Mahanyasam 4. Keshadi Padanta Nyasa – ೪) ಕೇಶಾದಿ ಪಾದಾನ್ತ ನ್ಯಾಸಃ

(ನಾ ರುದ್ರೋ ರುದ್ರಮರ್ಚಯೇ᳚ತ್ । ನ್ಯಾಸಪೂರ್ವಕಂ ಜಪಹೋಮಾರ್ಚನಾಽಭಿಷೇಕವಿಧಿಂ ವ್ಯಾ᳚ಖ್ಯಾಸ್ಯಾ॒ಮಃ ।)

ಯಾ ತೇ॑ ರುದ್ರ ಶಿ॒ವಾ ತ॒ನೂರಘೋ॒ರಾಽಪಾ॑ಪಕಾಶಿನೀ ।
ತಯಾ॑ ನಸ್ತ॒ನುವಾ॒ ಶನ್ತ॑ಮಯಾ॒ ಗಿರಿ॑ಶನ್ತಾ॒ಭಿಚಾ॑ಕಶೀಹಿ ॥
ಶಿಖಾಯೈ ನಮಃ ॥ ೧

// (ತೈ.ಸಂ.೪-೫) ಯಾ, ತೇ, ರುದ್ರ, ಶಿವಾ, ತನೂಃ, ಅಘೋರಾ, ಅಪಾಪ-ಕಾಶಿನೀ, ತಯಾ, ನಃ, ತನುವಾ, ಶಂ-ತಮಯಾ, ಗಿರಿ-ಶನ್ತ, ಅಭಿ-ಚಾಕಶೀಹಿ //

ಅ॒ಸ್ಮಿನ್ಮ॑ಹ॒ತ್ಯ॑ರ್ಣ॒ವೇ᳚ಽನ್ತರಿ॑ಕ್ಷೇ ಭ॒ವಾ ಅಧಿ॑ ।
ತೇಷಾಗ್ಂ॑ ಸಹಸ್ರಯೋಜ॒ನೇಽವ॒ ಧನ್ವಾ॑ನಿ ತನ್ಮಸಿ ॥
ಶಿರಸೇ ನಮಃ ॥ ೨

// (ತೈ.ಸಂ.೪-೫) ಅಸ್ಮಿನ್, ಮಹತಿ, ಅರ್ಣವೇ, ಅನ್ತರಿಕ್ಷೇ, ಭವಾಃ, ಅಧಿ, ತೇಷಾಮ್, ಸಹಸ್ರ-ಯೋಜನೇ, ಅವ, ಧನ್ವಾನಿ, ತನ್ಮಸಿ //

ಸ॒ಹಸ್ರಾ॑ಣಿ ಸಹಸ್ರ॒ಶೋ ಯೇ ರು॒ದ್ರಾ ಅಧಿ॒ ಭೂಮ್ಯಾ᳚ಮ್ ।
ತೇಷಾಗ್ಂ॑ ಸಹಸ್ರಯೋಜ॒ನೇಽವ॒ ಧನ್ವಾ॑ನಿ ತನ್ಮಸಿ ॥
ಲಲಾಟಾಯ ನಮಃ ॥ ೩

// (ತೈ.ಸಂ.೪-೫) ಸಹಸ್ರಾಣಿ, ಸಹಸ್ರ-ಶಃ, ಯೇ, ರುದ್ರಾಃ, ಅಧಿ, ಭೂಮ್ಯಾಮ್, ತೇಷಾಮ್, ಸಹಸ್ರ-ಯೋಜನೇ, ಅವ, ಧನ್ವಾನಿ, ತನ್ಮಸಿ //

ಹ॒ಗ್ಂ॒ಸಃ ಶು॑ಚಿ॒ಷದ್ವಸು॑ರನ್ತರಿಕ್ಷ॒ಸದ್ಧೋತಾ॑ ವೇದಿ॒ಷದತಿ॑ಥಿರ್ದುರೋಣ॒ಸತ್ ।
ನೃ॒ಷದ್ವ॑ರ॒ಸದೃ॑ತ॒ಸದ್ವ್ಯೋ॑ಮ॒ಸದ॒ಬ್ಜಾ ಗೋ॒ಜಾ ಋ॑ತ॒ಜಾ ಅ॑ದ್ರಿ॒ಜಾ ಋ॒ತಂ ಬೃ॒ಹತ್ ॥
ಭ್ರುವೋರ್ಮಧ್ಯಾಯ ನಮಃ ॥ ೪

// (ತೈ.ಸಂ.೧-೮-೩೦) ಹಂಸಃ, ಶುಚಿ-ಸತ್, ವಸುಃ, ಅನ್ತರಿಕ್ಷ-ಸತ್, ಹೋತಾ, ವೇದಿ-ಸತ್, ಅತಿಥಿಃ, ದುರೋಣ-ಸತ್, ನೃ-ಸತ್, ವರ-ಸತ್, ಋತ-ಸತ್, ವ್ಯೋಮ-ಸತ್, ಅಪ್-ಜಾಃ, ಗೋ-ಜಾಃ, ಋತ-ಜಾಃ, ಅದ್ರಿ-ಜಾಃ, ಋತಂ, ಬೃಹತ್ //

ತ್ರ್ಯ॑ಮ್ಬಕಂ ಯಜಾಮಹೇ ಸುಗ॒ನ್ಧಿಂ ಪು॑ಷ್ಟಿ॒ವರ್ಧ॑ನಮ್ ।
ಉ॒ರ್ವಾ॒ರು॒ಕಮಿ॑ವ॒ ಬನ್ಧ॑ನಾನ್ಮೃ॒ತ್ಯೋರ್ಮು॑ಕ್ಷೀಯ॒ ಮಾಽಮೃತಾ᳚ತ್ ॥
ನೇತ್ರಾಭ್ಯಾಂ ನಮಃ ॥ ೫

// (ತೈ.ಸಂ.೧-೮-೬-೧೧) ತ್ರಿ, ಅಮ್ಬಕಂ, ಯಜಾಮಹೇ, ಸು-ಗನ್ಧಿಂ, ಪುಷ್ಟಿ-ವರ್ಧನಂ, ಉರ್ವಾರುಕಂ, ಇವ, ಬನ್ಧನಾತ್, ಮೃತ್ಯೋಃ, ಮುಕ್ಷೀಯ, ಮಾ, ಅಮೃತಾತ್ //

ನಮ॒: ಸ್ರುತ್ಯಾ॑ಯ ಚ॒ ಪಥ್ಯಾ॑ಯ ಚ॒ ನಮ॑: ಕಾ॒ಟ್ಯಾ॑ಯ ಚ ನೀ॒ಪ್ಯಾ॑ಯ ಚ॒ ।
(* ನಮ॒: ಸೂದ್ಯಾ॑ಯ ಚ ಸರ॒ಸ್ಯಾ॑ಯ ಚ॒ ನಮೋ॑ ನಾ॒ದ್ಯಾಯ॑ ಚ ವೈಶ॒ನ್ತಾಯ॑ ಚ॒ ॥*)
ಕರ್ಣಾಭ್ಯಾಂ ನಮಃ ॥ ೬

// (ತೈ.ಸಂ.೪-೫) ನಮಃ, ಸ್ರುತ್ಯಾಯ, ಚ, ಪಥ್ಯಾಯ, ಚ, ನಮಃ, ಕಾಟ್ಯಾಯ, ಚ, ನೀಪ್ಯಾಯ, ಚ, ನಮಃ, ಸೂದ್ಯಾಯ, ಚ, ಸರಸ್ಯಾಯ, ಚ, ನಮಃ, ನಾದ್ಯಾಯ, ಚ, ವೈಶನ್ತಾಯ, ಚ //

ಮಾನ॑ಸ್ತೋ॒ಕೇ ತನ॑ಯೇ॒ ಮಾ ನ॒ ಆಯು॑ಷಿ॒ ಮಾ ನೋ॒ ಗೋಷು॒ ಮಾ ನೋ॒ ಅಶ್ವೇ॑ಷು ರೀರಿಷಃ ।
ವೀ॒ರಾನ್ಮಾ ನೋ॑ ರುದ್ರ ಭಾಮಿ॒ತೋಽವ॑ಧೀರ್ಹ॒ವಿಷ್ಮ॑ನ್ತೋ॒ ನಮ॑ಸಾ ವಿಧೇಮ ತೇ ॥
ನಾಸಿಕಾಯೈ ನಮಃ ॥ ೭

// (ತೈ.ಸಂ.೪-೫) ಮಾ, ನಃ, ತೋಕೇ, ತನಯೇ, ಮಾ, ನಃ, ಆಯುಷಿ, ಮಾ, ನಃ, ಗೋಷು, ಮಾ, ನಃ, ಅಶ್ವೇಷು, ರೀರಿಷಃ, ವೀರಾನ್, ಮಾ, ನಃ, ರುದ್ರ, ಭಾಮಿತಃ, ವಧೀಃ, ಹವಿಷ್ಮನ್ತಃ, ನಮಸಾ, ವಿಧೇಮ, ತೇ //

ಅ॒ವ॒ತತ್ಯ॒ ಧನು॒ಸ್ತ್ವಗ್ಂ ಸಹ॑ಸ್ರಾಕ್ಷ॒ ಶತೇ॑ಷುಧೇ ।
ನಿ॒ಶೀರ್ಯ॑ ಶ॒ಲ್ಯಾನಾಂ॒ ಮುಖಾ॑ ಶಿ॒ವೋ ನ॑: ಸು॒ಮನಾ॑ ಭವ ॥
ಮುಖಾಯ ನಮಃ ॥ ೮

// (ತೈ.ಸಂ.೪-೫) ಅವ-ತತ್ಯ, ಧನುಃ, ತ್ವಮ್, ಸಹಸ್ರ-ಅಕ್ಷ, ಶತ-ಇಷುಧೇ, ನಿ-ಶೀರ್ಯ, ಶಲ್ಯಾನಾಮ್, ಮುಖಾ, ಶಿವಃ, ನಃ, ಸು-ಮನಾಃ, ಭವ //

ನೀಲ॑ಗ್ರೀವಾಃ ಶಿತಿ॒ಕಣ್ಠಾ᳚: ಶ॒ರ್ವಾ ಅ॒ಧಃ ಕ್ಷ॑ಮಾಚ॒ರಾಃ ॥
ತೇಷಾಗ್ಂ॑ ಸಹಸ್ರಯೋಜ॒ನೇಽವ॒ಧನ್ವಾ॑ನಿ ತನ್ಮಸಿ ॥
ಕಣ್ಠಾಯ ನಮಃ ॥ ೯

// (ತೈ.ಸಂ.೪-೫) ನೀಲ-ಗ್ರೀವಾಃ, ಶಿತಿ-ಕಣ್ಠಾಃ, ಶರ್ವಾಃ, ಅಧಃ, ಕ್ಷಮಾಚರಾಃ, ತೇಷಾಮ್, ಸಹಸ್ರ-ಯೋಜನೇ, ಅವ, ಧನ್ವಾನಿ, ತನ್ಮಸಿ //

ನೀಲ॑ಗ್ರೀವಾಃ ಶಿತಿ॒ಕಣ್ಠಾ॒ ದಿವಗ್ಂ॑ ರು॒ದ್ರಾ ಉಪ॑ಶ್ರಿತಾಃ ॥
ತೇಷಾಗ್ಂ॑ ಸಹಸ್ರಯೋಜ॒ನೇಽವ॒ಧನ್ವಾ॑ನಿ ತನ್ಮಸಿ ॥
ಉಪಕಣ್ಠಾಯ ನಮಃ ॥ ೧೦

// (ತೈ.ಸಂ.೪-೫) ನೀಲ-ಗ್ರೀವಾಃ, ಶಿತಿ-ಕಣ್ಠಾಃ, ದಿವಮ್, ರುದ್ರಾಃ, ಉಪ-ಶ್ರಿತಾಃ, ತೇಷಾಮ್, ಸಹಸ್ರ-ಯೋಜನೇ, ಅವ, ಧನ್ವಾನಿ, ತನ್ಮಸಿ //

ನಮ॑ಸ್ತೇ ಅ॒ಸ್ತ್ವಾಯು॑ಧಾ॒ಯಾನಾ॑ತತಾಯ ಧೃ॒ಷ್ಣವೇ᳚ ।
ಉ॒ಭಾಭ್ಯಾ॑ಮು॒ತ ತೇ॒ ನಮೋ॑ ಬಾ॒ಹುಭ್ಯಾಂ॒ ತವ॒ ಧನ್ವ॑ನೇ ॥
ಬಾಹುಭ್ಯಾಂ ನಮಃ ॥ ೧೧

// (ತೈ.ಸಂ.೪-೫) ನಮಃ, ತೇ, ಅಸ್ತು, ಆಯುಧಾಯ, ಅನಾ-ತತಾಯ, ಧೃಷ್ಣವೇ, ಉಭಾಭ್ಯಾಮ್, ಉತ, ತೇ, ನಮೋ, ಬಾಹು-ಭ್ಯಾಮ್, ತವ, ಧನ್ವನೇ //

ಯಾ ತೇ॑ ಹೇ॒ತಿರ್ಮೀ॑ಢುಷ್ಟಮ॒ ಹಸ್ತೇ॑ ಬ॒ಭೂವ॑ ತೇ॒ ಧನು॑: ।
ತಯಾ॒ಽಸ್ಮಾನ್ ವಿ॒ಶ್ವತ॒ಸ್ತ್ವಮ॑ಯ॒ಕ್ಷ್ಮಯಾ॒ ಪರಿ॑ಬ್ಭುಜ ॥
ಉಪಬಾಹುಭ್ಯಾಂ ನಮಃ ॥ ೧೨

// (ತೈ.ಸಂ.೪-೫) ಯಾ, ತೇ, ಹೇತಿಃ, ಮೀಢುಃ-ತಮ, ಹಸ್ತೇ, ಬಭೂವ, ತೇ, ಧನುಃ, ತಯಾ, ಅಸ್ಮಾನ್, ವಿಶ್ವತಃ, ತ್ವಮ್, ಅಯಕ್ಷ್ಮಯಾ, ಪರಿ, ಭುಜ //

(* ಅಧಿಕಪಾಠಃ –
ಪರಿ॑ಣೋ ರು॒ದ್ರಸ್ಯ॑ ಹೇ॒ತಿರ್ವೃ॑ಣಕ್ತು॒ ಪರಿ॑ ತ್ವೇ॒ಷಸ್ಯ॑ ದುರ್ಮ॒ತಿರ॑ಘಾ॒ಯೋಃ ।
ಅವ॑ ಸ್ಥಿ॒ರಾ ಮ॒ಘವ॑ದ್ಭ್ಯಸ್ತನುಷ್ವ॒ ಮೀಢ್ವ॑ಸ್ತೋ॒ಕಾಯ॒ ತನ॑ಯಾಯ ಮೃಡಯ ॥
ಮಣಿಬನ್ಧಾಭ್ಯಾಂ ನಮಃ ॥ *)

ಯೇ ತೀ॒ರ್ಥಾನಿ॑ ಪ್ರ॒ಚರ॑ನ್ತಿ ಸೃ॒ಕಾವ॑ನ್ತೋ ನಿಷ॒ಙ್ಗಿಣ॑: ॥
ತೇಷಾಗ್ಂ॑ ಸಹಸ್ರಯೋಜ॒ನೇಽವ॒ ಧನ್ವಾ॑ನಿ ತನ್ಮಸಿ ॥
ಹಸ್ತಾಭ್ಯಾಂ ನಮಃ ॥ ೧೩

// (ತೈ.ಸಂ.೪-೫) ಯೇ, ತೀರ್ಥಾನಿ, ಪ್ರ-ಚರನ್ತಿ, ಸೃಕಾ-ವನ್ತಃ, ನಿ-ಸಙ್ಗಿನಃ, ತೇಷಾಮ್, ಸಹಸ್ರ-ಯೋಜನೇ, ಅವ, ಧನ್ವಾನಿ, ತನ್ಮಸಿ //

ಸ॒ದ್ಯೋಜಾ॒ತಂ ಪ್ರ॑ಪದ್ಯಾ॒ಮಿ॒ ಸ॒ದ್ಯೋಜಾ॒ತಾಯ॒ ವೈ ನಮೋ॒ ನಮ॑: ।
ಭ॒ವೇ ಭ॑ವೇ॒ ನಾತಿ॑ಭವೇ ಭವಸ್ವ॒ ಮಾಮ್ । ಭ॒ವೋದ್ಭ॑ವಾಯ॒ ನಮ॑: ॥
ಅಙ್ಗುಷ್ಠಾಭ್ಯಾಂ ನಮಃ ॥ ೧೪

// ಸದ್ಯಃ-ಜಾತಂ, ಪ್ರಪದ್ಯಾಮಿ, ಸದ್ಯಃ-ಜಾತಾಯ, ವೈ, ನಮಃ, ನಮಃ, ಭವೇ, ಭವೇ, ನ-ಅತಿಭವೇ, ಭವಸ್ವ, ಮಾಮ್, ಭವ-ಉದ್ಭವಾಯ, ನಮಃ //

ವಾ॒ಮ॒ದೇ॒ವಾಯ॒ ನಮೋ᳚ ಜ್ಯೇ॒ಷ್ಠಾಯ॒ ನಮ॑: ಶ್ರೇ॒ಷ್ಠಾಯ॒ ನಮೋ॑ ರು॒ದ್ರಾಯ॒ ನಮ॒: ಕಾಲಾ॑ಯ॒ ನಮ॒: ಕಲ॑ವಿಕರಣಾಯ॒ ನಮೋ॒ ಬಲ॑ವಿಕರಣಾಯ॒ ನಮೋ॒ ಬಲಾ॑ಯ॒ ನಮೋ॒ ಬಲ॑ಪ್ರಮಥನಾಯ॒ ನಮ॒: ಸರ್ವ॑ಭೂತದಮನಾಯ॒ ನಮೋ॑ ಮ॒ನೋನ್ಮ॑ನಾಯ॒ ನಮ॑: ॥
ತರ್ಜನೀಭ್ಯಾಂ ನಮಃ ॥ ೧೫

// ವಾಮದೇವಾಯ, ನಮಃ, ಜ್ಯೇಷ್ಠಾಯ, ನಮಃ, ಶ್ರೇಷ್ಠಾಯ, ನಮಃ, ರುದ್ರಾಯ, ನಮಃ, ಕಾಲಾಯ, ನಮಃ, ಕಲ-ವಿಕರಣಾಯ, ನಮಃ, ಬಲ-ವಿಕರಣಾಯ, ನಮಃ, ಬಲಾಯ, ನಮಃ, ಬಲ-ಪ್ರಮಥನಾಯ, ನಮಃ, ಸರ್ವಭೂತ-ದಮನಾಯ, ನಮಃ, ಮನೋನ್ಮನಾಯ, ನಮಃ //

ಅ॒ಘೋರೇ᳚ಭ್ಯೋಽಥ॒ ಘೋರೇ᳚ಭ್ಯೋ॒ ಘೋರ॒ಘೋರ॑ತರೇಭ್ಯಃ ।
ಸರ್ವೇ᳚ಭ್ಯಃ ಸರ್ವ॒ಶರ್ವೇ᳚ಭ್ಯೋ॒ ನಮ॑ಸ್ತೇ ಅಸ್ತು ರು॒ದ್ರರೂ॑ಪೇಭ್ಯಃ ॥
ಮಧ್ಯಮಾಭ್ಯಾಂ ನಮಃ ॥ ೧೬

// ಅಘೋರೇಭ್ಯಃ, ಅಥ, ಘೋರೇಭ್ಯಃ, ಘೋರ-ಘೋರತರೇಭ್ಯಃ, ಸರ್ವೇಭ್ಯಃ, ಸರ್ವ-ಶರ್ವೇಭ್ಯಃ, ನಮಃ, ತೇ, ಅಸ್ತು, ರುದ್ರ-ರೂಪೇಭ್ಯಃ //

ತತ್ಪುರು॑ಷಾಯ ವಿ॒ದ್ಮಹೇ॑ ಮಹಾದೇ॒ವಾಯ॑ ಧೀಮಹಿ ।
ತನ್ನೋ॑ ರುದ್ರಃ ಪ್ರಚೋ॒ದಯಾ᳚ತ್ ॥
ಅನಾಮಿಕಾಭ್ಯಾಂ ನಮಃ ॥ ೧೭

// ತತ್, ಪುರುಷಾಯ, ವಿದ್ಮಹೇ, ಮಹಾ-ದೇವಾಯ, ಧೀಮಹಿ, ತತ್, ನಃ, ರುದ್ರಃ, ಪ್ರಚೋದಯಾತ್ //

ಈಶಾನಃ ಸರ್ವ॑ವಿದ್ಯಾ॒ನಾ॒ಮೀಶ್ವರಃ ಸರ್ವ॑ಭೂತಾ॒ನಾಂ॒ ಬ್ರಹ್ಮಾಧಿ॑ಪತಿ॒ರ್ಬ್ರಹ್ಮ॒ಣೋಽಧಿ॑ಪತಿ॒ರ್ಬ್ರಹ್ಮಾ॑ ಶಿ॒ವೋ ಮೇ॑ ಅಸ್ತು ಸದಾಶಿ॒ವೋಮ್ ॥
ಕನಿಷ್ಠಿಕಾಭ್ಯಾಂ ನಮಃ ॥ ೧೮

// ಈಶಾನಃ, ಸರ್ವ-ವಿದ್ಯಾನಾಂ, ಈಶ್ವರಃ, ಸರ್ವ-ಭೂತಾನಾಂ, ಬ್ರಹ್ಮ-ಅಧಿಪತಿ, ಬ್ರಹ್ಮಣಃ-ಅಧಿಪತಿಃ, ಬ್ರಹ್ಮಾ, ಶಿವಃ, ಮೇ, ಅಸ್ತು, ಸದಾ-ಶಿವೋಂ //

(* ಅಧಿಕಪಾಠಃ –
ನಮೋ ಹಿರಣ್ಯಬಾಹವೇ ಹಿರಣ್ಯವರ್ಣಾಯ ಹಿರಣ್ಯರೂಪಾಯ ಹಿರಣ್ಯಪತಯೇಽಮ್ಬಿಕಾಪತಯ ಉಮಾಪತಯೇ ಪಶುಪತಯೇ॑ ನಮೋ॒ ನಮ॑: ॥
ಕರತಲಕರಪೃಷ್ಠಾಭ್ಯಾಂ ನಮಃ ॥ *)

ನಮೋ॑ ವಃ ಕಿರಿ॒ಕೇಭ್ಯೋ॑ ದೇ॒ವಾನಾ॒ಗ್ಂ॒ ಹೃದ॑ಯೇಭ್ಯಃ ।
(* ನಮೋ॑ ವಿಕ್ಷೀಣ॒ಕೇಭ್ಯೋ॒ ನಮೋ॑ ವಿಚಿನ್ವ॒ತ್ಕೇಭ್ಯೋ॒ ನಮ॑ ಆನಿರ್ಹ॒ತೇಭ್ಯೋ॒ ನಮ॑ ಆಮೀವ॒ತ್ಕೇಭ್ಯ॑: ॥ *)
ಹೃದಯಾಯ ನಮಃ ॥ ೧೯

// (ತೈ.ಸಂ.೪-೫) ನಮಃ, ವಃ, ಕಿರಿಕೇಭ್ಯಃ, ದೇವಾನಾಂ ಹೃದಯೇಭ್ಯಃ, ವಿ-ಕ್ಷೀಣಕೇಭ್ಯಃ, ವಿ-ಚಿನ್ವತ್ಕೇಭ್ಯಃ, ಆನಿಃ-ಹತೇಭ್ಯಃ, ಆ-ಮೀವತ್ಕೇಭ್ಯಃ //

ನಮೋ॑ ಗ॒ಣೇಭ್ಯೋ॑ ಗ॒ಣಪ॑ತಿಭ್ಯಶ್ಚ ವೋ॒ ನಮಃ ।
(* ನಮೋ॒ ವಿರೂ॑ಪೇಭ್ಯೋ ವಿ॒ಶ್ವರೂ॑ಪೇಭ್ಯಶ್ಚ ವೋ॒ ನಮ॑: । *)
ಪೃಷ್ಠಾಯ ನಮಃ ॥ ೨೦

// (ತೈ.ಸಂ.೪-೫) ನಮಃ, ಗಣೇಭ್ಯಃ, ಗಣಪತಿ-ಭ್ಯಃ, ಚ, ವಃ, ನಮಃ, ವಿ-ರೂಪೇಭ್ಯಃ, ವಿಶ್ವ-ರೂಪೇಭ್ಯಃ, ಚ, ವಃ, ನಮಃ //

ನಮ॒ಸ್ತಕ್ಷ॑ಭ್ಯೋ ರಥಕಾ॒ರೇಭ್ಯ॑ಶ್ಚ ವೋ॒ ನಮಃ ।
(* ನಮ॒: ಕುಲಾ॑ಲೇಭ್ಯಃ ಕ॒ರ್ಮಾರೇ᳚ಭ್ಯಶ್ಚ ವೋ॒ ನಮ॑: । *)
ಕಕ್ಷಾಭ್ಯಾಂ ನಮಃ ॥ ೨೧

// (ತೈ.ಸಂ.೪-೫) ನಮಃ, ತಕ್ಷ-ಭ್ಯಃ, ರಥ-ಕಾರೇಭ್ಯಃ, ಚ, ವಃ, ನಮಃ, ನಮಃ, ಕುಲಾಲೇಭ್ಯಃ, ಕರ್ಮಾರೇಭ್ಯಃ, ಚ ವಃ, ನಮಃ, //

ನಮೋ॒ ಹಿರ॑ಣ್ಯಬಾಹವೇ ಸೇನಾ॒ನ್ಯೇ॑ ದಿ॒ಶಾಂ ಚ॒ ಪತ॑ಯೇ॒ ನಮಃ ।
(* ನಮೋ॑ ವೃ॒ಕ್ಷೇಭ್ಯೋ॒ ಹರಿ॑ಕೇಶೇಭ್ಯಃ ಪಶೂ॒ನಾಂ ಪತ॑ಯೇ॒ ನಮ॑: । *)
ಪಾರ್ಶ್ವಾಭ್ಯಾಂ ನಮಃ ॥ ೨೨

// (ತೈ.ಸಂ.೪-೫) ನಮಃ, ಹಿರಣ್ಯ-ಬಾಹವೇ, ಸೇನಾ-ನ್ಯೇ, ದಿಶಾಂ ಪತಯೇ, ನಮಃ, ವೃಕ್ಷೇಭ್ಯಃ, ಹರಿ-ಕೇಶೇಭ್ಯಃ, ಪಶೂನಾಂ ಪತಯೇ, ನಮಃ //

ವಿಜ್ಯಂ॒ ಧನು॑: ಕಪ॒ರ್ದಿನೋ॒ ವಿಶ॑ಲ್ಯೋ॒ ಬಾಣ॑ವಾಗ್ಂ ಉ॒ತ ।
ಅನೇ॑ಶನ್ನ॒ಸ್ಯೇಷ॑ವ ಆ॒ಭುರ॑ಸ್ಯ ನಿಷ॒ಙ್ಗಥಿ॑: ।
ಜಠರಾಯ ನಮಃ ॥ ೨೩

// (ತೈ.ಸಂ.೪-೫) ವಿ-ಜ್ಯಮ್, ಧನುಃ, ಕಪರ್ದಿನಃ, ವಿ-ಶಲ್ಯಃ, ಬಾಣ-ವಾನ್, ಉತ, ಅನೇಶನ್, ಅಸ್ಯ, ಇಷವಃ, ಆಭುಃ, ಅಸ್ಯ, ನಿಷಙ್ಗಥಿಃ //

ಹಿ॒ರ॒ಣ್ಯ॒ಗ॒ರ್ಭಃ ಸಮ॑ವರ್ತ॒ತಾಗ್ರೇ॑ ಭೂತಸ್ಯ॑ ಜಾ॒ತಃ ಪತಿ॒ರೇಕ॑ ಆಸೀತ್ ।
ಸದಾ॑ಧಾರ ಪೃಥಿ॒ವೀಂ ದ್ಯಾಮು॒ತೇಮಾಂ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ ॥
ನಾಭ್ಯೈ ನಮಃ ॥ ೨೪

// (ತೈ.ಸಂ.೪-೧-೮-೩೧) ಹಿರಣ್ಯ-ಗರ್ಭಃ, ಸಂ, ಅವರ್ತತ, ಅಗ್ರೇ, ಭೂತಸ್ಯ, ಜಾತಃ, ಪತಿಃ, ಏಕಃ, ಆಸೀತ್, ಸಃ, ದಾಧಾರಃ, ಪೃಥಿವೀಂ, ದ್ಯಾಂ, ಉತ, ಇಮಾಂ, ಕಸ್ಮೈ, ದೇವಾಯ, ಹವಿಷಾ, ವಿಧೇಮ //

ಮೀಢು॑ಷ್ಟಮ॒ ಶಿವ॑ತಮ ಶಿ॒ವೋ ನ॑: ಸು॒ಮನಾ॑ ಭವ ।
ಪ॒ರ॒ಮೇ ವೃ॒ಕ್ಷ ಆಯು॑ಧಂ ನಿ॒ಧಾಯ॒ ಕೃತ್ತಿಂ॒ ವಸಾ॑ನ॒ ಆಚ॑ರ॒ ಪಿನಾ॑ಕಂ॒ ಬಿಭ್ರ॒ದಾಗ॑ಹಿ ॥
ಕಟ್ಯೈ ನಮಃ ॥ ೨೫

// (ತೈ.ಸಮ್.೪-೫) ಮೀಢುಃ-ತಮ, ಶಿವ-ತಮ, ಶಿವಃ, ನಃ, ಸು-ಮನಾಃ, ಭವ, ಪರಮೇ, ವೃಕ್ಷೇ, ಆಯುಧಮ್, ನಿಧಾಯ, ಕೃತ್ತಿಂ ವಸಾನಃ, ಆ, ಚರ, ಪಿನಾಕ, ಬಿಭ್ರತ್, ಆ, ಗಹಿ //

ಯೇ ಭೂ॒ತಾನಾ॒ಮಧಿ॑ಪತಯೋ ವಿಶಿ॒ಖಾಸ॑: ಕಪ॒ರ್ದಿನ॑: ।
ತೇಷಾಗ್ಂ॑ ಸಹಸ್ರಯೋಜ॒ನೇಽವ॒ ಧನ್ವಾ॑ನಿ ತನ್ಮಸಿ ॥
ಗುಹ್ಯಾಯ ನಮಃ ॥ ೨೬
[-ಅಪ ಉಪಸ್ಪೃಶ್ಯ-]

// (ತೈ.ಸಂ.೪-೫) ಯೇ, ಭೂತಾನಾಮ್, ಅಧಿ-ಪತಯಃ, ವಿ-ಶಿಖಾಸಃ, ಕಪರ್ದಿನಃ, ತೇಷಾಮ್, ಸಹಸ್ರ-ಯೋಜನೇ, ಅವ, ಧನ್ವಾನಿ, ತನ್ಮಸಿ //

ಯೇ ಅನ್ನೇ॑ಷು ವಿ॒ವಿಧ್ಯ॑ನ್ತಿ॒ ಪಾತ್ರೇ॑ಷು॒ ಪಿಬ॑ತೋ॒ ಜನಾನ್॑ ।
ತೇಷಾಗ್ಂ॑ ಸಹಸ್ರಯೋಜ॒ನೇಽವ॒ ಧನ್ವಾ॑ನಿ ತನ್ಮಸಿ ॥
ಅಣ್ಡಾಭ್ಯಾಂ ನಮಃ ॥ ೨೭
[-ಅಪ ಉಪಸ್ಪೃಶ್ಯ-]

// (ತೈ.ಸಂ.೪-೫) ಯೇ, ಅನ್ನೇಷು, ವಿ-ವಿಧ್ಯನ್ತಿ, ಪಾತ್ರೇಷು, ಪಿಬತಃ, ಜನಾನ್, ತೇಷಾಮ್, ಸಹಸ್ರ-ಯೋಜನೇ, ಅವ, ಧನ್ವಾನಿ, ತನ್ಮಸಿ //

ಸ॒ ಶಿ॑ರಾ ಜಾ॒ತವೇ॑ದಾಃ । ಅ॒ಕ್ಷರಂ॑ ಪರ॒ಮಂ ಪ॒ದಮ್ । ವೇ॒ದಾನಾ॒ಗ್ಂ॒ ಶಿರ॑ ಉತ್ತಮಮ್ । ಜಾ॒ತವೇ॑ದಸೇ॒ ಶಿರ॑ಸಿ ಮಾ॒ತಾ ಬ್ರಹ್ಮ॒ ಭೂರ್ಭುವ॒: ಸುವ॒ರೋಮ್ ॥
ಅಪಾನಾಯ ನಮಃ ॥ ೨೮
[-ಅಪ ಉಪಸ್ಪೃಶ್ಯ-]

// ಸಃ, ಶಿರಾ, ಜಾತವೇದಾಃ, ಅಕ್ಷರಂ, ಪರಮಂ, ಪದಂ, ವೇದಾನಾಂ, ಶಿರ, ಉತ್ತಮಂ, ಜಾತವೇದಸೇ, ಶಿರಸಿ, ಮಾತಾ, ಬ್ರಹ್ಮ, ಭೂಃ, ಭುವಃ, ಸುವಃ, ಓಂ //

ಮಾ ನೋ॑ ಮ॒ಹಾನ್ತ॑ಮು॒ತ ಮಾ ನೋ॑ ಅರ್ಭ॒ಕಂ
ಮಾ ನ॒ ಉಕ್ಷ॑ನ್ತಮು॒ತ ಮಾ ನ॑ ಉಕ್ಷಿ॒ತಮ್ ।
ಮಾ ನೋ॑ಽವಧೀಃ ಪಿ॒ತರಂ॒ ಮೋತ ಮಾ॒ತರಂ॑
ಪ್ರಿ॒ಯಾ ಮಾ ನ॑ಸ್ತ॒ನುವೋ॑ ರುದ್ರ ರೀರಿಷಃ ॥
ಊರುಭ್ಯಾಂ ನಮಃ ॥ ೨೯

// (ತೈ.ಸಂ.೪-೫) ಮಾ, ನಃ, ಮಹಾನ್ತಮ್, ಉತ, ಮಾ, ನಃ, ಅರ್ಭಕಮ್, ಮಾ, ನಃ, ಉಕ್ಷನ್ತಮ್, ಉತ, ಮಾ, ನಃ, ಉಕ್ಷಿತಮ್, ಮಾ, ನಃ, ವಧೀಃ, ಪಿತರಮ್, ಮಾ, ಉತ, ಮಾತರಮ್, ಪ್ರಿಯಾಃ, ಮಾ, ನಃ, ತನುವಃ, ರುದ್ರ, ರೀರಿಷಃ //

ಏ॒ಷ ತೇ॑ ರುದ್ರಭಾ॒ಗಸ್ತಂ ಜು॑ಷಸ್ವ॒ ತೇನಾ॑ವ॒ಸೇನ॑ ಪ॒ರೋ
ಮೂಜ॑ವ॒ತೋಽತೀ॒ಹ್ಯವ॑ತತಧನ್ವಾ॒ ಪಿನಾ॑ಕಹಸ್ತ॒: ಕೃತ್ತಿ॑ವಾಸಾಃ ॥
ಜಾನುಭ್ಯಾಂ ನಮಃ ॥ ೩೦

// (ತೈ.ಸಂ.೧-೮-೬-೧೧) ಏಷಃ, ತೇ, ರುದ್ರ, ಭಾಗಃ, ತಂ, ಜುಷಸ್ವ, ತೇನ, ಅವಸೇನ, ಪರಃ, ಮೂಜ-ವತಃ, ಅತಿ, ಇಹಿ, ಅವತತ-ಧನ್ವಾ, ಪಿನಾಕ-ಹಸ್ತಃ, ಕೃತ್ತಿ-ವಾಸಾಃ //

ಸ॒ಗ್ಂ॒ಸೃ॒ಷ್ಟ॒ಜಿಥ್ಸೋ॑ಮ॒ಪಾ ಬಾ॑ಹುಶ॒ರ್ಧ್ಯೂ᳚ರ್ಧ್ವಧ॑ನ್ವಾ॒ ಪ್ರತಿ॑ಹಿತಾಭಿ॒ರಸ್ತಾ᳚ ।
ಬೃಹ॑ಸ್ಪತೇ॒ ಪರಿ॑ದೀಯಾ॒ ರಥೇ॑ನ ರಕ್ಷೋ॒ಹಾಽಮಿತ್ರಾಗ್ಂ॑ ಅಪ॒ಬಾಧ॑ಮಾನಃ ॥
ಜಙ್ಘಾಭ್ಯಾಂ ನಮಃ ॥ ೩೧

// (ತೈ.ಸಂ.೪-೬-೪) ಸಂಸೃಷ್ಟ-ಜಿತ್, ಸೋಮ-ಪಾಃ, ಬಾಹು-ಶರ್ಧೀ, ಊರ್ಧ್ವ-ಧನ್ವಾ, ಪ್ರತಿ-ಹಿತಾಭಿಃ, ಅಸ್ತಾ, ಬೃಹಸ್ಪತೇ, ಪರಿ, ದೀಯ, ರಥೇನ, ರಕ್ಷಃ-ಹಾ, ಅಮಿತ್ರಾನ್, ಅಪ-ಬಾಧಮಾನಃ //

ವಿಶ್ವಂ॑ ಭೂ॒ತಂ ಭುವ॑ನಂ ಚಿ॒ತ್ರಂ ಬ॑ಹು॒ಧಾ ಜಾ॒ತಂ ಜಾಯ॑ಮಾನಂ ಚ॒ ಯತ್ ।
ಸರ್ವೋ॒ ಹ್ಯೇ॑ಷ ರು॒ದ್ರಸ್ತಸ್ಮೈ॑ ರು॒ದ್ರಾಯ॒ ನಮೋ॑ ಅಸ್ತು ॥
ಗುಲ್ಫಾಭ್ಯಾಂ ನಮಃ ॥ ೩೨

// (ತೈ.ಆ.೧೦-೨೪-೧) ವಿಶ್ವಂ, ಭೂತಂ, ಭುವನಂ, ಚಿತ್ರಂ, ಬಹುಧಾ, ಜಾತಂ, ಜಾಯಮಾನಂ, ಚ, ಯತ್, ಸರ್ವಃ, ಹಿ, ಏಷಃ, ರುದ್ರಃ, ತಸ್ಮೈ, ರುದ್ರಾಯ, ನಮಃ, ಅಸ್ತು //

ಯೇ ಪ॒ಥಾಂ ಪ॑ಥಿ॒ರಕ್ಷ॑ಯ ಐಲಬೃ॒ದಾ ಯ॒ವ್ಯುಧ॑: ॥
ತೇಷಾಗ್ಂ॑ ಸಹಸ್ರಯೋಜ॒ನೇಽವ॒ ಧನ್ವಾ॑ನಿ ತನ್ಮಸಿ ॥
ಪಾದಾಭ್ಯಾಂ ನಮಃ ॥ ೩೩
[-ಅಪ ಉಪಸ್ಪೃಶ್ಯ-]

// (ತೈ.ಸಂ.೪-೫) ಯೇ, ಪಥಾಮ್, ಪಥಿ-ರಕ್ಷಯಃ, ಐಲಬೃದಾಃ, ಯವ್ಯುಧಃ, ತೇಷಾಮ್, ಸಹಸ್ರ-ಯೋಜನೇ, ಅವ, ಧನ್ವಾನಿ, ತನ್ಮಸಿ //

ಅಧ್ಯ॑ವೋಚದಧಿವ॒ಕ್ತಾ ಪ್ರ॑ಥ॒ಮೋ ದೈವ್ಯೋ॑ ಭಿ॒ಷಕ್ ।
ಅಹೀಗ್॑ಶ್ಚ॒ ಸರ್ವಾ᳚ಞ್ಜ॒ಮ್ಭಯ॒ನ್ಥ್ಸರ್ವಾ᳚ಶ್ಚ ಯಾತುಧಾ॒ನ್ಯ॑: ॥
ಕವಚಾಯ ನಮಃ ॥ ೩೪

// (ತೈ.ಸಂ.೪-೫) ಅಧಿ, ಅವೋಚತ್, ಅಧಿ-ವಕ್ತಾ, ಪ್ರಥಮಃ, ದೈವ್ಯಃ, ಭಿಷಕ್, ಅಹೀನ್, ಚ, ಸರ್ವಾನ್, ಜಮ್ಭಯನ್, ಸರ್ವಾಃ, ಚ, ಯಾತು-ಧಾನ್ಯಃ //

ನಮೋ॑ ಬಿ॒ಲ್ಮಿನೇ॑ ಚ ಕವ॒ಚಿನೇ॑ ಚ॒ ನಮ॑: ಶ್ರು॒ತಾಯ॑ ಚ ಶ್ರುತಸೇ॒ನಾಯ॑ ಚ ॥
ಉಪಕವಚಾಯ ನಮಃ ॥ ೩೫

// (ತೈ.ಸಂ.೪-೫) ನಮಃ, ಬಿಲ್ಮಿನೇ, ಚ ಕವಚಿನೇ, ಚ, ನಮಃ ಶ್ರುತಾಯ, ಚ ಶ್ರುತ-ಸೇನಾಯ, ಚ //

ನಮೋ॑ ಅಸ್ತು॒ ನೀಲ॑ಗ್ರೀವಾಯ ಸಹಸ್ರಾ॒ಕ್ಷಾಯ॑ ಮೀ॒ಢುಷೇ᳚ ।
ಅಥೋ॒ ಯೇ ಅ॑ಸ್ಯ॒ ಸತ್ವಾ॑ನೋ॒ಽಹಂ ತೇಭ್ಯೋ॑ಽಕರಂ॒ ನಮ॑: ॥
ತೃತೀಯನೇತ್ರಾಯ ನಮಃ ॥ ೩೬

// (ತೈ.ಸಂ.೪-೫) ನಮಃ, ಅಸ್ತು, ನೀಲ-ಗ್ರೀವಾಯ, ಸಹಸ್ರ-ಅಕ್ಷಾಯ, ಮೀಢುಷೇ, ಅಥೋ, ಯೇ, ಅಸ್ಯ, ಸತ್ವಾನಃ, ಅಹಂ, ತೇಭ್ಯಃ, ಅಕರಮ್, ನಮಃ //

ಪ್ರ ಮು॑ಞ್ಚ॒ ಧನ್ವ॑ನ॒ಸ್ತ್ವಮು॒ಭಯೋ॒ರಾರ್ತ್ನಿ॑ಯೋ॒ರ್ಜ್ಯಾಮ್ ।
ಯಾಶ್ಚ॑ ತೇ॒ ಹಸ್ತ॒ ಇಷ॑ವ॒: ಪರಾ॒ ತಾ ಭ॑ಗವೋ ವಪ ॥
ಅಸ್ತ್ರಾಯ ನಮಃ ॥ ೩೭

// (ತೈ.ಸಂ.೪-೫) ಪ್ರ, ಮುಞ್ಚ, ಧನ್ವನಃ, ತ್ವಂ, ಉಭಯೋಃ, ಆರ್ತ್ನಿಯೋಃ, ಜ್ಯಾಮ್, ಯಾಃ, ಚ, ತೇ, ಹಸ್ತೇ, ಇಷವಃ, ಪರ, ತಾಃ, ಭಗ-ವಃ, ವಪ //

ಯ ಏ॒ತಾವ॑ನ್ತಶ್ಚ॒ ಭೂಯಾಗ್ಂ॑ಸಶ್ಚ॒ ದಿಶೋ॑ ರು॒ದ್ರಾ ವಿ॑ತಸ್ಥಿ॒ರೇ ।
ತೇಷಾಗ್ಂ॑ ಸಹಸ್ರಯೋಜ॒ನೇಽವ॒ ಧನ್ವಾ॑ನಿ ತನ್ಮಸಿ ॥
[** ಪಾಠಭೇದಃ – ಇತಿ ದಿಗ್ಬನ್ಧಃ **]
ದಿಗ್ಬನ್ಧಾಯ ನಮಃ ॥ ೩೮

// (ತೈ.ಸಂ.೪-೫) ಯ, ಏತಾವನ್ತಃ ಚ, ಭೂಯಾಂಸಃ ಶ್ಚ, ದಿಶಃ, ರುದ್ರಾಃ, ವಿ-ತಸ್ಥಿರೇ, ತೇಷಾಮ್, ಸಹಸ್ರ-ಯೋಜನೇ, ಅವ, ಧನ್ವಾನಿ, ತನ್ಮಸಿ //

Did you see any mistake/variation in the content above? Click here to report mistakes and corrections in Stotranidhi content.