||
ನಷ್ಟದೃಷ್ಟಿಪ್ರದಾತಾ ಚ ನರಲೋಕವಿಡಂಬನಃ |
ನಾಗಸರ್ಪೇ ಮಯೂರೇ ಚ ಸಮಾರೂಢ ಷಡಾನನಃ || ೧೪೦ ||
ನಾನಾಚಾಂದೋರ್ಕಮಾಹೂಯಾ ತತ್ಸದ್ಗತ್ಯೈ ಕೃತೋದ್ಯಮಃ |
ನಾನಾ ನಿಮ್ಹೋಣ್ಕರಸ್ಯಾಂತೇ ಸ್ವಾಂಘ್ರಿ ಧ್ಯಾನಲಯಪ್ರದಃ || ೧೪೧ ||
ನಾನಾದೇಶಾಭಿಧಾಕಾರೋ ನಾನಾವಿಧಿಸಮರ್ಚಿತಃ |
ನಾರಾಯಣಮಹಾರಾಜಸಂಶ್ಲಾಘಿತಪದಾಂಬುಜಃ || ೧೪೨ ||
ನಾರಾಯಣಪರಶ್ಚೈಷ ತಥಾಸೌ ನಾಮವರ್ಜಿತಃ |
ನಿಗೃಹಿತೇಂದ್ರಿಯಗ್ರಾಮಃ ನಿಗಮಾಗಮಗೋಚರಃ || ೧೪೩ ||
ನಿತ್ಯಸರ್ವಗತಸ್ಥಾಣುರ್ನಿತ್ಯತೃಪ್ತೋ ನಿರಾಶ್ರಯಃ |
ನಿತ್ಯಾನ್ನದಾನಧರ್ಮಿಷ್ಠೋ ನಿತ್ಯಾನಂದಪ್ರವಾಹಕಃ || ೧೪೪ ||
ನಿತ್ಯಮಂಗಳಧಾಮಾ ಚ ನಿತ್ಯಾಗ್ನಿಹೋತ್ರವರ್ಧನಃ |
ನಿತ್ಯಕರ್ಮನಿಯೋಕ್ತಾ ಚ ನಿತ್ಯಸತ್ತ್ವಸ್ಥಿತಸ್ತಥಾ || ೧೪೫ ||
ನಿಂಬಪಾದಪಮೂಲಸ್ಥಃ ನಿರಂತರಾಗ್ನಿರಕ್ಷಿತಾ |
ನಿಸ್ಪೃಹೋ ನಿರ್ವಿಕಲ್ಪಶ್ಚ ನಿರಂಕುಶಗತಾಗತಿಃ || ೧೪೬ ||
ನಿರ್ಜಿತಕಾಮನಾದೋಷಃ ನಿರಾಶಶ್ಚ ನಿರಂಜನಃ |
ನಿರ್ವಿಕಲ್ಪಸಮಾಧಿಸ್ಥೋ ನಿರಪೇಕ್ಷಶ್ಚ ನಿರ್ಗುಣಃ || ೧೪೭ ||
ನಿರ್ದ್ವಂದ್ವೋ ನಿತ್ಯಸತ್ತ್ವಸ್ಥೋ ನಿರ್ವಿಕಾರಶ್ಚ ನಿಶ್ಚಲಃ |
ನಿರಾಲಂಬೋ ನಿರಾಕಾರೋ ನಿವೃತ್ತಗುಣದೋಷಕಃ || ೧೪೮ ||
ನೂಲ್ಕರ ವಿಜಯಾನಂದ ಮಾಹಿಷಾಂ ಗತಿದಾಯಕಃ | [ದತ್ತ ಸದ್ಗತಿಃ]
ನರಸಿಂಹ ಗಣೂದಾಸ ದತ್ತ ಪ್ರಚಾರಸಾಧನಃ || ೧೪೯ ||
ನೈಷ್ಠಿಕಬ್ರಹ್ಮಚರ್ಯಶ್ಚ ನೈಷ್ಕರ್ಮ್ಯಪರಿನಿಷ್ಠಿತಃ |
ಪಂಡರೀಪಾಂಡುರಂಗಾಖ್ಯಃ ಪಾಟಿಲ್ ತಾತ್ಯಾಜೀ ಮಾತುಲಃ || ೧೫೦ ||
ಪತಿತಪಾವನಶ್ಚಾಸೌ ಪತ್ರಿಗ್ರಾಮಸಮುದ್ಭವಃ |
ಪದವಿಸೃಷ್ಟಗಂಗಾಂಭಃ ಪದಾಂಬುಜನತಾವನಃ || ೧೫೧ ||
ಪರಬ್ರಹ್ಮಸ್ವರೂಪೀ ಚ ಪರಮಕರುಣಾಲಯಃ |
ಪರತತ್ತ್ವಪ್ರದೀಪಶ್ಚ ಪರಮಾರ್ಥನಿವೇದಕಃ || ೧೫೨ ||
ಪರಮಾನಂದನಿಸ್ಯಂದಃ ಪರಂಜ್ಯೋತಿಃ ಪರಾತ್ಪರಃ |
ಪರಮೇಷ್ಠೀ ಪರಂಧಾಮಾ ಪರಮೇಶ್ವರಃ ಹ್ಯೇವ ಸಃ || ೧೫೩ ||
ಪರಮಸದ್ಗುರುಶ್ಚಾಸೌ ಪರಮಾಚಾರ್ಯ ಉಚ್ಯತೇ |
ಪರಧರ್ಮಭಯಾದ್ಭಕ್ತಾನ್ ಸ್ವೇ ಸ್ವೇ ಧರ್ಮೇ ನಿಯೋಜಕಃ || ೧೫೪ ||
ಪರಾರ್ಥೈಕಾಂತಸಂಭೂತಿಃ ಪರಮಾತ್ಮಾ ಪರಾಗತಿಃ |
ಪಾಪತಾಪೌಘಸಂಹಾರೀ ಪಾಮರವ್ಯಾಜಪಂಡಿತಃ || ೧೫೫ ||
ಪಾಪಾದ್ದಾಸಂ ಸಮಾಕೃಷ್ಯ ಪುಣ್ಯಮಾರ್ಗ ಪ್ರವರ್ತಕಃ |
ಪಿಪೀಲಿಕಾಸುಖಾನ್ನದಃ ಪಿಶಾಚೇಶ್ವ ವ್ಯವಸ್ಥಿತಃ || ೧೫೬ ||
ಪುತ್ರಕಾಮೇಷ್ಠಿ ಯಾಗಾದೇಃ ಋತೇ ಸಂತಾನವರ್ಧನಃ |
ಪುನರುಜ್ಜೀವಿತಪ್ರೇತಃ ಪುನರಾವೃತ್ತಿನಾಶಕಃ || ೧೫೭ ||
ಪುನಃ ಪುನರಿಹಾಗಮ್ಯ ಭಕ್ತೇಭ್ಯಃ ಸದ್ಗತಿಪ್ರದಃ |
ಪುಂಡರೀಕಾಯತಾಕ್ಷಶ್ಚ ಪುಣ್ಯಶ್ರವಣಕೀರ್ತನಃ || ೧೫೮ ||
ಪುರಂದರಾದಿಭಕ್ತಾಗ್ರ್ಯಪರಿತ್ರಾಣಧುರಂಧರಃ |
ಪುರಾಣಪುರುಷಶ್ಚಾಸೌ ಪುರೀಶಃ ಪುರುಷೋತ್ತಮಃ || ೧೫೯ ||
ಪೂಜಾಪರಾಙ್ಮುಖಃ ಪೂರ್ಣಃ ಪೂರ್ಣವೈರಾಗ್ಯಶೋಭಿತಃ |
ಪೂರ್ಣಾನಂದಸ್ವರೂಪೀ ಚ ತಥಾ ಪೂರ್ಣಕೃಪಾನಿಧಿಃ || ೧೬೦ ||
ಪೂರ್ಣಚಂದ್ರಸಮಾಹ್ಲಾದೀ ಪೂರ್ಣಕಾಮಶ್ಚ ಪೂರ್ವಜಃ |
ಪ್ರಣತಪಾಲನೋದ್ಯುಕ್ತಃ ಪ್ರಣತಾರ್ತಿಹರಸ್ತಥಾ || ೧೬೧ ||
ಪ್ರತ್ಯಕ್ಷದೇವತಾಮೂರ್ತಿಃ ಪ್ರತ್ಯಗಾತ್ಮನಿದರ್ಶಕಃ |
ಪ್ರಪನ್ನಪಾರಿಜಾತಶ್ಚ ಪ್ರಪನ್ನಾನಾಂ ಪರಾಗತಿಃ || ೧೬೨ ||
ಪ್ರಮಾಣಾತೀತಚಿನ್ಮೂರ್ತಿಃ ಪ್ರಮಾದಾಭಿಧಮೃತ್ಯುಜಿತ್ |
ಪ್ರಸನ್ನವದನಶ್ಚಾಸೌ ಪ್ರಸಾದಾಭಿಮುಖದ್ಯುತಿಃ || ೧೬೩ ||
ಪ್ರಶಸ್ತವಾಕ್ ಪ್ರಶಾಂತಾತ್ಮಾ ಪ್ರಿಯಸತ್ಯಮುದಾಹರನ್ |
ಪ್ರೇಮದಃ ಪ್ರೇಮವಶ್ಯಶ್ಚ ಪ್ರೇಮಮಾರ್ಗೈಕಸಾಧನಃ || ೧೬೪ ||
ಬಹುರೂಪನಿಗೂಢಾತ್ಮಾ ಬಲದೃಪ್ತದಮಕ್ಷಮಃ |
ಬಲಾತಿದರ್ಪಭಯ್ಯಾಜಿಮಹಾಗರ್ವವಿಭಂಜನಃ || ೧೬೫ ||
ಬುಧಸಂತೋಷದಶ್ಚೈವ ಬುದ್ಧಃ ಬುಧಜನಾವನಃ |
ಬೃಹದ್ಬಂಧವಿಮೋಕ್ತಾ ಚ ಬೃಹದ್ಭಾರವಹಕ್ಷಮಃ || ೧೬೬ ||
ಬ್ರಹ್ಮಕುಲಸಮುದ್ಭೂತಃ ಬ್ರಹ್ಮಚಾರಿವ್ರತಸ್ಥಿತಃ |
ಬ್ರಹ್ಮಾನಂದಾಮೃತೇಮಗ್ನಃ ಬ್ರಹ್ಮಾನಂದಃ ಸ ಏವ ಚ || ೧೬೭ ||
ಬ್ರಹ್ಮಾನಂದಲಸದ್ದೃಷ್ಟಿಃ ಬ್ರಹ್ಮವಾದೀ ಬೃಹಚ್ಛ್ರವಃ |
ಬ್ರಾಹ್ಮಣಸ್ತ್ರೀವಿಸೃಷ್ಟೋಲ್ಕಾತರ್ಜಿತಶ್ವಾಕೃತಿಸ್ತಥಾ || ೧೬೮ ||
ಬ್ರಾಹ್ಮಣಾನಾಂ ಮಶೀದಿಸ್ಥಃ ಬ್ರಹ್ಮಣ್ಯೋ ಬ್ರಹ್ಮವಿತ್ತಮಃ |
ಭಕ್ತದಾಸಗಣೂಪ್ರಾಣಮಾನವೃತ್ತ್ಯಾದಿರಕ್ಷಕಃ || ೧೬೯ ||
ಭಕ್ತಾತ್ಯಂತಹಿತೈಷೀ ಚ ಭಕ್ತಾಶ್ರಿತದಯಾಪರಃ |
ಭಕ್ತಾರ್ಥೇ ಧೃತದೇಹಶ್ಚ ಭಕ್ತಾರ್ಥೇ ದಗ್ಧಹಸ್ತಕಃ || ೧೭೦ ||
ಭಕ್ತಪರಾಗತಿಶ್ಚಾಸೌ ಭಕ್ತವತ್ಸಲ ಏವ ಚ |
ಭಕ್ತಮಾನಸವಾಸೀ ಚ ಭಕ್ತಾತಿಸುಲಭಸ್ತಥಾ || ೧೭೧ ||
ಭಕ್ತಭವಾಬ್ಧಿಪೋತಶ್ಚ ಭಗವಾನ್ ಭಜತಾಂ ಸುಹೃತ್ |
ಭಕ್ತಸರ್ವಸ್ವಹಾರೀ ಚ ಭಕ್ತಾನುಗ್ರಹಕಾತರಃ || ೧೭೨ ||
ಭಕ್ತರಾಸ್ನ್ಯಾದಿ ಸರ್ವೇಷಾಂ ಅಮೋಘಾಭಯಸಂಪ್ರದಃ |
ಭಕ್ತಾವನಸಮರ್ಥಶ್ಚ ಭಕ್ತಾವನಧುರಂಧರಃ || ೧೭೩ ||
ಭಕ್ತಭಾವಪರಾಧೀನಃ ಭಕ್ತಾತ್ಯಂತಹಿತೌಷಧಮ್ |
ಭಕ್ತಾವನಪ್ರತಿಜ್ಞಶ್ಚ ಭಜತಾಮಿಷ್ಟಕಾಮಧುಕ್ || ೧೭೪ ||
ಭಕ್ತಹೃತ್ಪದ್ಮವಾಸೀ ಚ ಭಕ್ತಿಮಾರ್ಗಪ್ರದರ್ಶಕಃ |
ಭಕ್ತಾಶಯವಿಹಾರೀ ಚ ಭಕ್ತಸರ್ವಮಲಾಪಹಃ || ೧೭೫ ||
ಭಕ್ತಬೋಧೈಕನಿಷ್ಠಶ್ಚ ಭಕ್ತಾನಾಂ ಸದ್ಗತಿಪ್ರದಃ |
ಭದ್ರಮಾರ್ಗಪ್ರದರ್ಶೀ ಚ ಭದ್ರಂ ಭದ್ರಮಿತಿ ಬ್ರುವನ್ || ೧೭೬ ||
ಭದ್ರಶ್ರವಶ್ಚ ಭನ್ನೂಮಾಯಿ ಸಾಧ್ವೀಮಹಿತಶಾಸನಃ |
ಭಯಸಂತ್ರಸ್ತಕಾಪರ್ದೇಽಮೋಘಾಭಯವರಪ್ರದಃ || ೧೭೭ ||
ಭಯಹೀನೋ ಭಯತ್ರಾತಾ ಭಯಕೃದ್ಭಯನಾಶನಃ |
ಭವವಾರಿಧಿಪೋತಶ್ಚ ಭವಲುಂಠನಕೋವಿದಃ || ೧೭೮ ||
ಭಸ್ಮದಾನನಿರಸ್ತಾಧಿವ್ಯಾಧಿದುಃಖಾಽಶುಭಾಽಖಿಲಃ |
ಭಸ್ಮಸಾತ್ಕೃತಭಕ್ತಾರೀ ಭಸ್ಮಸಾತ್ಕೃತಮನ್ಮಥಃ || ೧೭೯ ||
ಭಸ್ಮಪೂತಮಶೀದಿಸ್ಥಃ ಭಸ್ಮದಗ್ಧಾಖಿಲಾಮಯಃ |
ಭಾಗೋಜಿ ಕುಷ್ಠರೋಗಘ್ನಃ ಭಾಷಾಖಿಲಸುವೇದಿತಃ || ೧೮೦ ||
ಭಾಷ್ಯಕೃದ್ಭಾವಗಮ್ಯಶ್ಚ ಭಾರಸರ್ವಪರಿಗ್ರಹಃ |
ಭಾಗವತಸಹಾಯಶ್ಚ ಭಾವನಾಶೂನ್ಯತಃ ಸುಖೀ || ೧೮೧ ||
ಭಾಗವತಪ್ರಧಾನಶ್ಚ ತಥಾ ಭಾಗವತೋತ್ತಮಃ |
ಭಾಟೇದ್ವೇಷಂ ಸಮಾಕೃಷ್ಯ ಭಕ್ತಿಂ ತಸ್ಮೈ ಪ್ರದತ್ತವಾನ್ || ೧೮೨ ||
ಭಿಲ್ಲರೂಪೇಣ ದತ್ತಾಂಭಃ ಭಿಕ್ಷಾನ್ನದಾನಶೇಷಭುಕ್ |
ಭಿಕ್ಷಾಧರ್ಮಮಹಾರಾಜೋ ಭಿಕ್ಷೌಘದತ್ತಭೋಜನಃ || ೧೮೩ ||
ಭೀಮಾಜಿ ಕ್ಷಯಪಾಪಘ್ನಸ್ತಥಾ ಭೀಮಬಲಾನ್ವಿತಃ |
ಭೀತಾನಾಂ ಭೀತಿನಾಶೀ ಚ ತಥಾ ಭೀಷಣಭೀಷಣಃ || ೧೮೪ ||
ಭೀಷಾಚಾಲಿತಸುರ್ಯಾಗ್ನಿಮಘವನ್ಮೃತ್ಯುಮಾರುತಃ |
ಭುಕ್ತಿಮುಕ್ತಿಪ್ರದಾತಾ ಚ ಭುಜಗಾದ್ರಕ್ಷಿತಪ್ರಜಃ || ೧೮೫ ||
ಭುಜಂಗರೂಪಮಾವಿಶ್ಯ ಸಹಸ್ರಜನಪೂಜಿತಃ |
ಭುಕ್ತ್ವಾ ಭೋಜನದಾತೄಣಾಂ ದಗ್ಧಪ್ರಾಗುತ್ತರಾಶುಭಃ || ೧೮೬ ||
ಭೂಟಿದ್ವಾರಾ ಗೃಹಂ ಬದ್ಧ್ವಾ ಕೃತಸರ್ವಮತಾಲಯಃ |
ಭೂಭೃತ್ಸಮೋಪಕಾರೀ ಚ ಭೂಮಾಽಸೌ ಭೂಶಯಸ್ತಥಾ || ೧೮೭ ||
ಭೂತಶರಣ್ಯಭೂತಶ್ಚ ಭೂತಾತ್ಮಾ ಭೂತಭಾವನಃ |
ಭೂತಪ್ರೇತಪಿಶಾಚಾದೀನ್ ಧರ್ಮಮಾರ್ಗೇ ನಿಯೋಜಯನ್ || ೧೮೮ ||
ಭೃತ್ಯಸ್ಯಭೃತ್ಯಸೇವಾಕೃತ್ ಭೃತ್ಯಭಾರವಹಸ್ತಥಾ |
ಭೇಕಂ ದತ್ತವರಂ ಸ್ಮೃತ್ವಾ ಸರ್ಪಸ್ಯಾದಪಿ ರಕ್ಷಕಃ || ೧೮೯ ||
ಭೋಗೈಶ್ವರ್ಯೇಷ್ವಸಕ್ತಾತ್ಮಾ ಭೈಷಜ್ಯೇಭಿಷಜಾಂವರಃ |
ಮರ್ಕರೂಪೇಣ ಭಕ್ತಸ್ಯ ರಕ್ಷಣೇ ತೇನ ತಾಡಿತಃ || ೧೯೦ ||
ಮಂತ್ರಘೋಷಮಶೀದಿಸ್ಥಃ ಮದಾಭಿಮಾನವರ್ಜಿತಃ |
ಮಧುಪಾನಭೃಶಾಸಕ್ತಿಂ ದಿವ್ಯಶಕ್ತ್ಯಾ ವ್ಯಪೋಹಕಃ || ೧೯೧ ||
ಮಶೀಧ್ಯಾಂ ತುಲಸೀಪೂಜಾಂ ಅಗ್ನಿಹೋತ್ರಂ ಚ ಶಾಸಕಃ |
ಮಹಾವಾಕ್ಯಸುಧಾಮಗ್ನಃ ಮಹಾಭಾಗವತಸ್ತಥಾ || ೧೯೨ ||
ಮಹಾನುಭಾವತೇಜಸ್ವೀ ಮಹಾಯೋಗೇಶ್ವರಶ್ಚ ಸಃ |
ಮಹಾಭಯಪರಿತ್ರಾತಾ ಮಹಾತ್ಮಾ ಚ ಮಹಾಬಲಃ || ೧೯೩ ||
ಮಾಧವರಾಯದೇಶ್ಪಾಂಡೇ ಸಖ್ಯುಃ ಸಾಹಾಯ್ಯಕೃತ್ತಥಾ |
ಮಾನಾಪಮಾನಯೋಸ್ತುಲ್ಯಃ ಮಾರ್ಗಬಂಧುಶ್ಚ ಮಾರುತಿಃ || ೧೯೪ ||
ಮಾಯಾಮಾನುಷ ರೂಪೇಣ ಗೂಢೈಶ್ವರ್ಯಪರಾತ್ಪರಃ |
ಮಾರ್ಗಸ್ಥದೇವಸತ್ಕಾರಃ ಕಾರ್ಯ ಇತ್ಯನುಶಾಸಿತಾ || ೧೯೫ ||
ಮಾರೀಗ್ರಸ್ಥ ಬೂಟೀತ್ರಾತಾ ಮಾರ್ಜಾಲೋಚ್ಛಿಷ್ಠಭೋಜನಃ |
ಮಿರೀಕರಂ ಸರ್ಪಗಂಡಾತ್ ದೈವಾಜ್ಞಾಪ್ತಾದ್ವಿಮೋಚಯನ್ || ೧೯೬ ||
ಮಿತವಾಕ್ ಮಿತಭುಕ್ ಚೈವ ಮಿತ್ರೇಶತ್ರೌಸದಾಸಮಃ |
ಮೀನಾತಾಯೀ ಪ್ರಸೂತ್ಯರ್ಥಂ ಪ್ರೇಷಿತಾಯ ರಥಂ ದದತ್ || ೧೯೭ ||
ಮುಕ್ತಸಂಗ ಆನಂವಾದೀ ಮುಕ್ತಸಂಸೃತಿಬಂಧನಃ |
ಮುಹುರ್ದೇವಾವತಾರಾದಿ ನಾಮೋಚ್ಚಾರಣನಿವೃತಃ || ೧೯೮ ||
ಮೂರ್ತಿಪೂಜಾನುಶಾಸ್ತಾ ಚ ಮೂರ್ತಿಮಾನಪ್ಯಮೂರ್ತಿಮಾನ್ |
ಮೂಲೇಶಾಸ್ತ್ರೀ ಗುರೋರ್ಘೋಲಪ ಮಹಾರಾಜಸ್ಯ ರೂಪಧೃತ್ || ೧೯೯ ||
ಮೃತಸೂನುಂ ಸಮಾಕೃಷ್ಯ ಪೂರ್ವಮಾತರಿ ಯೋಜಯನ್ |
ಮೃದಾಲಯನಿವಾಸೀ ಚ ಮೃತ್ಯುಭೀತಿವ್ಯಪೋಹಕಃ || ೨೦೦ ||
ಮೇಘಶ್ಯಾಮಾಯಪೂಜಾರ್ಥಂ ಶಿವಲಿಂಗಮುಪಾಹರನ್ |
ಮೋಹಕಲಿಲತೀರ್ಣಶ್ಚ ಮೋಹಸಂಶಯನಾಶಕಃ || ೨೦೧ ||
ಮೋಹಿನೀರಾಜಪೂಜಾಯಾಂ ಕುಲ್ಕರ್ಣ್ಯಪ್ಪಾ ನಿಯೋಜಕಃ |
ಮೋಕ್ಷಮಾರ್ಗಸಹಾಯಶ್ಚ ಮೌನವ್ಯಾಖ್ಯಾಪ್ರಬೋಧಕಃ || ೨೦೨ ||
ಯಜ್ಞದಾನತಪೋನಿಷ್ಠಃ ಯಜ್ಞಶಿಷ್ಠಾನ್ನಭೋಜನಃ |
ಯತೀಂದ್ರಿಯಮನೋಬುದ್ಧಿಃ ಯತಿಧರ್ಮಸುಪಾಲಕಃ || ೨೦೩ ||
ಯತೋ ವಾಚೋ ನಿವರ್ತಂತೇ ತದಾನಂದಸುನಿಷ್ಠಿತಃ |
ಯತ್ನಾತಿಶಯಸೇವಾಪ್ತ ಗುರುಪೂರ್ಣಕೃಪಾಬಲಃ || ೨೦೪ ||
ಯಥೇಚ್ಛಸೂಕ್ಷ್ಮಸಂಚಾರೀ ಯಥೇಷ್ಟದಾನಧರ್ಮಕೃತ್ |
ಯಂತ್ರಾರೂಢಂ ಜಗತ್ಸರ್ವಂ ಮಾಯಯಾ ಭ್ರಾಮಯತ್ಪ್ರಭುಃ || ೨೦೫ ||
ಯಮಕಿಂಕರಸಂತ್ರಸ್ತ ಸಾಮಂತಸ್ಯ ಸಹಾಯಕೃತ್ |
ಯಮದೂತಪರಿಕ್ಲಿಷ್ಟಪುರಂದರಸುರಕ್ಷಕಃ || ೨೦೬ ||
ಯಮಭೀತಿವಿನಾಶೀ ಚ ಯವನಾಲಯಭೂಷಣಃ |
ಯಶಸಾಪಿಮಹಾರಾಜಃ ಯಶಃಪೂರಿತಭಾರತಃ || ೨೦೭ ||
ಯಕ್ಷರಕ್ಷಃಪಿಶಾಚಾನಾಂ ಸಾನ್ನಿಧ್ಯಾದೇವನಾಶಕಃ |
ಯುಕ್ತಭೋಜನನಿದ್ರಶ್ಚ ಯುಗಾಂತರಚರಿತ್ರವಿತ್ || ೨೦೮ ||
ಯೋಗಶಕ್ತಿಜಿತಸ್ವಪ್ನಃ ಯೋಗಮಾಯಾಸಮಾವೃತಃ |
ಯೋಗವೀಕ್ಷಣಸಂದತ್ತಪರಮಾನಂದಮೂರ್ತಿಮಾನ್ || ೨೦೯ ||
ಯೋಗಿಭಿರ್ಧ್ಯಾನಗಮ್ಯಶ್ಚ ಯೋಗಕ್ಷೇಮವಹಸ್ತಥಾ |
ರಥಸ್ಯ ರಜತಾಶ್ವೇಷು ಹೃತೇಷ್ವಮ್ಲಾನಮಾನಸಃ || ೨೧೦ ||
ರಸಶ್ಚ ರಸಸಾರಜ್ಞಃ ರಸನಾರಸಜಿಚ್ಚ ಸಃ |
ರಸೋಽಪ್ಯಸ್ಯ ಪರಂ ದೃಷ್ಟ್ವಾ ನಿವರ್ತಿತಮಹಾಯಶಃ || ೨೧೧ ||
ರಕ್ಷಣಾತ್ಪೋಷಣಾತ್ಸರ್ವಪಿತೃಮಾತೃಗುರುಪ್ರಭುಃ |
ರಾಗದ್ವೇಷವಿಯುಕ್ತಾತ್ಮಾ ರಾಕಾಚಂದ್ರಸಮಾನನಃ || ೨೧೨ ||
ರಾಜೀವಲೋಚನಶ್ಚೈಷಃ ರಾಜಭಿಶ್ಚಾಭಿವಂದಿತಃ |
ರಾಮಭಕ್ತಿಪ್ರಪೂರ್ಣಶ್ಚ ರಾಮರೂಪಪ್ರದರ್ಶಕಃ || ೨೧೩ ||
ರಾಮಸಾರೂಪ್ಯಲಬ್ಧಶ್ಚ ರಾಮಸಾಯೀತಿ ವಿಶ್ರುತಃ |
ರಾಮದೂತಮಯಶ್ಚಾಸೌ ರಾಮಮಂತ್ರೋಪದೇಶಕಃ || ೨೧೪ ||
ರಾಮಮೂರ್ತ್ಯಾದಿಶಂಕರ್ತಾ ರಾಸನೇಕುಲವರ್ಧನಃ |
ರುದ್ರತುಲ್ಯಪ್ರಕೋಪಶ್ಚ ರುದ್ರಕೋಪದಮಕ್ಷಮಃ || ೨೧೫ ||
ರುದ್ರವಿಷ್ಣುಕೃತಾಭೇದಃ ರೂಪಿಣೀರೂಪ್ಯಮೋಹಜಿತ್ |
ರೂಪೇ ರೂಪೇ ಚಿದಾತ್ಮಾನಂ ಪಶ್ಯಧ್ವಮಿತಿ ಬೋಧಕಃ || ೨೧೬ ||
ರೂಪಾದ್ರೂಪಾಂತರಂ ಯಾತೋಽಮೃತ ಇತ್ಯಭಯಪ್ರದಃ |
ರೇಗೇ ಶಿಶೋಃ ತಥಾಂಧಸ್ಯ ಸತಾಂಗತಿ ವಿಧಾಯಕಃ || ೨೧೭ ||
ರೋಗದಾರಿದ್ರ್ಯದುಃಖಾದೀನ್ ಭಸ್ಮದಾನೇನ ವಾರಯನ್ |
ರೋದನಾತಾರ್ದ್ರಚಿತ್ತಶ್ಚ ರೋಮಹರ್ಷಾದವಾಕೃತಿಃ || ೨೧೮ ||
ಲಘ್ವಾಶೀ ಲಘುನಿದ್ರಶ್ಚ ಲಬ್ಧಾಶ್ವಗ್ರಾಮಣಿಸ್ತುತಃ |
ಲಗುಡೋದ್ಧೃತರೋಹಿಲ್ಲಾಸ್ತಂಭನಾದ್ದರ್ಪನಾಶಕಃ || ೨೧೯ ||
ಲಲಿತಾದ್ಭುತಚಾರಿತ್ರಃ ಲಕ್ಷ್ಮೀನಾರಾಯಣಸ್ತಥಾ |
ಲೀಲಾಮಾನುಷದೇಹಸ್ಥೋ ಲೀಲಾಮಾನುಷಕರ್ಮಕೃತ್ || ೨೨೦ ||
ಲೇಲೇಶಾಸ್ತ್ರಿ ಶ್ರುತಿಪ್ರೀತ್ಯಾ ಮಶೀದಿ ವೇದಘೋಷಣಃ |
ಲೋಕಾಭಿರಾಮೋ ಲೋಕೇಶೋ ಲೋಲುಪತ್ವವಿವರ್ಜಿತಃ || ೨೨೧ ||
ಲೋಕೇಷು ವಿಹರಂಶ್ಚಾಪಿ ಸಚ್ಚಿದಾನಂದಸಂಸ್ಥಿತಃ |
ಲೋಣಿವಾರ್ಣ್ಯಗಣೂದಾಸಂ ಮಹಾಪಾಯಾದ್ವಿಮೋಚಕಃ || ೨೨೨ ||
ವಸ್ತ್ರವದ್ವಪುರುದ್ವೀಕ್ಷ್ಯ ಸ್ವೇಚ್ಛತ್ಯಕ್ತಕಲೇಬರಃ |
ವಸ್ತ್ರವದ್ದೇಹಮುತ್ಸೃಜ್ಯ ಪುನರ್ದೇಹಂ ಪ್ರವಿಷ್ಟವಾನ್ || ೨೨೩ ||
ವಂಧ್ಯಾದೋಷವಿಮುಕ್ತ್ಯರ್ಥಂ ತದ್ವಸ್ತ್ರೇ ನಾರಿಕೇಲದಃ |
ವಾಸುದೇವೈಕಸಂತುಷ್ಟಿಃ ವಾದದ್ವೇಷಮದಾಽಪ್ರಿಯಃ || ೨೨೪ ||
ವಿದ್ಯಾವಿನಯಸಂಪನ್ನೋ ವಿಧೇಯಾತ್ಮಾ ಚ ವೀರ್ಯವಾನ್ |
ವಿವಿಕ್ತದೇಶಸೇವೀ ಚ ವಿಶ್ವಭಾವನಭಾವಿತಃ || ೨೨೫ ||
ವಿಶ್ವಮಂಗಳಮಾಂಗಳ್ಯೋ ವಿಷಯಾತ್ ಸಂಹೃತೇಂದ್ರಿಯಃ |
ವೀತರಾಗಭಯಕ್ರೋಧಃ ವೃದ್ಧಾಂಧೇಕ್ಷಣಸಂಪ್ರದಃ || ೨೨೬ ||
ವೇದಾಂತಾಂಬುಜಸೂರ್ಯಶ್ಚ ವೇದಿಸ್ಥಾಗ್ನಿವಿವರ್ಧನಃ |
ವೈರಾಗ್ಯಪೂರ್ಣಚಾರಿತ್ರಃ ವೈಕುಂಠಪ್ರಿಯಕರ್ಮಕೃತ್ || ೨೨೭ ||
ವೈಹಾಯಸಗತಿಶ್ಚಾಸೌ ವ್ಯಾಮೋಹಪ್ರಶಮೌಷಧಮ್ |
ಶತ್ರುಚ್ಛೇದೈಕಮಂತ್ರಂ ಸ ಶರಣಾಗತವತ್ಸಲಃ || ೨೨೮ ||
ಶರಣಾಗತಭೀಮಾಜೀಶ್ವಾಂಧಭೇಕಾದಿರಕ್ಷಕಃ |
ಶರೀರಸ್ಥಾಽಶರೀರಸ್ಥಃ ಶರೀರಾನೇಕಸಂಭೃತಃ || ೨೨೯ ||
ಶಶ್ವತ್ಪರಾರ್ಥಸರ್ವೇಹಃ ಶರೀರಕರ್ಮಕೇವಲಃ |
ಶಾಶ್ವತಧರ್ಮಗೋಪ್ತಾ ಚ ಶಾಂತಿದಾಂತಿವಿಭೂಷಿತಃ || ೨೩೦ ||
ಶಿರಸ್ತಂಭಿತಗಂಗಾಂಭಃ ಶಾಂತಾಕಾರಃ ಸ ಏವ ಚ |
ಶಿಷ್ಟಧರ್ಮಮನುಪ್ರಾಪ್ಯ ಮೌಲಾನಾ ಪಾದಸೇವಿತಃ || ೨೩೧ ||
ಶಿವದಃ ಶಿವರೂಪಶ್ಚ ಶಿವಶಕ್ತಿಯುತಸ್ತಥಾ |
ಶಿರೀಯಾನಸುತೋದ್ವಾಹಂ ಯಥೋಕ್ತಂ ಪರಿಪೂರಯನ್ || ೨೩೨ ||
ಶೀತೋಷ್ಣಸುಖದುಃಖೇಷು ಸಮಃ ಶೀತಲವಾಕ್ಸುಧಃ |
ಶಿರ್ಡಿನ್ಯಸ್ತಗುರೋರ್ದೇಹಃ ಶಿರ್ಡಿತ್ಯಕ್ತಕಲೇಬರಃ || ೨೩೩ ||
ಶುಕ್ಲಾಂಬರಧರಶ್ಚೈವ ಶುದ್ಧಸತ್ತ್ವಗುಣಸ್ಥಿತಃ |
ಶುದ್ಧಜ್ಞಾನಸ್ವರೂಪಶ್ಚ ಶುಭಾಽಶುಭವಿವರ್ಜಿತಃ || ೨೩೪ ||
ಶುಭ್ರಮಾರ್ಗೇಣ ನೇತಾ ನೄನ್ ತದ್ವಿಷ್ಣೋಃ ಪರಮಂ ಪದಮ್ |
ಶೇಲುಗುರುಕುಲೇವಾಸೀ ಶೇಷಶಾಯೀ ತಥೈವ ಚ || ೨೩೫ ||
ಶ್ರೀಕಂಠಃ ಶ್ರೀಕರಃ ಶ್ರೀಮಾನ್ ಶ್ರೇಷ್ಠಃ ಶ್ರೇಯೋವಿಧಾಯಕಃ |
ಶ್ರುತಿಸ್ಮೃತಿಶಿರೋರತ್ನವಿಭೂಷಿತಪದಾಂಬುಜಃ || ೨೩೬ ||
ಶ್ರೇಯಾನ್ ಸ್ವಧರ್ಮ ಇತ್ಯುಕ್ತ್ವಾ ಸ್ವೇಸ್ವೇಧರ್ಮನಿಯೋಜಕಃ |
ಸಖಾರಾಮಸಶಿಷ್ಯಶ್ಚ ಸಕಲಾಶ್ರಯಕಾಮದುಕ್ || ೨೩೭ ||
ಸಗುಣೋನಿರ್ಗುಣಶ್ಚೈವ ಸಚ್ಚಿದಾನಂದಮೂರ್ತಿಮಾನ್ |
ಸಜ್ಜನಮಾನಸವ್ಯೋಮರಾಜಮಾನಸುಧಾಕರಃ || ೨೩೮ ||
ಸತ್ಕರ್ಮನಿರತಶ್ಚಾಸೌ ಸತ್ಸಂತಾನವರಪ್ರದಃ |
ಸತ್ಯವ್ರತಶ್ಚ ಸತ್ಯಂ ಚ ಸತ್ಸುಲಭೋಽನ್ಯದುರ್ಲಭಃ || ೨೩೯ ||
ಸತ್ಯವಾಕ್ ಸತ್ಯಸಂಕಲ್ಪಃ ಸತ್ಯಧರ್ಮಪರಾಯಣಃ |
ಸತ್ಯಪರಾಕ್ರಮಶ್ಚಾಸೌ ಸತ್ಯದ್ರಷ್ಟಾ ಸನಾತನಃ || ೨೪೦ ||
ಸತ್ಯನಾರಾಯಣಶ್ಚಾಸೌ ಸತ್ಯತತ್ತ್ವಪ್ರಬೋಧಕಃ |
ಸತ್ಪುರುಷಃ ಸದಾಚಾರಃ ಸದಾಪರಹಿತೇರತಃ || ೨೪೧ ||
ಸದಾಕ್ಷಿಪ್ತನಿಜಾನಂದಃ ಸದಾನಂದಶ್ಚ ಸದ್ಗುರುಃ |
ಸದಾಜನಹಿತೋದ್ಯುಕ್ತಃ ಸದಾತ್ಮಾ ಚ ಸದಾಶಿವಃ || ೨೪೨ ||
ಸದಾರ್ದ್ರಚಿತ್ತಃ ಸದ್ರೂಪೀ ಸದಾಶ್ರಯಃ ಸದಾಜಿತಃ |
ಸನ್ಯಾಸಯೋಗಯುಕ್ತಾತ್ಮಾ ಸನ್ಮಾರ್ಗಸ್ಥಾಪನವ್ರತಃ || ೨೪೩ ||
ಸಬೀಜಂ ಫಲಮಾದಾಯ ನಿರ್ಬೀಜಂ ಪರಿಣಾಮಕಃ |
ಸಮದುಃಖಸುಖಸ್ವಸ್ಥಃ ಸಮಲೋಷ್ಟಾಶ್ಮಕಾಂಚನಃ || ೨೪೪ ||
ಸಮರ್ಥಸದ್ಗುರುಶ್ರೇಷ್ಠಃ ಸಮಾನರಹಿತಶ್ಚ ಸಃ |
ಸಮಾಶ್ರಿತಜನತ್ರಾಣವ್ರತಪಾಲನತತ್ಪರಃ || ೨೪೫ ||
ಸಮುದ್ರಸಮಗಾಂಭೀರ್ಯಃ ಸಂಕಲ್ಪರಹಿತಶ್ಚ ಸಃ |
ಸಂಸಾರತಾಪಹಾರ್ಯಂಘ್ರಿಃ ತಥಾ ಸಂಸಾರವರ್ಜಿತಃ || ೨೪೬ ||
ಸಂಸಾರೋತ್ತಾರನಾಮಾ ಚ ಸರೋಜದಳಕೋಮಲಃ |
ಸರ್ಪಾದಿಭಯಹಾರೀ ಚ ಸರ್ಪರೂಪೇಽಪ್ಯವಸ್ಥಿತಃ || ೨೪೭ ||
ಸರ್ವಕರ್ಮಫಲತ್ಯಾಗೀ ಸರ್ವತ್ರಸಮವಸ್ಥಿತಃ |
ಸರ್ವತಃಪಾಣಿಪಾದಶ್ಚ ಸರ್ವತೋಽಕ್ಷಿಶಿರೋಮುಖಃ || ೨೪೮ ||
ಸರ್ವತಃಶ್ರುತಿಮನ್ಮೂರ್ತಿಃ ಸರ್ವಮಾವೃತ್ಯಸಂಸ್ಥಿತಃ |
ಸರ್ವಧರ್ಮಸಮತ್ರಾತಾ ಸರ್ವಧರ್ಮಸುಪೂಜಿತಃ || ೨೪೯ ||
ಸರ್ವಧರ್ಮಾನ್ ಪರಿತ್ಯಜ್ಯ ಗುರ್ವೀಶಂ ಶರಣಂ ಗತಃ |
ಸರ್ವಧೀಸಾಕ್ಷಿಭೂತಶ್ಚ ಸರ್ವನಾಮಾಭಿಸೂಚಿತಃ || ೨೫೦ ||
ಸರ್ವಭೂತಾಂತರಾತ್ಮಾ ಚ ಸರ್ವಭೂತಾಶಯಸ್ಥಿತಃ |
ಸರ್ವಭೂತಾದಿವಾಸಶ್ಚ ಸರ್ವಭೂತಹಿತೇರತಃ || ೨೫೧ ||
ಸರ್ವಭೂತಾತ್ಮಭೂತಾತ್ಮಾ ಸರ್ವಭೂತಸುಹೃಚ್ಚ ಸಃ |
ಸರ್ವಭೂತನಿಶೋನ್ನಿದ್ರಃ ಸರ್ವಭೂತಸಮಾದೃತಃ || ೨೫೨ ||
ಸರ್ವಜ್ಞಃ ಸರ್ವವಿತ್ ಸರ್ವಃ ಸರ್ವಮತಸುಸಮ್ಮತಃ |
ಸರ್ವಬ್ರಹ್ಮಮಯಂ ದ್ರಷ್ಟಾ ಸರ್ವಶಕ್ತ್ಯುಪಬೃಂಹಿತಃ || ೨೫೩ ||
ಸರ್ವಸಂಕಲ್ಪಸನ್ಯಾಸೀ ತಥಾ ಸರ್ವಸಂಗವಿವರ್ಜಿತಃ |
ಸರ್ವಲೋಕಶರಣ್ಯಶ್ಚ ಸರ್ವಲೋಕಮಹೇಶ್ವರಃ || ೨೫೪ ||
ಸರ್ವೇಶಃ ಸರ್ವರೂಪೀ ಚ ಸರ್ವಶತ್ರುನಿಬರ್ಹಣಃ |
ಸರ್ವೈಶ್ವರ್ಯೈಕಮಂತ್ರಂ ಚ ಸರ್ವೇಪ್ಸಿತಫಲಪ್ರದಃ || ೨೫೫ ||
ಸರ್ವೋಪಕಾರಕಾರೀ ಚ ಸರ್ವೋಪಾಸ್ಯಪದಾಂಬುಜಃ |
ಸಹಸ್ರಶಿರ್ಷಮೂರ್ತಿಶ್ಚ ಸಹಸ್ರಾಕ್ಷಃ ಸಹಸ್ರಪಾತ್ || ೨೫೬ ||
ಸಹಸ್ರನಾಮಸುಶ್ಲಾಘೀ ಸಹಸ್ರನಾಮಲಕ್ಷಿತಃ |
ಸಾಕಾರೋಽಪಿ ನಿರಾಕಾರಃ ಸಾಕಾರಾರ್ಚಾಸುಮಾನಿತಃ || ೨೫೭ ||
(*- ಸಾಧುಜನಪರಿತ್ರಾತಾ ಸಾಧುಪೋಷಕಸ್ತಥೈವ ಚ | -*)
ಸಾಯೀತಿ ಸಜ್ಜಾನೈಃ ಪ್ರೋಕ್ತಃ ಸಾಯೀದೇವಃ ಸ ಏವ ಹಿ |
ಸಾಯೀರಾಂ ಸಾಯಿನಾಥಶ್ಚ ಸಾಯೀಶಃ ಸಾಯಿಸತ್ತಮಃ || ೨೫೮ ||
ಸಾಲೋಕ್ಯಸಾರ್ಷ್ಟಿಸಾಮೀಪ್ಯಸಾಯುಜ್ಯಪದದಾಯಕಃ |
ಸಾಕ್ಷಾತ್ಕೃತಹರಿಪ್ರೀತ್ಯಾ ಸರ್ವಶಕ್ತಿಯುತಶ್ಚ ಸಃ || ೨೫೯ ||
ಸಾಕ್ಷಾತ್ಕಾರಪ್ರದಾತಾ ಚ ಸಾಕ್ಷಾನ್ಮನ್ಮಥಮರ್ದನಃ |
ಸಿದ್ಧೇಶಃ ಸಿದ್ಧಸಂಕಲ್ಪಃ ಸಿದ್ಧಿದಃ ಸಿದ್ಧವಾಙ್ಮುಖಃ || ೨೬೦ ||
ಸುಕೃತದುಷ್ಕೃತಾತೀತಃ ಸುಖೇಷುವಿಗತಸ್ಪೃಹಃ |
ಸುಖದುಃಖಸಮಶ್ಚೈವ ಸುಧಾಸ್ಯಂದಿಮುಖೋಜ್ವಲಃ || ೨೬೧ ||
ಸ್ವೇಚ್ಛಾಮಾತ್ರಜಡದ್ದೇಹಃ ಸ್ವೇಚ್ಛೋಪಾತ್ತತನುಸ್ತಥಾ |
ಸ್ವೀಕೃತಭಕ್ತರೋಗಶ್ಚ ಸ್ವೇಮಹಿಮ್ನಿಪ್ರತಿಷ್ಠಿತಃ || ೨೬೨ ||
ಹರಿಸಾಠೇ ತಥಾ ನಾನಾಂ ಕಾಮಾದೇಃ ಪರಿರಕ್ಷಕಃ |
ಹರ್ಷಾಮರ್ಷಭಯೋದ್ವೇಗೈರ್ನಿರ್ಮುಕ್ತವಿಮಲಾಶಯಃ || ೨೬೩ ||
ಹಿಂದುಮುಸ್ಲಿಂಸಮೂಹಾನಾಂ ಮೈತ್ರೀಕರಣತತ್ಪರಃ |
ಹೂಂಕಾರೇಣೈವ ಸುಕ್ಷಿಪ್ರಂ ಸ್ತಬ್ಧಪ್ರಚಂಡಮಾರುತಃ || ೨೬೪ ||
ಹೃದಯಗ್ರಂಥಿಭೇದೀ ಚ ಹೃದಯಗ್ರಂಥಿವರ್ಜಿತಃ |
ಕ್ಷಾಂತಾನಂತದೌರ್ಜನ್ಯಃ ಕ್ಷಿತಿಪಾಲಾದಿಸೇವಿತಃ |
ಕ್ಷಿಪ್ರಪ್ರಸಾದದಾತಾ ಚ ಕ್ಷೇತ್ರೀಕೃತಸ್ವಶಿರ್ಡಿಕಃ || ೨೬೫ ||
ಇತಿ ಶ್ರೀ ಸಾಯಿ ಸಹಸ್ರನಾಮ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ಸಾಯಿಬಾಬಾ ಸ್ತೋತ್ರಗಳನ್ನು ನೋಡಿ.
గమనిక : రాబోయే మహాశివరాత్రి సందర్భంగా "శ్రీ శివ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
