Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀ ಭೈರವ ಉವಾಚ |
ಅಧುನಾ ದೇವಿ ವಕ್ಷ್ಯೇಽಹಂ ಕವಚಂ ಮಂತ್ರಗರ್ಭಕಮ್ |
ದುರ್ಗಾಯಾಃ ಸಾರಸರ್ವಸ್ವಂ ಕವಚೇಶ್ವರಸಂಜ್ಞಕಮ್ || ೧ ||
ಪರಮಾರ್ಥಪ್ರದಂ ನಿತ್ಯಂ ಮಹಾಪಾತಕನಾಶನಮ್ |
ಯೋಗಿಪ್ರಿಯಂ ಯೋಗಿಗಮ್ಯಂ ದೇವಾನಾಮಪಿ ದುರ್ಲಭಮ್ || ೨ ||
ವಿನಾ ದಾನೇನ ಮಂತ್ರಸ್ಯ ಸಿದ್ಧಿರ್ದೇವಿ ಕಲೌ ಭವೇತ್ |
ಧಾರಣಾದಸ್ಯ ದೇವೇಶಿ ಶಿವಸ್ತ್ರೈಲೋಕ್ಯನಾಯಕಃ || ೩ ||
ಭೈರವೀ ಭೈರವೇಶಾನೀ ವಿಷ್ಣುರ್ನಾರಾಯಣೋ ಬಲೀ |
ಬ್ರಹ್ಮಾ ಪಾರ್ವತಿ ಲೋಕೇಶೋ ವಿಘ್ನಧ್ವಂಸೀ ಗಜಾನನಃ || ೪ ||
ಸೇನಾನೀಶ್ಚ ಮಹಾಸೇನೋ ಜಿಷ್ಣುರ್ಲೇಖರ್ಷಭಃ ಪ್ರಿಯೇ |
ಸೂರ್ಯಸ್ತಮೋಽಪಹೋ ಲೋಕೇ ಚಂದ್ರೋಽಮೃತವಿಧಿಸ್ತಥಾ || ೫ ||
ಬಹುನೋಕ್ತೇನ ಕಿಂ ದೇವಿ ದುರ್ಗಾಕವಚಧಾರಣಾತ್ |
ಮರ್ತ್ಯೋಽಪ್ಯಮರತಾಂ ಯಾತಿ ಸಾಧಕೋ ಮಂತ್ರಸಾಧಕಃ || ೬ ||
ಕವಚಸ್ಯಾಸ್ಯ ದೇವೇಶಿ ಋಷಿಃ ಪ್ರೋಕ್ತೋ ಮಹೇಶ್ವರಃ |
ಛಂದೋಽನುಷ್ಟುಪ್ ಪ್ರಿಯೇ ದುರ್ಗಾ ದೇವತಾಽಷ್ಟಾಕ್ಷರಾ ಸ್ಮೃತಾ |
ಚಕ್ರಿಬೀಜಂ ಚ ಬೀಜಂ ಸ್ಯಾನ್ಮಾಯಾಶಕ್ತಿರಿತೀರಿತಾ || ೭ ||
ಓಂ ಮೇ ಪಾತು ಶಿರೋ ದುರ್ಗಾ ಹ್ರೀಂ ಮೇ ಪಾತು ಲಲಾಟಕಮ್ |
ದುಂ ನೇತ್ರೇಽಷ್ಟಾಕ್ಷರಾ ಪಾತು ಚಕ್ರೀ ಪಾತು ಶ್ರುತೀ ಮಮ || ೮ ||
ಮಂ ಠಂ ಗಂಡೌ ಚ ಮೇ ಪಾತು ದೇವೇಶೀ ರಕ್ತಕುಂಡಲಾ |
ವಾಯುರ್ನಾಸಾಂ ಸದಾ ಪಾತು ರಕ್ತಬೀಜನಿಷೂದಿನೀ || ೯ ||
ಲವಣಂ ಪಾತು ಮೇ ಚೋಷ್ಠೌ ಚಾಮುಂಡಾ ಚಂಡಘಾತಿನೀ |
ಭೇಕೀ ಬೀಜಂ ಸದಾ ಪಾತು ದಂತಾನ್ಮೇ ರಕ್ತದಂತಿಕಾ || ೧೦ ||
ಓಂ ಹ್ರೀಂ ಶ್ರೀಂ ಪಾತು ಮೇ ಕಂಠಂ ನೀಲಕಂಠಾಂಕವಾಸಿನೀ |
ಓಂ ಐಂ ಕ್ಲೀಂ ಪಾತು ಮೇ ಸ್ಕಂಧೌ ಸ್ಕಂದಮಾತಾ ಮಹೇಶ್ವರೀ || ೧೧ ||
ಓಂ ಸೌಃ ಕ್ಲೀಂ ಮೇ ಪಾತು ಬಾಹೂ ದೇವೇಶೀ ಬಗಲಾಮುಖೀ |
ಐಂ ಶ್ರೀಂ ಹ್ರೀಂ ಪಾತು ಮೇ ಹಸ್ತೌ ಶಿವಾಶತನಿನಾದಿನೀ || ೧೨ ||
ಸೌಃ ಐಂ ಹ್ರೀಂ ಪಾತು ಮೇ ವಕ್ಷೋ ದೇವತಾ ವಿಂಧ್ಯವಾಸಿನೀ |
ಓಂ ಹ್ರೀಂ ಶ್ರೀಂ ಕ್ಲೀಂ ಪಾತು ಕುಕ್ಷಿಂ ಮಮ ಮಾತಂಗಿನೀ ಪರಾ || ೧೩ ||
ಓಂ ಹ್ರೀಂ ಐಂ ಪಾತು ಮೇ ಪಾರ್ಶ್ವೇ ಹಿಮಾಚಲನಿವಾಸಿನೀ |
ಓಂ ಸ್ತ್ರೀಂ ಹ್ರೂಂ ಐಂ ಪಾತು ಪೃಷ್ಠಂ ಮಮ ದುರ್ಗತಿನಾಶಿನೀ || ೧೪ ||
ಓಂ ಕ್ರೀಂ ಹ್ರುಂ ಪಾತು ಮೇ ನಾಭಿಂ ದೇವೀ ನಾರಾಯಣೀ ಸದಾ |
ಓಂ ಐಂ ಕ್ಲೀಂ ಸೌಃ ಸದಾ ಪಾತು ಕಟಿಂ ಕಾತ್ಯಾಯನೀ ಮಮ || ೧೫ ||
ಓಂ ಹ್ರೀಂ ಶ್ರೀಂ ಪಾತು ಶಿಶ್ನಂ ಮೇ ದೇವೀ ಶ್ರೀಬಗಲಾಮುಖೀ |
ಐಂ ಸೌಃ ಕ್ಲೀಂ ಸೌಃ ಪಾತು ಗುಹ್ಯಂ ಗುಹ್ಯಕೇಶ್ವರಪೂಜಿತಾ || ೧೬ ||
ಓಂ ಹ್ರೀಂ ಐಂ ಶ್ರೀಂ ಹ ಸೌಃ ಪಾಯಾದೂರೂ ಮಮ ಮನೋನ್ಮನೀ |
ಓಂ ಜೂಂ ಸಃ ಸೌಃ ಜಾನು ಪಾತು ಜಗದೀಶ್ವರಪೂಜಿತಾ || ೧೭ ||
ಓಂ ಐಂ ಕ್ಲೀಂ ಪಾತು ಮೇ ಜಂಘೇ ಮೇರುಪರ್ವತವಾಸಿನೀ |
ಓಂ ಹ್ರೀಂ ಶ್ರೀಂ ಗೀಂ ಸದಾ ಪಾತು ಗುಲ್ಫೌ ಮಮ ಗಣೇಶ್ವರೀ || ೧೮ ||
ಓಂ ಹ್ರೀಂ ದುಂ ಪಾತು ಮೇ ಪಾದೌ ಪಾರ್ವತೀ ಷೋಡಶಾಕ್ಷರೀ |
ಪೂರ್ವೇ ಮಾಂ ಪಾತು ಬ್ರಹ್ಮಾಣೀ ವಹ್ನೌ ಪಾತು ಚ ವೈಷ್ಣವೀ || ೧೯ ||
ದಕ್ಷಿಣೇ ಚಂಡಿಕಾ ಪಾತು ನೈರೃತ್ಯೇ ನಾರಸಿಂಹಿಕಾ |
ಪಶ್ಚಿಮೇ ಪಾತು ವಾರಾಹೀ ವಾಯವ್ಯೇ ಮಾಪರಾಜಿತಾ || ೨೦ ||
ಉತ್ತರೇ ಪಾತು ಕೌಮಾರೀ ಚೈಶಾನ್ಯಾಂ ಶಾಂಭವೀ ತಥಾ |
ಊರ್ಧ್ವಂ ದುರ್ಗಾ ಸದಾ ಪಾತು ಪಾತ್ವಧಸ್ತಾಚ್ಛಿವಾ ಸದಾ || ೨೧ ||
ಪ್ರಭಾತೇ ತ್ರಿಪುರಾ ಪಾತು ನಿಶೀಥೇ ಛಿನ್ನಮಸ್ತಕಾ |
ನಿಶಾಂತೇ ಭೈರವೀ ಪಾತು ಸರ್ವದಾ ಭದ್ರಕಾಳಿಕಾ || ೨೨ ||
ಅಗ್ನೇರಂಬಾ ಚ ಮಾಂ ಪಾತು ಜಲಾನ್ಮಾಂ ಜಗದಂಬಿಕಾ |
ವಾಯೋರ್ಮಾಂ ಪಾತು ವಾಗ್ದೇವೀ ವನಾದ್ವನಜಲೋಚನಾ || ೨೩ ||
ಸಿಂಹಾತ್ ಸಿಂಹಾಸನಾ ಪಾತು ಸರ್ಪಾತ್ ಸರ್ಪಾಂತಕಾಸನಾ |
ರೋಗಾನ್ಮಾಂ ರಾಜಮಾತಂಗೀ ಭೂತಾದ್ಭೂತೇಶವಲ್ಲಭಾ || ೨೪ ||
ಯಕ್ಷೇಭ್ಯೋ ಯಕ್ಷಿಣೀ ಪಾತು ರಕ್ಷೋಭ್ಯೋ ರಾಕ್ಷಸಾಂತಕಾ |
ಭೂತಪ್ರೇತಪಿಶಾಚೇಭ್ಯಃ ಸುಮುಖೀ ಪಾತು ಮಾಂ ಸದಾ || ೨೫ ||
ಸರ್ವತ್ರ ಸರ್ವದಾ ಪಾತು ಓಂ ಹ್ರೀಂ ದುರ್ಗಾ ನವಾಕ್ಷರಾ |
ಇತ್ಯೇವಂ ಕವಚಂ ಗುಹ್ಯಂ ದುರ್ಗಾಸರ್ವಸ್ವಮುತ್ತಮಮ್ || ೨೬ ||
ಮಂತ್ರಗರ್ಭಂ ಮಹೇಶಾನಿ ಕವಚೇಶ್ವರಸಂಜ್ಞಕಮ್ |
ವಿತ್ತದಂ ಪುಣ್ಯದಂ ಪುಣ್ಯಂ ವರ್ಮ ಸಿದ್ಧಿಪ್ರದಂ ಕಲೌ || ೨೭ ||
ವರ್ಮ ಸಿದ್ಧಿಪ್ರದಂ ಗೋಪ್ಯಂ ಪರಾಪರರಹಸ್ಯಕಮ್ |
ಶ್ರೇಯಸ್ಕರಂ ಮನುಮಯಂ ರೋಗನಾಶಕರಂ ಪರಮ್ || ೨೮ ||
ಮಹಾಪಾತಕಕೋಟಿಘ್ನಂ ಮಾನದಂ ಚ ಯಶಸ್ಕರಮ್ |
ಅಶ್ವಮೇಧಸಹಸ್ರಸ್ಯ ಫಲದಂ ಪರಮಾರ್ಥದಮ್ || ೨೯ ||
ಅತ್ಯಂತಗೋಪ್ಯಂ ದೇವೇಶಿ ಕವಚಂ ಮಂತ್ರಸಿದ್ಧಿದಮ್ |
ಪಠನಾತ್ಸಿದ್ಧಿದಂ ಲೋಕೇ ಧಾರಣಾನ್ಮುಕ್ತಿದಂ ಶಿವೇ || ೩೦ ||
ರವೌ ಭೂರ್ಜೇ ಲಿಖೇದ್ಧೀಮಾನ್ ಕೃತ್ವಾ ಕರ್ಮಾಹ್ನಿಕಂ ಪ್ರಿಯೇ |
ಶ್ರೀಚಕ್ರಾಂಗೇಽಷ್ಟಗಂಧೇನ ಸಾಧಕೋ ಮಂತ್ರಸಿದ್ಧಯೇ || ೩೧ ||
ಲಿಖಿತ್ವಾ ಧಾರಯೇದ್ಬಾಹೌ ಗುಟಿಕಾಂ ಪುಣ್ಯವರ್ಧಿನೀಮ್ |
ಕಿಂ ಕಿಂ ನ ಸಾಧಯೇಲ್ಲೋಕೇ ಗುಟಿಕಾ ವರ್ಮಣೋಽಚಿರಾತ್ || ೩೨ ||
ಗುಟಿಕಾಂ ಧಾರಯನ್ಮೂರ್ಧ್ನಿ ರಾಜಾನಂ ವಶಮಾನಯೇತ್ |
ಧನಾರ್ಥೀ ಧಾರಯೇತ್ಕಂಠೇ ಪುತ್ರಾರ್ಥೀ ಕುಕ್ಷಿಮಂಡಲೇ || ೩೩
ತಾಮೇವ ಧಾರಯೇನ್ಮೂರ್ಧ್ನಿ ಲಿಖಿತ್ವಾ ಭೂರ್ಜಪತ್ರಕೇ |
ಶ್ವೇತಸೂತ್ರೇಣ ಸಂವೇಷ್ಟ್ಯ ಲಾಕ್ಷಯಾ ಪರಿವೇಷ್ಟಯೇತ್ || ೩೪ ||
ಸವರ್ಣೇನಾಥ ಸಂವೇಷ್ಟ್ಯ ಧಾರಯೇದ್ರಕ್ತರಜ್ಜುನಾ |
ಗುಟಿಕಾ ಕಾಮದಾ ದೇವಿ ದೇವನಾಮಪಿ ದುರ್ಲಭಾ || ೩೫ ||
ಕವಚಸ್ಯಾಸ್ಯ ಗುಟಿಕಾಂ ಧೃತ್ವಾ ಮುಕ್ತಿಪ್ರದಾಯಿನೀಮ್ |
ಕವಚಸ್ಯಾಸ್ಯ ದೇವೇಶಿ ಗುಣಿತುಂ ನೈವ ಶಕ್ಯತೇ || ೩೬ ||
ಮಹಿಮಾ ವೈ ಮಹಾದೇವಿ ಜಿಹ್ವಾಕೋಟಿಶತೈರಪಿ |
ಅದಾತವ್ಯಮಿದಂ ವರ್ಮ ಮಂತ್ರಗರ್ಭಂ ರಹಸ್ಯಕಮ್ || ೩೭ ||
ಅವಕ್ತವ್ಯಂ ಮಹಾಪುಣ್ಯಂ ಸರ್ವಸಾರಸ್ವತಪ್ರದಮ್ |
ಅದೀಕ್ಷಿತಾಯ ನೋ ದದ್ಯಾತ್ಕುಚೈಲಾಯ ದುರಾತ್ಮನೇ || ೩೮ ||
ಅನ್ಯಶಿಷ್ಯಾಯ ದುಷ್ಟಾಯ ನಿಂದಕಾಯ ಕುಲಾರ್ಥಿನಾಮ್ |
ದೀಕ್ಷಿತಾಯ ಕುಲೀನಾಯ ಗುರುಭಕ್ತಿರತಾಯ ಚ || ೩೯ ||
ಶಾಂತಾಯ ಕುಲಶಾಂತಾಯ ಶಾಕ್ತಾಯ ಕುಲವಾಸಿನೇ |
ಇದಂ ವರ್ಮ ಶಿವೇ ದದ್ಯಾತ್ಕುಲಭಾಗೀ ಭವೇನ್ನರಃ || ೪೦ ||
ಇದಂ ರಹಸ್ಯಂ ಪರಮಂ ದುರ್ಗಾಕವಚಮುತ್ತಮಮ್ |
ಗುಹ್ಯಂ ಗೋಪ್ಯತಮಂ ಗೋಪ್ಯಂ ಗೋಪನೀಯಂ ಸ್ವಯೋನಿವತ್ || ೪೧ ||
ಇತಿ ಶ್ರೀದೇವೀರಹಸ್ಯತಂತ್ರೇ ಶ್ರೀ ದುರ್ಗಾ ಕವಚಮ್ |
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
