Runa Vimochana Ganesha Stotram – śrī r̥ṇa vimōcana gaṇēśa stōtram

asya śrī r̥ṇahartr̥ gaṇapati stōtra mantrasya | sadāśiva r̥ṣiḥ | anuṣṭup chandaḥ | śrī r̥ṇahartr̥ gaṇapati dēvatā | gauṁ bījaṁ | gaṁ śaktiḥ | gōṁ kīlakaṁ | sakala r̥ṇanāśanē viniyōgaḥ |

śrī gaṇēśa | r̥ṇaṁ chindi | varēṇyaṁ | huṁ | namaḥ | phaṭ |
iti kara hr̥dayādi nyāsaḥ |

dhyānam
sindūravarṇaṁ dvibhujaṁ gaṇēśaṁ
lambōdaraṁ padmadalē niviṣṭaṁ
brahmādidēvaiḥ parisēvyamānaṁ
siddhairyutaṁ taṁ praṇamāmi dēvam ||

stōtraṁ

sr̥ṣṭyādau brahmaṇā samyakpūjitaḥ phalasiddhayē
sadaiva pārvatīputraḥ r̥ṇanāśaṁ karōtu mē || 1 ||

tripurasyavadhātpūrvaṁ śambhunā samyagarcitaḥ
sadaiva pārvatīputraḥ r̥ṇanāśaṁ karōtu mē || 2 ||

hiraṇyakaśyapādīnāṁ vadhārthē viṣṇunārcitaḥ
sadaiva pārvatīputraḥ r̥ṇanāśaṁ karōtu mē || 3 ||

mahiṣasyavadhē dēvyā gaṇanāthaḥ prapūjitaḥ
sadaiva pārvatīputraḥ r̥ṇanāśaṁ karōtu mē || 4 ||

tārakasya vadhātpūrvaṁ kumārēṇa prapūjitaḥ
sadaiva pārvatīputraḥ r̥ṇanāśaṁ karōtu mē || 5 ||

bhāskarēṇa gaṇēśōhi pūjitaśca viśuddhayē
sadaiva pārvatīputraḥ r̥ṇanāśaṁ karōtu mē || 6 ||

śaśinā kāntivr̥ddhyarthaṁ pūjitō gaṇanāyakaḥ
sadaiva pārvatīputraḥ r̥ṇanāśaṁ karōtu mē || 7 ||

pālanāya ca tapasāṁ viśvāmitrēṇa pūjitaḥ
sadaiva pārvatīputraḥ r̥ṇanāśaṁ karōtu mē || 8 ||

idaṁ r̥ṇaharaṁ stōtraṁ tīvradāridryanāśanaṁ
ēkavāraṁ paṭhēnnityaṁ varṣamēkaṁ samāhitaḥ || 9 ||

dāridryaṁ dāruṇaṁ tyaktvā kubēra samatāṁ vrajēt
paṭhantō:’yaṁ mahāmantraḥ sārtha pañcadaśākṣaraḥ || 10 ||

śrī gaṇēśaṁ r̥ṇaṁ chindi varēṇyaṁ huṁ namaḥ phaṭ
imaṁ mantraṁ paṭhēdantē tataśca śucibhāvanaḥ || 11 ||

ēkavimśati saṅkhyābhiḥ puraścaraṇamīritaṁ
sahasravartana samyak ṣaṇmāsaṁ priyatāṁ vrajēt || 12 ||

br̥haspati samō jñānē dhanē dhanapatirbhavēt
asyaivāyuta saṅkhyābhiḥ puraścaraṇa mīritaḥ || 13 ||

lakṣamāvartanāt samyagvāñchitaṁ phalamāpnuyāt
bhūta prēta piśācānāṁ nāśanaṁ smr̥timātrataḥ || 14 ||

iti śrīkr̥ṣṇayāmala tantrē umā mahēśvara saṁvādē r̥ṇahartr̥ gaṇēśa stōtraṁ samāptam ||


See more śrī gaṇēśa stōtrāṇi for chanting.

Facebook Comments

You may also like...

1 Response

  1. Ramu says:

    Meaning of firt sentences and 11th to down sentences

Leave a Reply

Your email address will not be published. Required fields are marked *

error: Not allowed
%d bloggers like this: