Read in తెలుగు / ಕನ್ನಡ / தமிழ் / देवनागरी / English (IAST)
घटिकाचलशृङ्गाग्र विमानोदरवासिने ।
निखिलामरसेव्याय नरसिंहाय मङ्गलम् ॥ १ ॥
उदीचीरङ्गनिवसत् सुमनस्तोमसूक्तिभिः ।
नित्याभिवृद्धयशसे नरसिंहाय मङ्गलम् ॥ २ ॥
सुधावल्लीपरिष्वङ्गसुरभीकृतवक्षसे ।
घटिकाद्रिनिवासाय श्रीनृसिंहाय मङ्गलम् ॥ ३ ॥
सर्वारिष्टविनाशाय सर्वेष्टफलदायिने ।
घटिकाद्रिनिवासाय श्रीनृसिंहाय मङ्गलम् ॥ ४ ॥
महागुरुमनःपद्ममध्यनित्यनिवासिने ।
भक्तोचिताय भवतात् मङ्गलं शाश्वतीः समाः ॥ ५ ॥
श्रीमत्यै विष्णुचित्तार्यमनोनन्दन हेतवे ।
नन्दनन्दनसुन्दर्यै गोदायै नित्यमङ्गलम् ॥ ६ ॥
श्रीमन्महाभूतपुरे श्रीमत्केशवयज्वनः ।
कान्तिमत्यां प्रसूताय यतिराजाय मङ्गलम् ॥ ७ ॥
पादुके यतिराजस्य कथयन्ति यदाख्यया ।
तस्य दाशरथेः पादौ शिरसा धारयाम्यहम् ॥ ८ ॥
श्रीमते रम्यजामातृमुनीन्द्राय महात्मने ।
श्रीरङ्गवासिने भूयात् नित्यश्रीः नित्यमङ्गलम् ॥ ९ ॥
सौम्यजामातृयोगीन्द्र चरणाम्बुजषट्पदम् ।
देवराजगुरुं वन्दे दिव्यज्ञानप्रदं शुभम् ॥ १० ॥
वाधूलश्रीनिवासार्यतनयं विनयाधिकम् ।
प्रज्ञानिधिं प्रपद्येऽहं श्रीनिवासमहागुरुम् ॥ ११ ॥
चण्डमारुतवेदान्तविजयादिस्वसूक्तिभिः ।
वेदान्तरक्षकायास्तु महाचार्याय मङ्गलम् ॥ १२ ॥
इति श्री घटिकाचल योगनृसिंह मङ्गल स्तोत्रम् ।
इतर श्री नृसिंह स्तोत्राणि पश्यतु |
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
