Read in తెలుగు / ಕನ್ನಡ / தமிழ் / देवनागरी / English (IAST)
ಓಂ ಭದ್ರಂ ಕರ್ಣೇಭಿಃ ಶೃಣುಯಾಮ ದೇವಾಃ | ಭದ್ರಂ ಪಶ್ಯೇಮಾಕ್ಷಭಿರ್ಯಜತ್ರಾಃ | ಸ್ಥಿರೈರಂಗೈಸ್ತುಷ್ಟುವಾಗ್ಂ ಸಸ್ತನೂಭಿಃ | ವ್ಯಶೇಮ ದೇವಹಿತಂ ಯದಾಯುಃ | ಸ್ವಸ್ತಿ ನ ಇಂದ್ರೋ ವೃದ್ಧಶ್ರವಾಃ | ಸ್ವಸ್ತಿ ನಃ ಪೂಷಾ ವಿಶ್ವವೇದಾಃ | ಸ್ವಸ್ತಿ ನಸ್ತಾರ್ಕ್ಷ್ಯೋ ಅರಿಷ್ಟನೇಮಿಃ | ಸ್ವಸ್ತಿ ನೋ ಬೃಹಸ್ಪತಿರ್ದಧಾತು | ಓಂ ಶಾಂತಿಃ ಶಾಂತಿಃ ಶಾಂತಿಃ ||
– ಪ್ರಥಮಖಂಡಃ –
ಓಂ || ಸತ್ಯಕ್ಷೇತ್ರೇ ಬ್ರಹ್ಮಾ ನಾರಾಯಣಂ ಮಹಾಸಾಮ್ರಾಜ್ಯಂ ಕಿಂ ತಾರಕಂ ತನ್ನೋ ಬ್ರೂಹಿ ಭಗವನ್ನಿತ್ಯುಕ್ತಃ ಸತ್ಯಾನಂದಚಿದಾತ್ಮಕಂ ಸಾತ್ತ್ವಿಕಂ ಮಾಮಕಂ ಧಾಮೋಪಾಸ್ವೇತ್ಯಾಹ | ಸದಾ ದತ್ತೋಽಹಮಸ್ಮೀತಿ ಪ್ರತ್ಯೇತತ್ಸಂವದಂತಿ ಯೇನ ತೇ ಸಂಸಾರಿಣೋ ಭವಂತಿ | ನಾರಾಯಣೇನೈವಂ ವಿವಕ್ಷಿತೋ ಬ್ರಹ್ಮಾ ವಿಶ್ವರೂಪಧರಂ ವಿಷ್ಣುಂ ನಾರಾಯಣಂ ದತ್ತಾತ್ರೇಯಂ ಧ್ಯಾತ್ವಾ ಸದ್ವದತಿ || ೧ ||
ದಮಿತಿ ಹಂಸಃ | ದಾಮಿತಿ ದೀರ್ಘಂ ತದ್ಬೀಜಂ ನಾಮ ಬೀಜಸ್ಥಮ್ | ದಾಮಿತ್ಯೇಕಾಕ್ಷರಂ ಭವತಿ | ತದೇತತ್ ತಾರಕಂ ಭವತಿ | ತದೇವೋಪಾಸಿತವ್ಯಂ ವಿಜ್ಞೇಯಂ ಗರ್ಭಾದಿತಾರಣಮ್ | ಗಾಯತ್ರೀ ಛಂದಃ | ಸದಾಶಿವ ಋಷಿಃ | ದತ್ತಾತ್ರೇಯೋ ದೇವತಾ | ವಟಬೀಜಸ್ಥಮಿವ ದತ್ತಬೀಜಸ್ಥಂ ಸರ್ವಂ ಜಗತ್ | ಏತದೇವಾಕ್ಷರಂ ವ್ಯಾಖ್ಯಾತಮ್ || ೨ ||
ಷಡಕ್ಷರೀ –
ವ್ಯಾಖ್ಯಾಸ್ಯೇ ಷಡಕ್ಷರಮ್ | ಓಮಿತಿ ಪ್ರಥಮಮ್ | ಶ್ರೀಮಿತಿ ದ್ವಿತೀಯಮ್ | ಹ್ರೀಮಿತಿ ತೃತೀಯಮ್ | ಕ್ಲೀಮಿತಿ ಚತುರ್ಥಮ್ | ಗ್ಲೌಮಿತಿ ಪಂಚಮಮ್ | ದ್ರಾಮಿತಿ ಷಷ್ಠಮ್ | ಷಡಕ್ಷರೋಽಯಂ ಭವತಿ | ಸರ್ವಸಂಪದ್ವೃದ್ಧಿಕರೀ ಭವತಿ | ಯೋಗಾನುಭವೋ ಭವತಿ | ಗಾಯತ್ರೀ ಛಂದಃ | ಸದಾಶಿವ ಋಷಿಃ | ದತ್ತಾತ್ರೇಯೋ ದೇವತಾ | ಓಂ ಶ್ರೀಂ ಹ್ರೀಂ ಕ್ಲೀಂ ಗ್ಲೌಂ ದ್ರಾಂ ಇತಿ ಷಡಕ್ಷರೋಽಯಂ ಭವತಿ || ೩ ||
ಅಷ್ಟಾಕ್ಷರೀ –
ದ್ರಮಿತ್ಯುಕ್ತ್ವಾ ದ್ರಾಮಿತ್ಯುಕ್ತ್ವಾ ವಾ ದತ್ತಾತ್ರೇಯಾಯ ನಮ ಇತ್ಯಷ್ಟಾಕ್ಷರಃ | ದತ್ತಾತ್ರೇಯಾಯೇತಿ ಸತ್ಯಾನಂದಚಿದಾತ್ಮಕಮ್ | ನಮ ಇತಿ ಪೂರ್ಣಾನಂದಕವಿಗ್ರಹಮ್ | ಗಾಯತ್ರೀ ಛಂದಃ | ಸದಾಶಿವ ಋಷಿಃ | ದತ್ತಾತ್ರೇಯೋ ದೇವತಾ | ದತ್ತಾತ್ರೇಯಾಯೇತಿ ಕೀಲಕಮ್ | ತದೇವ ಬೀಜಮ್ | ನಮಃ ಶಕ್ತಿರ್ಭವತಿ || ೪ ||
ದ್ವಾದಶಾಕ್ಷರೀ –
ಓಮಿತಿ ಪ್ರಥಮಮ್ | ಆಮಿತಿ ದ್ವಿತೀಯಮ್ | ಹ್ರೀಮಿತಿ ತೃತೀಯಮ್ | ಕ್ರೋಮಿತಿ ಚತುರ್ಥಮ್ | ಏಹೀತಿ ತದೇವ ವದೇತ್ | ದತ್ತಾತ್ರೇಯೇತಿ ಸ್ವಾಹೇತಿ ಮಂತ್ರರಾಜೋಽಯಂ ದ್ವಾದಶಾಕ್ಷರಃ | ಜಗತೀ ಛಂದಃ | ಸದಾಶಿವ ಋಷಿಃ | ದತ್ತಾತ್ರೇಯೋ ದೇವತಾ | ಓಮಿತಿ ಬೀಜಮ್ | ಸ್ವಾಹೇತಿ ಶಕ್ತಿಃ | ಸಂಬುದ್ಧಿರಿತಿ ಕೀಲಕಮ್ | ದ್ರಮಿತಿ ಹೃದಯೇ | ಹ್ರೀಂ ಕ್ಲೀಮಿತಿ ಶೀರ್ಷೇ | ಏಹೀತಿ ಶಿಖಾಯಾಮ್ | ದತ್ತೇತಿ ಕವಚೇ | ಆತ್ರೇಯೇತಿ ಚಕ್ಷುಷಿ | ಸ್ವಾಹೇತ್ಯಸ್ತ್ರೇ | ತನ್ಮಯೋ ಭವತಿ | ಯ ಏವಂ ವೇದ || ೫ ||
ಷೋಡಶಾಕ್ಷರೀ –
ಷೋಡಶಾಕ್ಷರಂ ವ್ಯಾಖ್ಯಾಸ್ಯೇ | ಪ್ರಾಣಂ ದೇಯಮ್ | ಮಾನಂ ದೇಯಮ್ | ಚಕ್ಷುರ್ದೇಯಮ್ | ಶ್ರೋತ್ರಂ ದೇಯಮ್ | ಷಡ್ದಶಶಿರಶ್ಛಿನತ್ತಿ | ಷೋಡಶಾಕ್ಷರಮಂತ್ರೋ ನ ದೇಯೋ ಭವತಿ | ಅತಿಸೇವಾಪರಭಕ್ತಗುಣವಚ್ಛಿಷ್ಯಾಯ ವದೇತ್ | ಓಮಿತಿ ಪ್ರಥಮಂ ಭವತಿ | ಐಮಿತಿ ದ್ವಿತೀಯಮ್ | ಕ್ರೋಮಿತಿ ತೃತೀಯಮ್ | ಕ್ಲೀಮಿತಿ ಚತುರ್ಥಮ್ | ಕ್ಲೂಮಿತಿ ಪಂಚಮಮ್ | ಹ್ರಾಮಿತಿ ಷಷ್ಠಮ್ | ಹ್ರೀಮಿತಿ ಸಪ್ತಮಮ್ | ಹ್ರೂಮಿತ್ಯಷ್ಟಮಮ್ | ಸೌರಿತಿ ನವಮಮ್ | ದತ್ತಾತ್ರೇಯಾಯೇತಿ ಚತುರ್ದಶಮ್ | ಸ್ವಾಹೇತಿ ಷೋಡಶಮ್ | ಗಾಯತ್ರೀ ಛಂದಃ | ಸದಾಶಿವ ಋಷಿಃ | ದತ್ತಾತ್ರೇಯೋ ದೇವತಾ | ಓಂ ಬೀಜಮ್ | ಸ್ವಾಹಾ ಶಕ್ತಿಃ | ಚತುರ್ಥ್ಯಂತಂ ಕೀಲಕಮ್ | ಓಮಿತಿ ಹೃದಯೇ | ಕ್ಲಾಂ ಕ್ಲೀಂ ಕ್ಲೂಮಿತಿ ಶಿಖಾಯಾಮ್ | ಸೌರಿತಿ ಕವಚೇ | ಚತುರ್ಥ್ಯಂತಂ ಚಕ್ಷುಷಿ | ಸ್ವಾಹೇತ್ಯಸ್ತ್ರೇ | ಯೋ ನಿತ್ಯಮಧೀಯಾನಃ ಸಚ್ಚಿದಾನಂದ ಸುಖೀ ಮೋಕ್ಷೀ ಭವತಿ | ಸೌರಿತ್ಯಂತೇ ಶ್ರೀವೈಷ್ಣವ ಇತ್ಯುಚ್ಯತೇ | ತಜ್ಜಾಪೀ ವಿಷ್ಣುರೂಪೀ ಭವತಿ || ೬ ||
ಅನುಷ್ಟುಪ್ –
ಅನುಷ್ಟುಪ್ ಛಂದೋ ವ್ಯಾಖ್ಯಾಸ್ಯೇ | ಸರ್ವತ್ರ ಸಂಬುದ್ಧಿರಿಮಾನೀತ್ಯುಚ್ಯಂತೇ | ದತ್ತಾತ್ರೇಯ ಹರೇ ಕೃಷ್ಣ ಉನ್ಮತ್ತಾನಂದದಾಯಕ | ದಿಗಂಬರ ಮುನೇ ಬಾಲಪಿಶಾಚ ಜ್ಞಾನಸಾಗರ | ಇತ್ಯುಪನಿಷತ್ | ಅನುಷ್ಟುಪ್ ಛಂದಃ | ಸದಾಶಿವ ಋಷಿಃ | ದತ್ತಾತ್ರೇಯೋ ದೇವತಾ | ದತ್ತಾತ್ರೇಯೇತಿ ಹೃದಯೇ | ಹರೇ ಕೃಷ್ಣೇತಿ ಶೀರ್ಷೇ | ಉನ್ಮತ್ತಾನಂದೇತಿ ಶಿಖಾಯಾಮ್ | ದಾಯಕ ಮುನ ಇತಿ ಕವಚೇ | ದಿಗಂಬರೇತಿ ಚಕ್ಷುಷಿ | ಪಿಶಾಚ ಜ್ಞಾನಸಾಗರೇತ್ಯಸ್ತ್ರೇ | ಆನುಷ್ಟುಭೋಽಯಂ ಮಯಾಧೀತಃ | ಅಬ್ರಹ್ಮಜನ್ಮದೋಷಾಶ್ಚ ಪ್ರಣಶ್ಯಂತಿ | ಸರ್ವೋಪಕಾರೀ ಮೋಕ್ಷೀ ಭವತಿ | ಯ ಏವಂ ವೇದೇತ್ಯುಪನಿಷತ್ || ೭ ||
|| ಇತಿ ಪ್ರಥಮಃ ಖಂಡಃ || ೧ ||
– ದ್ವಿತೀಯ ಖಂಡಃ –
ಓಮಿತಿ ವ್ಯಾಹರೇತ್ | ಓಂ ನಮೋ ಭಗವತೇ ದತ್ತಾತ್ರೇಯಾಯ ಸ್ಮರಣಮಾತ್ರಸಂತುಷ್ಟಾಯ ಮಹಾಭಯನಿವಾರಣಾಯ ಮಹಾಜ್ಞಾನಪ್ರದಾಯ ಚಿದಾನಂದಾತ್ಮನೇ ಬಾಲೋನ್ಮತ್ತಪಿಶಾಚವೇಷಾಯೇತಿ ಮಹಾಯೋಗಿನೇಽವಧೂತಾಯೇತಿ ಅನಸೂಯಾನಂದವರ್ಧನಾಯಾತ್ರಿಪುತ್ರಾಯೇತಿ ಸರ್ವಕಾಮಫಲಪ್ರದಾಯ ಓಮಿತಿ ವ್ಯಾಹರೇತ್ | ಭವಬಂಧಮೋಚನಾಯೇತಿ ಹ್ರೀಮಿತಿ ವ್ಯಾಹರೇತ್ | ಸಕಲವಿಭೂತಿದಾಯೇತಿ ಕ್ರೋಮಿತಿ ವ್ಯಾಹರೇತ್ | ಸಾಧ್ಯಾಕರ್ಷಣಾಯೇತಿ ಸೌರಿತಿ ವ್ಯಾಹರೇತ್ | ಸರ್ವಮನಃಕ್ಷೋಭಣಾಯೇತಿ ಶ್ರೀಮಿತಿ ವ್ಯಾಹರೇತ್ | ಮಹೋಮಿತಿ ವ್ಯಾಹರೇತ್ | ಚಿರಂಜೀವಿನೇ ವಷಡಿತಿ ವ್ಯಾಹರೇತ್ | ವಶೀಕುರು ವಶೀಕುರು ವೌಷಡಿತಿ ವ್ಯಾಹರೇತ್ | ಆಕರ್ಷಯಾಕರ್ಷಯ ಹುಮಿತಿ ವ್ಯಾಹರೇತ್ | ವಿದ್ವೇಷಯ ವಿದ್ವೇಷಯ ಫಡಿತಿ ವ್ಯಾಹರೇತ್ | ಉಚ್ಚಾಟಯೋಚ್ಚಾಟಯ ಠ ಠೇತಿ ವ್ಯಾಹರೇತ್ | ಸ್ತಂಭಯ ಸ್ತಂಭಯ ಖ ಖೇತಿ ವ್ಯಾಹರೇತ್ | ಮಾರಯ ಮಾರಯ ನಮಃ ಸಂಪನ್ನಾಯ ನಮಃ ಸಂಪನ್ನಾಯ ಸ್ವಾಹಾ ಪೋಷಯ ಪೋಷಯ ಪರಮಂತ್ರ ಪರಯಂತ್ರ ಪರತಂತ್ರಾಂಶ್ಛಿಂಧಿ ಚ್ಛಿಂಧಿ ಗ್ರಹಾನ್ನಿವಾರಯ ನಿವಾರಯ ವ್ಯಾಧೀನ್ನಿವಾರಯ ನಿವಾರಯ ದುಃಖಂ ಹರಯ ಹರಯ ದಾರಿದ್ರ್ಯಂ ವಿದ್ರಾವಯ ವಿದ್ರಾವಯ ದೇಹಂ ಪೋಷಯ ಪೋಷಯ ಚಿತ್ತಂ ತೋಷಯ ತೋಷಯೇತಿ ಸರ್ವಮಂತ್ರ ಸರ್ವಯಂತ್ರ ಸರ್ವತಂತ್ರ ಸರ್ವಪಲ್ಲವಸ್ವರೂಪಾಯೇತಿ ಓಂ ನಮಃ ಶಿವಾಯೇತ್ಯುಪನಿಷತ್ ||
|| ಇತಿ ದ್ವಿತೀಯಃ ಖಂಡಃ || ೨ ||
– ತೃತೀಯ ಖಂಡಃ –
ಯ ಏವಂ ವೇದ | ಅನುಷ್ಟುಪ್ ಛಂದಃ | ಸದಾಶಿವ ಋಷಿಃ | ದತ್ತಾತ್ರೇಯೋ ದೇವತಾ | ಓಮಿತಿ ಬೀಜಮ್ | ಸ್ವಾಹೇತಿ ಶಕ್ತಿಃ | ದ್ರಾಮಿತಿ ಕೀಲಕಮ್ | ಅಷ್ಟಮೂರ್ತ್ಯಷ್ಟಮಂತ್ರಾ ಭವಂತಿ | ಯೋ ನಿತ್ಯಮಧೀತೇ ವಾಯ್ವಗ್ನಿಸೋಮಾದಿತ್ಯಬ್ರಹ್ಮವಿಷ್ಣುರುದ್ರೈಃ ಪೂತೋ ಭವತಿ | ಗಾಯತ್ರ್ಯಾಃ ಶತಸಹಸ್ರಂ ಜಪ್ತೋ ಭವತಿ | ಮಹಾರುದ್ರಶತಸಹಸ್ರಜಾಪೀ ಭವತಿ | ಪ್ರಣವಾಯುತಕೋಟಿಜಪ್ತೋ ಭವತಿ | ಶತಪೂರ್ವಾಞ್ಛತಾಪರಾನ್ ಪುನಾತಿ | ಸ ಪಂಕ್ತಿಪಾವನೋ ಭವತಿ | ಬ್ರಹ್ಮಹತ್ಯಾದಿಪಾತಕೈರ್ಮುಕ್ತೋ ಭವತಿ | ಗೋಹತ್ಯಾದಿಪಾತಕೈರ್ಮುಕ್ತೋ ಭವತಿ | ತುಲಾಪುರುಷಾದಿದಾನೈಃ ಪ್ರಪಾಪಾನತಃ ಪೂತೋ ಭವತಿ | ಅಶೇಷಪಾಪಾನ್ಮುಕ್ತೋ ಭವತಿ | ಅಭಕ್ಷ್ಯಭಕ್ಷ್ಯಪಾಪೈರ್ಮುಕ್ತೋ ಭವತಿ | ಸರ್ವಮಂತ್ರಯೋಗಪಾರೀಣೋ ಭವತಿ | ಸ ಏವ ಬ್ರಾಹ್ಮಣೋ ಭವತಿ | ತಸ್ಮಾಚ್ಛಿಷ್ಯಂ ಭಕ್ತಂ ಪ್ರತಿಗೃಹ್ಣೀಯಾತ್ | ಸೋಽನಂತಫಲಮಶ್ನುತೇ | ಸ ಜೀವನ್ಮುಕ್ತೋ ಭವತೀತ್ಯಾಹ ಭಗವಾನ್ನಾರಾಯಣೋ ಬ್ರಹ್ಮಾಣಮಿತ್ಯುಪನಿಷತ್ ||
|| ಇತಿ ತೃತೀಯಃ ಖಂಡಃ || ೩ ||
ಓಂ ಭದ್ರಂ ಕರ್ಣೇಭಿಃ ಶೃಣುಯಾಮ ದೇವಾಃ | ಭದ್ರಂ ಪಶ್ಯೇಮಾಕ್ಷಭಿರ್ಯಜತ್ರಾಃ | ಸ್ಥಿರೈರಂಗೈಸ್ತುಷ್ಟುವಾಗ್ಂ ಸಸ್ತನೂಭಿಃ | ವ್ಯಶೇಮ ದೇವಹಿತಂ ಯದಾಯುಃ | ಸ್ವಸ್ತಿ ನ ಇಂದ್ರೋ ವೃದ್ಧಶ್ರವಾಃ | ಸ್ವಸ್ತಿ ನಃ ಪೂಷಾ ವಿಶ್ವವೇದಾಃ | ಸ್ವಸ್ತಿ ನಸ್ತಾರ್ಕ್ಷ್ಯೋ ಅರಿಷ್ಟನೇಮಿಃ | ಸ್ವಸ್ತಿ ನೋ ಬೃಹಸ್ಪತಿರ್ದಧಾತು | ಓಂ ಶಾಂತಿಃ ಶಾಂತಿಃ ಶಾಂತಿಃ ||
ಇತಿ ಶ್ರೀ ದತ್ತಾತ್ರೇಯೋಪನಿಷತ್ ||
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
