Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀರಾಮಪಾದಸರಸೀರುಹಭೃಂಗರಾಜ
ಸಂಸಾರವಾರ್ಧಿಪತಿತೋದ್ಧರಣಾವತಾರ |
ದೋಃಸಾಧ್ಯರಾಜ್ಯಧನಯೋಷಿದದಭ್ರಬುದ್ಧೇ
ಪಂಚಾನನೇಶ ಮಮ ದೇಹಿ ಕರಾವಲಂಬಮ್ || ೧ ||
ಆಪ್ರಾತರಾತ್ರಿಶಕುನಾಥನಿಕೇತನಾಲಿ-
-ಸಂಚಾರಕೃತ್ಯ ಪಟುಪಾದಯುಗಸ್ಯ ನಿತ್ಯಮ್ |
ಮಾನಾಥಸೇವಿಜನಸಂಗಮನಿಷ್ಕೃತಂ ನಃ
ಪಂಚಾನನೇಶ ಮಮ ದೇಹಿ ಕರಾವಲಂಬಮ್ || ೨ ||
ಷಡ್ವರ್ಗವೈರಿಸುಖಕೃದ್ಭವದುರ್ಗುಹಾಯಾ-
-ಮಜ್ಞಾನಗಾಢತಿಮಿರಾತಿಭಯಪ್ರದಾಯಾಮ್ |
ಕರ್ಮಾನಿಲೇನ ವಿನಿವೇಶಿತದೇಹಧರ್ತುಃ
ಪಂಚಾನನೇಶ ಮಮ ದೇಹಿ ಕರಾವಲಂಬಮ್ || ೩ ||
ಸಚ್ಛಾಸ್ತ್ರವಾರ್ಧಿಪರಿಮಜ್ಜನಶುದ್ಧಚಿತ್ತಾ-
-ಸ್ತ್ವತ್ಪಾದಪದ್ಮಪರಿಚಿಂತನಮೋದಸಾಂದ್ರಾಃ |
ಪಶ್ಯಂತಿ ನೋ ವಿಷಯದೂಷಿತಮಾನಸಂ ಮಾಂ
ಪಂಚಾನನೇಶ ಮಮ ದೇಹಿ ಕರಾವಲಂಬಮ್ || ೪ ||
ಪಂಚೇಂದ್ರಿಯಾರ್ಜಿತಮಹಾಖಿಲಪಾಪಕರ್ಮಾ
ಶಕ್ತೋ ನ ಭೋಕ್ತುಮಿವ ದೀನಜನೋ ದಯಾಳೋ |
ಅತ್ಯಂತದುಷ್ಟಮನಸೋ ದೃಢನಷ್ಟದೃಷ್ಟೇಃ
ಪಂಚಾನನೇಶ ಮಮ ದೇಹಿ ಕರಾವಲಂಬಮ್ || ೫ ||
ಇತ್ಥಂ ಶುಭಂ ಭಜಕವೇಂಕಟಪಂಡಿತೇನ
ಪಂಚಾನನಸ್ಯ ರಚಿತಂ ಖಲು ಪಂಚರತ್ನಮ್ |
ಯಃ ಪಾಪಠೀತಿ ಸತತಂ ಪರಿಶುದ್ಧಭಕ್ತ್ಯಾ
ಸಂತುಷ್ಟಿಮೇತಿ ಭಗವಾನಖಿಲೇಷ್ಟದಾಯೀ || ೬ ||
ಇತಿ ಶ್ರೀವೇಂಕಟಾರ್ಯಕೃತ ಶ್ರೀ ಪಂಚಮುಖ ಹನುಮತ್ ಪಂಚರತ್ನಮ್ |
గమనిక : రాబోయే మహాశివరాత్రి సందర్భంగా "శ్రీ శివ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
