Read in తెలుగు / ಕನ್ನಡ / தமிழ் / देवनागरी / English (IAST)
शक्तिस्वरूपाय शरोद्भवाय
शक्रार्चितायाथ शचीस्तुताय ।
शमाय शम्भुप्रणवार्थदाय
शकाररूपाय नमो गुहाय ॥ १ ॥
रणन्मणिप्रोज्ज्वलमेखलाय
रमासनाथप्रणवार्थदाय ।
रतीशपूज्याय रविप्रभाय
रकाररूपाय नमो गुहाय ॥ २ ॥
वराय वर्णाश्रमरक्षकाय
वरत्रिशूलाभयमण्डिताय ।
वलारिकन्यासुकृतालयाय
वकाररूपाय नमो गुहाय ॥ ३ ॥
नगेन्द्रकन्येश्वरतत्त्वदाय
नगाधिरूढाय नगार्चिताय ।
नगासुरघ्नाय नगालयाय
नकाररूपाय नमो गुहाय ॥ ४ ॥
भवाय भर्गाय भवात्मजाय
भस्मायमानाद्भुतविग्रहाय ।
भक्तेष्टकामप्रदकल्पकाय
भकाररूपाय नमो गुहाय ॥ ५ ॥
वल्लीवलारातिसुतार्चिताय
वराङ्गरागाञ्चितविग्रहाय ।
वल्लीकराम्भोरुहमर्दिताय
वकाररूपाय नमो गुहाय ॥ ६ ॥
इति श्रीशरवणभवमन्त्राक्षरषट्कम् ।
इतर श्री सुब्रह्मण्य स्तोत्राणि पश्यतु ।
గమనిక: ఇటివలి ప్రచురణలు "శ్రీ కృష్ణ స్తోత్రనిధి" మరియు "శ్రీ ఆంజనేయ స్తోత్రనిధి"
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
