Read in తెలుగు / ಕನ್ನಡ / தமிழ் / देवनागरी / English (IAST)
ಶಿವಮದ್ಭುತಕೀರ್ತಿಧರಂ ವರದಂ
ಶುಭಮಂಗಳಪುಣ್ಯಪರಾಕ್ರಮದಮ್ |
ಕರುಣಾಜಲಧಿಂ ಕಮನೀಯನುತಂ
ಗುರುಮೂರ್ತಿಮಹಂ ಸತತಂ ಕಲಯೇ || ೧ ||
ಬಹುದೈತ್ಯವಿನಾಶಕರಂ ಭಗದಂ
ಬಹುಕಾಲಸುಖಾವಹದಾನವರಮ್ |
ಬಲಬುದ್ಧಿಯಶೋಧನಧಾನ್ಯಗತಂ
ಗುರುಮೂರ್ತಿಮಹಂ ಸತತಂ ಕಲಯೇ || ೨ ||
ಪರಮಂ ಪುರುಷಂ ಪಶುಪಾಶಹರಂ
ಪರಯೋನ್ಮನಯಾ ಪರಿತೋವಿಹಿತಮ್ |
ಫಲದಂ ಬಲದಂ ಭಜತಾಂ ತು ಹಿ ತಂ
ಗುರುಮೂರ್ತಿಮಹಂ ಸತತಂ ಕಲಯೇ || ೩ ||
ಕರಪಲ್ಲವಸಲ್ಲಲಿತಾಽಭಯದಂ
ಗುರುರಾಜವರಂ ಗುಹಮಂತ್ರಗತಮ್ |
ಸತತಂ ಶಿವದಂ ಸನಕಾದಿಯುತಂ
ಗುರುಮೂರ್ತಿಮಹಂ ಸತತಂ ಕಲಯೇ || ೪ ||
ಸಸುತಂ ಸವೃಷಂ ಸುಲಭಾಸನಕಂ
ಸಲಿಲಾನ್ವಿತಚಂದ್ರಕಳಾಕಲಿತಮ್ |
ವಿಮಲಂ ಕಮಲಾಸನಸನ್ನಿಹಿತಂ
ಗುರುಮೂರ್ತಿಮಹಂ ಸತತಂ ಕಲಯೇ || ೫ ||
ಅರುಣಾಚಲಮೀಶಮಭೀಷ್ಟವರಂ
ಕರುಣಾರ್ಣವಪೂರಿತಲೋಚನಕಮ್ |
ತರುಣಾರುಣಶೋಭಿತಗಾತ್ರಮಮುಂ
ಗುರುಮೂರ್ತಿಮಹಂ ಸತತಂ ಕಲಯೇ || ೬ ||
ವಟದಾರುವನೇವಸಿನಂ ಶಶಿನಂ
ಜಟಯಾಧರಮಾದಿಮನೀಶಮಜಮ್ |
ಪಟುರಾಯತಭಾರತಿವಾಕ್ಯಗತಂ
ಗುರುಮೂರ್ತಿಮಹಂ ಸತತಂ ಕಲಯೇ || ೭ ||
ತಪಸಾಹ್ವಯಿತಂ ತಪಸಾಂ ಬಲದಂ
ತಪನೋಡುಪವಹ್ನಿಕಳಾನಯನಮ್ |
ಕುಪಿತಾಂತಕಮಾದಿಮನಾಕುಲದಂ
ಗುರುಮೂರ್ತಿಮಹಂ ಸತತಂ ಕಲಯೇ || ೮ ||
ರಜತಾಚಲಮಧ್ಯವಸಂ ಭಸಿತೋ-
-ಲ್ಲಸಿತಂ ಭವರೋಗಸುಭೇಷಜಕಮ್ |
ಭಸಿತೀಕೃತಮನ್ಮಥಮೀತಿಹರಂ
ಗುರುಮೂರ್ತಿಮಹಂ ಸತತಂ ಕಲಯೇ || ೯ ||
ಪರಮೇಶ್ವರಮಂಬಿಕಯಾಸಹಿತಂ
ಹರಿಪದ್ಮಜಸನ್ನುತಪಾದಯುಗಮ್ |
ಪರಮಾದ್ಭುತಮೋದಕರಂ ತನುತಾಂ
ಗುರುಮೂರ್ತಿಮಹಂ ಸತತಂ ಕಲಯೇ || ೧೦ ||
ಇತಿ ಶ್ರೀ ಗುರುಮೂರ್ತಿ ಸ್ತೋತ್ರಮ್ ||
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
