Read in తెలుగు / ಕನ್ನಡ / தமிழ் / देवनागरी / English (IAST)
नामस्मरणादन्योपायं न हि पश्यामो भवतरणे ।
राम हरे कृष्ण हरे तव नाम वदामि सदा नृहरे ॥
वेदोद्धारविचारमते सोमकदानवसंहरणे ।
मीनाकारशरीर नमो हरिभक्तं ते परिपालय माम् ॥ १ ॥
मन्थानाचलधारणहेतो देवासुरपरिपालन भो ।
कूर्माकारशरीर नमो हरिभक्तं ते परिपालय माम् ॥ २ ॥
भूचोरकहर पुण्यमते क्रीडोद्धृतभूदेश हरे ।
क्रोडाकारशरीर नमो हरिभक्तं ते परिपालय माम् ॥ ३ ॥
हिरण्यकशिपुच्छेदनहेतो प्रह्लादाऽभयधारणहेतो ।
नरसिंहाच्युतरूप नमो हरिभक्तं ते परिपालय माम् ॥ ४ ॥
बलिमदभञ्जन विततमते पादोद्वयकृतलोककृते ।
वटुपटुवेषमनोज्ञ नमो हरिभक्तं ते परिपालय माम् ॥ ५ ॥
क्षितिपतिवंशसम्भवमूर्ते क्षितिपतिरक्षाक्षतमूर्ते ।
भृगुपतिरामवरेण्य नमो हरिभक्तं ते परिपालय माम् ॥ ६ ॥
सीतावल्लभ दाशरथे दशरथनन्दन लोकगुरो ।
रावणमर्दन राम नमो हरिभक्तं ते परिपालय माम् ॥ ७ ॥
कृष्णानन्त कृपाजलधे कंसारे कमलेश हरे ।
कालियमर्दन कृष्ण नमो हरिभक्तं ते परिपालय माम् ॥ ८ ॥
त्रिपुरसतीमानविहरणा त्रिपुरविजयमार्गणरूपा ।
शुद्धज्ञानविबुद्ध नमो हरिभक्तं ते परिपालय माम् ॥ ९ ॥
शिष्टजनावन दुष्टहर खगतुरगोत्तमवाहन ते ।
कल्किरूपपरिपाल नमो हरिभक्तं ते परिपालय माम् ॥ १० ॥
नामस्मरणादन्योपायं न हि पश्यामो भवतरणे ।
राम हरे कृष्ण हरे तव नाम वदामि सदा नृहरे ॥
इति दशावतार स्तोत्रम् ।
इतर श्री विष्णु स्तोत्राणि पश्यतु ।
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
