Read in తెలుగు / ಕನ್ನಡ / தமிழ் / देवनागरी / English (IAST)
ಪಾರ್ವತ್ಯುವಾಚ |
ನಮಸ್ತೇಽಸ್ತು ತ್ರಯೀನಾಥ ಪರಮಾನಂದಕಾರಕ |
ಕವಚಂ ದಕ್ಷಿಣಾಮೂರ್ತೇಃ ಕೃಪಯಾ ವದ ಮೇ ಪ್ರಭೋ || ೧ ||
ಈಶ್ವರ ಉವಾಚ |
ವಕ್ಷ್ಯೇಽಹಂ ದೇವದೇವೇಶಿ ದಕ್ಷಿಣಾಮೂರ್ತಿರವ್ಯಯಮ್ |
ಕವಚಂ ಸರ್ವಪಾಪಘ್ನಂ ವೇದಾಂತಜ್ಞಾನಗೋಚರಮ್ || ೨ ||
ಅಣಿಮಾದಿ ಮಹಾಸಿದ್ಧಿವಿಧಾನಚತುರಂ ಶುಭಮ್ |
ವೇದಶಾಸ್ತ್ರಪುರಾಣಾನಿ ಕವಿತಾ ತರ್ಕ ಏವ ಚ || ೩ ||
ಬಹುಧಾ ದೇವಿ ಜಾಯಂತೇ ಕವಚಸ್ಯ ಪ್ರಭಾವತಃ |
ಋಷಿರ್ಬ್ರಹ್ಮಾ ಸಮುದ್ದಿಷ್ಟಶ್ಛಂದೋಽನುಷ್ಟುಬುದಾಹೃತಮ್ || ೪ ||
ದೇವತಾ ದಕ್ಷಿಣಾಮೂರ್ತಿಃ ಪರಮಾತ್ಮಾ ಸದಾಶಿವಃ |
ಬೀಜಂ ವೇದಾದಿಕಂ ಚೈವ ಸ್ವಾಹಾ ಶಕ್ತಿರುದಾಹೃತಾ |
ಸರ್ವಜ್ಞತ್ವೇಽಪಿ ದೇವೇಶಿ ವಿನಿಯೋಗಂ ಪ್ರಚಕ್ಷತೇ || ೫ ||
ಧ್ಯಾನಮ್ –
ಅದ್ವಂದ್ವನೇತ್ರಮಮಲೇಂದುಕಳಾವತಂಸಂ
ಹಂಸಾವಲಂಬಿತ ಸಮಾನ ಜಟಾಕಲಾಪಮ್ |
ಆನೀಲಕಂಠಮುಪಕಂಠಮುನಿಪ್ರವೀರಾನ್
ಅಧ್ಯಾಪಯಂತಮವಲೋಕಯ ಲೋಕನಾಥಮ್ ||
ಕವಚಮ್ –
ಓಂ | ಶಿರೋ ಮೇ ದಕ್ಷಿಣಾಮೂರ್ತಿರವ್ಯಾತ್ ಫಾಲಂ ಮಹೇಶ್ವರಃ |
ದೃಶೌ ಪಾತು ಮಹಾದೇವಃ ಶ್ರವಣೇ ಚಂದ್ರಶೇಖರಃ || ೧ ||
ಕಪೋಲೌ ಪಾತು ಮೇ ರುದ್ರೋ ನಾಸಾಂ ಪಾತು ಜಗದ್ಗುರುಃ |
ಮುಖಂ ಗೌರೀಪತಿಃ ಪಾತು ರಸನಾಂ ವೇದರೂಪಧೃತ್ || ೨ ||
ದಶನಾಂ ತ್ರಿಪುರಧ್ವಂಸೀ ಚೋಷ್ಠಂ ಪನ್ನಗಭೂಷಣಃ |
ಅಧರಂ ಪಾತು ವಿಶ್ವಾತ್ಮಾ ಹನೂ ಪಾತು ಜಗನ್ಮಯಃ || ೩ ||
ಚುಬುಕಂ ದೇವದೇವಸ್ತು ಪಾತು ಕಂಠಂ ಜಟಾಧರಃ |
ಸ್ಕಂಧೌ ಮೇ ಪಾತು ಶುದ್ಧಾತ್ಮಾ ಕರೌ ಪಾತು ಯಮಾಂತಕಃ || ೪ ||
ಕುಚಾಗ್ರಂ ಕರಮಧ್ಯಂ ಚ ನಖರಾನ್ ಶಂಕರಃ ಸ್ವಯಮ್ |
ಹೃನ್ಮೇ ಪಶುಪತಿಃ ಪಾತು ಪಾರ್ಶ್ವೇ ಪರಮಪೂರುಷಃ || ೫ ||
ಮಧ್ಯಮಂ ಪಾತು ಶರ್ವೋ ಮೇ ನಾಭಿಂ ನಾರಾಯಣಪ್ರಿಯಃ |
ಕಟಿಂ ಪಾತು ಜಗದ್ಭರ್ತಾ ಸಕ್ಥಿನೀ ಚ ಮೃಡಃ ಸ್ವಯಮ್ || ೬ ||
ಕೃತ್ತಿವಾಸಾಃ ಸ್ವಯಂ ಗುಹ್ಯಾಮೂರೂ ಪಾತು ಪಿನಾಕಧೃತ್ |
ಜಾನುನೀ ತ್ರ್ಯಂಬಕಃ ಪಾತು ಜಂಘೇ ಪಾತು ಸದಾಶಿವಃ || ೭ ||
ಸ್ಮರಾರಿಃ ಪಾತು ಮೇ ಪಾದೌ ಪಾತು ಸರ್ವಾಂಗಮೀಶ್ವರಃ |
ಇತೀದಂ ಕವಚಂ ದೇವಿ ಪರಮಾನಂದದಾಯಕಮ್ || ೮ ||
ಜ್ಞಾನವಾಗರ್ಥದಂ ವೀರ್ಯಮಣಿಮಾದಿವಿಭೂತಿದಮ್ |
ಆಯುರಾರೋಗ್ಯಮೈಶ್ವರ್ಯಮಪಮೃತ್ಯುಭಯಾಪಹಮ್ || ೯ ||
ಪ್ರಾತಃ ಕಾಲೇ ಶುಚಿರ್ಭೂತ್ವಾ ತ್ರಿವಾರಂ ಸರ್ವದಾ ಜಪೇತ್ |
ನಿತ್ಯಂ ಪೂಜಾಸಮಾಯುಕ್ತಃ ಸಂವತ್ಸರಮತಂದ್ರಿತಃ || ೧೦ ||
ಜಪೇತ್ ತ್ರಿಸಂಧ್ಯಂ ಯೋ ವಿದ್ವಾನ್ ವೇದಶಾಸ್ತ್ರಾರ್ಥಪಾರಗಃ |
ಗದ್ಯಪದ್ಯೈಸ್ತಥಾ ಚಾಪಿ ನಾಟಕಾಃ ಸ್ವಯಮೇವ ಹಿ |
ನಿರ್ಗಚ್ಛಂತಿ ಮುಖಾಂಭೋಜಾತ್ಸತ್ಯಮೇತನ್ನ ಸಂಶಯಃ || ೧೧ ||
ಇತಿ ರುದ್ರಯಾಮಲೇ ಉಮಾಮಹೇಶ್ವರಸಂವಾದೇ ಶ್ರೀ ದಕ್ಷಿಣಾಮೂರ್ತಿ ಕವಚಮ್ ||
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ. ಇನ್ನಷ್ಟು ಶ್ರೀ ದಕ್ಷಿಣಾಮೂರ್ತಿ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
