Read in తెలుగు / ಕನ್ನಡ / தமிழ் / देवनागरी / English (IAST)
पुन्नागवारिजात-
-प्रभृतिसुमस्रग्विभूषितग्रीवः ।
पुरगर्वमर्दनचणः
पुरतो मम भवतु दक्षिणामूर्तिः ॥ १ ॥
पूजितपदाम्बुजातः
पुरुषोत्तमदेवराजपद्मभवैः ।
पूगप्रदः कलानां
पुरतो मम भवतु दक्षिणामूर्तिः ॥ २ ॥
हालाहलोज्ज्वलगलः
शैलादिप्रवरगणैर्वीतः ।
कालाहङ्कृतिदलनः
पुरतो मम भवतु दक्षिणामूर्तिः ॥ ३ ॥
कैलासशैलनिलयो
लीलालेशेन निर्मिताजाण्डः ।
बालाब्जकृतावतंसः
पुरतो मम भवतु दक्षिणामूर्तिः ॥ ४ ॥
चेलाजितकुन्ददुग्धो
लोलः शैलाधिराजतनयायाम् ।
फालविराजद्वह्निः
पुरतो मम भवतु दक्षिणामूर्तिः ॥ ५ ॥
न्यग्रोधमूलवासी
न्यक्कृतचन्द्रो मुखाम्बुजातेन ।
पुण्यैकलभ्यचरणः
पुरतो मम भवतु दक्षिणामूर्तिः ॥ ६ ॥
मन्दार आनततते-
-र्बृन्दारकबृन्दवन्दितपदाब्जः ।
वन्दारुपूर्णकरुणः
पुरतो मम भवतु दक्षिणामूर्तिः ॥ ७ ॥
मुक्तामालाभूष-
-स्त्यक्ताशप्रवरयोगिभिः सेव्यः ।
भक्ताखिलेष्टदायी
पुरतो मम भवतु दक्षिणामूर्तिः ॥ ८ ॥
मुद्रामालामृतघट-
-पुस्तकराजत्कराम्भोजः ।
मुक्तिप्रदाननिरतः
पुरतो मम भवतु दक्षिणामूर्तिः ॥ ९ ॥
स्तोकार्चनपरितुष्टः
शोकापहपादपङ्कजस्मरणः ।
लोकावनकृतदीक्षः
पुरतो मम भवतु दक्षिणामूर्तिः ॥ १० ॥
इति श्रीसच्चिदानन्दशिवाभिनवनृसिंहभारती स्वामिभिः विरचितं श्री दक्षिणामूर्ति दशकम् ।
इतर श्री शिव स्तोत्राणि पश्यतु । इतर श्री दक्षिणामूर्ति स्तोत्राणि पश्यतु ।
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
