Read in తెలుగు / ಕನ್ನಡ / தமிழ் / देवनागरी / English (IAST)
ಅರುಣ ಉವಾಚ |
ನಮಸ್ತೇ ಗಣನಾಥಾಯ ತೇಜಸಾಂ ಪತಯೇ ನಮಃ |
ಅನಾಮಯಾಯ ದೇವೇಶ ಆತ್ಮನೇ ತೇ ನಮೋ ನಮಃ || ೧ ||
ಬ್ರಹ್ಮಣಾಂ ಪತಯೇ ತುಭ್ಯಂ ಜೀವಾನಾಂ ಪತಯೇ ನಮಃ |
ಆಖುವಾಹನಗಾಯೈವ ಸಪ್ತಾಶ್ವಾಯ ನಮೋ ನಮಃ || ೨ ||
ಸ್ವಾನಂದವಾಸಿನೇ ತುಭ್ಯಂ ಸೌರಲೋಕನಿವಾಸಿನೇ |
ಚತುರ್ಭುಜಧರಾಯೈವ ಸಹಸ್ರಕಿರಣಾಯ ಚ || ೩ ||
ಸಿದ್ಧಿಬುದ್ಧಿಪತೇ ತುಭ್ಯಂ ಸಂಜ್ಞಾನಾಥಾಯ ತೇ ನಮಃ |
ವಿಘ್ನಹಂತ್ರೇ ತಮೋಹಂತ್ರೇ ಹೇರಂಬಾಯ ನಮೋ ನಮಃ || ೪ ||
ಅನಂತವಿಭವಾಯೈವ ನಾಮರೂಪಪ್ರಧಾರಿಣೇ |
ಮಾಯಾಚಾಲಕ ಸರ್ವೇಶ ಸರ್ವಪೂಜ್ಯಾಯ ತೇ ನಮಃ || ೫ ||
ಗ್ರಹರಾಜಾಯ ದೀಪ್ತೀನಾಂ ದೀಪ್ತಿದಾಯ ಯಶಸ್ವಿನೇ |
ಗಣೇಶಾಯ ಪರೇಶಾಯ ವಿಘ್ನೇಶಾಯ ನಮೋ ನಮಃ || ೬ ||
ವಿವಸ್ವತೇ ಭಾನವೇ ತೇ ರವಯೇ ಜ್ಯೋತಿಷಾಂ ಪತೇ |
ಲಂಬೋದರೈಕದಂತಾಯ ಮಹೋತ್ಕಟಾಯ ತೇ ನಮಃ || ೭ ||
ಯಃ ಸೂರ್ಯೋ ವಿಕಟಃ ಸೋಽಪಿ ನ ಭೇದೋ ದೃಶ್ಯತೇ ಕದಾ |
ಭಕ್ತಿಂ ದೇಹಿ ಗಜಾಸ್ಯ ತ್ವಂ ತ್ವದೀಯಾಂ ಮೇ ನಮೋ ನಮಃ || ೮ ||
ಕಿಂ ಸ್ತೌಮಿ ತ್ವಾಂ ಗಣಾಧೀಶ ಯೋಗಾಕಾರಸ್ವರೂಪಿಣಮ್ |
ಚತುರ್ಧಾ ಭಜ್ಯ ಸ್ವಾತ್ಮಾನಂ ಖೇಲಸಿ ತ್ವಂ ನ ಸಂಶಯಃ || ೯ ||
ಏವಂ ಸ್ವಸ್ಯ ಸ್ತುತಿಂ ಶ್ರುತ್ವಾ ವಿಕಟೋ ರೂಪಮಾದಧೇ |
ವಾಮಾಂಗೇ ಸಂಜ್ಞಯಾ ಯುಕ್ತಂ ಗಜವಕ್ತ್ರಾದಿಚಿಹ್ನಿತಮ್ || ೧೦ ||
ತಂ ದೃಷ್ಟ್ವಾ ಪ್ರಣನಾಮಾಥಾನೂರುರ್ಹರ್ಷಸಮನ್ವಿತಃ |
ತಂ ಜಗಾದ ಗಣಾಧೀಶೋ ವರಂ ವೃಣು ಹೃದೀಪ್ಸಿತಮ್ || ೧೧ ||
ತ್ವಯಾ ಕೃತಮಿದಂ ಸ್ತೋತ್ರಂ ಸರ್ವಸಿದ್ಧಿಪ್ರದಾಯಕಮ್ |
ಭವಿಷ್ಯತಿ ನ ಸಂದೇಹಶ್ಚಿಂತಿತಂ ಸ ಲಭೇತ್ ಪರಮ್ || ೧೨ ||
ಶೃಣುಯಾದ್ವಾ ಜಪೇದ್ವಾಽಪಿ ತಸ್ಯ ಕಿಂಚಿನ್ನ ದುರ್ಲಭಮ್ |
ಭವಿಷ್ಯತಿ ಮಹಾಪಕ್ಷಿನ್ ಮಮ ಸಂತೋಷಕಾರಕಮ್ || ೧೩ ||
ಇತಿ ಶ್ರೀಮನ್ಮುದ್ಗಲೇ ಮಹಾಪುರಾಣೇ ಷಷ್ಠೇ ಖಂಡೇ ಅರುಣ ಕೃತ ಶ್ರೀ ಭಾನುವಿನಾಯಕ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ಗಣೇಶ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
