Read in తెలుగు / ಕನ್ನಡ / தமிழ் / देवनागरी / English (IAST)
देव्युवाच ।
बगला शतनामानि कथ्यन्तां मे कृपानिधे ।
यन्नोक्तमन्यतन्त्रेषु अधुना कथय प्रभो ॥ १ ॥
अस्य श्रीबगलादेव्याः शतनामस्तोत्रस्य श्रीसदाशिव ऋषिर्गायत्रीछन्दः श्रीबगलामुखी देवता धर्मार्थकाममोक्षार्थ सिद्धये विनियोगः ॥
ईश्वर उवाच ।
वशिनी वशपूज्या च वलिका वसुदा वसुः ।
वाग्वादिनी वयोरूपा बलाबलवती तथा ॥ २ ॥
विषमा विकटा वेधा विशाला विमना विधिः ।
विद्या च वेदरूपा च बन्ध्या च वेषधारिणी ॥ ३ ॥
वेणी च विकटा वेश्या नानावेषपरिच्छदा ।
वयोरूपा च वृद्धा विकला वसुमतीति च ॥ ४ ॥
बगला वामनी देवी विष्णुपूज्या विनोदिनी ।
वैष्णवी शिष्टमाता च वाराही ब्राह्मणी वरा ॥ ५ ॥
बलाबलवती बाला विधेश्च परिपूजिता ।
विशिष्टा ब्रह्मपूज्या च नानावेषविनोदिनी ॥ ६ ॥
वैकुण्ठरूपिणी ब्राह्मी विधिपूज्या विधुन्तुदा ।
वल्लभा बलरूपा च अशेषबलधारिणी ॥ ७ ॥
वेदज्ञा वेदमाता च विशालनयनोज्ज्वला ।
वेदमाता विमाता च वेदगर्भा विमोक्षणी ॥ ८ ॥
विरूपाक्षी बला बाली कृष्णविमलरूपिणी ।
वाराही च वलाका च वलिनी वर्णरूपिणी ॥ ९ ॥
गन्धिनी गन्धरूपा च गयागङ्गाप्रभा तथा ।
गोवर्धनी च गोविन्दपूजिता च गदाधरी ॥ १० ॥
गहना गुह्यरूपा च गोरूपा गोकुलेश्वरी ।
गोलोकवासिनी चैव नित्या गोलोकरूपिणी ॥ ११ ॥
गरिमा च गरिष्ठा नित्या गोवर्धनरूपिणी ।
गङ्गाधरी च गोविन्दा गोविन्दपूजिता गदा ॥ १२ ॥
गहना गुह्यरूपा च तथैव गन्धरूपिणी ।
गणार्हा गानदा गानरूपिणी गणमोहिनी ॥ १३ ॥
नीलमाला मनोन्मत्ता ललज्जिह्वा ललाटिनी ।
आनन्दरूपिणी आद्या आचार्या चांशुरूपिणी ॥ १४ ॥
मूर्तिश्च मुख्यरूपा च महामोक्षप्रदायिनी ।
खेलत् खञ्जनगामी च खेला खलखला तथा ॥ १५ ॥
ईश्वरी ईश्वराराध्या अकार ओंस्वरूपिणी ।
वर्णा च बगलामुख्याः शतनाम इतीरितम् ॥ १६ ॥
अष्टोत्तरशतं नाम यः पठेन्नित्यमुत्तमम् ।
सर्वसिद्धीश्वरो भूत्वा देवीपुत्रो भवेत्तु सः ॥ १७ ॥
त्रिसन्ध्यं यः पठेन्नित्यं तस्य सिद्धिः प्रजायते ।
नान्यथा फलभागीस्यात् कल्पकोटिशतैरपि ॥ १८ ॥
इति श्रीकालीविलासतन्त्रे षोडशपटले श्री बगलामुखी अष्टोत्तरशतनाम स्तोत्रम् ॥
మా తదుపరి ప్రచురణ: తెలుగు తాత్పర్యాలతో "శ్రీ బగళాముఖీ స్తోత్రనిధి" పుస్తకము ముద్రించుటకు ఆలోచన చేయుచున్నాము.
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
