Read in తెలుగు / ಕನ್ನಡ / தமிழ் / देवनागरी / English (IAST)
ನಮೋ ವಿರಿಂಚವಿಷ್ಣ್ವೀಶಭೇದೇನ ಪರಮಾತ್ಮನೇ |
ಸರ್ಗಸಂಸ್ಥಿತಿಸಂಹಾರವ್ಯಾವೃತ್ತಿವ್ಯಕ್ತವೃತ್ತಯೇ || ೧ ||
ನಮಶ್ಚತುರ್ಧಾ ಪ್ರೋದ್ಭೂತಭೂತಭೂತಾತ್ಮನೇ ಭುವಃ |
ಭೂರಿಭಾರಾರ್ತಿಸಂಹರ್ತ್ರೇ ಭೂತನಾಥಾಯ ಶೂಲಿನೇ || ೨ ||
ವಿಶ್ವಗ್ರಾಸಾಯ ವಿಲಸತ್ಕಾಲಕೂಟವಿಷಾಶಿನೇ |
ತತ್ಕಳಂಕಾಂಕಿತಗ್ರೀವನೀಲಕಂಠಾಯ ತೇ ನಮಃ || ೩ ||
ನಮೋ ಲಲಾಟನಯನಪ್ರೋಲ್ಲಸತ್ಕೃಷ್ಣವರ್ತ್ಮನೇ |
ಧ್ವಸ್ತಸ್ಮರನಿರಸ್ತಾಧಿಯೋಗಿಧ್ಯಾತಾಯ ಶಂಭವೇ || ೪ ||
ನಮೋ ದೇಹಾರ್ಧಕಾಂತಾಯ ದಗ್ಧದಕ್ಷಾಧ್ವರಾಯ ಚ |
ಚತುರ್ವರ್ಗೇಷ್ವಭೀಷ್ಟಾರ್ಥದಾಯಿನೇ ಮಾಯಿನೇಽಣವೇ || ೫ ||
ಸ್ಥೂಲಾಯ ಮೂಲಭೂತಾಯ ಶೂಲದಾರಿತವಿದ್ವಿಷೇ |
ಕಾಲಹಂತ್ರೇ ನಮಶ್ಚಂದ್ರಖಂಡಮಂಡಿತಮೌಳಯೇ || ೬ ||
ವಿವಾಸಸೇ ಕಪರ್ದಾಂತರ್ಭ್ರಾಂತಾಹಿಸರಿದಿಂದವೇ |
ದೇವದೈತ್ಯಾಸುರೇಂದ್ರಾಣಾಂ ಮೌಳಿಘೃಷ್ಟಾಂಘ್ರಯೇ ನಮಃ || ೭ ||
ಭಸ್ಮಾಭ್ಯಕ್ತಾಯ ಭಕ್ತಾನಾಂ ಭುಕ್ತಿಮುಕ್ತಿಪ್ರದಾಯಿನೇ |
ವ್ಯಕ್ತಾವ್ಯಕ್ತಸ್ವರೂಪಾಯ ಶಂಕರಾಯ ನಮೋ ನಮಃ || ೮ ||
ನಮೋಽಂಧಕಾಂತಕರಿಪವೇ ಪುರದ್ವಿಷೇ
ನಮೋಽಸ್ತು ತೇ ದ್ವಿರದವರಾಹಭೇದಿನೇ |
ವಿಷೋಲ್ಲಸತ್ಫಣಿಕುಲಬದ್ಧಮೂರ್ತಯೇ
ನಮಃ ಸದಾ ವೃಷವರವಾಹನಾಯ ತೇ || ೯ ||
ವಿಯನ್ಮರುದ್ಧುತವಹವಾರ್ವಸುಂಧರಾ
ಮಖೇಶರವ್ಯಮೃತಮಯೂಖಮೂರ್ತಯೇ |
ನಮಃ ಸದಾ ನರಕಭಯಾವಭೇದಿನೇ
ಭವೇಹ ನೋ ಭವಭಯಭಂಗಕೃದ್ವಿಭೋ || ೧೦ ||
ಇತಿ ಶ್ರೀಮಚ್ಛಂಕರಭಗವತಃ ಕೃತೌ ಪ್ರಪಂಚಸಾರೇ ಪಂಚವಿಂಶಃ ಪಟಲೇ ಶ್ರೀ ರುದ್ರ ಸ್ತವನಮ್ |
గమనిక : రాబోయే మహాశివరాత్రి సందర్భంగా "శ్రీ శివ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
