Read in తెలుగు / ಕನ್ನಡ / தமிழ் / देवनागरी / English (IAST)
ದೇವರ್ಷಯ ಊಚುಃ |
ನಮಸ್ತೇ ಶಿಖಿವಾಹಾಯ ಮಯೂರಧ್ವಜಧಾರಿಣೇ |
ಮಯೂರೇಶ್ವರನಾಮ್ನೇ ವೈ ಗಣೇಶಾಯ ನಮೋ ನಮಃ || ೧ ||
ಅನಾಥಾನಾಂ ಪ್ರಣಾಥಾಯ ಗತಾಹಂಕಾರಿಣಾಂ ಪತೇ |
ಮಾಯಾಪ್ರಚಾಲಕಾಯೈವ ವಿಘ್ನೇಶಾಯ ನಮೋ ನಮಃ || ೨ ||
ಸರ್ವಾನಂದಪ್ರದಾತ್ರೇ ತೇ ಸದಾ ಸ್ವಾನಂದವಾಸಿನೇ |
ಸ್ವಸ್ವಧರ್ಮರತಾನಾಂ ಚ ಪಾಲಕಾಯ ನಮೋ ನಮಃ || ೩ ||
ಅನಾದಯೇ ಪರೇಶಾಯ ದೈತ್ಯದಾನವಮರ್ದಿನೇ |
ವಿಧರ್ಮಸ್ಥಸ್ವಭಾವಾನಾಂ ಹರ್ತ್ರೇ ವಿಕಟ ತೇ ನಮಃ || ೪ ||
ಶಿವಪುತ್ರಾಯ ಸರ್ವೇಷಾಂ ಮಾತ್ರೇ ಪಿತ್ರೇ ನಮೋ ನಮಃ |
ಪಾರ್ವತೀನಂದನಾಯೈವ ಸ್ಕಂದಾಗ್ರಜ ನಮೋ ನಮಃ || ೫ ||
ನಾನಾವತಾರರೂಪೈಸ್ತು ವಿಶ್ವಸಂಸ್ಥಾಕರಾಯ ತೇ |
ಕಾಶ್ಯಪಾಯ ನಮಸ್ತುಭ್ಯಂ ಶೇಷಪುತ್ರಾಯ ತೇ ನಮಃ || ೬ ||
ಸಿಂಧುಹಂತ್ರೇ ಚ ಹೇರಂಬಾಯ ಪರಶುಧರಾಯ ತೇ |
ದೇವದೇವೇಶ ಪಾಲಾಯ ಬ್ರಹ್ಮಣಾಂ ಪತಯೇ ನಮಃ || ೭ ||
ಯೋಗೇಶಾಯ ಸುಶಾಂತಿಭ್ಯಃ ಶಾಂತಿದಾತ್ರೇ ಕೃಪಾಳವೇ |
ಅನಂತಾನನಬಾಹೋ ತೇಽನಂತೋದರ ನಮೋ ನಮಃ || ೮ ||
ಅನಂತವಿಭವಾಯೈವ ಚಿತ್ತವೃತ್ತಿಪ್ರಚಾಲಕ |
ಸರ್ವಹೃತ್ಸ್ಥಾಯ ಸರ್ವೇಷಾಂ ಪೂಜ್ಯಾಯ ತೇ ನಮೋ ನಮಃ || ೯ ||
ಸರ್ವಾದಿಪೂಜ್ಯರೂಪಾಯ ಜ್ಯೇಷ್ಠರಾಜಾಯ ತೇ ನಮಃ |
ಗಣಾನಾಂ ಪತಯೇ ಚೈವ ಸಿದ್ಧಿಬುದ್ಧಿವರಾಯ ಚ || ೧೦ ||
ಕಿಂ ಸ್ತುಮಸ್ತ್ವಾಂ ಮಯೂರೇಶ ಯತ್ರ ವೇದಾದಯಃ ಪ್ರಭೋ |
ಯೋಗಿನಃ ಶಾಂತಿಮಾಪನ್ನಾ ಅತೋ ನಮಾಮಹೇ ವಯಮ್ || ೧೧ ||
ತೇನ ತುಷ್ಟೋ ಭವ ಸ್ವಾಮಿನ್ ದಯಾಘನ ಪ್ರವರ್ತಕ |
ತ್ವದೀಯಾಂಗಸಮುದ್ಭೂತಾನ್ ರಕ್ಷ ನೋ ನಿತ್ಯದಾ ಪ್ರಭೋ || ೧೨ ||
ಏವಂ ಸ್ತುತ್ವಾ ಪ್ರಣೇಮುಸ್ತಂ ತತೋ ದೇವೋಽಬ್ರವೀನ್ ಸ ತಾನ್ |
ವರಾನ್ ವೃಣುತ ದೇವೇಶಾ ಮುನಿಭಿಶ್ಚ ಸಮನ್ವಿತಾಃ || ೧೩ ||
ಭವತ್ಕೃತಮಿದಂ ಸ್ತೋತ್ರಂ ಸರ್ವಸಿದ್ಧಿಪ್ರದಾಯಕಮ್ |
ಭವಿಷ್ಯತಿ ಮಹಾಭಾಗಾ ಮಮ ಪ್ರೀತಿವಿವರ್ಧನಮ್ || ೧೪ ||
ಯಃ ಪಠೇಚ್ಛೃಣುಯಾದ್ವಾಪಿ ಶ್ರಾವಯೇತ್ಸ ಲಭತ್ ಪರಾಮ್ |
ಭುಕ್ತಿಂ ಮುಕ್ತಿಂ ಮದೀಯಾಂ ತು ನರೋ ಭಕ್ತಿಂ ನ ಸಂಶಯಃ || ೧೫ ||
ಇತಿ ಶ್ರೀಮನ್ಮುದ್ಗಲೇ ಮಹಾಪುರಾಣೇ ಷಷ್ಠೇ ಖಂಡೇ ಶ್ರೀ ಮಯೂರೇಶ ಸ್ತುತಿಃ |
ಇನ್ನಷ್ಟು ಶ್ರೀ ಗಣೇಶ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
