Mahanyasam 11. Guhyadi Shiranta Shadanga Nyasa – ೧೧. ಗುಹ್ಯಾದಿ ಶಿರಾನ್ತ ಷಡಙ್ಗನ್ಯಾಸಃ

ಮನೋ॒ ಜ್ಯೋತಿ॑ರ್ಜುಷತಾ॒ಮಾಜ್ಯಂ॒ ವಿಚ್ಛಿ॑ನ್ನಂ ಯ॒ಜ್ಞಗ್ಂ ಸಮಿ॒ಮಂ ದ॑ಧಾತು ।
ಬೃಹ॒ಸ್ಪತಿ॑ಸ್ತನುತಾಮಿ॒ಮಂ ನೋ॒ ವಿಶ್ವೇ॑ದೇ॒ವಾ ಇ॒ಹ ಮಾ॑ದಯನ್ತಾಮ್ ॥
ಗುಹ್ಯಾಯ ನಮಃ ॥ ೧ ॥
[-ಅಪ ಉಪಸ್ಪೃಶ್ಯ-]

// (ತೈ.ಸಂ.೧-೫-೩-೧೧) ಮನಃ, ಜ್ಯೋತಿಃ, ಜುಷತಾಮ್, ಆಜ್ಯಂ, ವಿ-ಛಿನ್ನಂ, ಯಜ್ಞಂ, ಸಂ, ಇಮಂ, ದಧಾತು, ಬೃಹಸ್ಪತಿಃ, ತನುತಾಂ, ಇಮಂ, ನಃ, ವಿಶ್ವೇ, ದೇವಾಃ, ಇಹ, ಮಾದಯನ್ತಾಂ //

ಅಬೋ᳚ಧ್ಯ॒ಗ್ನಿಃ ಸ॒ಮಿಧಾ॒ ಜನಾ॑ನಾಂ॒ ಪ್ರತಿ॑ ಧೇ॒ನುಮಿ॑ವಾಯ॒ತೀಮು॒ಷಾಸ᳚ಮ್ ।
ಯ॒ಹ್ವಾ ಇ॑ವ॒ ಪ್ರವ॒ಯಾಮು॒ಜ್ಜಿಹಾ॑ನಾ॒: ಪ್ರಭಾ॒ನವ॑: ಸಿಸ್ರತೇ॒ ನಾಕ॒ಮಚ್ಛ॑ ॥
ನಾಭ್ಯೈ ನಮಃ ॥ ೨ ॥

// (ತೈ.ಸಂ. ೪-೪-೪) ಅಬೋಧಿ, ಅಗ್ನಿಃ, ಸಂ-ಇಧಾ, ಜನಾನಾಂ, ಪ್ರತಿ, ಧೇನುಂ, ಇವ, ಆ-ಯತೀಂ, ಉಷಾಸಂ, ಯಹ್ವಾಃ, ಇವ, ಪ್ರ, ವಯಾಂ, ಉತ್-ಜಿಹಾನಾಃ, ಪ್ರ, ಭಾನವಃ, ಸಿಸ್ರತೇ, ನಾಕಂ, ಅಚ್ಛ //

ಅ॒ಗ್ನಿರ್ಮೂ॒ರ್ಧಾ ದಿ॒ವಃ ಕ॒ಕುತ್ಪತಿ॑: ಪೃಥಿ॒ವ್ಯಾ ಅ॒ಯಮ್ ।
ಅ॒ಪಾಗ್ಂ ರೇತಾಗ್ಂ॑ಸಿ ಜಿನ್ವತಿ ॥
ಹೃದಯಾಯ ನಮಃ ॥ ೩ ॥

// (ತೈ.ಸಂ.೪-೪-೪) ಅಗ್ನಿಃ, ಮೂರ್ಧಾ, ದಿವಃ, ಕಕುತ್-ಪತಿಃ, ಪೃಥಿವ್ಯಾಃ, ಅಯಂ, ಅಪಾಂ, ರೇತಾಂಸಿ, ಜಿನ್ವತಿ //

ಮೂ॒ರ್ಧಾನಂ॑ ದಿ॒ವೋ ಅ॑ರ॒ತಿಂ ಪೃ॑ಥಿ॒ವ್ಯಾ ವೈ᳚ಶ್ವಾನ॒ರಮೃ॒ತ ಆ ಜಾ॒ತಮ॒ಗ್ನಿಮ್ ।
ಕ॒ವಿಗ್ಂ ಸ॒ಮ್ರಾಜ॒ಮತಿ॑ಥಿಂ॒ ಜನಾ॑ನಾಮಾ॒ಸನ್ನಾ ಪಾತ್ರಂ॑ ಜನಯನ್ತ ದೇ॒ವಾಃ ॥
ಕಣ್ಠಾಯ ನಮಃ ॥ ೪ ॥

// (ಋ.ವೇ.೬-೭-೧) ಮೂರ್ಧಾನಂ, ದಿವಃ, ಅರತಿಂ, ಪೃಥಿವ್ಯಾಃ, ವೈಶ್ವಾನರಂ, ಋತೇ, ಆ, ಜಾತಮ್, ಅಗ್ನಿಂ, ಕವಿಂ, ಸಂ-ರಾಜಂ, ಅತಿಥಿಂ, ಜನಾನಾಂ, ಆಸನ್, ಆ, ಪಾತ್ರಂ, ಜನಯನ್ತ, ದೇವಾಃ //

ಮರ್ಮಾ॑ಣಿ ತೇ॒ ವರ್ಮ॑ಭಿಶ್ಛಾದಯಾಮಿ॒ ಸೋಮ॑ಸ್ತ್ವಾ॒ ರಾಜಾ॒ಽಮೃತೇ॑ನಾ॒ಭಿವ॑ಸ್ತಾಮ್ ।
ಉ॒ರೋರ್ವರೀ॑ಯೋ॒ ವರಿ॑ವಸ್ತೇ ಅಸ್ತು॒ ಜಯ॑ನ್ತಂ॒ ತ್ವಾಮನು॑ ಮದನ್ತು ದೇ॒ವಾಃ ॥
ಮುಖಾಯ ನಮಃ ॥ ೫ ॥

// (ತೈ.ಸಂ.೪-೬-೪-೫) ಮರ್ಮಾಣಿ, ತೇ, ವರ್ಮ-ಭಿಃ, ಛಾದಯಾಮಿ, ಸೋಮಃ, ತ್ವಾ, ರಾಜಾ, ಅಮೃತೇನ, ಅಭಿ, ವಸ್ತಾಂ, ಉರೋಃ, ವರೀಯಃ, ವರಿವಃ, ತೇ, ಅಸ್ತು, ಜಯನ್ತಂ, ತ್ವಾಂ, ಅನು, ಮದನ್ತು, ದೇವಾಃ //

ಜಾ॒ತವೇ॑ದಾ॒ ಯದಿ॑ ವಾ ಪಾವ॒ಕೋಽಸಿ॑ ।
ವೈ॒ಶ್ವಾ॒ನ॒ರೋ ಯದಿ॑ ವಾ ವೈದ್ಯು॒ತೋಽಸಿ॑ ।
ಶಂ ಪ್ರ॒ಜಾಭ್ಯೋ॒ ಯಜ॑ಮಾನಾಯ ಲೋ॒ಕಮ್ ।
ಊರ್ಜಂ॒ ಪುಷ್ಟಿಂ॒ ದದ॑ದ॒ಭ್ಯಾವ॑ವೃಥ್ಸ್ವ ॥
ಶಿರಸೇ ನಮಃ ॥ ೬ ॥

// (ತೈ.ಬ್ರಾ.ಕಾ.೩-೧೦-೫) ಜಾತವೇದಃ, ಯದಿ, ವಾ, ಪಾವಕಃ, ಅಸಿ, ವೈಶ್ವಾನರಃ, ಯದಿ, ವಾ, ವೈದ್ಯುತಃ, ಅಸಿ, ಶಂ, ಪ್ರಜಾಭ್ಯಃ, ಯಜ-ಮಾನಾಯ, ಲೋಕಂ, ಊರ್ಜಂ, ಪುಷ್ಟಿಂ, ದದತ್, ಅಭಿ, ಆವವೃತ್ಸ್ವ //

Did you see any mistake/variation in the content above? Click here to report mistakes and corrections in Stotranidhi content.