Chatusloki Stotram – चतुःश्लोकी स्तोत्रम्

by Stotra Nidhi Updated on January 9, 2020

सर्वदा सर्वभावेन भजनीयो व्रजाधिपः ।
स्वस्यायमेव धर्मो हि नान्यः क्वापि कदाचन ॥ १ ॥

एवं सदास्मत्कर्तव्यं स्वयमेव करिष्यति ।
प्रभुस्सर्वसमर्थो हि ततो निश्चिंततां व्रजेत् ॥ २ ॥

यदि श्रीगोकुलाधीशो धृतस्सर्वात्मना हृदि ।
ततः किमपरं ब्रूहि लौकिकैर्वैदिकैरपि ॥ ३ ॥

अतस्सर्वात्मना शश्वद्गोकुलेश्वरपादयोः ।
स्मरणं भजनं चापि न त्याज्यमिति मे मतिः ॥ ४ ॥

इति श्रीमद्वल्लभाचार्यविरचितं चतुःश्लोकी स्तोत्रम् ।

Facebook Comments