Read in తెలుగు / ಕನ್ನಡ / தமிழ் / देवनागरी / English (IAST)
ತ್ರಿಭುವನಭವನಾಭಿರಾಮಕೋಶಂ
ಸಕಲಕಳಂಕಹರಂ ಪರಂ ಪ್ರಕಾಶಮ್ |
ಅಶರಣಶರಣಂ ಶರಣ್ಯಮೀಶಂ
ಹರಿಮಜಮಚ್ಯುತಮೀಶ್ವರಂ ಪ್ರಪದ್ಯೇ || ೧ ||
ಕುವಲಯದಲನೀಲಸನ್ನಿಕಾಶಂ
ಶರದಮಲಾಂಬರಕೋಟರೋಪಮಾನಮ್ |
ಭ್ರಮರತಿಮಿರಕಜ್ಜಲಾಂಜನಾಭಂ
ಸರಸಿಜಚಕ್ರಗದಾಧರಂ ಪ್ರಪದ್ಯೇ || ೨ ||
ವಿಮಲಮಲಿಕಲಾಪಕೋಮಲಾಂಗಂ
ಸಿತಜಲಪಂಕಜಕುಡ್ಮಲಾಭಶಂಖಮ್ |
ಶ್ರುತಿರಣಿತವಿರಂಚಿಚಂಚರೀಕಂ
ಸ್ವಹೃದಯಪದ್ಮದಲಾಶ್ರಯಂ ಪ್ರಪದ್ಯೇ || ೩ ||
ಸಿತನಖಗಣತಾರಕಾವಿಕೀರ್ಣಂ
ಸ್ಮಿತಧವಲಾನನಪೀವರೇಂದುಬಿಂಬಮ್ |
ಹೃದಯಮಣಿಮರೀಚಿಜಾಲಗಂಗಂ
ಹರಿಶರದಂಬರಮಾತತಂ ಪ್ರಪದ್ಯೇ || ೪ ||
ಅವಿರಲಕೃತಸೃಷ್ಟಿಸರ್ವಲೀನಂ
ಸತತಮಜಾತಮವರ್ಧನಂ ವಿಶಾಲಮ್ |
ಗುಣಶತಜರಠಾಭಿಜಾತದೇಹಂ
ತರುದಲಶಾಯಿನಮರ್ಭಕಂ ಪ್ರಪದ್ಯೇ || ೫ ||
ನವವಿಕಸಿತಪದ್ಮರೇಣುಗೌರಂ
ಸ್ಫುಟಕಮಲಾವಪುಷಾ ವಿಭೂಷಿತಾಂಗಮ್ |
ದಿನಶಮಸಮಯಾರುಣಾಂಗರಾಗಂ
ಕನಕನಿಭಾಂಬರಸುಂದರಂ ಪ್ರಪದ್ಯೇ || ೬ ||
ದಿತಿಸುತನಲಿನೀತುಷಾರಪಾತಂ
ಸುರನಲಿನೀಸತತೋದಿತಾರ್ಕಬಿಂಬಮ್ |
ಕಮಲಜನಲಿನೀಜಲಾವಪೂರಂ
ಹೃದಿ ನಲಿನೀನಿಲಯಂ ವಿಭುಂ ಪ್ರಪದ್ಯೇ || ೭ ||
ತ್ರಿಭುವನನಲಿನೀಸಿತಾರವಿಂದಂ
ತಿಮಿರಸಮಾನವಿಮೋಹದೀಪಮಗ್ರ್ಯಮ್ |
ಸ್ಫುಟತರಮಜಡಂ ಚಿದಾತ್ಮತತ್ತ್ವಂ
ಜಗದಖಿಲಾರ್ತಿಹರಂ ಹರಿಂ ಪ್ರಪದ್ಯೇ || ೮ ||
ಇತಿ ಶ್ರೀವಾಸಿಷ್ಠಮಹಾರಾಮಾಯಣೇ ಮೋಕ್ಷೋಪಾಯೇಷು ಉಪಶಮಪ್ರಕರಣೇ ತ್ರಯಸ್ತ್ರಿಂಶಃ ಸರ್ಗೇ ಪ್ರಹ್ಲಾದ ಕೃತ ಶ್ರೀ ಹರಿ ಸ್ತೋತ್ರಮ್ ||
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
