Read in తెలుగు / ಕನ್ನಡ / தமிழ் / देवनागरी / English (IAST)
ಓಂ ಭೂರ್ಭುವ॒ಸ್ಸುವ॑: । ಓಂ ನಂ ।
ತತ್ಪುರು॑ಷಾಯ ವಿ॒ದ್ಮಹೇ॑ ಮಹಾದೇ॒ವಾಯ॑ ಧೀಮಹಿ ।
ತನ್ನೋ॑ ರುದ್ರಃ ಪ್ರಚೋ॒ದಯಾ᳚ತ್ ॥
ಸಂವರ್ತಾಗ್ನಿತಟಿತ್ಪ್ರದೀಪ್ತಕನಕಪ್ರಸ್ಪರ್ಧಿತೇಜೋಮಯಂ
ಗಮ್ಭೀರಧ್ವನಿಮಿಶ್ರಿತೋಗ್ರದಹನಪ್ರೋದ್ಭಾಸಿತಾಮ್ರಾಧರಮ್ । [ಸಾಮವೇದಜನಕಂ, ಸುನ್ದರಮ್]
ಅರ್ಧೇನ್ದುದ್ಯುತಿಲೋಲಪಿಙ್ಗಲಜಟಾಭಾರಪ್ರಬದ್ಧೋರಗಂ
ವನ್ದೇ ಸಿದ್ಧಸುರಾಸುರೇಂದ್ರನಮಿತಂ ಪೂರ್ವಂ ಮುಖಂ ಶೂಲಿನಃ ॥
ಓಂ ಅಂ ಕಂ ಖಂ ಗಂ ಘಂ ಙಂ ಆಂ ಓಂ ।
ಓಂ ನಮೋ ಭಗವತೇ॑ ರುದ್ರಾ॒ಯ । ನಂ ಓಂ ।
ಪೂರ್ವಮುಖಾಯ ನಮಃ ॥ ೧ ॥
// ತತ್, ಪುರುಷಾಯ, ವಿದ್ಮಹೇ, ಮಹಾ-ದೇವಾಯ, ಧೀಮಹಿ, ತತ್, ನಃ, ರುದ್ರಃ, ಪ್ರಚೋದಯಾತ್ //
ಓಂ ಭೂರ್ಭುವ॒ಸ್ಸುವ॑: । ಓಂ ಮಂ ।
ಅ॒ಘೋರೇ᳚ಭ್ಯೋಽಥ॒ ಘೋರೇ᳚ಭ್ಯೋ॒ ಘೋರ॒ಘೋರ॑ತರೇಭ್ಯಃ ।
ಸರ್ವೇ᳚ಭ್ಯಃ ಸರ್ವ॒ಶರ್ವೇ᳚ಭ್ಯೋ॒ ನಮ॑ಸ್ತೇ ಅಸ್ತು ರು॒ದ್ರರೂ॑ಪೇಭ್ಯಃ ॥
ಕಾಲಾಭ್ರಭ್ರಮರಾಞ್ಜನದ್ಯುತಿನಿಭಂ ವ್ಯಾವೃತ್ತಪಿಙ್ಗೇಕ್ಷಣಂ
ಕರ್ಣೋದ್ಭಾಸಿತಭೋಗಿಮಸ್ತಕಮಣಿ ಪ್ರೋದ್ಭಿನ್ನದಂಷ್ಟ್ರಾಙ್ಕುರಮ್ ।
ಸರ್ಪಪ್ರೋತಕಪಾಲಶುಕ್ತಿಶಕಲ ವ್ಯಾಕೀರ್ಣಸಂಚಾರಗಂ [ಸಚ್ಛೇಖರಂ]
ವನ್ದೇ ದಕ್ಷಿಣಮೀಶ್ವರಸ್ಯ ಕುಟಿಲಭ್ರೂಭಙ್ಗರೌದ್ರಂ ಮುಖಮ್ ॥
ಓಂ ಇಂ ಚಂ ಛಂ ಜಂ ಝಂ ಞಂ ಈಂ ಓಂ ।
ಓಂ ನಮೋ ಭಗವತೇ॑ ರುದ್ರಾ॒ಯ । ಮಂ ಓಂ ।
ದಕ್ಷಿಣಮುಖಾಯ ನಮಃ ॥ ೨ ॥
// ಅಘೋರೇಭ್ಯಃ, ಅಥ, ಘೋರೇಭ್ಯಃ, ಘೋರ-ಘೋರತರೇಭ್ಯಃ, ಸರ್ವೇಭ್ಯಃ, ಸರ್ವ-ಶರ್ವೇಭ್ಯಃ, ನಮಃ, ತೇ, ಅಸ್ತು, ರುದ್ರ-ರೂಪೇಭ್ಯಃ //
ಓಂ ಭೂರ್ಭುವ॒ಸ್ಸುವ॑: । ಓಂ ಶಿಂ ।
ಸ॒ದ್ಯೋ ಜಾ॒ತಂ ಪ್ರ॑ಪದ್ಯಾ॒ಮಿ॒ ಸ॒ದ್ಯೋ ಜಾ॒ತಾಯ॒ ವೈ ನಮೋ॒ ನಮ॑: ।
ಭ॒ವೇಭ॑ವೇ॒ ನಾತಿ॑ಭವೇ ಭವಸ್ವ॒ ಮಾಮ್ । ಭ॒ವೋದ್ಭ॑ವಾಯ॒ ನಮ॑: ॥
ಪ್ರಾಲೇಯಾಚಲಚನ್ದ್ರಕುನ್ದಧವಲಂ ಗೋಕ್ಷೀರಫೇನಪ್ರಭಂ [ಮಿಂದು]
ಭಸ್ಮಾಭ್ಯಕ್ತಮನಙ್ಗದೇಹದಹನ ಜ್ವಾಲಾವಲೀಲೋಚನಮ್ ।
ಬ್ರಹ್ಮೇನ್ದ್ರಾದಿಮರುದ್ಗಣೈಃ ಸ್ತುತಿಪರೈರಭ್ಯರ್ಚಿತಂ ಯೋಗಿಭಿಃ [ಪದೈ]
ವನ್ದೇಽಹಂ ಸಕಲಂ ಕಲಙ್ಕರಹಿತಂ ಸ್ಥಾಣೋರ್ಮುಖಂ ಪಶ್ಚಿಮಮ್ ॥
ಓಂ ಉಂ ಟಂ ಠಂ ಡಂ ಢಂ ಣಂ ಊಂ ಓಂ ।
ಓಂ ನಮೋ ಭಗವತೇ॑ ರುದ್ರಾ॒ಯ । ಶಿಂ ಓಂ ।
ಪಶ್ಚಿಮಮುಖಾಯ ನಮಃ ॥ ೩ ॥
// ಸದ್ಯಃ-ಜಾತಂ, ಪ್ರಪದ್ಯಾಮಿ, ಸದ್ಯಃ-ಜಾತಾಯ, ವೈ, ನಮಃ, ನಮಃ, ಭವೇ, ಭವೇ, ನ-ಅತಿಭವೇ, ಭವಸ್ವ, ಮಾಮ್, ಭವ-ಉದ್ಭವಾಯ, ನಮಃ //
ಓಂ ಭೂರ್ಭುವ॒ಸ್ಸುವ॑: । ಓಂ ವಾಂ ।
ವಾ॒ಮ॒ದೇ॒ವಾಯ॒ ನಮೋ᳚ ಜ್ಯೇ॒ಷ್ಠಾಯ॒ ನಮ॑: ಶ್ರೇ॒ಷ್ಠಾಯ॒ ನಮೋ॑ ರು॒ದ್ರಾಯ॒ ನಮ॒: ಕಾಲಾ॑ಯ॒ ನಮ॒: ಕಲ॑ವಿಕರಣಾಯ॒ ನಮೋ॒ ಬಲ॑ವಿಕರಣಾಯ॒ ನಮೋ॒ ಬಲಾ॑ಯ॒ ನಮೋ॒ ಬಲ॑ಪ್ರಮಥನಾಯ॒ ನಮ॒: ಸರ್ವ॑ಭೂತದಮನಾಯ॒ ನಮೋ॑ ಮ॒ನೋನ್ಮ॑ನಾಯ॒ ನಮ॑: ॥
ಗೌರಂ ಕುಙ್ಕುಮಪಙ್ಕಿಲಂ ಸುತಿಲಕಂ ವ್ಯಾಪಾಣ್ಡುಗಣ್ಡಸ್ಥಲಂ
ಭ್ರೂವಿಕ್ಷೇಪಕಟಾಕ್ಷವೀಕ್ಷಣಲಸತ್ಸಂಸಕ್ತಕರ್ಣೋತ್ಪಲಮ್ ।
ಸ್ನಿಗ್ಧಂ ಬಿಮ್ಬಫಲಾಧರಪ್ರಹಸಿತಂ ನೀಲಾಲಕಾಲಙ್ಕೃತಂ
ವನ್ದೇ ಪೂರ್ಣಶಶಾಙ್ಕಮಣ್ಡಲನಿಭಂ ವಕ್ತ್ರಂ ಹರಸ್ಯೋತ್ತರಮ್ ॥
ಓಂ ಏಂ ತಂ ಥಂ ದಂ ಧಂ ನಂ ಐಂ ಓಂ ।
ಓಂ ನಮೋ ಭಗವತೇ॑ ರುದ್ರಾ॒ಯ । ವಾಂ ಓಂ ।
ಉತ್ತರಮುಖಾಯ ನಮಃ ॥ ೪ ॥
// ವಾಮದೇವಾಯ, ನಮಃ, ಜ್ಯೇಷ್ಠಾಯ, ನಮಃ, ಶ್ರೇಷ್ಠಾಯ, ನಮಃ, ರುದ್ರಾಯ, ನಮಃ, ಕಾಲಾಯ, ನಮಃ, ಕಲ-ವಿಕರಣಾಯ, ನಮಃ, ಬಲ-ವಿಕರಣಾಯ, ನಮಃ, ಬಲಾಯ, ನಮಃ, ಬಲ-ಪ್ರಮಥನಾಯ, ನಮಃ, ಸರ್ವಭೂತ-ದಮನಾಯ, ನಮಃ, ಮನೋನ್ಮನಾಯ, ನಮಃ //
ಓಂ ಭೂರ್ಭುವ॒ಸ್ಸುವ॑: । ಓಂ ಯಂ ।
ಈಶಾನಃ ಸರ್ವ॑ವಿದ್ಯಾ॒ನಾ॒ಮೀಶ್ವರಃ ಸರ್ವ॑ಭೂತಾ॒ನಾಂ॒
ಬ್ರಹ್ಮಾಧಿ॑ಪತಿ॒ರ್ಬ್ರಹ್ಮ॒ಣೋಽಧಿ॑ಪತಿ॒ರ್ಬ್ರಹ್ಮಾ॑ ಶಿ॒ವೋ ಮೇ॑ ಅಸ್ತು ಸದಾಶಿ॒ವೋಮ್ ॥
ವ್ಯಕ್ತಾವ್ಯಕ್ತಗುಣೇತರಂ ಸುವಿಮಲಂ ಷಟ್ತ್ರಿಂಶತತ್ತ್ವಾತ್ಮಕಂ [ಪರತರಂ]
ತಸ್ಮಾದುತ್ತರತತ್ತ್ವಮಕ್ಷರಮಿತಿ ಧ್ಯೇಯಂ ಸದಾ ಯೋಗಿಭಿಃ ॥
ವನ್ದೇ ತಾಮಸವರ್ಜಿತಂ ತ್ರಿನಯನಂ ಸೂಕ್ಷ್ಮಾತಿಸೂಕ್ಷ್ಮಾತ್ಪರಂ
ಶಾನ್ತಂ ಪಞ್ಚಮಮೀಶ್ವರಸ್ಯ ವದನಂ ಖವ್ಯಾಪಿತೇಜೋಮಯಮ್ ॥
ಓಂ ಓಂ ಪಂ ಫಂ ಬಂ ಭಂ ಮಂ ಔಂ ಓಂ ।
ಓಂ ನಮೋ ಭಗವತೇ॑ ರುದ್ರಾ॒ಯ । ಯಂ ಓಂ ।
ಊರ್ಧ್ವಮುಖಾಯ ನಮಃ ॥ ೫ ॥
// ಈಶಾನಃ, ಸರ್ವ-ವಿದ್ಯಾನಾಂ, ಈಶ್ವರಃ, ಸರ್ವ-ಭೂತಾನಾಂ, ಬ್ರಹ್ಮ-ಅಧಿಪತಿ, ಬ್ರಹ್ಮಣಃ-ಅಧಿಪತಿಃ, ಬ್ರಹ್ಮಾ, ಶಿವಃ, ಮೇ, ಅಸ್ತು, ಸದಾ-ಶಿವೋಂ //
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
