Read in తెలుగు / ಕನ್ನಡ / தமிழ் / देवनागरी / English (IAST)
ಬ್ರಹ್ಮೋವಾಚ |
ನಮಃ ಪಿತ್ರೇ ಜನ್ಮದಾತ್ರೇ ಸರ್ವದೇವಮಯಾಯ ಚ |
ಸುಖದಾಯ ಪ್ರಸನ್ನಾಯ ಸುಪ್ರೀತಾಯ ಮಹಾತ್ಮನೇ || ೧ ||
ಸರ್ವಯಜ್ಞಸ್ವರೂಪಾಯ ಸ್ವರ್ಗಾಯ ಪರಮೇಷ್ಠಿನೇ |
ಸರ್ವತೀರ್ಥಾವಲೋಕಾಯ ಕರುಣಾಸಾಗರಾಯ ಚ || ೨ ||
ನಮಃ ಸದಾಽಽಶುತೋಷಾಯ ಶಿವರೂಪಾಯ ತೇ ನಮಃ |
ಸದಾಽಪರಾಧಕ್ಷಮಿಣೇ ಸುಖಾಯ ಸುಖದಾಯ ಚ || ೩ ||
ದುರ್ಲಭಂ ಮಾನುಷಮಿದಂ ಯೇನ ಲಬ್ಧಂ ಮಯಾ ವಪುಃ |
ಸಂಭಾವನೀಯಂ ಧರ್ಮಾರ್ಥೇ ತಸ್ಮೈ ಪಿತ್ರೇ ನಮೋ ನಮಃ || ೪ ||
ತೀರ್ಥಸ್ನಾನತಪೋಹೋಮಜಪಾದೀನ್ ಯಸ್ಯ ದರ್ಶನಮ್ |
ಮಹಾಗುರೋಶ್ಚ ಗುರವೇ ತಸ್ಮೈ ಪಿತ್ರೇ ನಮೋ ನಮಃ || ೫ ||
ಯಸ್ಯ ಪ್ರಣಾಮ ಸ್ತವನಾತ್ ಕೋಟಿಶಃ ಪಿತೃತರ್ಪಣಮ್ |
ಅಶ್ವಮೇಧಶತೈಸ್ತುಲ್ಯಂ ತಸ್ಮೈ ಪಿತ್ರೇ ನಮೋ ನಮಃ || ೬ ||
ಇದಂ ಸ್ತೋತ್ರಂ ಪಿತೃಃ ಪುಣ್ಯಂ ಯಃ ಪಠೇತ್ ಪ್ರಯತೋ ನರಃ |
ಪ್ರತ್ಯಹಂ ಪ್ರಾತರುತ್ಥಾಯ ಪಿತೃಶ್ರಾದ್ಧದಿನೇಽಪಿ ಚ || ೭ ||
ಸ್ವಜನ್ಮದಿವಸೇ ಸಾಕ್ಷಾತ್ ಪಿತುರಗ್ರೇ ಸ್ಥಿತೋಽಪಿ ವಾ |
ನ ತಸ್ಯ ದುರ್ಲಭಂ ಕಿಂಚಿತ್ ಸರ್ವಜ್ಞತ್ವಾದಿ ವಾಂಛಿತಮ್ || ೮ ||
ನಾನಾಪಕರ್ಮ ಕೃತ್ವಾಽಪಿ ಯಃ ಸ್ತೌತಿ ಪಿತರಂ ಸುತಃ |
ಸ ಧೃವಂ ಪ್ರವಿಧಾಯೈವ ಪ್ರಾಯಶ್ಚಿತ್ತಂ ಸುಖೀ ಭವೇತ್ |
ಪಿತೃಪ್ರೀತಿಕರೈರ್ನಿತ್ಯಂ ಸರ್ವಕರ್ಮಾಣ್ಯಥಾರ್ಹತಿ || ೯ ||
ಇತಿ ಬೃಹದ್ಧರ್ಮಪುರಾಣಾಂತರ್ಗತ ಬ್ರಹ್ಮಕೃತ ಪಿತೃ ಸ್ತೋತ್ರಂ |
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
