Sri Subrahmanya Aparadha Kshamapana Stotram – श्री सुब्रह्मण्य अपराधक्षमापण स्तोत्रम्


नमस्ते नमस्ते गुह तारकारे
नमस्ते नमस्ते गुह शक्तिपाणे ।
नमस्ते नमस्ते गुह दिव्यमूर्ते
क्षमस्व क्षमस्व समस्तापराधम् ॥ १ ॥

नमस्ते नमस्ते गुह दानवारे
नमस्ते नमस्ते गुह चारुमूर्ते ।
नमस्ते नमस्ते गुह पुण्यमूर्ते
क्षमस्व क्षमस्व समस्तापराधम् ॥ २ ॥

नमस्ते नमस्ते महेशात्मपुत्र
नमस्ते नमस्ते मयूरासनस्थ ।
नमस्ते नमस्ते सरोर्भूत देव
क्षमस्व क्षमस्व समस्तापराधम् ॥ ३ ॥

नमस्ते नमस्ते स्वयं ज्योतिरूप
नमस्ते नमस्ते परं ज्योतिरूप ।
नमस्ते नमस्ते जगं ज्योतिरूप
क्षमस्व क्षमस्व समस्तापराधम् ॥ ४ ॥

नमस्ते नमस्ते गुह मञ्जुगात्र
नमस्ते नमस्ते गुह सच्चरित्र ।
नमस्ते नमस्ते गुह भक्तमित्र
क्षमस्व क्षमस्व समस्तापराधम् ॥ ५ ॥

नमस्ते नमस्ते गुह लोकपाल
नमस्ते नमस्ते गुह धर्मपाल ।
नमस्ते नमस्ते गुह सत्यपाल
क्षमस्व क्षमस्व समस्तापराधम् ॥ ६ ॥

नमस्ते नमस्ते गुह लोकदीप
नमस्ते नमस्ते गुह बोधरूप ।
नमस्ते नमस्ते गुह गानलोल
क्षमस्व क्षमस्व समस्तापराधम् ॥ ७ ॥

नमस्ते नमस्ते महादेवसूनो
नमस्ते नमस्ते महामोहहारिन् ।
नमस्ते नमस्ते महारोगहारिन्
क्षमस्व क्षमस्व समस्तापराधम् ॥ ८ ॥

इति श्री सुब्रह्मण्य अपराधक्षमापण स्तोत्रम् ॥


इतर श्री सुब्रह्मण्य स्तोत्राणि पश्यतु ।

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed