Read in తెలుగు / ಕನ್ನಡ / தமிழ் / देवनागरी / English (IAST)
देव्युवाच ।
देवदेव जगन्नाथ त्रिनाथ श्रीत्रिलोचन ।
भवत् प्रसादाद्भगवन् भैरवस्य महात्मनः ।
कवचं श्रोतुमिच्छामि त्वत्स्नेहातिशयादहम् ॥ १ ॥
शिव उवाच ।
प्राणिनां रक्षणार्थं च ब्रवीमि सुमुखे गुणान् ।
वर्मणो भैरवस्यास्य शिवब्रह्मा ऋषिः स्मृतः ॥ २ ॥
छन्दोऽनुष्टुप् तथा देवो भैरवो बटुकात्मजः ।
ऐश्वर्यस्याभिवृद्ध्यर्थमिष्टार्थं च नियुज्यते ॥ ३ ॥
ध्यानम् –
शूलखड्गडमरूलसत्करं
सव्यहस्तमपरं करोज्ज्वलम् ।
सन्ततं हृदि भजामि भैरवं
स्वाधिरूढमधिकारसिद्धये ॥ ४ ॥
दिग्वाससं कमलपत्रविशालनेत्रं
भस्माङ्गरागमभयं प्रभुमादिदेवम् ।
ध्यायामि तं बटुकनाथमहर्निशं मे
सर्वार्थसिद्धिमतुलां कृपया दिशन्तम् ॥ ५ ॥
एवं ध्यात्वा तु देवेशं बटुकाख्यं महाबलम् ।
उच्चरेत्कवचं पश्चाद्देवताभीष्टसिद्धिदम् ॥ ६ ॥
कवचं –
शिरो मे भैरवः पातु भालं पुरनिषूदनः ।
दृशौ पातु त्रिनेत्रो मे श्रवणं नीलकण्ठकः ॥ ७ ॥
दिग्वासा मे पातु कण्ठं नासिकाभगकन्यभाक् ।
ओष्ठौ त्रिपुरघाती मे जिह्वां पातु कपालधृक् ॥ ८ ॥
दन्तान् पातु क्रतुध्वंसी चिबुकं भूतवासकः ।
कपाली पातु मे ग्रीवां स्कन्धौ पातु गजान्तकः ॥ ९ ॥
भुजौ मे पातु कौमारो हृदयं क्षेत्रपालकः ।
अभीरुर्मे स्तनौ पातु वक्षः पातु महेश्वरः ॥ १० ॥
कुक्षौ मे पातु संहर्ता नाभिं मे षण्मुखप्रियः ।
भूतनाथः कटिं पातु गुह्यं पातु जटाधरः ॥ ११ ॥
ऊरू पातु वृषारूढो जानुनी भूतभावनः ।
श्मशानवासी मे पातु पातु सर्वाङ्गमीश्वरः ॥ १२ ॥
फलश्रुतिः –
य इदं कवचं देवि पठेत् प्रयतमानसः ।
तस्यैश्वर्याभिवृद्ध्यर्थमिष्टान्नं च ददाम्यहम् ॥ १३ ॥
रोगार्तो मुच्यते रोगात्पुत्रार्थी लभते सुतान् ।
जपित्वा श्रद्धया कन्या आयुष्मन्तं पतिं लभेत् ॥ १४ ॥
विद्याविनयसम्पन्नं सुकुलीनं सुरूपिणम् ।
जपित्वा विधवा नारी वैधव्यं नाप्नुयात्क्वचित् ॥ १५ ॥
जपित्वा कवचं प्रातर्मुच्यते नात्र संशयः ।
नास्ति तस्यापमृत्युश्चाकालमृत्युः कदाचन ॥ १६ ॥
इहलोके सुखं भुक्त्वा पुत्रपौत्रैः सुबान्धवैः ।
अन्ते कैलासमाविश्य मम पादतलं व्रजेत् ।
तस्मात्सर्वप्रयत्नेन जपेन्नित्यमतन्द्रितः ॥ १७ ॥
ये भक्तियुक्ताः कवचं पठन्ति
ते वै कुले स्वे कुलिनो वसन्ति ।
तेजोऽधिकं विंशतिसङ्ख्यया दिने
कैलासमाप्नोति मम प्रसादात् ॥ १८ ॥
एतत्ते कथितं देवि यन्मां त्वं परिपृच्छसि ।
त्वत्स्नेहातिशयादुक्तं कवचं भैरवात्मकम् ॥ १९ ॥
इति श्री बटुकभैरव कवचम् ॥
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
