Read in తెలుగు / ಕನ್ನಡ / தமிழ் / देवनागरी / English (IAST)
ದ್ವಿದಲೀಕೃತದೃಕ್ಸ್ವಾಸ್ಯಃ ಪನ್ನಗೀಕೃತಪನ್ನಗಃ |
ಕೃಶೀಕೃತಕೃಶಾನುಶ್ಚ ಶ್ರೀಕೃಷ್ಣಃ ಶರಣಂ ಮಮ || ೧ ||
ಫಲೀಕೃತಫಲಾರ್ಥೀ ಚ ಕುತ್ಸಿತೀಕೃತಕೌರವಃ |
ನಿರ್ವಾತೀಕೃತವಾತಾರಿಃ ಶ್ರೀಕೃಷ್ಣಃ ಶರಣಂ ಮಮ || ೨ ||
ಕೃತಾರ್ಥೀಕೃತಕುಂತೀಜಃ ಪ್ರಪೂತೀಕೃತಪೂತನಃ |
ಕಲಂಕೀಕೃತಕಂಸಾದಿಃ ಶ್ರೀಕೃಷ್ಣಃ ಶರಣಂ ಮಮ || ೩ ||
ಸುಖೀಕೃತಸುದಾಮಾ ಚ ಶಂಕರೀಕೃತಶಂಕರಃ |
ಸಿತೀಕೃತಸರಿನ್ನಾಥಃ ಶ್ರೀಕೃಷ್ಣಃ ಶರಣಂ ಮಮ || ೪ ||
ಛಲೀಕೃತಬಲಿದ್ಯೌರ್ಯೋ ನಿಧನೀಕೃತಧೇನುಕಃ |
ಕಂದರ್ಪೀಕೃತಕುಬ್ಜಾದಿಃ ಶ್ರೀಕೃಷ್ಣ ಶರಣಂ ಮಮ || ೫ ||
ಮಹೇಂದ್ರೀಕೃತಮಾಹೇಯಃ ಶಿಥಿಲೀಕೃತಮೈಥಿಲಃ |
ಆನಂದೀಕೃತನಂದಾದ್ಯಃ ಶ್ರೀಕೃಷ್ಣಃ ಶರಣಂ ಮಮ || ೬ ||
ವರಾಕೀಕೃತರಾಕೇಶೋ ವಿಪಕ್ಷೀಕೃತರಾಕ್ಷಸಃ |
ಸಂತೋಷೀಕೃತಸದ್ಭಕ್ತಃ ಶ್ರೀಕೃಷ್ಣಃ ಶರಣಂ ಮಮ || ೭ ||
ಜರೀಕೃತಜರಾಸಂಧಃ ಕಮಲೀಕೃತಕಾರ್ಮುಕಃ |
ಪ್ರಭ್ರಷ್ಟೀಕೃತಭೀಷ್ಮಾದಿಃ ಶ್ರೀಕೃಷ್ಣಃ ಶರಣಂ ಮಮ || ೮ ||
ಶ್ರೀಕೃಷ್ಣಃ ಶರಣಂ ಮಮಾಷ್ಟಕಮಿದಂ ಪ್ರೋತ್ಥಾಯ ಯಃ ಸಂಪಠೇತ್
ಸ ಶ್ರೀಗೋಕುಲನಾಯಕಸ್ಯ ಪದವೀಂ ಸಂಯಾತಿ ಭೂಮೀತಲೇ |
ಪಶ್ಯತ್ಯೇವ ನಿರಂತರಂ ತರಣಿಜಾತೀರಸ್ಥಕೇಲಿಂ ಪ್ರಭೋಃ
ಸಂಪ್ರಾಪ್ನೋತಿ ತದೀಯತಾಂ ಪ್ರತಿದಿನಂ ಗೋಪೀಶತೈರಾವೃತಾಮ್ || ೯ ||
ಇತಿ ಶ್ರೀರಘುನಾಥಪ್ರಭು ಕೃತಂ ಶ್ರೀ ಕೃಷ್ಣ ಶರಣಾಷ್ಟಕಮ್ ||
ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.
గమనిక : రాబోయే మహాశివరాత్రి సందర్భంగా "శ్రీ శివ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
