Sri Gopijana Vallabha Ashtakam 2 – శ్రీ గోపీజనవల్లభాష్టకం 2


సరోజనేత్రాయ కృపాయుతాయ మందారమాలాపరిభూషితాయ |
ఉదారహాసాయ లసన్ముఖాయ నమోఽస్తు గోపీజనవల్లభాయ || ౧ ||

ఆనందనందాదికదాయకాయ బకీబకప్రాణవినాశకాయ |
మృగేంద్రహస్తాగ్రజభూషణాయ నమోఽస్తు గోపీజనవల్లభాయ || ౨ ||

గోపాలలీలాకృతకౌతుకాయ గోపాలకాజీవనజీవనాయ |
భక్తైకగణ్యాయ నవప్రియాయ నమోఽస్తు గోపీజనవల్లభాయ || ౩ ||

మన్థానభాండాఖిలభంజకాయ హయ్యంగవీనాశనరంజకాయ |
గోస్వాదుదుగ్ధామృతపోషకాయ నమోఽస్తు గోపీజనవల్లభాయ || ౪ ||

కళిందజాకూలకుతూహలాయ కిశోరరూపాయ మనోహరాయ |
పిశంగవస్త్రాయ నరోత్తమాయ నమోఽస్తు గోపీజనవల్లభాయ || ౫ ||

ధారాధరాభాయ ధరాధరాయ శృంగారహారావళిశోభితాయ |
సమగ్రగర్గోక్తిసులక్షణాయ నమోఽస్తు గోపీజనవల్లభాయ || ౬ ||

ఉపేంద్రకుంభస్థలఖండనాయ ఉద్దేశబృందావనమండనాయ |
హంసాయ కంసాసురమర్దనాయ నమోఽస్తు గోపీజనవల్లభాయ || ౭ ||

శ్రీదేవకీసూతవిమోక్షకాయ దత్తోద్ధవాక్రూరవరప్రదాయ |
గదాసిశంఖాబ్జచతుర్భుజాయ నమోఽస్తు గోపీజనవల్లభాయ || ౮ ||

ఇతి శ్రీహరిదాసోదిత శ్రీగోపీజనవల్లభాష్టకమ్ |


మరిన్ని శ్రీ కృష్ణ స్తోత్రాలు చూడండి.


గమనిక: "శ్రీ లక్ష్మీ స్తోత్రనిధి" ముద్రణ పూర్తి అయినది. Click here to buy

Report mistakes and corrections in Stotranidhi content.

Facebook Comments

స్పందించండి

మీ ఈమెయిలు చిరునామా ప్రచురించబడదు.

error: Not allowed
%d bloggers like this: