Read in తెలుగు / ಕನ್ನಡ / தமிழ் / देवनागरी / English (IAST)
ಅಗ್ನಿರುವಾಚ |
ನಮಸ್ತೇ ವಿಘ್ನನಾಶಾಯ ಭಕ್ತಾನಾಂ ಹಿತಕಾರಕ |
ನಮಸ್ತೇ ವಿಘ್ನಕರ್ತ್ರೇ ವೈ ಹ್ಯಭಕ್ತಾನಾಂ ವಿನಾಯಕ || ೧ ||
ನಮೋ ಮೂಷಕವಾಹಾಯ ಗಜವಕ್ತ್ರಾಯ ಧೀಮತೇ |
ಆದಿಮಧ್ಯಾಂತಹೀನಾಯಾದಿಮಧ್ಯಾಂತಸ್ವರೂಪಿಣೇ || ೨ ||
ಚತುರ್ಭುಜಧರಾಯೈವ ಚತುರ್ವರ್ಗಪ್ರದಾಯಿನೇ |
ಏಕದಂತಾಯ ವೈ ತುಭ್ಯಂ ಹೇರಂಬಾಯ ನಮೋ ನಮಃ || ೩ ||
ಲಂಬೋದರಾಯ ದೇವಾಯ ಗಜಕರ್ಣಾಯ ಢುಂಢಯೇ |
ಯೋಗಶಾಂತಿಸ್ವರೂಪಾಯ ಯೋಗಶಾಂತಿಪ್ರದಾಯಿನೇ || ೪ ||
ಯೋಗಿಭ್ಯೋ ಯೋಗದಾತ್ರೇ ಚ ಯೋಗಿನಾಂ ಪತಯೇ ನಮಃ |
ಚರಾಚರಮಯಾಯೈವ ಪ್ರಣವಾಕೃತಿಧಾರಿಣೇ || ೫ ||
ಸಿದ್ಧಿಬುದ್ಧಿಮಯಾಯೈವ ಸಿದ್ಧಿಬುದ್ಧಿಪ್ರದಾಯಕ |
ಸಿದ್ಧಿಬುದ್ಧಿಪತೇ ತುಭ್ಯಂ ನಮೋ ಭಕ್ತಪ್ರಿಯಾಯ ಚ || ೬ ||
ಅನಂತಾನನ ದೇವೇಶ ಪ್ರಸೀದ ಕರುಣಾನಿಧೇ |
ದಾಸೋಽಹಂ ತೇ ಗಣಾಧ್ಯಕ್ಷ ಮಾಂ ಪಾಲಯ ವಿಶೇಷತಃ || ೭ ||
ಧನ್ಯೋಽಹಂ ಸರ್ವದೇವೇಷು ದೃಷ್ಟ್ವಾ ಪಾದಂ ವಿನಾಯಕ |
ಕೃತಕೃತ್ಯೋ ಮಹಾಯೋಗೀ ಬ್ರಹ್ಮಭೂತೋ ನ ಸಂಶಯಃ || ೮ ||
ಯದಿ ಪ್ರಸನ್ನಭಾವೇನ ವರದೋಽಸಿ ಗಜಾನನ |
ತದಾ ಮಾಂ ಶಾಪಹೀನಂ ತ್ವಂ ಕುರು ದೇವೇಂದ್ರಸತ್ತಮ || ೯ ||
ತವ ಭಕ್ತಿಂ ದೃಢಾಂ ದೇಹಿ ಯಯಾ ಮೋಹೋ ವಿನಶ್ಯತಿ |
ತವ ಭಕ್ತೈಃ ಸಹಾವಾಸೋ ಮಮಾಸ್ತು ಗಣನಾಯಕ || ೧೦ ||
ಯದಾ ಸಂಕಟಸಂಯುಕ್ತಸ್ತದಾ ಸ್ಮರಣತಸ್ತವ |
ನಿಸ್ಸಂಕಟೋಽಹಮತ್ಯಂತಂ ಭವಾಮಿ ತ್ವತ್ಪ್ರಸಾದತಃ || ೧೧ ||
ಇತಿ ಶ್ರೀಮನ್ಮುದ್ಗಲೇ ಮಹಾಪುರಾಣೇ ದ್ವಿತೀಯಖಂಡೇ ಅಗ್ನಿ ಕೃತ ಶ್ರೀ ಗಣೇಶ ಸ್ತೋತ್ರಮ್ ||
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
