Sri Gopijana Vallabha Ashtakam 2 – śrī gōpījanavallabhāṣṭakam 2

stōtranidhi → śrī kr̥ṣṇa stōtrāṇi → śrī gōpījanavallabhāṣṭakam 2

sarōjanētrāya kr̥pāyutāya
mandāramālāparibhūṣitāya |
udārahāsāya lasanmukhāya
namō:’stu gōpījanavallabhāya || 1 ||

ānandanandādikadāyakāya
bakībakaprāṇavināśakāya |
mr̥gēndrahastāgrajabhūṣaṇāya
namō:’stu gōpījanavallabhāya || 2 ||

gōpālalīlākr̥takautukāya
gōpālakājīvanajīvanāya |
bhaktaikagamyāya navapriyāya
namō:’stu gōpījanavallabhāya || 3 ||

manthānabhāṇḍākhilabhañjanāya
haiyyaṅgavīnāśanarañjanāya |
gōsvādudugdhāmr̥tapōṣitāya
namō:’stu gōpījanavallabhāya || 4 ||

kalindajākūlakutūhalāya
kiśōrarūpāya manōharāya |
piśaṅgavastrāya narōttamāya
namō:’stu gōpījanavallabhāya || 5 ||

dhārādharābhāya dharādharāya
śr̥ṅgārahārāvaliśōbhitāya |
samastagargōktisulakṣaṇāya
namō:’stu gōpījanavallabhāya || 6 ||

ibhēndrakumbhasthalakhaṇḍanāya
vidēśabr̥ndāvanamaṇḍanāya |
haṁsāya kaṁsāsuramardanāya
namō:’stu gōpījanavallabhāya || 7 ||

śrīdēvakīsūnuvimōkṣaṇāya
kṣattōddhavākrūravarapradāya |
gadāsiśaṅkhābjacaturbhujāya
namō:’stu gōpījanavallabhāya || 8 ||

iti śrīharidāsa kr̥ta śrī gōpījanavallabhāṣṭakam ||

---

See more śrī kr̥ṣṇa stōtrāṇi for chanting.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

Share this:

• Tweet
• 

Like this:

Like Loading...

Related