Runa Hartru Ganesha Stotram – श्री ऋणहर्तृ गणेश स्तोत्रम्

 

अस्य श्री ऋणहर्तृ गणपति स्तोत्र मन्त्रस्य, सदाशिव ऋषिः, अनुष्टुप् छन्दः, श्रीऋणहर्तृगणपतिर्देवता, ग्लौं बीजं, गः शक्तिः, गों कीलकं, मम सकल ऋणनाशने जपे विनियोगः ।

ऋष्यादिन्यासः –
ओं सदाशिवर्षये नमः शिरसि ।
अनुष्टुप्छन्दसे नमः मुखे ।
श्रीऋणहर्तृगणेशदेवतायै नमः हृदि ।
ग्लौं बीजाय नमः गुह्ये ।
गः शक्तये नमः पादयोः ।
गों कीलकाय नमः सर्वाङ्गे ।

करन्यासः –
ओं गणेश अङ्गुष्ठाभ्यां नमः ।
ऋणं छिन्दि तर्जनीभ्यां नमः ।
वरेण्यं मध्यमाभ्यां नमः ।
हुं अनामिकाभ्यां नमः ।
नमः कनिष्ठिकाभ्यां नमः ।
फट् करतलकरपृष्ठाभ्यां नमः ।

षडङ्गन्यासः –
ओं गणेश हृदयाय नमः ।
ऋणं छिन्दि शिरसे स्वाहा ।
वरेण्यं शिखायै वषट् ।
हुं कवचाय हुम् ।
नमः नेत्रत्रयाय वौषट् ।
फट् अस्त्राय फट् ।

अथ ध्यानम् ।
सिन्दूरवर्णं द्विभुजं गणेशं
लम्बोदरं पद्मदले निविष्टम् ।
ब्रह्मादिदेवैः परिसेव्यमानं
सिद्धैर्युतं तं प्रणमामि देवम् ॥

सृष्ट्यादौ ब्रह्मणा सम्यक्पूजितः फलसिद्धये ।
सदैव पार्वतीपुत्रः ऋणनाशं करोतु मे ॥ १ ॥

त्रिपुरस्य वधात्पूर्वं शम्भुना सम्यगर्चितः ।
सदैव पार्वतीपुत्रः ऋणनाशं करोतु मे ॥ २ ॥

हिरण्यकश्यप्वादीनां वधार्थे विष्णुनार्चितः ।
सदैव पार्वतीपुत्रः ऋणनाशं करोतु मे ॥ ३ ॥

महिषस्य वधे देव्या गणनाथः प्रपूजितः ।
सदैव पार्वतीपुत्रः ऋणनाशं करोतु मे ॥ ४ ॥

तारकस्य वधात्पूर्वं कुमारेण प्रपूजितः ।
सदैव पार्वतीपुत्रः ऋणनाशं करोतु मे ॥ ५ ॥

भास्करेण गणेशो हि पूजितश्छविसिद्धये ।
सदैव पार्वतीपुत्रः ऋणनाशं करोतु मे ॥ ६ ॥

शशिना कान्तिवृद्ध्यर्थं पूजितो गणनायकः ।
सदैव पार्वतीपुत्रः ऋणनाशं करोतु मे ॥ ७ ॥

पालनाय च तपसां विश्वामित्रेण पूजितः ।
सदैव पार्वतीपुत्रः ऋणनाशं करोतु मे ॥ ८ ॥

इदं त्वृणहरस्तोत्रं तीव्रदारिद्र्यनाशनम् ।
एकवारं पठेन्नित्यं वर्षमेकं समाहितः ॥ ९ ॥

दारिद्र्यं दारुणं त्यक्त्वा कुबेरसमतां व्रजेत् ।
फडन्तोऽयं महामन्त्रः सार्थपञ्चदशाक्षरः ॥ १० ॥

ओं गणेश ऋणं छिन्दि वरेण्यं हुं नमः फट् ।
इमं मन्त्रं पठेदन्ते ततश्च शुचिभावनः ॥ ११ ॥

एकविंशतिसङ्ख्याभिः पुरश्चरणमीरितम् ।
सहस्रावर्तनात्सम्यक् षण्मासं प्रियतां व्रजेत् ॥ १२ ॥

बृहस्पतिसमो ज्ञाने धने धनपतिर्भवेत् ।
अस्यैवायुतसङ्ख्याभिः पुरश्चरणमीरितम् ॥ १३ ॥

लक्षमावर्तनात्सम्यग्वाञ्छितं फलमाप्नुयात् ।
भूतप्रेतपिशाचानां नाशनं स्मृतिमात्रतः ॥ १४ ॥

इति श्रीकृष्णयामलतन्त्रे उमामहेश्वरसंवादे ऋणहर्तृ गणेशस्तोत्रं सम्पूर्णम् ।


గమనిక: "శ్రీగణేశ స్తోత్రనిధి" పుస్తకము ముద్రణ చేయుటకు ఆలోచన చేయుచున్నాము..

Facebook Comments

You may also like...

Leave a Reply

Your email address will not be published.

error: Not allowed
%d bloggers like this: