Read in తెలుగు / ಕನ್ನಡ / தமிழ் / देवनागरी / English (IAST)
– ಪೂರ್ವಪೀಠಿಕಾ –
ಶ್ರೀಪಾರ್ವತ್ಯುವಾಚ |
ದೇವೇಶ ಶ್ರೋತುಮಿಚ್ಛಾಮಿ ರಹಸ್ಯಾತಿರಹಸ್ಯಕಮ್ |
ಸುಗುಪ್ತಮಪಿ ಮೇ ದೇವ ಕಥಯಸ್ವ ಮಹೇಶ್ವರ || ೧ ||
ಈಶ್ವರ ಉವಾಚ |
ರಹಸ್ಯಾತಿರಹಸ್ಯಂ ಚ ಗೋಪ್ಯಾದ್ಗೋಪ್ಯಂ ಮಹತ್ತರಮ್ |
ನ ಕುತ್ರಾಪಿ ಮಯಾ ಪ್ರೋಕ್ತಂ ಸರ್ವಸ್ವಮಪಿ ಪಾರ್ವತಿ || ೨ ||
ಕಥ್ಯತೇ ಸಾರಭೂತಂ ಹಿ ಸರ್ವತಂತ್ರೇಷು ದುರ್ಲಭಮ್ |
ತವ ಪ್ರೀತ್ಯೈ ಮಹೇಶಾನಿ ಯಥಾವದವಧಾರಯ || ೩ ||
ಪುರಾ ಕೈಲಾಸಶಿಖರೇ ವಿಶ್ವರೂಪೋ ವಿರಾಟ್ಛಿವಃ |
ದಕ್ಷಿಣಾಮೂರ್ತಿರೂಪಂ ತು ಕೃತ್ವಾ ವಟತಲೇ ಸ್ಥಿತಃ || ೪ ||
ಋಷೀಶ್ವರಾಣಾಂ ದೇವಾನಾಂ ಜ್ಞಾನಾರ್ಥಂ ಪರಮೇಶ್ವರಿ |
ದಕ್ಷಿಣಾಮೂರ್ತಿರೂಪೋ ಹಿ ಸರ್ವದೇವಸ್ವರೂಪಧೃತ್ || ೫ ||
ಅವತೀರ್ಣೋ ಮಹೇಶಾನಿ ಸಚ್ಚಿದಾನಂದವಿಗ್ರಹಃ |
ಶ್ರೀವೀರದಕ್ಷಿಣಾಮೂರ್ತಿಸ್ತತಶ್ಚೈವ ವಟಾಭಿಧಃ || ೬ ||
ಶ್ರೀಲಕ್ಷ್ಮೀದಕ್ಷಿಣಾಮೂರ್ತಿರ್ಮೇಧಾಖ್ಯಸ್ತು ತುರೀಯಕಃ |
ತಸ್ಯ ನಾಮ ಸಹಸ್ರಂ ಚ ವೇದಸಾರರಹಸ್ಯಕಮ್ || ೭ ||
ಯದೇಕವಾರಪಠನಾದ್ಬ್ರಹ್ಮಾ ವೇದಾರ್ಥಪಾರಗಃ |
ವಿಷ್ಣುರ್ವಿಷ್ಣುತ್ವಮೇತೇನ ದೇವಾ ದೇವತ್ವಮಾಪ್ನುಯುಃ || ೮ ||
ಯತ್ಸಕೃತ್ಪಠನಾದೇವ ಪಾಂಡಿತ್ಯಂ ಸ್ಯಾಚ್ಚತುರ್ವಿಧಮ್ |
ತ್ರೈಲೋಕ್ಯರಾಜ್ಯಂ ಸತ್ಕಾವ್ಯಂ ಮಹಾಶ್ರುತಿಪರಂಪರಾ || ೯ ||
ಶಾಪಾನುಗ್ರಹಸಾಮರ್ಥ್ಯಂ ಪಾಂಡಿತ್ಯಂ ಸ್ಯಾಚ್ಚತುರ್ವಿಧಮ್ |
ಭವತ್ಯೇವ ಮಹೇಶಾನಿ ಮಹಾಭಾಷ್ಯಾದಿಕಾರಕಃ || ೧೦ ||
ಕಿಂ ಪುನರ್ಬಹುನೋಕ್ತೇನ ಬ್ರಹ್ಮತ್ವಂ ಭವತಿ ಕ್ಷಣಾತ್ |
ಏತಸ್ಮಾದಧಿಕಾ ಸಿದ್ಧಿಃ ಬ್ರಹ್ಮಾಂಡಂ ಗೋಳಕಾದಿಷು || ೧೧ ||
ಬ್ರಹ್ಮಾಂಡಗೋಳಕೇ ಯಾಶ್ಚ ಯಾಃ ಕಾಶ್ಚಿಜ್ಜಗತೀತಲೇ |
ಸಮಸ್ತಸಿದ್ಧಯೋ ದೇವಿ ವಾಚಕಸ್ಯ ಕರೇ ಸ್ಥಿತಾಃ || ೧೨ ||
ಕೈವಲ್ಯಂ ಲಭತೇ ಯೋಗೀ ನಾಮಸಾಹಸ್ರಪಾಠಕಃ |
ಶ್ರೀಮೇಧಾದಕ್ಷಿಣಾಮೂರ್ತಿನಾಮಸಾಹಸ್ರಕಸ್ಯ ಚ || ೧೩ ||
ಬ್ರಹ್ಮಾ ಋಷಿರ್ಮಹೇಶಾನಿ ಗಾಯತ್ರೀ ಛಂದ ಈರಿತಮ್ |
ದೇವತಾ ದಕ್ಷಿಣಾಮೂರ್ತಿಃ ಪ್ರಣವೋ ಬೀಜಮುಚ್ಯತೇ || ೧೪ ||
ಸ್ವಾಹಾ ಶಕ್ತಿರ್ಮಹೇಶಾನಿ ನಮಃ ಕೀಲಕಮೀರಿತಮ್ |
ಮಾತೃಕಾದೀರ್ಘಷಟ್ಕೈಸ್ತು ಷಡಂಗನ್ಯಾಸ ಈರಿತಃ || ೧೫ ||
ವಟಮೂಲೇ ಮಹಚ್ಛಿದ್ರಂ ಸುಂದರಃ ಪರಮಃ ಶಿವಃ |
ತರುಣೋ ಮೌನಯುಕ್ಛಂಭುರ್ಮುನಯಃ ಪಂಡಿತೋತ್ತಮಾಃ |
ಇತಿ ಸಂಚಿಂತ್ಯ ದೇವಸ್ಯ ನಾಮಸಾಹಸ್ರಕಂ ಪಠೇತ್ || ೧೬ ||
ಅಸ್ಯ ಶ್ರೀದಕ್ಷಿಣಾಮೂರ್ತಿ ದಿವ್ಯಸಹಸ್ರನಾಮಸ್ತೋತ್ರ ಮಹಾಮಂತ್ರಸ್ಯ ಬ್ರಹ್ಮಾ ಋಷಿಃ, ಗಾಯತ್ರೀ ಛಂದಃ, ಶ್ರೀದಕ್ಷಿಣಾಮೂರ್ತಿರ್ದೇವತಾ, ಓಂ ಬೀಜಂ, ಸ್ವಾಹಾ ಶಕ್ತಿಃ, ನಮಃ ಕೀಲಕಂ, ಮಮ ಶ್ರೀದಕ್ಷಿಣಾಮೂರ್ತಿ ಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ||
ಆಮಿತ್ಯಾದಿಷಡಂಗನ್ಯಾಸಃ ||
ಧ್ಯಾನಮ್ –
ವಟಮೂಲೇ ಮಹಚ್ಚಿತ್ರಂ ಸುಂದರಃ ಪರಮಃ ಶಿವಃ |
ತರುಣೋ ಮೌನಯುಕ್ಛಂಭುರ್ಮುನಯಃ ಪಂಡಿತೋತ್ತಮಾಃ ||
ಸ್ತೋತ್ರಮ್ –
ಓಂ | ದಕ್ಷಿಣೋ ದಕ್ಷಿಣಾಮೂರ್ತಿರ್ದಯಾಳುರ್ದೀನವಲ್ಲಭಃ |
ದೀನಾರ್ತಿಹೃದ್ದೀನಬಂಧುರ್ದೀನನಾಥೋ ದಯಾಪರಃ || ೧ ||
ದಾರಿದ್ರ್ಯಶಮನೋಽದೀನೋ ದಾರ್ಢ್ಯೋ ದಾನವನಾಶಕಃ |
ದನುಜಾರಿರ್ದುಃಖಹಂತಾ ದುಷ್ಟಭೂತನಿಷೂದನಃ || ೨ ||
ದೀನೋರುದಾಯಕೋ ದಾಂತೋ ದೀಪ್ತಿಮಾನ್ ದಿವ್ಯಲೋಚನಃ |
ದೇದೀಪ್ಯಮಾನೋ ದುರ್ಗೇಶಃ ಶ್ರೀದುರ್ಗಾವರದಾಯಕಃ || ೩ ||
ದರೀಸಂಸ್ಥೋ ದಾನರೂಪೋ ದಾನಸನ್ಮಾನತೋಷಿತಃ |
ದಾತಾ ದಾಡಿಮಪುಷ್ಪಾಭೋ ದಾಡಿಮೀಪುಷ್ಪಭೂಷಿತಃ || ೪ ||
ದೈನ್ಯಹಾ ದುರಿತಘ್ನಶ್ಚ ದಿಶಾವಾಸೋ ದಿಗಂಬರಃ |
ದಿಕ್ಪತಿರ್ದೀರ್ಘಸೂತ್ರಶ್ಚ ದಳದಂಬುಜಲೋಚನಃ || ೫ ||
ದಕ್ಷಿಣಾಪ್ರೇಮಸಂತುಷ್ಟೋ ದಾರಿದ್ರ್ಯಬಡಬಾನಲಃ |
ದಕ್ಷಿಣಾವರದೋ ದಕ್ಷೋ ದಕ್ಷಾಧ್ವರವಿನಾಶನಃ || ೬ ||
ದಾಮೋದರಪ್ರಿಯೋ ದೀರ್ಘೋ ದೀರ್ಘಿಕಾಜಲಮಧ್ಯಗಃ |
ಧರ್ಮೋ ಧನಪ್ರದೋ ಧ್ಯೇಯೋ ಧೀಮಾನ್ ಧೈರ್ಯವಿಭೂಷಿತಃ || ೭ ||
ಧರಣೀಧಾರಕೋ ಧಾತಾ ಧನಾಧ್ಯಕ್ಷೋ ಧುರಂಧರಃ |
ಧೀರ್ಧಾರಣೋ ಧಿಂಧಿಮಿಕೃನ್ನಗ್ನೋ ನಾರಾಯಣೋ ನರಃ || ೮ ||
ನರನಾಥಪ್ರಿಯೋ ನಾಥೋ ನದೀಪುಲಿನಸಂಸ್ಥಿತಃ |
ನಾನಾರೂಪಧರೋ ನಮ್ಯೋ ನಾಂದೀಶ್ರಾದ್ಧಪ್ರಿಯೋ ನಟಃ || ೯ ||
ನಟಾಚಾರ್ಯೋ ನಟವರೋ ನಾರೀಮಾನಸಮೋಹನಃ |
ನೀತಿಪ್ರಿಯೋ ನೀತಿಧರೋ ನಾನಾಮಂತ್ರರಹಸ್ಯವಿತ್ || ೧೦ ||
ನಾರದೋ ನಾಮರಹಿತೋ ನೌಕಾರೂಢೋ ನಟಪ್ರಿಯಃ |
ಪರಮಃ ಪರಮಾರ್ಥಶ್ಚ ಪರವಿದ್ಯಾಪ್ರಕರ್ಷಣಃ || ೧೧ ||
ಪತಿಃ ಪಾತಿತ್ಯಸಂಹರ್ತಾ ಪರಮೇಶಃ ಪುರಾತನಃ |
ಪುರಾಣಪುರುಷಃ ಪುಣ್ಯಃ ಪದ್ಯಗದ್ಯವಿಶಾರದಃ || ೧೨ ||
ಪದ್ಮಪ್ರಿಯಃ ಪಾಶಹಸ್ತಃ ಪರಮಾರ್ಥಃ ಪರಾಯಣಃ |
ಪ್ರೀತಃ ಪುರಾಣಪುರುಷಃ ಪುರಾಣಾಗಮಸೂಚಕಃ || ೧೩ ||
ಪುರಾಣವೇತ್ತಾ ಪಾಪಘ್ನಃ ಪಾರ್ವತೀಶಃ ಪರಾರ್ಥವಿತ್ |
ಪದ್ಮಾವತೀಪ್ರಿಯಃ ಪಾಪಹಾರೀ ಪರರಹಸ್ಯವಿತ್ || ೧೪ ||
ಪಾರ್ವತೀರಮಣಃ ಪೀನಃ ಪೀತವಾಸಾಃ ಪರಾತ್ಪರಃ |
ಪಶೂಪಹಾರರಸಿಕಃ ಪಾಶೀ ಪಶುಪತಿಃ ಪತಿಃ || ೧೫ ||
ಪಕ್ಷೀಂದ್ರವಾಹನಃ ಪಾತಾ ಪುತ್ರದಃ ಪುತ್ರಪೂಜಿತಃ |
ಫಣಿನಾಥಃ ಫೂತ್ಕೃತಿಶ್ಚ ಫಟ್ಕಾರಃ ಫೇಂ ಪರಾಯಣಃ || ೧೬ ||
ಫೇಂ ಬೀಜಜಪಸಂತುಷ್ಟಃ ಫೂತ್ಕಾರಃ ಫಣಿಭೂಷಿತಃ |
ಫಣಿವಿದ್ಯಾಮಯಃ ಫ್ರೇಂ ಫ್ರೇಂ ಫ್ರೈಂ ಫ್ರೈಂ ಶಬ್ದಪರಾಯಣಃ || ೧೭ ||
ಷಡಸ್ತ್ರಜಪಸಂತುಷ್ಟೋ ಬಲಿಭುಗ್ಬಾಣಭೂಷಿತಃ |
ಬಾಣಪೂಜಾರತೋ ಬ್ಲೂಂತೋ ಬ್ಲೂಂಬೀಜಜಪತೋಷಿತಃ || ೧೮ ||
ಬರ್ಹಿರ್ಮುಖೋ ಬಾಲಮತಿರ್ಬಾಲೇಶೋ ಬಾಲಭಾವಧೃತ್ |
ಬಾಲಪ್ರಿಯೋ ಬಾಲಗತಿರ್ಬಲೀವರ್ದಪ್ರಿಯೋ ಬಲಃ || ೧೯ ||
ಬಾಲಚಂದ್ರಪ್ರಿಯೋ ಬಾಲೋ ಬಾಲಾಶಬ್ದಪರಾಯಣಃ |
ಬ್ರಹ್ಮಾಸ್ಥಿಭೇದಕೋ ಬ್ರಹ್ಮಜ್ಞಾನೀ ಬ್ರಾಹ್ಮಣಪಾಲಕಃ || ೨೦ ||
ಭಗವಾನ್ ಭೂಪತಿರ್ಭದ್ರೋ ಭದ್ರದೋ ಭದ್ರವಾಹನಃ |
ಭೂತಾಧ್ಯಕ್ಷೋ ಭೂತಪತಿರ್ಭೂತೋಭೀತಿನಿವಾರಣಃ || ೨೧ ||
ಭೀಮೋ ಭಯಾನಕೋ ಭ್ರಾತಾ ಭ್ರಾಂತೋ ಭಸ್ಮಾಸುರಪ್ರಿಯಃ |
ಭಸ್ಮಭೂಷೋ ಭಸ್ಮಸಂಸ್ಥೋ ಭೈಕ್ಷಕರ್ಮಪರಾಯಣಃ || ೨೨ ||
ಭಾನುಭೂಷೋ ಭಾನುರೂಪೋ ಭವಾನೀಪ್ರೀತಿದೋ ಭವಃ |
ಭರ್ಗೋ ದೇವೋ ಭಗಾವಾಸೋ ಭಗಪೂಜಾಪರಾಯಣಃ || ೨೩ ||
ಭಾವಪ್ರಿಯೋ ಭಾವರತೋ ಭಾವಾಭಾವವಿವರ್ಜಿತಃ |
ಭರ್ಗೋ ಭಾರ್ಯಾಸಂಧಿಯುಕ್ತೋ ಭಾ ಭೀ ಶಬ್ದಪರಾಯಣಃ || ೨೪ ||
ಭ್ರಾಂ ಬೀಜಜಪಸಂತುಷ್ಟೋ ಭಟ್ಟಾರೋ ಭದ್ರವಾಹನಃ |
ಭಟ್ಟಾರಕೋ ಭೀಮಗರ್ಭೋ ಭೀಮಾಸಂಗಮಲೋಲುಪಃ || ೨೫ ||
ಭದ್ರದೋ ಭ್ರಾಂತಿರಹಿತೋ ಭೀಮಚಂಡೀಪತಿರ್ಭವಾನ್ |
ಭವಾನೀಜಪಸಂತುಷ್ಟೋ ಭವಾನೀಪೂಜನೋತ್ಸುಕಃ || ೨೬ ||
ಭ್ರಮರೋ ಭ್ರಮರೀಯುಕ್ತೋ ಭ್ರಮರಾಂಬಾಪ್ರಪೂಜಿತಃ |
ಮಹಾದೇವೋ ಮಹಾನಾಥೋ ಮಹೇಶೋ ಮಾಧವಪ್ರಿಯಃ || ೨೭ ||
ಮಧುಪುಷ್ಪಪ್ರಿಯೋ ಮಾಧ್ವೀಪಾನಪೂಜಾಪರಾಯಣಃ |
ಮಧುರ್ಮಾಧ್ವೀಪ್ರಿಯೋ ಮೀನೋ ಮೀನಾಕ್ಷೀನಾಯಕೋ ಮಹಾನ್ || ೨೮ ||
ಮಾರೀಹರೋ ಮದನಹೃನ್ಮಾನನೀಯೋ ಮದೋದ್ಧತಃ |
ಮಾಧವೋ ಮಾನರಹಿತೋ ಮ್ರೀಂ ಬೀಜಜಪತೋಷಿತಃ || ೨೯ ||
ಮಧುಪಾನರತೋ ಮೌನೀ ಮಹರ್ಷಿರ್ಮೋಹನಾಸ್ತ್ರವಿತ್ |
ಮಹಾತಾಂಡವಕೃನ್ಮಂತ್ರೋ ಮಂತ್ರಪೂಜಾಪರಾಯಣಃ || ೩೦ ||
ಮೂರ್ತಿರ್ಮುದ್ರಾಪ್ರಿಯೋ ಮಿತ್ರೋ ಮಿತ್ರಸಂತುಷ್ಟಮಾನಸಃ |
ಮ್ರೀಂ ಮ್ರೀಂ ಮಧುಮತೀನಾಥೋ ಮಹಾದೇವಪ್ರಿಯೋ ಮೃಡಃ || ೩೧ ||
ಯಾದೋನಿಧಿರ್ಯಜ್ಞಪತಿರ್ಯತಿರ್ಯಜ್ಞಪರಾಯಣಃ |
ಯಜ್ವಾ ಯಾಗಪರೋ ಯಾಯೀ ಯಾಯೀಭಾವಪ್ರಿಯೋ ಯುಜಃ || ೩೨ ||
ಯಾತಾಯಾತಾದಿರಹಿತೋ ಯತಿಧರ್ಮಪರಾಯಣಃ |
ಯತ್ನಸಾಧ್ವೀ ಯಷ್ಟಿಧರೋ ಯಜಮಾನಪ್ರಿಯೋ ಯದುಃ || ೩೩ ||
ಯಜುರ್ವೇದಪ್ರಿಯೋ ಯಾಮೀ ಯಮಸಂಯಮನೋ ಯಮಃ |
ಯಮಪೀಡಾಹರೋ ಯುಕ್ತೋ ಯೋಗೀ ಯೋಗೀಶ್ವರಾಲಯಃ || ೩೪ ||
ಯಾಜ್ಞವಲ್ಕ್ಯಪ್ರಿಯೋ ಯೋನಿರ್ಯೋನಿದೋಷವಿವರ್ಜಿತಃ |
ಯಾಮಿನೀನಾಥಭೂಷೀ ಚ ಯದುವಂಶಸಮುದ್ಭವಃ || ೩೫ ||
ಯಕ್ಷೋ ಯಕ್ಷಪ್ರಿಯೋ ರಮ್ಯೋ ರಾಮೋ ರಾಜೀವಲೋಚನಃ |
ರಾತ್ರಿಂಚರೋ ರಾತ್ರಿಚರೋ ರಾಮೇಶೋ ರಾಮಪೂಜಿತಃ || ೩೬ ||
ರಮಾಪೂಜ್ಯೋ ರಮಾನಾಥೋ ರತ್ನದೋ ರತ್ನಹಾರಕಃ |
ರಾಜ್ಯದೋ ರಾಮವರದೋ ರಂಜಕೋ ರೀತಿಮಾರ್ಗವಿತ್ || ೩೭ ||
ರಮಣೀಯೋ ರಘೂನಾಥೋ ರಘುವಂಶಪ್ರವರ್ತಕಃ |
ರಾಮಾನಂದಮಯೋ ರಾಜಾ ರಾಜರಾಜೇಶ್ವರೋ ರಸಃ || ೩೮ ||
ರತ್ನಮಂದಿರಮಧ್ಯಸ್ಥೋ ರತ್ನಪೂಜಾಪರಾಯಣಃ |
ರತ್ನಾಕರೋ ಲಕ್ಷಣೇಶೋ ಲಕ್ಷ್ಯದೋ ಲಕ್ಷ್ಯಲಕ್ಷಣಃ || ೩೯ ||
ಲಕ್ಷ್ಮೀನಾಥಪ್ರಿಯೋ ಲಾಲೀ ಲಂಬಿಕಾಯೋಗಮಾರ್ಗವಿತ್ |
ಲಬ್ಧಿಲಕ್ಷ್ಯೋ ಲಬ್ಧಿಸಿದ್ಧೋ ಲಭ್ಯೋ ಲಾಕ್ಷಾರುಣೇಕ್ಷಣಃ || ೪೦ ||
ಲೋಲಾಕ್ಷೀನಾಯಕೋ ಲೋಭೋ ಲೋಕನಾಥೋ ಲತಾಮಯಃ |
ಲತಾಪುಂಜಾಮರೋ ಲೋಲೋ ಲಕ್ಷಮಂತ್ರಜಪಪ್ರಿಯಃ || ೪೧ ||
ಲಂಬಿಕಾಮಾರ್ಗನಿರತೋ ಲಕ್ಷಕೋಟ್ಯರ್ಬುದಾಂತಕಃ |
ವಾಣೀಪ್ರಿಯೋ ವಾವದೂಕೋ ವಾದೀ ವಾದಪರಾಯಣಃ || ೪೨ ||
ವೀರಮಾರ್ಗರತೋ ವೀರೋ ವೀರಚರ್ಯಾಪರಾಯಣಃ |
ವರೇಣ್ಯೋ ವರದೋ ವಾಮೋ ವಾಮಮಾರ್ಗಪ್ರವರ್ತಕಃ || ೪೩ ||
ವಾಮದೇವೋ ವಾಗಧೀಶೋ ವೀಣಾಢ್ಯೋ ವೇಣುತತ್ಪರಃ |
ವಿದ್ಯಾಪ್ರಿಯೋ ವೀತಿಹೋತ್ರೋ ವೀರವಿದ್ಯಾವಿಶಾರದಃ || ೪೪ ||
ವರ್ಗ್ಯೋ ವರ್ಗಪ್ರಿಯೋ ವಾಯೂ ವಾಯುವೇಗಪರಾಯಣಃ |
ವಾರ್ತಾಜ್ಞಶ್ಚ ವಶೀಕಾರೀ ವರಿಷ್ಠೋ ವಾಮವೃತ್ತಕಃ || ೪೫ ||
ವಸಿಷ್ಠೋ ವಾಕ್ಪತಿರ್ವೈದ್ಯೋ ವಾಮನೋ ವಸುದೋ ವಿರಾಟ್ |
ವಾರಾಹೀಪಾಲಕೋ ವನ್ಯೋ ವನವಾಸೀ ವನಪ್ರಿಯಃ || ೪೬ ||
ವನದುರ್ಗಾಪತಿರ್ವಾರೀ ಧಾರೀ ವಾರಾಂಗನಾಪ್ರಿಯಃ |
ವನೇಚರೋ ವನಚರಃ ಶಕ್ತಿಪೂಜ್ಯಃ ಶಿಖೀಸಖಃ || ೪೭ ||
ಶಮ್ಯಾಕಮೌಳಿಃ ಶಾಂತಾತ್ಮಾ ಶಕ್ತಿಮಾರ್ಗಪರಾಯಣಃ |
ಶರಚ್ಚಂದ್ರನಿಭಃ ಶಾಂತಃ ಶಕ್ತಿಃ ಸಂಶಯವರ್ಜಿತಃ || ೪೮ ||
ಶಚೀಪತಿಃ ಶಕ್ರಪೂಜ್ಯಃ ಶರಸ್ಥಃ ಶಾಪವರ್ಜಿತಃ |
ಶಾಪಾನುಗ್ರಹದಃ ಶಂಖಪ್ರಿಯಃ ಶತ್ರುನಿಷೂದನಃ || ೪೯ ||
ಶರೀರಯೋಗೀ ಶೀತಾರಿಃ ಶಕ್ತಿಃ ಶರ್ಮಗತಃ ಶುಭಃ |
ಶುಕ್ರಪೂಜ್ಯಃ ಶುಕ್ರಭೋಗೀ ಶುಕ್ರಭಕ್ಷಣತತ್ಪರಃ || ೫೦ ||
ಶಾರದಾನಾಯಕಃ ಶೌರಿಃ ಷಣ್ಮುಖಃ ಷಡ್ಭುಜಃ ಷಡಃ |
ಷಂಡಃ ಷಡಂಗಃ ಷಟ್ಕೋಶಃ ಷಡಧ್ವಯಗತತ್ಪರಃ || ೫೧ ||
ಷಡಾಮ್ನಾಯರಹಸ್ಯಜ್ಞಃ ಷಷ್ಟಿಜೀವಪರಾಯಣಃ |
ಷಟ್ಚಕ್ರಭೇದನಃ ಷಷ್ಠೀನಾಥಃ ಷಡ್ದರ್ಶನಾಹ್ವಯಃ || ೫೨ ||
ಷಷ್ಠೀದೋಷಹರಃ ಷಟ್ಕಃ ಷಟ್ಛಾಸ್ತ್ರಾರ್ಥರಹಸ್ಯವಿತ್ |
ಷಡೂರ್ಮಿಶ್ಚೈವ ಷಡ್ವರ್ಗಃ ಷಡೈಶ್ವರ್ಯಫಲಪ್ರದಃ || ೫೩ ||
ಷಡ್ಗುಣಃ ಷಣ್ಮುಖೋಪೇತಃ ಷಷ್ಠಿಬಾಲಃ ಷಡಾತ್ಮಕಃ |
ಷಟ್ಕೃತ್ತಿಕಾಸಮಾಜಸ್ಥಃ ಷಡಾಧಾರನಿವಾಸಕಃ || ೫೪ ||
ಷೋಢಾನ್ಯಾಸಪ್ರಿಯಃ ಸಿಂಧುಃ ಸುಂದರಃ ಸುರಸುಂದರಃ |
ಸುರಾರಾಧ್ಯಃ ಸುರಪತಿಃ ಸುಮುಖಃ ಸುಮನಾಃ ಸುರಃ || ೫೫ ||
ಸುಭಗಃ ಸರ್ವವಿತ್ಸೌಮ್ಯಃ ಸಿದ್ಧಿಮಾರ್ಗಪ್ರವರ್ತಕಃ |
ಸಹಜಾನಂದನಃ ಸೋಮಃ ಸರ್ವಶಾಸ್ತ್ರರಹಸ್ಯವಿತ್ || ೫೬ ||
ಸಮಿದ್ಧೋಮಪ್ರಿಯಃ ಸರ್ವಃ ಸರ್ವಶಕ್ತಿಸುಪೂಜಿತಃ |
ಸುರದೇವಃ ಸುದೇವಶ್ಚ ಸನ್ಮಾರ್ಗಃ ಸಿದ್ಧಿದರ್ಶಕಃ || ೫೭ ||
ಸರ್ವಜಿತ್ಸರ್ವದಿಕ್ಸಾಧುಃ ಸರ್ವಧರ್ಮಸಮನ್ವಿತಃ |
ಸರ್ವಾಧ್ಯಕ್ಷಃ ಸರ್ವದೇವಃ ಸನ್ಮಾರ್ಗಃ ಸೂಚನಾರ್ಥವಿತ್ || ೫೮ || [ಸರ್ವವೇದ್ಯಃ]
ಹಾರೀ ಹರಿರ್ಹರೋ ಹೃದ್ಯೋ ಹರೋ ಹರ್ಷಪ್ರದೋ ಹರಿಃ |
ಹಠಯೋಗೀ ಹಠರತೋ ಹರಿವಾಹೀ ಹರಿಧ್ವಜಃ || ೫೯ ||
ಹರಿಮಾರ್ಗರತೋ ಹ್ರೀಂ ಚ ಹರೀತವರದಾಯಕಃ |
ಹರೀತವರದೋ ಹೀನೋ ಹಿತಕೃದ್ಧಿಂಕೃತಿರ್ಹವಿಃ || ೬೦ || [-ಕೃತ]
ಹವಿಷ್ಯಭುಗ್ಘವಿಷ್ಯಾಶೀ ಹರಿದ್ವರ್ಣೋ ಹರಾತ್ಮಕಃ |
ಹೈಹಯೇಶೋ ಹ್ರೀಂಕೃತಿಶ್ಚ ಹರಮಾನಸತೋಷಣಃ || ೬೧ ||
ಹುಂಕಾರಜಪಸಂತುಷ್ಟೋ ಹ್ರೌಂ ಬೀಜಜಪಚಿಂತಿತಃ |
ಹಿತಕಾರೀ ಹರಿಣದೃಗ್ಘರಿತೋ ಹರನಾಯಕಃ || ೬೨ ||
ಹರಿಪ್ರಿಯೋ ಹರಿರತೋ ಹಾಹಾಶಬ್ದಪರಾಯಣಃ |
ಕ್ಷೇಮಕಾರಿಪ್ರಿಯಃ ಕ್ಷೌಮ್ಯಃ ಕ್ಷ್ಮಾಭೃತ್ ಕ್ಷಪಣಕಃ ಕ್ಷರಃ || ೬೩ ||
ಕ್ಷಾಂಕಾರಬೀಜನಿಲಯಃ ಕ್ಷಮಾವಾನ್ ಕ್ಷೋಭವರ್ಜಿತಃ |
ಕ್ಷೋಭಹಾರೀ ಕ್ಷೋಭಕಾರೀ ಕ್ಷ್ಮಾಬೀಜಃ ಕ್ಷ್ಮಾಸ್ವರೂಪಧೃತ್ || ೬೪ ||
ಕ್ಷೇಂಕಾರಬೀಜನಿರತಃ ಕ್ಷೌಮಾಂಬರವಿಭೂಷಣಃ |
ಕ್ಷೋಣೀಪತಿಪ್ರಿಯಕರಃ ಕ್ಷಪಾಪಾಲಃ ಕ್ಷಪಾಕರಃ || ೬೫ ||
ಕ್ಷೇತ್ರಜ್ಞಃ ಕ್ಷೇತ್ರಪಾಲಶ್ಚ ಕ್ಷಯರೋಗಕ್ಷಯಂಕರಃ |
ಕ್ಷಾಮೋದರಃ ಕ್ಷಾಮಗಾತ್ರಃ ಕ್ಷಯಮಾಸಃ ಕ್ಷಯಾನುಗಃ || ೬೬ ||
ಅಭೂತೋಽನಂತವರದೋ ಹ್ಯನಸೂಯಾಪ್ರಿಯಂಕರಃ | [ಅದ್ಭುತೋ]
ಅತ್ರಿಪುತ್ರೋಽಗ್ನಿಗರ್ಭಶ್ಚಾಪ್ಯಚ್ಯುತೋಽನಂತವಿಕ್ರಮಃ || ೬೭ ||
ಆದಿಮಧ್ಯಾಂತರಹಿತಶ್ಚಾಣಿಮಾದಿಗುಣಾಕರಃ |
ಅಕ್ಷರೋಽನುಗುಣೈಶ್ವರ್ಯಶ್ಚಾರ್ಹೇವಾಚ್ಯಸ್ತ್ವಹಂಮತಿಃ || ೬೮ ||
ಆದಿತ್ಯೋಽಷ್ಟಗುಣಶ್ಚಾತ್ಮಾ ಚಾಧ್ಯಾತ್ಮಪ್ರೀತಮಾನಸಃ |
ಆದ್ಯಶ್ಚಾಜ್ಯಪ್ರಿಯಶ್ಚಾತ್ಮಾ ತ್ವಾಮ್ರಪುಷ್ಪವಿಭೂಷಣಃ || ೬೯ ||
ಆಮ್ರಪುಷ್ಪಪ್ರಿಯಃ ಪ್ರಾಣ ಆರ್ಷ ಆಮ್ರಾತಕೇಶ್ವರಃ |
ಇಂಗಿತಜ್ಞಸ್ತಥೇಷ್ಟಜ್ಞ ಇಷ್ಟಭೂತ ಇಷುಸ್ತಥಾ || ೭೦ ||
ಇಷ್ಟಾಪೂರ್ತಪ್ರಿಯಶ್ಚೇಷ್ಟ ಈಶ್ವರಶ್ಚೇಶವಲ್ಲಭಃ |
ಈಕಾರಶ್ಚೇಶ್ವರಾಧೀನ ಈಕ್ಷಿತಶ್ಚೇಶವಾಚಕಃ || ೭೧ ||
ಉತ್ಕಶ್ಚೋಕಾರಗರ್ಭಶ್ಚಾಪ್ಯುಕಾರಾಯ ನಮೋ ನಮಃ |
ಊಹಾಪೋಹವಿನಿರ್ಮುಕ್ತಶ್ಚೋಷಾ ಚೋಷಾಮಣಿಸ್ತಥಾ || ೭೨ ||
ಋದ್ಧಿಕಾರೀ ಋದ್ಧಿರೂಪೀ ಋದ್ಧಿಪ್ರಾವರ್ತಕೇಶ್ವರಃ |
ೠಕಾರವರ್ಣಭೂಷಾಢ್ಯ ೠಕಾರಾಯ ನಮೋ ನಮಃ || ೭೩ ||
ಲು*ಕಾರಗರ್ಭಸಂಯುಕ್ತ ಲೂ*ಕಾರಾಯ ನಮೋ ನಮಃ |
ಏಕಾರಗರ್ಭಶ್ಚೈಕಸ್ಯ ಏಷಶ್ಚೈತತ್ಪ್ರವರ್ತಕಃ || ೭೪ ||
ಏಕ ಏಕಾಕ್ಷರಶ್ಚೈಕವೀರಪ್ರಿಯತರಾಯ ತೇ |
ಏಕವೀರಾಪತಿಶ್ಚೈವ ಐಂ ಐಂ ಶಬ್ದಪರಾಯಣಃ || ೭೫ ||
ಐಂದ್ರಪ್ರಿಯಶ್ಚೈಕ್ಯಕಾರೀ ಐಂ ಬೀಜಜಪತತ್ಪರಃ |
ಓಘಶ್ಚೌಕಾರಬೀಜಶ್ಚ ಓಂಕಾರಾಯ ನಮೋ ನಮಃ || ೭೬ ||
ಓಂಕಾರಬೀಜನಿಲಯಶ್ಚೌಂಕಾರೇಶ್ವರಪೂಜಿತಃ |
ಅಂತಿಕೋಽಂತಿಮವರ್ಣಶ್ಚ ಅಂ ಅಃ ವರ್ಣಾಂಚಿತೋಽಂಚಿತಃ || ೭೭ ||
ಕಳಂಕಹೀನಃ ಕಂಕಾಲಃ ಕ್ರೂರಃ ಕುಕ್ಕುಟವಾಹನಃ |
ಕಾಮಿನೀವಲ್ಲಭಃ ಕಾಮೀ ಕಾಮಾರ್ತಃ ಕಮನೀಯಕಃ || ೭೮ ||
ಕಳಾನಿಧಿಃ ಕೀರ್ತಿನಾಥಃ ಕಾಮೇಶೀಹೃದಯಂಗಮಃ |
ಕಾಮೇಶ್ವರಃ ಕಾಮರೂಪಃ ಕಾಲಕಾಲಃ ಕಳಾನಿಧಿಃ || ೭೯ ||
ಕೃಷ್ಣಃ ಕಾಶೀಪತಿಃ ಕಾಲಃ ಕುಲಚೂಡಾಮಣಿಃ ಕರಃ |
ಕೇಶವಃ ಕೇವಲಃ ಕಾಂತಃ ಕಾಳಿಕಾವರದಾಯಕಃ || ೮೦ ||
ಕಾಶ್ಮೀರಸಂಪ್ರದಾಯಜ್ಞಃ ಕಾಲಃ ಕಾಮಕಲಾತ್ಮಕಃ |
ಖಟ್ವಾಂಗಪಾಣಿಃ ಖಾತೀತಃ ಖರಶೂರಃ ಖರಾಂತಕೃತ್ || ೮೧ ||
ಖೇಲನಃ ಖೇಟಕಃ ಖಡ್ಗಃ ಖಡ್ಗನಾಥಃ ಖಗೇಶ್ವರಃ |
ಖೇಚರಃ ಖೇಚರನಾಥೋ ಗಣನಾಥಸಹೋದರಃ || ೮೨ ||
ಗಾಢೋ ಗಗನಗಂಭೀರೋ ಗೋಪಾಲೋ ಗೂರ್ಜರೋ ಗುರುಃ |
ಗಣೇಶೋ ಗಾಯಕೋ ಗೋಪ್ತಾ ಗಾಯತ್ರೀವಲ್ಲಭೋ ಗರುತ್ || ೮೩ ||
ಗೋಮತೋ ಗರುಡೋ ಗೌರೋ ಗೋಪೀಶೋ ಗಿರಿಶೋ ಗುಹಃ |
ಗತಿರ್ಗಮ್ಯೋ ಗೋಪನೀಯೋ ಗೋಮಯೋ ಗೋಚರೋ ಗಣಃ || ೮೪ ||
ಗೋರಂಭಾಪುಷ್ಪರುಚಿರೋ ಗಾಣಾಪತ್ಯೋ ಗಣಪ್ರಿಯಃ |
ಘಂಟಾಕರ್ಣೋ ಘರ್ಮರಶ್ಮಿರ್ಘೃಣಿರ್ಘಂಟಾಪ್ರಿಯೋ ಘಟಃ || ೮೫ ||
ಘಟಸರ್ಪೋ ಘೂರ್ಣಿತಶ್ಚ ಘೃಮಣಿರ್ಘೃತಕಂಬಳಃ |
ಘಂಟಾನಿನಾದರುಚಿರೋ ಘೃಣಾಲಜ್ಜಾವಿವರ್ಜಿತಃ || ೮೬ ||
ಘೃಣಿಮಂತ್ರಜಪಪ್ರೀತಃ ಘೃತಯೋನಿರ್ಘೃತಪ್ರಿಯಃ |
ಘರ್ಘರೋ ಘೋರನಾದಶ್ಚ ಘೋರಶಾಸ್ತ್ರಪ್ರವರ್ತಕಃ || ೮೭ ||
ಘನಾಘನೋ ಘೋಷಯುಕ್ತೋ ಘೋಟಕೋ ಘೋಟಕೇಶ್ವರಃ |
ಘನೋ ಘನರುಚಿರ್ಘ್ರಾಂ ಘ್ರೀಂ ಘ್ರೂಂ ಘ್ರೈಂ ಘ್ರೌಂ ಮಂತ್ರರೂಪಧೃತ್ || ೮೮ ||
ಘನಶ್ಯಾಮೋ ಘಟಜನುಃ ಘಟೋತ್ಕೀರ್ಣೋ ಘಟಾತ್ಮಕಃ |
ಘಟೋಥ ಘುಘುಕೋ ಘೂಕೋ ಚತುರಶ್ಚಂಚಲಶ್ಚಲಃ || ೮೯ ||
ಚಕ್ರೀ ಚಕ್ರಧರಶ್ಚಕ್ರಶ್ಚಿಂಬೀಜಜಪತತ್ಪರಃ |
ಚಂಡಶ್ಚಂಡೀಶ್ವರಶ್ಚಾರುಶ್ಚಕ್ರಪಾಣಿಶ್ಚರಾಚರಃ || ೯೦ ||
ಚರಾಚರಮಯಶ್ಚಿಂತಾಮಣಿಶ್ಚಿಂತಿತಸಾರಥಿಃ |
ಚಂಡರಶ್ಮಿಶ್ಚಂದ್ರಮೌಳಿಶ್ಚಂಡೀಹೃದಯನಂದನಃ || ೯೧ ||
ಚಕ್ರಾಂಕಿತಶ್ಚಂಡದೇವಪ್ರಿಯಶ್ಚಂಡಾಲಶೇಖರಃ |
ಚಂಡಶ್ಚಂಡಾಲದಮನಶ್ಚಿತ್ರಿತಶ್ಚಿಂತಿತಾರ್ಥವಿತ್ || ೯೨ ||
ಚಿತ್ರಾರ್ಪಿತಶ್ಚಿತ್ರಮಯಶ್ಚಿದ್ವಿದ್ಯಶ್ಚಿನ್ಮಯಶ್ಚ ಚಿತ್ |
ಚಿಚ್ಛಕ್ತಿಶ್ಚೇತನಶ್ಚಿತ್ಯಶ್ಚಿದಾಭಾಸಶ್ಚಿದಾತ್ಮಕಃ || ೯೩ ||
ಛದ್ಮಚಾರೀ ಛದ್ಮಗತಿಶ್ಛಾತ್ರಶ್ಛತ್ರಪ್ರಿಯಚ್ಛವಿಃ |
ಛೇದಕಶ್ಛೇದನಶ್ಛಂದಶ್ಛಂದಃ ಶಾಸ್ತ್ರವಿಶಾರದಃ || ೯೪ ||
ಛಂದೋಮಯಶ್ಚ ಛಂದಜ್ಞಶ್ಛಂದಸಾಂ ಪತಿರಿತ್ಯಪಿ |
ಛಂದಶ್ಛೇದಶ್ಛಾದನೀಯಶ್ಛನ್ನಶ್ಛದ್ಮರಹಸ್ಯವಿತ್ || ೯೫ ||
ಛತ್ರಧಾರೀ ಛತ್ರಪತಿಶ್ಛತ್ರದಶ್ಛತ್ರಪಾಲಕಃ |
ಛಿನ್ನಾಪ್ರಿಯಶ್ಛಿನ್ನಮಸ್ತಶ್ಛಿನ್ನಮಂತ್ರಪ್ರಸಾದಕಃ || ೯೬ ||
ಛಿನ್ನತಾಂಡವಸಂತುಷ್ಟಶ್ಛಿನ್ನಯೋಗವಿಶಾರದಃ |
ಜಾಬಾಲಿಪೂಜ್ಯೋ ಜನ್ಮಾದ್ಯೋ ಜನಿತಾನಾಮಜಾಪಕಃ || ೯೭ || [ಜನ್ಮನಾಶಕಃ]
ಜಮಲಾರ್ಜುನನಿರ್ನಾಶೀ ಜಮಲಾರ್ಜುನತಾಡನಃ |
ಜನ್ಮಭೂಮಿರ್ಜರಾಹೀನೋ ಜಾಮಾತೃವರದೋ ಜಪಃ || ೯೮ ||
ಜಪಾಪುಷ್ಪಪ್ರಿಯಕರೋ ಜಪಾದಾಡಿಮರಾಗಧೃತ್ |
ಜೈನಮಾರ್ಗರತೋ ಜೈನೋ ಜಿತಕ್ರೋಧೋ ಜಿತಾಮಯಃ || ೯೯ ||
ಜೂಂ ಜೂಂ ಜಟಾಭಸ್ಮಧರೋ ಜಟಾಧಾರೋ ಜಟಾಧರಃ |
ಜರಾಧರೋ ಜರತ್ಕಾರೋ ಜಾಮಿತ್ರವರದೋ ಜರ್ವಃ || ೧೦೦ ||
ಜೀವನೋ ಜೀವನಾಧಾರೋ ಜ್ಯೋತಿಃಶಾಸ್ತ್ರವಿಶಾರದಃ |
ಜ್ಯೋತಿರ್ಜ್ಯೋತ್ಸ್ನಾಮಯೋ ಜೇತಾ ಜಯೋ ಜನ್ಮಕೃತಾದರಃ || ೧೦೧ ||
ಜ್ಯೋತಿರ್ಲಿಂಗೋ ಜ್ಯೋತಿರೂಪೋ ಜೀಮೂತವರದಾಯಕಃ |
ಜಿತೋ ಜೇತಾ ಜನ್ಮಪಾರೋ ಜ್ಯೋತ್ಸ್ನಾಜಾಲಪ್ರವರ್ತಕಃ || ೧೦೨ ||
ಜನ್ಮಾಧ್ವನಾಶನೋ ಜೀವೋ ಜೀವಾತುರ್ಜೀವನೌಷಧಃ |
ಜರಾಹರೋ ಜಾಡ್ಯಹರೋ ಜನ್ಮಾಜನ್ಮವಿವರ್ಜಿತಃ || ೧೦೩ ||
ಜನಕೋ ಜನನೀನಾಥೋ ಜೀಮೂತೋ ಜೂಂ ಮನುರ್ಜಯಃ |
ಜಪಮಾಲೀ ಜಗನ್ನಾಥೋ ಜಗತ್ಸ್ಥಾವರಜಂಗಮಃ || ೧೦೪ ||
ಜಠರೋ ಜಾರವಿಜ್ಜಾರೋ ಜಠರಾಗ್ನಿಪ್ರವರ್ತಕಃ |
ಜಾಮಿತ್ರೋ ಜೈಮಿನಿಪ್ರೀತೋ ಜಿತಶಾಸ್ತ್ರಪ್ರವರ್ತಕಃ || ೧೦೫ ||
ಜೀರ್ಣೋ ಜೀರ್ಣತರೋ ಜಾತಿರ್ಜಾತಿನಾಥೋ ಜಗನ್ಮಯಃ |
ಜಗತ್ಪ್ರೀತೋ ಜಗತ್ತ್ರಾತಾ ಜಗಜ್ಜೀವನಕೌತುಕಃ || ೧೦೬ ||
ಝರಿರ್ಝರ್ಝುರಿಕೋ ಝಂಝಾವಾಯುರ್ಝಿಂಝಿಂಕೃಜ್ಝಿಂಕೃತಿಃ |
ಜ್ಞಾನೇಶ್ವರೋ ಜ್ಞಾನಗಮ್ಯೋ ಜ್ಞಾನಮಾರ್ಗಪರಾಯಣಃ || ೧೦೭ ||
ಜ್ಞಾನಕಾಂಡೀ ಜ್ಞೇಯಕಾಂಡೀ ಜ್ಞೇಯೋ ಜ್ಞೇಯವಿವರ್ಜಿತಃ |
ಟಂಕಾಸ್ತ್ರಧಾರೀ ಟಿತ್ಕಾರಷ್ಟೀಕಾಟಿಪ್ಪಣಕಾರಕಃ || ೧೦೮ ||
ಟಾಂ ಟೀಂ ಟೂಂ ಜಪಸಂತುಷ್ಟಷ್ಟಿಟ್ಟಿಭಷ್ಟಿಟ್ಟಿಭಾಸನಃ |
ಟಿಟ್ಟಿಭಾನಂತ್ಯಸಹಿತಷ್ಟಕಾರಾಕ್ಷರಭೂಷಿತಃ || ೧೦೯ ||
ಟಕಾರಕಾರೀ ಟಾಸಿದ್ಧಷ್ಟಮೂರ್ತಿಷ್ಟಾಕೃತಿಷ್ಟದಃ |
ಠಾಕುರಷ್ಠಕುರಷ್ಠಂಠಷ್ಠಠಬೀಜಾರ್ಥವಾಚಕಃ || ೧೧೦ ||
ಠಾಂ ಠೀಂ ಠೂಂ ಜಪಯೋಗಾಢ್ಯೋ ಡಾಮರೋ ಡಾಕಿನೀಮಯಃ |
ಡಾಕಿನೀನಾಯಕೋ ಡಾಂ ಡೀಂ ಡೂಂ ಡೈಂ ಶಬ್ದಪರಾಯಣಃ || ೧೧೧ ||
ಡಕಾರಾತ್ಮಾ ಡಾಮಯಶ್ಚ ಡಾಮರೀಶಕ್ತಿರಂಜಿತಃ |
ಡಾಕರೋ ಡಾಂಕರೋ ಡಿಂ ಡಿಂ ಡಿಂ ಡಿಂ ವಾದನತತ್ಪರಃ || ೧೧೨ ||
ಡಕಾರಾಢ್ಯೋ ಡಾಂಕಹೀನೋ ಡಮರೂವಾದ್ಯತತ್ಪರಃ |
ಡಾಮರೇಶೋ ಡಾಂಕನಾಥೋ ಢಕ್ಕಾವಾದನತತ್ಪರಃ || ೧೧೩ ||
ಢಾಂಕೃತಿರ್ಢಪತಿರ್ಢಾಂ ಢೀಂ ಢೂಂ ಢೈಂ ಢೌಂ ಶಬ್ದತತ್ಪರಃ |
ಢೀಢೀಭೂಷಣಭೂಷಾಢ್ಯೋ ಢೀಂ ಢೀಂ ಪಾಲೋ ಢಪಾರಜಃ || ೧೧೪ ||
ತರಸ್ಥಸ್ತರಮಧ್ಯಸ್ಥಃ ತರದಂತರಮಧ್ಯಗಃ |
ತಾರಕಸ್ತಾರತಮ್ಯಶ್ಚ ತರನಾಥಸ್ತನಾಸ್ತನಃ || ೧೧೫ ||
ತರುಣಸ್ತಾಮ್ರಚೂಡಶ್ಚ ತಮಿಸ್ರಾನಾಯಕಸ್ತಮೀ |
ತೋತ್ರದಸ್ತಾಲದಸ್ತೀವ್ರಸ್ತೀವ್ರವೇಗಸ್ತಶಬ್ದಧೃತ್ || ೧೧೬ ||
ತಾಲೀಮತಸ್ತಾಲಧರಸ್ತಪಃಸಾರಸ್ತ್ರಪಾಕರಃ |
ತಂತ್ರಮಾರ್ಗರತಸ್ತಂತ್ರೀ ತಾಂತ್ರಿಕಸ್ತಾಂತ್ರಿಕೋತ್ತಮಃ || ೧೧೭ ||
ತುಷಾರಾಚಲಮಧ್ಯಸ್ಥಸ್ತುಷಾರವನಭೂಷಣಃ |
ತುರ್ಯಸ್ತುಂಬೀಫಲಪ್ರಾಣಸ್ತುಲಜಾಪುರನಾಯಕಃ || ೧೧೮ ||
ತೀವ್ರಯಜ್ಞಕರಸ್ತೀವ್ರಮೂಢಯಜ್ಞಸಮಾಜಗಃ |
ತ್ರಿವರ್ಗಯಜ್ಞದಸ್ತಾರಸ್ತ್ರ್ಯಂಬಕಸ್ತ್ರಿಪುರಾಂತಕಃ || ೧೧೯ ||
ತ್ರಿಪುರಾಂತಸ್ತ್ರಿಸಂಹಾರಕಾರಕಸ್ತೈತ್ತಿರೀಯಕಃ |
ತ್ರಿಲೋಕಮುದ್ರಿಕಾಭೂಷಸ್ತ್ರಿಪಂಚನ್ಯಾಸಸಂಯುತಃ || ೧೨೦ ||
ತ್ರಿಷುಗ್ರಂಧಿಸ್ತ್ರಿಮಾತ್ರಶ್ಚ ತ್ರಿಶಿರಸ್ತ್ರಿಮುಖಸ್ತ್ರಿಕಃ |
ತ್ರಯೀಮಯಶ್ಚ ತ್ರಿಗುಣಃ ತ್ರಿಪಾದಶ್ಚ ತ್ರಿಹಸ್ತಕಃ || ೧೨೧ ||
ತಂತ್ರಿರೂಪಸ್ತ್ರಿಕೋಣೇಶಸ್ತ್ರಿಕಾಲಜ್ಞಸ್ತ್ರಯೀಮಯಃ |
ತ್ರಿಸಂಧ್ಯಶ್ಚ ತ್ರಿತಾರಶ್ಚ ತಾಮ್ರಪರ್ಣೀಜಲಪ್ರಿಯಃ || ೧೨೨ ||
ತೋಮರಸ್ತುಮುಲಸ್ತೂಲಸ್ತೂಲಾಪುರುಷರೂಪಧೃತ್ |
ತರೀ ತಂತ್ರೀ ತಂತ್ರಿತಂತ್ರೀ ತೃತೀಯಸ್ತರುಶೇಖರಃ || ೧೨೩ ||
ತರುಣೇಂದುಶಿರಾಸ್ತಾಪಸ್ತ್ರಿಪಥಾತೋಯಶೇಖರಃ |
ತ್ರಿಬೀಜೇಶಸ್ತ್ರಿಸ್ವರೂಪಸ್ತಿತೀಶಬ್ದಪರಾಯಣಃ || ೧೨೪ ||
ತಾರನಾಯಕಭೂಷಶ್ಚ ತಿತೀವಾದನಚಂಚಲಃ |
ತೀಕ್ಷ್ಣಸ್ತ್ರೈರಾಶಿಕಸ್ತ್ರ್ಯಕ್ಷಸ್ತಾರಸ್ತಾಟಂಕವಾದನಃ || ೧೨೫ ||
ತೃತೀಯಸ್ತಾರಕಸ್ತಂಭಸ್ತಂಭಮಧ್ಯಕೃತಾದರಃ |
ತತ್ತ್ವರೂಪಸ್ತಲಸ್ತಾಲಸ್ತೋಲಕಸ್ತಂತ್ರಭೂಷಣಃ || ೧೨೬ ||
ತತಸ್ತೋಮಮಯಃ ಸ್ತೌತ್ಯ ಸ್ಥೂಲಬುದ್ಧಿಸ್ತ್ರಪಾಕರಃ |
ತುಷ್ಟಿಸ್ತುಷ್ಟಿಮಯಃ ಸ್ತೋತ್ರಪಾಠಃ ಸ್ತೋತ್ರರತಸ್ತೃಟೀ || ೧೨೭ ||
ತ್ರಿಶರಾಶ್ಚ ತ್ರಿಬಿಂದುಶ್ಚ ತೀವ್ರಾಸ್ತಾರಸ್ತ್ರಯೀಗತಿಃ |
ತ್ರಿಕಾಲಜ್ಞಸ್ತ್ರಿಕಾಲಶ್ಚ ತ್ರಿಜನ್ಮಾ ಚ ತ್ರಿಮೇಖಲಃ || ೧೨೮ ||
ತ್ರಿದೋಷಘ್ನಸ್ತ್ರಿವರ್ಗಶ್ಚ ತ್ರೈಕಾಲಿಕಫಲಪ್ರದಃ |
ತತ್ತ್ವಶುದ್ಧಸ್ತತ್ತ್ವಮಂತ್ರಸ್ತತ್ತ್ವಮಂತ್ರಫಲಪ್ರದಃ || ೧೨೯ ||
ತ್ರಿಪುರಾರಿಸ್ತ್ರಿಮಧುರಸ್ತ್ರಿಶಕ್ತೀಶಸ್ತ್ರಿತತ್ತ್ವಧೃತ್ |
ತೀರ್ಥಪ್ರೀತಸ್ತೀರ್ಥರತಸ್ತೀರ್ಥೋದಾನಪರಾಯಣಃ || ೧೩೦ ||
ತ್ರಿಮಲ್ಲೇಶಸ್ತ್ರಿಂತ್ರಿಣೀಶಸ್ತೀರ್ಥಶ್ರಾದ್ಧಫಲಪ್ರದಃ |
ತೀರ್ಥಭೂಮಿರತಸ್ತೀರ್ಥೀ ತಿತ್ತಿರೀಫಲಭೋಜನಃ || ೧೩೧ ||
ತಿತ್ತಿರೀಫಲಭೂಷಾಢ್ಯಸ್ತಾಮ್ರನೇತ್ರವಿಭೂಷಿತಃ |
ತಕ್ಷಃ ಸ್ತೋತ್ರಮಯಃ ಸ್ತೋತ್ರಃ ಸ್ತೋತ್ರಪ್ರೀತಃ ಸ್ತುತಿಪ್ರಿಯಃ || ೧೩೨ ||
ಸ್ತವರಾಜಪ್ರಿಯಪ್ರಾಣಃ ಸ್ತವರಾಜಜಪಪ್ರಿಯಃ |
ತೇಮನಾನ್ನಪ್ರಿಯಸ್ತಿಗ್ಮಸ್ತಿಗ್ಮರಶ್ಮಿಸ್ತಿಥಿಪ್ರಿಯಃ || ೧೩೩ ||
ತೈಲಪ್ರೀತಸ್ತೈಲಮಾಲಾಸ್ತೈಲಭೋಜನತತ್ಪರಃ |
ತೈಲದೀಪಪ್ರಿಯಸ್ತೈಲಮರ್ದಕಾನಂತಶಕ್ತಿಧೃತ್ || ೧೩೪ ||
ತೈಲಪಕ್ವಾನ್ನಸಂತುಷ್ಟಸ್ತಿಲಚರ್ವಣಲಾಲಸಃ |
ತೈಲಾಭಿಷೇಕಸಂತುಷ್ಟಸ್ತಿಲತರ್ಪಣತತ್ಪರಃ || ೧೩೫ ||
ತಿಲಾಹಾರಪ್ರಿಯಪ್ರಾಣಸ್ತಿಲಮೋದಕತೋಷಣಃ |
ತಿಲಪಿಷ್ಟಾನ್ನಭೋಜೀ ಚ ತಿಲಪರ್ವತರೂಪಧೃತ್ || ೧೩೬ ||
ತಿಲದಾನಪ್ರಿಯಶ್ಚೈವ ತಿಲಹೋಮಪ್ರಾಸಾದಕಃ |
ತಿಲವ್ರತಪ್ರಿಯಪ್ರಾಣಸ್ತಿಲಮಿಶ್ರಾನ್ನಭೋಜನಃ || ೧೩೭ ||
ತಿಲದಾನಸ್ತಿಲಾನಂದಸ್ತಿಲಭೋಜೀತಿಲಪ್ರಿಯಃ |
ತಿಲಭಕ್ಷಪ್ರಿಯಶ್ಚೈವ ತಿಲಭೋಗರತಸ್ತಥಾ || ೧೩೮ ||
ಥಕಾರಕೂಟನಿಲಯಃ ಥೈಥೈಥೈಶಬ್ದತತ್ಪರಃ |
ಥಿಮೀಥಿಮೀಥಿಮೀರೂಪಃ ಥೈಥೈಥೈನಾಟ್ಯನಾಯಕಃ || ೧೩೯ ||
ಉತ್ತರಪೀಠಿಕಾ –
ಸ್ಥಾಣುರೂಪೋ ಮಹೇಶಾನಿ ಪ್ರೋಕ್ತಂ ನಾಮಸಹಸ್ರಕಮ್ |
ಗೋಪ್ಯಾದ್ಗೋಪ್ಯಂ ಮಹೇಶಾನಿ ಸಾರಾತ್ ಸಾರತರಂ ಪರಮ್ || ೧೪೦ ||
ಜ್ಞಾನಕೈವಲ್ಯನಾಮಾಖ್ಯಂ ನಾಮಸಾಹಸ್ರಕಂ ಶಿವೇ |
ಯಃ ಪಠೇತ್ ಪ್ರಯತೋ ಭೂತ್ವಾ ಭಸ್ಮಭೂಷಿತವಿಗ್ರಹಃ || ೧೪೧ ||
ರುದ್ರಾಕ್ಷಮಾಲಾಭರಣೋ ಭಕ್ತಿಮಾನ್ ಜಪತತ್ಪರಃ |
ಸಹಸ್ರನಾಮ ಪ್ರಪಠೇತ್ ಜ್ಞಾನಕೈವಲ್ಯಕಾಭಿಧಮ್ || ೧೪೨ ||
ಸರ್ವಸಿದ್ಧಿಮವಾಪ್ನೋತಿ ಸಾಕ್ಷಾತ್ಕಾರಂ ಚ ವಿಂದತಿ |
ಯಸ್ಯೈಕವಾರಪಠನಂ ಕಿಂ ತಸ್ಯ ನರಕೇ ಸ್ಥಿತಮ್ || ೧೪೩ ||
ಪ್ರಾತರ್ಮಧ್ಯಾಹ್ನಕಾಲೇ ಚ ಸಂಧ್ಯಾಯಾಂ ಚ ವಿಶೇಷತಃ |
ಅನಂತಮಹಿಮಾಖ್ಯಂ ಚ ಜ್ಞಾನಕೈವಲಕಾಭಿಧಮ್ || ೧೪೪ ||
ಸ್ತೌತಿ ಶ್ರೀದಕ್ಷಿಣಾಮೂರ್ತಿಂ ಶಾಸ್ತ್ರವಿಧಿಂ ಚ ವಿಂದತಿ |
ತತ್ತ್ವಮುದ್ರಾಂ ವಾಮಕರೇ ಕೃತ್ವಾ ನಾಮಸಹಸ್ರಕಮ್ || ೧೪೫ ||
ಪ್ರಪಠೇತ್ಪಂಚಸಾಹಸ್ರಂ ಪುರಶ್ಚರಣಮುಚ್ಯತೇ |
ಚತುರ್ದಶ್ಯಾಮಥಾಷ್ಟಮ್ಯಾಂ ಪ್ರದೋಷೇ ಚ ವಿಶೇಷತಃ || ೧೪೬ ||
ಶನಿಪ್ರದೋಷೇ ದೇವೇಶಿ ತಥಾ ಸೋಮಸ್ಯ ವಾಸರೇ |
ನಕ್ತಭೋಜೀ ಹವಿಷ್ಯಾಶೀ ನಾಮಸಾಹಸ್ರಪಾಠಕಃ || ೧೪೭ ||
ಸರ್ವಸಿದ್ಧಿಮವಾಪ್ನೋತಿ ಚಾಂತೇ ಕೈವಲ್ಯಮಶ್ನುತೇ |
ಶಿವನಾಮ್ನಾ ಜಾತಭೋಧೋ ವಾಙ್ಮನಃ ಕಾಯಕರ್ಮಭಿಃ || ೧೪೮ ||
ಶಿವೋಽಹಮಿತಿ ವೈ ಧ್ಯಾಯನ್ ನಾಮಸಾಹಸ್ರಕಂ ಪಠೇತ್ |
ಸರ್ವಸಿದ್ಧಿಮವಾಪ್ನೋತಿ ಸರ್ವಶಾಸ್ತ್ರಾರ್ಥವಿದ್ಭವೇತ್ || ೧೪೯ ||
ರಾಜ್ಯಾರ್ಥೀ ರಾಜ್ಯಮಾಪ್ನೋತಿ ಧನಾರ್ಥೀ ಧನಮಕ್ಷಯಮ್ |
ಯಶೋಽರ್ಥೀ ಕೀರ್ತಿಮಾಪ್ನೋತಿ ನಾಮಸಾಹಸ್ರಪಾಠಕಃ || ೧೫೦ ||
ರೋಗಾರ್ತೋ ಮುಚ್ಯತೇ ರೋಗಾದ್ಬದ್ಧೋ ಮುಚ್ಯೇತ ಬಂಧನಾತ್ |
ಅಗ್ನಿಃ ಸ್ತಂಭಂ ಜಲಸ್ತಂಭಂ ವಾಯುಸ್ತಂಭಂ ವಿವಸ್ವತಃ || ೧೫೧ ||
ಗತೇಸ್ತಂಭಂ ಕರೋತ್ಯೇವ ನಾತ್ರ ಕಾರ್ಯಾ ವಿಚಾರಣಾ |
ಅಭಿಮಂತ್ರ್ಯ ಜಲಂ ದೇವಿ ಮಾತೃಕಾಬೀಜಯೋಗತಃ || ೧೫೨ ||
ಅಯುತಂ ಪ್ರಜಪೇದ್ದೇವಿ ತತೋ ನಾಮಸಹಸ್ರಕಮ್ |
ಪ್ರಪಠೇತ್ ಪರಮೇಶಾನಿ ಸರ್ವವಾಕ್ಸಿದ್ಧಿಮಾಪ್ನುಯಾತ್ || ೧೫೩ ||
ಜಲಪಾನವಿಧಾನೇನ ಯತ್ಕಾರ್ಯಂ ಜಾಯತೇ ಶೃಣು |
ಆದೌ ಮಂತ್ರಶತಂ ಜಪ್ತ್ವಾ ತತೋ ನಾಮ ಸಹಸ್ರಕಮ್ || ೧೫೪ ||
ಪುನಃ ಶತಂ ಜಪೇನ್ಮಂತ್ರಂ ಜಲಂ ಚಾನೇನ ಮಂತ್ರಯೇತ್ |
ತ್ರಿವಾರಮೇವಂ ಕೃತ್ವಾ ತು ನಿತ್ಯಂ ಸ್ಯಾಜ್ಜಲಪಾನಕಃ || ೧೫೫ ||
ಜಲಪಾನವಿಧಾನೇನ ಮೂಕೋಽಪಿ ಸುಕವಿರ್ಭವೇತ್ |
ವಿನಾಽಽಯಾಸೈರ್ವಿನಾಽಽಭ್ಯಾಸೈರ್ವಿನಾ ಪಾಠಾದಿಭಿಃ ಪ್ರಿಯೇ || ೧೫೬ ||
ಚತುರ್ವಿಧಂ ಚ ಪಾಂಡಿತ್ಯಂ ತಸ್ಯ ಹಸ್ತಗತಂ ಪ್ರಿಯೇ |
ಸರ್ವತ್ರ ಜಯಮಾಪ್ನೋತಿ ಮಂತ್ರಸಿದ್ಧಿಂ ಚ ವಿಂದತಿ || ೧೫೭ ||
ರುದ್ರವಾರಂ ಜಪೇನ್ನಿತ್ಯಂ ಏಕವಿಂಶದಿನಂ ಪ್ರಿಯೇ |
ಸರ್ವತ್ರ ಜಯಮಾಪ್ನೋತಿ ನಾತ್ರ ಕಾರ್ಯಾ ವಿಚಾರಣಾ || ೧೫೮ ||
ಅಥವಾ ದೇವದೇವೇಶಿ ಪಠೇನ್ನಾಮಸಹಸ್ರಕಮ್ |
ಯತ್ಕೃತ್ವಾ ದೇವದೇವೇಶಿ ಕಿಂ ತದ್ಯನ್ನ ಕರೋತಿ ಹಿ || ೧೫೯ ||
ಗೋಮೂತ್ರಜಂ ಚರುಂ ಕೃತ್ವಾ ತ್ರಿಸಹಸ್ರಂ ಮನುಂ ಜಪೇತ್ |
ತದಂತೇ ನಾಮಸಾಹಸ್ರಂ ತಾವದ್ವಾರಂ ಜಪೇಚ್ಛಿವೇ || ೧೬೦ ||
ಮಾಸಮಾತ್ರಪ್ರಯೋಗೇಣ ರಾಜರಾಜಸಮೋ ಭವೇತ್ |
ಕ್ರಮವೃದ್ಧ್ಯಾ ಕುಂಭಕಾನಿ ಮಂತ್ರಾಣಾಂ ಶತಸಂಖ್ಯಯಾ || ೧೬೧ ||
ಕೃತ್ವಾ ಯಃ ಪ್ರಪಠೇದ್ದೇವಿ ನ ಸಾಧ್ಯಂ ತಸ್ಯ ವಿದ್ಯತೇ |
ಬ್ರಹ್ಮಚರ್ಯರತೋ ಮಂತ್ರೀ ಮಧೂಕರಪರಾಯಣಃ || ೧೬೨ ||
ಸಹಸ್ರಂ ಪ್ರಜಪೇನ್ನಿತ್ಯಂ ತತೋ ನಾಮ ಸಹಸ್ರಕಮ್ |
ಪ್ರಪಠೇತ್ ಪರಮೇಶಾನಿ ಸಾಕ್ಷಾಚ್ಛಿವಸಮೋ ಭವೇತ್ || ೧೬೩ ||
ಗುರುಭಕ್ತಾಯ ದಾತವ್ಯಂ ನಾಭಕ್ತಾಯ ಕದಾಚನ |
ಪರನಿಂದಾ ಪರದ್ರೋಹಿ ಪರವಾದರತಾಯ ಚ || ೧೬೪ ||
ಪರಸ್ತ್ರೀನಿರತಯಾ ಚ ನ ದೇಯಂ ಸರ್ವದಾ ಪ್ರಿಯೇ |
ಶಿಷ್ಯಾಯ ಗುರುಭಕ್ತಾಯ ಶಿವಾದ್ವೈತಪರಾಯ ಚ || ೧೬೫ ||
ಉಪಾಸಕಾಯ ದೇಯಂ ಹಿ ನಾನ್ಯಥಾ ನಶ್ಯತಿ ಧೃವಮ್ |
ಗೋಪನೀಯಂ ಗೋಪನೀಯಂ ಗೋಪನೀಯಂ ಪ್ರಯತ್ನತಃ || ೧೬೬ ||
ಸ್ವಯೋನಿರಿವ ಗೋಪ್ತವ್ಯಂ ನ ದೇಯಂ ಯಸ್ಯ ಕಸ್ಯ ತು |
ಇತಿ ಸಂಕ್ಷೇಪತಃ ಪ್ರೋಕ್ತಂ ಕಿಮನ್ಯಚ್ಛ್ರೋತುಮಿಚ್ಛಸಿ || ೧೬೭ ||
ಇತಿ ಶ್ರೀಚಿದಂಬರನಟತಂತ್ರೇ ಉಮಾಮಹೇಶ್ವರಸಂವಾದೇ ಶ್ರೀ ದಕ್ಷಿಣಾಮೂರ್ತಿ ಸಹಸ್ರನಾಮ ಸ್ತೋತ್ರಮ್ ||
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
