Sri Shashti Devi Stotram – श्री षष्ठी देवि स्तोत्रम्

ध्यानम् ।
श्रीमन्मातरमम्बिकां विधिमनोजातां सदाभीष्टदां
स्कन्देष्टां च जगत्प्रसूं विजयदां सत्पुत्र सौभाग्यदां ।
सद्रत्नाभरणान्वितां सकरुणां शुभ्रां शुभां सुप्रभां
षष्ठांशां प्रकृतेः परं भगवतीं श्री देवसेनां भजे ॥

षष्ठांशां प्रकृतेः शुद्धां सुप्रतिष्टां च सुव्रतां
सुपुत्रदां च शुभदां दयारूपां जगत्प्रसूं ।
श्वेतचम्पकवर्णाभां रक्तभूषणभूषितां
पवित्ररूपां परमं देवसेना परां भजे ॥

स्तोत्रम् ।
नमो देव्यै महादेव्यै सिद्ध्यै शान्त्यै नमो नमः ।
शुभायै देवसेनायै षष्ठी देव्यै नमो नमः ॥ १ ॥

वरदायै पुत्रदायै धनदायै नमो नमः ।
सुखदायै मोक्षदायै षष्ठी देव्यै नमो नमः ॥ २ ॥

सृष्ट्यै षष्ठांशरूपायै सिद्धायै च नमो नमः ।
मायायै सिद्धयोगिन्यै षष्ठी देव्यै नमो नमः ॥ ३ ॥

सारायै शारदायै च परादेव्यै नमो नमः ।
बालादिष्टातृ देव्यै च षष्ठी देव्यै नमो नमः ॥ ४ ॥

कल्याणदायै कल्याण्यै फलदायै च कर्मणां ।
प्रत्यक्षायै सर्वभक्तानां षष्ठी देव्यै नमो नमः ॥ ५ ॥

पूज्यायै स्कन्दकान्तायै सर्वेषां सर्वकर्मसु ।
देवरक्षणकारिण्यै षष्ठी देव्यै नमो नमः ॥ ६ ॥

शुद्धसत्त्वस्वरूपायै वन्दितायै नृणां सदा ।
हिंसाक्रोधवर्जितायै षष्ठी देव्यै नमो नमः ॥ ७ ॥

धनं देहि प्रियां देहि पुत्रं देहि सुरेश्वरि ।
मानं देहि जयं देहि द्विषो जहि महेश्वरि ॥ ८ ॥

धर्मं देहि यशो देहि षष्ठी देवी नमो नमः ।
देहि भूमिं प्रजां देहि विद्यां देहि सुपूजिते ।
कल्याणं च जयं देहि षष्ठी देव्यै नमो नमः ॥ ९ ॥

फलशृति ।
इति देवीं च संस्तुत्य लभेत्पुत्रं प्रियव्रतं ।
यशश्विनं च राजेन्द्रं षष्ठी देवि प्रसादत ॥

षष्ठी स्तोत्रमिदं ब्रह्मान् यः शृणोति तु वत्सरं ।
अपुत्रो लभते पुत्रं वरं सुचिर जीवनम् ॥

वर्षमेकं च या भक्त्या संस्तुत्येदं शृणोति च ।
सर्वपापात्विनिर्मुक्ता महावन्ध्या प्रसूयते ॥

वीरं पुत्रं च गुणिनं विद्यावन्तं यशस्विनं ।
सुचिरायुष्यवन्तं च सूते देवि प्रसादतः ॥

काक वन्ध्या च या नारी मृतपत्या च या भवेत् ।
वर्षं शृत्वा लभेत्पुत्रं षष्ठी देवी प्रसादतः ॥

रोग युक्ते च बाले च पितामाता शृणोति चेत् ।
मासेन मुच्यते रोगान् षष्ठी देवी प्रसादतः ॥

जय देवि जगन्मातः जगदानन्दकारिणि ।
प्रसीद मम कल्याणि नमस्ते षष्ठी देवते ॥

श्री षष्ठी देवि स्तोत्रम् सम्पूर्णम् ॥


इतर देवी स्तोत्राणि पश्यतु ।


గమనిక: "శ్రీ శివ స్తోత్రనిధి" పుస్తకము ముద్రణ చేయుటకు ఆలోచన చేయుచున్నాము.

Facebook Comments

You may also like...

Leave a Reply

Your email address will not be published.

error: Not allowed
%d bloggers like this: