Read in తెలుగు / ಕನ್ನಡ / தமிழ் / देवनागरी / English (IAST)
सरोजनेत्राय कृपायुताय मन्दारमालापरिभूषिताय ।
उदारहासाय लसन्मुखाय नमोऽस्तु गोपीजनवल्लभाय ॥ १ ॥
आनन्दनन्दादिकदायकाय बकीबकप्राणविनाशकाय ।
मृगेन्द्रहस्ताग्रजभूषणाय नमोऽस्तु गोपीजनवल्लभाय ॥ २ ॥
गोपाललीलाकृतकौतुकाय गोपालकाजीवनजीवनाय ।
भक्तैकगण्याय नवप्रियाय नमोऽस्तु गोपीजनवल्लभाय ॥ ३ ॥
मन्थानभाण्डाखिलभञ्जकाय हय्यङ्गवीनाशनरञ्जकाय ।
गोस्वादुदुग्धामृतपोषकाय नमोऽस्तु गोपीजनवल्लभाय ॥ ४ ॥
कलिन्दजाकूलकुतूहलाय किशोररूपाय मनोहराय ।
पिशङ्गवस्त्राय नरोत्तमाय नमोऽस्तु गोपीजनवल्लभाय ॥ ५ ॥
धाराधराभाय धराधराय शृङ्गारहारावलिशोभिताय ।
समग्रगर्गोक्तिसुलक्षणाय नमोऽस्तु गोपीजनवल्लभाय ॥ ६ ॥
उपेन्द्रकुम्भस्थलखण्डनाय उद्देशबृन्दावनमण्डनाय ।
हंसाय कंसासुरमर्दनाय नमोऽस्तु गोपीजनवल्लभाय ॥ ७ ॥
श्रीदेवकीसूतविमोक्षकाय दत्तोद्धवाक्रूरवरप्रदाय ।
गदासिशङ्खाब्जचतुर्भुजाय नमोऽस्तु गोपीजनवल्लभाय ॥ ८ ॥
इति श्रीहरिदासोदित श्रीगोपीजनवल्लभाष्टकम् ।
इतर श्री कृष्ण स्तोत्राणि पश्यतु ।
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
