Read in తెలుగు / ಕನ್ನಡ / தமிழ் / देवनागरी / English (IAST)
शरवणभव गुह शरवणभव गुह
शरवणभव गुह पाहि गुरो गुह ॥
अखिलजगज्जनिपालननिलयन
कारण सत्सुखचिद्घन भो गुह ॥ १ ॥
आगमनिगदितमङ्गलगुणगण
आदिपुरुषपुरुहूत सुपूजित ॥ २ ॥
इभवदनानुज शुभसमुदययुत
विभवकरम्बित विभुपदजृम्भित ॥ ३ ॥
ईतिभयापह नीतिनयावह
गीतिकलाखिलरीतिविशारद ॥ ४ ॥
उपपतिरिवकृतवल्लीसङ्गम –
कुपित वनेचरपतिहृदयङ्गम ॥ ५ ॥
ऊर्जितशासनमार्जितभूषण
स्फूर्जथुघोषण धूर्जटितोषण ॥ ६ ॥
ऋषिगणविगणितचरणकमलयुत
ऋजुसरणिचरित महदवनमहित ॥ ७ ॥
ॠकाराक्षररूप पुरातन
राकाचन्द्रनिकाश षडानन ॥ ८ ॥
लुकाररूपोपकारसुनिरत
विकाररहितापकारसुविरत ॥ ९ ॥
लूकाराकृति शोकापोहन
केकारवयुत केकिविनोदन ॥ १० ॥
एडकवाहन मूढविमोहन
ऊढसमभुवन सोढसदकरण ॥ ११ ॥
ऐलबिलादिदिगीशबलावृत
कैलासाचललीलालालस ॥ १२ ॥
ओजोरेजित तेजोराजित
आजिविराजदरात्यपराजित ॥ १३ ॥
औपनिषदपरमात्मपदोदित
औपाधिकविग्रहतामुपगत ॥ १४ ॥
अंहोनाशन रंहोगाहन
ब्रह्मोद्बोधन सिंहोन्मेषण ॥ १५ ॥
अस्तविशस्तसमस्तमहासुर
हस्तसततधृतशक्तिभृतामर ॥ १६ ॥
करुणाविग्रह कलितानुग्रह
कटुसुतिदुर्ग्रह पटुयतिसुग्रह ॥ १७ ॥
खण्डितचण्डमहासुरमण्डल-
मण्डितनिबिडश्यामलकुन्तल ॥ १८ ॥
गङ्गासम्भव गिरिशतनूभव
रङ्गपुरोभव तुङ्गकुचाधव ॥ १९ ॥
घनवाहनमुख सुरवरवन्दित
घननादोदित शिखिनटनन्दित ॥ २० ॥
ङवमानधनुर्मौर्वीरवरत
पवमानधृतव्यजनकृतिमुदित ॥ २१ ॥
चरणायुधधर करणावृतिहर
तरुणाकृतिवर करुणासागर ॥ २२ ॥
छेदित तारक भेदित पातक
खेदित घातक वाञ्छितदायक ॥ २३ ॥
जलजनिभनयन खलमनुजमथन
बलिदनुजमदन कलिकलुषशमन ॥ २४ ॥
झषकेतनसम वृषकेतनरम
मिषचेतनयम वृषकारिसुगम ॥ २५ ॥
ज्ञातागमचय धूताघनिचय
वीतषडरिरय गीतगुणोदय ॥ २६ ॥
टङ्कारागत कङ्कात्ताहित
झङ्काराढ्यालङ्कारावृत ॥ २७ ॥
ठाकृतिराजित हाटककुण्डल
स्वाकृतिरेजित घोटकमण्डल ॥ २८ ॥
डिम्भाकृतियुत रम्भानटरत
जम्भारिविनुत कुम्भोद्भवनुत ॥ २९ ॥
ढक्कारवकृत धिक्काराहित
दिक्कालामित हिक्कादिरहित ॥ ३० ॥
णकारतरुसुम निकाररतिदम
णकारयुतमनुजपविहितागम ॥ ३१ ॥
तापत्रयहर कालत्रयचर
लोकत्रयधर वर्गत्रयकर ॥ ३२ ॥
स्थिरपददायक सुरवरनायक
निरसितसायक निरुपमगायक ॥ ३३ ॥
दान्तदयापर कान्तकलेबर
भ्रान्तं मां तर शान्तहृदयवर ॥ ३४ ॥
धीरोदात्त गुणोत्तर जित्वर ।
धीरोपासित वित्तमहत्तर ॥ ३५ ॥
नववीराहित सवयोविहसित
भवरोगावृतमनुजजिहासित ॥ ३६ ॥
पुष्करमालावासितविग्रह
पुण्यपरायण विहितपरिग्रह ॥ ३७ ॥
फाललसन्मृगमदतिलकोज्ज्वल
कलिमलतूल सुवातूलातुल ॥ ३८ ॥
बन्दीकृतसुरबृन्दानन्दन
वन्दारु मनुज मन्दारद्रुम ॥ ३९ ॥
भवतागमितः कारागारं
प्रणवाविदितश्चतुरास्योरम् ॥ ४० ॥
महनीयमहावाक्योद्घोषित
कमनीयमहामकुटोद्भूषित ॥ ४१ ॥
योगिहृदयसरसीरुहभास्वर
योगाधीश्वर भोगविकस्वर ॥ ४२ ॥
रक्षोशिक्षणकृत्यविचक्षण
रक्षणदक्षकटाक्षनिरीक्षण ॥ ४३ ॥
लोलदुकूलाञ्चलवादाञ्चल
बालकुतूहल लीलापेशल ॥ ४४ ॥
वलवैरिसुताचरितापहसित
लवलीतिमता भवतो वनिता ॥ ४५ ॥
शूलायुधधर कालायुतहर
मालायुतभर हेलायुतकर ॥ ४६ ॥
षट्कोणस्थित षट्तारकसुत
षड्भावरहित षडूर्मिघातक ॥ ४७ ॥
सुब्रह्मण्योमिति निगमान्तो
वदति भवन्तं प्रणवपदार्थम् ॥ ४८ ॥
हारावलियुतकाराहृतसुर
धारारतहय नियुत नियुतरथ ॥ ४९ ॥
ललितकरकमल लुलितवरवलय
दलितासुरचय मिलितामरचय ॥ ५० ॥
क्षणभङ्गुरजगदुपपादनचण
वेदविनिश्चित तत्त्वजनावन ॥ ५१ ॥
नीलकण्ठकृत वर्णमालिका
प्रीतये भवतु पार्वतीभुवः ॥
इति नीलकण्ठकृत श्रीसुब्रह्मण्याक्षरमालिका स्तोत्रम् ।
इतर श्री सुब्रह्मण्य स्तोत्राणि पश्यतु ।
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
