Read in తెలుగు / ಕನ್ನಡ / தமிழ் / देवनागरी / English (IAST)
ಗರ್ಭ ಉವಾಚ |
ನಮಸ್ತೇ ಗಣನಾಥಾಯ ಬ್ರಹ್ಮಣೇ ಬ್ರಹ್ಮರೂಪಿಣೇ |
ಅನಾಥಾನಾಂ ಪ್ರಣಾಥಾಯ ವಿಘ್ನೇಶಾಯ ನಮೋ ನಮಃ || ೧ ||
ಜ್ಯೇಷ್ಠರಾಜಾಯ ದೇವಾಯ ದೇವದೇವೇಶಮೂರ್ತಯೇ |
ಅನಾದಯೇ ಪರೇಶಾಯ ಚಾದಿಪೂಜ್ಯಾಯ ತೇ ನಮಃ || ೨ ||
ಸರ್ವಪೂಜ್ಯಾಯ ಸರ್ವೇಷಾಂ ಸರ್ವರೂಪಾಯ ತೇ ನಮಃ |
ಸರ್ವಾದಯೇ ಪರಬ್ರಹ್ಮನ್ ಸರ್ವೇಶಾಯ ನಮೋ ನಮಃ || ೩ ||
ಗಜಾಕಾರಸ್ವರೂಪಾಯ ಗಜಾಕಾರಮಯಾಯ ತೇ |
ಗಜಮಸ್ತಕಧಾರಾಯ ಗಜೇಶಾಯ ನಮೋ ನಮಃ || ೪ ||
ಆದಿಮಧ್ಯಾಂತಭಾವಾಯ ಸ್ವಾನಂದಪತಯೇ ನಮಃ |
ಆದಿಮಧ್ಯಾಂತಹೀನಾಯ ತ್ವಾದಿಮಧ್ಯಾಂತಗಾಯ ತೇ || ೫ ||
ಸಿದ್ಧಿಬುದ್ಧಿಪ್ರದಾತ್ರೇ ಚ ಸಿದ್ಧಿಬುದ್ಧಿವಿಹಾರಿಣೇ |
ಸಿದ್ಧಿಬುದ್ಧಿಮಯಾಯೈವ ಬ್ರಹ್ಮೇಶಾಯ ನಮೋ ನಮಃ || ೬ ||
ಶಿವಾಯ ಶಕ್ತಯೇ ಚೈವ ವಿಷ್ಣವೇ ಭಾನುರೂಪಿಣೇ |
ಮಾಯಿನಾಂ ಮಾಯಯಾ ನಾಥ ಮೋಹದಾಯ ನಮೋ ನಮಃ || ೭ ||
ಕಿಂ ಸ್ತೌಮಿ ತ್ವಾಂ ಗಣಾಧೀಶ ಯತ್ರ ವೇದಾದಯೋಽಪರೇ |
ಯೋಗಿನಃ ಶಾಂತಿಮಾಪನ್ನಾ ಅತಸ್ತ್ವಾಂ ಪ್ರಣಮಾಮ್ಯಹಮ್ || ೮ ||
ರಕ್ಷ ಮಾಂ ಗರ್ಭದುಃಖಾತ್ತ್ವಂ ತ್ವಾಮೇವ ಶರಣಾಗತಮ್ |
ಜನ್ಮಮೃತ್ಯುವಿಹೀನಂ ವೈ ಕುರುಷ್ವ ತೇ ಪದಪ್ರಿಯಮ್ || ೯ ||
ಇತಿ ಶ್ರೀಮನ್ಮುದ್ಗಲೇ ಮಹಾಪುರಾಣೇ ನವಮ ಖಂಡೇ ಶ್ರೀ ಗಣನಾಥ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ಗಣೇಶ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
